На локалните избори ќе победи владината коалиција, изјави премиерот Христијан Мицкоски во вечерашното интервју за Алсат М.

– Од тоа што го гледам во бројките и од анкетите, победува владината коалиција – нагласи Мицкоски.

Прашан за одлуката на Левица да оди на избори со свои кандидати во Тетово, Гостивар и Струга, со образложение дека не ја забораваат западна Македонија, тој кажа дека со тоа Левица ја спасува ДУИ.

– Во изборниот процес учествувате за да победите. Левица кажа дека не ја забораваат западна Македонија и ќе имаат кандидати во Тетово, Гостивар и Струга. Но, зошто и во другите општини во западна Македонија немаат свои кандидати. Ако знаете дека нема да победите, а кандидирате кандидат, тогаш сте или нефер кон кандидатот или имате друг политички договор вие да бидете прокси кандидат, а да победи некој друг – рече Мицкоски.

Тој се осврна и на тоа зошто ВМРО-ДПМНЕ и коалицијата ќе имаат кандидат за градоначалник во Кичево, но не и во Тетово, Гостивар и Струга.

– Во Кичево мислиме дека ќе победиме, а во Тетово, Гостивар и Струга и во други општини каде сметаме дека не можеме да победиме и нема да имаме свој кандидат, и затоа ќе го поддржиме коалицискиот партнер, изјави Мицкоски.

Во однос на ДУИ тој ги отфрли тврдењата дека со критиките за криминал и корупција го крева нејзиниот рејтинг. Прашан дали по обвинувањата за криминал и корупција има приведени членови на ДУИ, рече дека има 20-тина кривични пријави против високи функционери на ДУИ, но зошто не се процесуирани и се на слобода за тоа одлучуваат обвинителството и судот, а не Владата.

Мицкоски потсети на неговата изјава дека ДУИ ќе оди во опозиција и тоа навистина се случи и тие веќе 15 месеци се во опозиција.

За обвинувањата дека за сè е виновна претходната власт, кажа дека тоа се луѓето кои седум години го уништуваа системот, ги клекнаа институциите на колена и го направија најголемиот грабеж во историјата, и тоа не може да се поправи за 15 месеци, иако оваа влада досега успеа да поправи многу.

– Не можеме наеднаш да поправиме се што со децении било уништувано. Направивме многу, а уште повеќе останува да се направи. Ние сме единствената влада која привела министер од сопствените редови, тоа не се случило никому, а знаеме дека голем е бројот на министри кои учествувале во такви девијантни однесувања во минатото. Ветувавме чесна и напорна работа, и тоа го правиме во изминатите 15 месеци. Нема скандали на грабеж, криминал, на висока корупција, како што имаше во изминатите години на дневна основа – изјави премиерот Мицкоски.

За тоа дали актуелната власт е одговорна, како што нагласи, ќе решат граѓаните на избори.

The post НА ЛОКАЛНИТЕ ИЗБОРИ ЌЕ ПОБЕДИ ВЛАДИНАТА КОАЛИЦИЈА, СИГУРЕН Е ПРЕМИЕРОТ Ако не верувате, погледнете ги анкетите, порача Мицкоски appeared first on plusinfo.mk.

Германската репрезентација вечерва во Рига ја победи Турција во финалето на Европското кошаркарско првенство — 88:83 (24:22, 16:24, 26:21, 22:16).

Најефикасен играч во германскиот тим беше Исак Бонга, кој постигна 20 поени, имаше пет скока и три асистенции.

Најдобар во поразената селекција беше Алперен Шенгун — 28 поени, 3 скока, 3 асистенции.

Овој трофеј на Евробаскетот е втор во историјата на Германија. Претходно, Германците го освоија златото на домашното Европско првенство во 1993 година.

Во натпреварот за третото место Грција ја совлада Финска со 92:89.

The post 📷 ГЕРМАНИЈА Е НОВИОТ ЕВРОПСКИ ШАМПИОН Турција е поразена во Рига appeared first on plusinfo.mk.

Шпанецот Карлос Алкараз ја освои својата втора титула на „Ролан Гарос“ и тоа по ред, откако денеска во маратонското спектакуларно финале го победи Јаник Синер за 5 часа и 29 минути игра со 4:6, 6:7(4), 6:4, 7:6(3), 7:6(10-2).

Алкараз стана 15-тиот играч во Опен ерата со пет титули на Гренд слем турнирите и четвртиот во 21 век, по Новак Ѓоковиќ (24), Рафаел Надал (22) и Роџер Федерер (20). Претходно ги освои Отвореното првенство на САД во 2022 година, Вимблдон (2023, 2024) и Ролан Гарос (2024).

22-годишниот Шпанец стана третиот најмлад играч со пет титули од Гренд слем турнирите, по Бјорн Борг и Рафаел Надал. Алкараз е исто така првиот играч роден во 21 век кој освоил 20 титули на главните турнири.

Ова е 22-ра победа на Алкараз на земјена подлога оваа година, а единствениот пораз му е во финалето во Барселона.

Интересно е и тоа што ова беше најдолгото финале во историјата на турнирот. Претходниот рекорд беше поставен во 1982 година, кога финалето пмеѓу Матс Виландер и Гилермо Вилас траеше 4 часа и 42 минути.

The post АЛКАРАЗ ГО ОДБРАНИ „РОЛАН ГАРОС“ Се играше најдолгото финале на турнирот во историјата appeared first on plusinfo.mk.

Победниците на Евровизија не добиваат парична награда туку рачно изработен трофеј од стакло, кој е во форма на микрофон и има пескарени детали. Авторите и композиторите на песната исто така добиваат помала верзија од трофејот.

Победата на 24-годишниот Џеј Џеј ѝ донесе главоболки на Австрија која треба да обезбеди десетици милиони евра за организирање на следното евровизиско издание.

Но, победата значи многу за кариерата на музичарите. За Италијанците Манескин кои победија во 2021 година тоа беше отскочна фаска да настапат на светски фестивали, меѓу кои и Glastonbury во 2023 година.

Сепак, некои држави решаваат дополнително да ги наградат своите претставници. Така, по победата на Кончита Вурст во 2014 година, австриската влада ѝ додели 2,5 милиони евра.

The post ПОБЕДНИЦИТЕ НА ЕВРОВИЗИЈА НЕ ДОБИВААТ ПАРИ? Стаклен трофеј и пат до светските бини appeared first on plusinfo.mk.

Американскиот претседател Доналд Трамп даде изјава на социјалната мрежа „Truth Social“ за време на Самитот во Лондон на кој се одлучува за судбината на Украина.

„Сега Зеленски нема да има друг избор освен да попушти и да ги прифати условите на Трамп. Но, тука е генијалниот дел – Трамп всушност ја штити Украина без да ги вовлече САД во војна“.

The post „ВО ОВАА ПАРТИЈА ШАХ ТРАМП Е 10 ЧЕКОРИ НАПРЕД“ Прва објава на претседателот на САД по Самитот во Лондон appeared first on plusinfo.mk.

Ако биде избран на изборите на 23 февруари, 69-годишниот Мерц ќе биде најстариот германски канцелар при стапување на функцијата по Конрад Аденауер, кој во 1949 година ја презеде оваа улога на 73-годишна возраст. Канцеларот Шолц и неговиот предизвикувач Мерц – двајца правници, но целосно различни типови. Високиот политичар од ЦДУ привлекува внимание уште при влегувањето во просторија или на сцена. Во директен контакт делува пристапно и дури има и смисла за хумор, но честопати, кога се наведнува кон соговорниците, тоа не остава секогаш најдобар впечаток.

Две политички кариери – пред и по Меркел

Мерц всушност има две политички кариери – една пред германската канцеларка од ЦДУ, Ангела Меркел, и една по неа. Кога Меркел ја презеде власта во пратеничката група во 2002 година и стана канцеларка во 2005 година, значително поконзервативниот Мерц се повлече и со години беше отсутен од политиката.

Надвор од политиката, во деловниот свет

Уште во 2001 година тој се споменуваше како можен кандидат за канцелар на изборите во 2002 година. Но, тогаш Унијата го избра баварскиот политичар од ЦСУ, Едмунд Штојбер, кој се соочи со канцеларот од СПД, Герхард Шредер – и не успеа. По ова, Мерц постепено се оддалечи од политиката и повторно почна да работи како правник. Во 2009 година, не се кандидираше за Бундестагот.

Кој е всушност Фридрих Мерц, човекот што некогаш изгуби од Меркел, а потоа се врати толку доцна? Тој е католик и правник, како и неговиот татко, роден во регионот Зауерланд во западна Германија. Сè уште живее недалеку од местото каде што е роден. На 33-годишна возраст, во 1989 година, беше избран за пратеник во Европскиот парламент, каде што остана пет години. Потоа, во 1994 година, премина во германскиот Бундестаг, каде што брзо се истакна како одличен и остар говорник. Неговите зборови имаа тежина во партијата.

Подем во деловниот свет

Неговото повлекување од политиката му донесе успех во деловниот свет. Од 2005 до 2021 година беше дел од меѓународна адвокатска фирма и зазема водечки позиции во надзорни и управни одбори. Од 2016 до 2020 година, беше претседател на Надзорниот одбор на најголемиот светски управител на имот – Блекрок (BlackRock) во Германија.

По најавата на Меркел дека ќе се повлече од политиката во 2021 година, Мерц се врати и постепено напредуваше. По неговиот трет обид, во 2022 година беше избран за претседател на ЦДУ. Долги години беше познат како економски либерален претставник на конзервативното крило на ЦДУ.

Контроверзни ставови за миграцијата и културните прашања

Мерц уште во 1990-тите гласаше против либерализацијата на законот за абортус и против предимплантациската дијагностика. Во 1997 година, кога парламентот го криминализираше силувањето во брак, тој се спротивстави на таа формулација.

Тој секогаш поддржуваше употреба на нуклеарна енергија и бараше подинамична економска политика со помалку бирократија. Пред речиси 25 години, предупреди за последиците од германската миграциона политика, зборувајќи за „проблеми со странците“ и инсистирајќи на концептот за „водечка култура“.

Некои од тие теми повторно ги актуелизира во променетиот политички и општествен контекст. На почетокот на 2023 година, се пожали на недостаток на интеграција во Германија. Во емисијата „Маркус Ланц” на телевизијата ЗДФ изјави дека во земјата има „луѓе кои всушност немаат што да бараат во Германија, но кои подолго време ги трпиме, не ги враќаме назад, не ги депортираме и потоа се чудиме што има вакви ексцеси”. Според него, некои родители не ја признаваат авторитетноста на наставниците, а нивните деца стануваат „мали паши”.

Ваквите изјави повеќе не наидуваат на противење од врвот на ЦДУ и пратеничката група. По крајот на ерата на Меркел, многу од нејзините политички соработници кои застапуваа прогресивен курс се повлекоа.

Притисок од сестринската партија ЦСУ

Најголем отпор Мерц добива од сестринската партија ЦСУ. Маркус Зедер, нивниот лидер, кој ја загуби трката за кандидат за канцелар во Унијата, постојано врши притисок врз него, иако формално му изразува лојалност. Од крајот на летото 2024 година, Мерц загуби дел од својата самодоверба и неколкупати ги коригираше своите претходни изјави.

Во Берлин, сепак, успеа да ја насочи пратеничката група на Унијата во нов правец. Тој изјави дека успеал да го започне, води и финализира овој процес и во самата ЦДУ, со новата основна програма. Неговото резиме: „Сега повторно сме на вистинскиот курс.”

Конзервативно свртување и нови политички цели

Со сето ова, Мерц ја претставува значително поконзервативната ЦДУ. Како и пред 20 години, размислува за враќање кон нуклеарната енергија и бара порестриктивна миграциска политика.

Во часовите по распадот на коалицијата меѓу СПД, Зелените и ФДП, тој изјави: „Семафорската коалиција од синоќа е историја. Таа не пропадна само поради ФДП, туку поради недостатокот на заедничка основа од самиот почеток.”

Мерц сака да го замени Шолц и неговата малцинска влада. Но, со кои коалициски партнери – тоа засега останува отворено.

The post КОЈ Е ФРИДРИХ МЕРЦ, ВЕРОЈАТНИОТ ПОБЕДНИК НА ИЗБОРИТЕ ВО ГЕРМАНИЈА? Изгуби од Ангела Меркел, но се врати како нов ангел на конзервативците appeared first on plusinfo.mk.

Италијанскиот регион Кампанија е прогласен за регион со најдобра храна во светот, а град со најдобра храна на светот повеќе не е Рим, како што беше минатата година, туку Неапол.

Дури шест италијански градови се најдоа во топ 10 – Неапол, Милано, Болоња и Фиренца на првите четири места, Рим на шестото место и Торино на деветтото место, а од останатите градови Мумбаи е на петто место , Париз на седмото место, Виена на осмото и Осака на десеттото.

Неапол е победник, а за разлика од Рим, кој минатата година беше оценет како град со најдобра храна во светот со високи 4,93, Неапол доби највисока можна оценка, 5,00. Родниот град на пицата одамна е познат како еден од најдобрите градови за сите оние кои сакаат добро да јадат, а најмногу е познат по овие јадења.

Пица Наполитана, пица Маргерита, пица маринара, пржена пица фрита и калзоне пица се само дел од јадењата карактеристични за областа Неапол, а овој град е познат и по друг вид пица – пица монтанара е всушност пржено тесто за пица, прелиено со маринара сос, со сирење и босилек, кој пред послужување кратко се става во рерна.

Освен по пицата, Неапол е познат и по тестенините, а од овој град потекнува и јадењето кое Италијанците често го јадат на Бадник, шпагети ал фонголе. Неколку познати италијански десерти доаѓаат од Неапол, вклучувајќи пастиера, пита со бобинки, рикота и крем за пециво, збогатена со зашеќерена кора од портокал, како и зеполе, специјалитет од пржено тесто кое обично се прекрива со шеќер и може да се наполни со крем.

 

View this post on Instagram

 

A post shared by TasteAtlas (@tasteatlas)

The post 📷 КОЈ ГРАД ВО СВЕТОТ ИМА НАЈДОБРА ХРАНА ЗА ОВАА ГОДИНА? Рим ја загуби титулата, лидерот повторно доаѓа од „Чизмата“ appeared first on plusinfo.mk.

Американката Микаела Шифрин е победничка на денешната трка во слалом возена во Леви, Финска.

Американката до триумфот стигна со вкупно време по двете трки 1:47.20 минута.

Втора заврши Катарина Линзбергер од Австрија, додека третото место ѝ припадна на Лена Дир од Германија.

Трката во Леви е историска за македонското скијање.

Осумнаесетгодишната Јана Атанасовска е првата Македонка со настап во Светскиот куп. За жал, таа не успеа да ја заврши првата трка и остана без пласман.

ЈАНА АТАНАСОВСКА НЕ ЈА ЗАВРШИ ПРВАТА СЛАЛОМСКА ТРКА ВО ЛЕВИ Останува историјата да го забележи првиот настап на Македонка во Светскиот куп

The post ШИФРИН ПОБЕДИ НА СЛАЛОМОТ ВО ЛЕВИ Атанасовска не ја заврши првата трка appeared first on plusinfo.mk.

Светскиот рекет број еден, Јаник Синер (Италија), ја освои наградата од 6 милиони долари на егзибицискиот турнир наречен „Сикс Кингс Слем“ во Ријад, Саудиска Арабија.

Синер во финалето го совлада Карлос Алкараз (Шпанија) со 6:7(5), 6:3, 6:3 за 2 часа и 21 минута игра. Нешто порано. Србинот Новак Ѓоковиќ го победи Шпанецот Рафаел Надал со 6:2. 7:6 (5) во мечот за третото место.

– Ривалството меѓу Синер и Алкараз го вади најдоброто од двајцата – изјави италијанскиот тенисер.

Тој додаде дека се надева дека тоа ќе трае долго.

– Се разбудив утрината обидувајќи се да смислам начини како да го победам. Ваквото ривалство, овој тип на натпревар, секогаш нѐ турка до 100% од нашите способности. Се надевам дека ова ривалство ќе трае што е можно подолго. Но, има уште толку многу големи играчи кои можат да настапат… Да видиме што носи иднината – прокоментира Синер во своето интервју по натпреварот.

Италијанецот и Шпанецот освоија по два Гренд Слема оваа година, а Алкараз го победи Синер во тешките мечеви во полуфиналето на Ролан Гарос и во финалето на турнирот во Кина. Тие играа меѓу себе 10 пати на АТП ниво, а 21-годишниот Шпанец победи на 6 натпревари, вклучувајќи ги и последните 3 натпревари.

• ПОЧНУВА СПЕКТАКЛОТ ВО САУДИСКА АРАБИЈА Најдобриот ќе добие 6 милиони евра

The post СИНЕР ГО ИСПЛЕСКА АЛКАРАЗ Јаник освои прво место на „турнирот на кралевите“ во Саудиска Арабија appeared first on plusinfo.mk.

Инаку, Заида веќе има и бројни успеси на слични изложби. Зад себе овојпат „остави” еден кусоопашест англиски овчар и шкотски териер.

Здруженија и активисти за заштита на животните предупредуваат на големи злоупотреби на кучињата.

Се наведуваат, во таа смисла, и случаи на парење кучиња во сродство, кога може да се родат болни кученца, а се предупредува и на поткупливи судии… Загрижените љубители истакнуваат дека тука нема љубов кон животните, туку дека кучињата се жртви на „глад за профит“.

The post 📷 ЗАИДА ОД ЧИЛЕ ГИ ОСВОИ СУДИИТЕ Ова е најубавото куче во светот appeared first on plusinfo.mk.