Кејт Мидлтон, како што најави вчера, се појави на Роденденската парада на кралот, позната и како Trooping the Color, со своето семејство во Лондон.

Таа беше забележана во кочија со нејзиниот сопруг, принцот Вилијам и децата, како парадира низ улиците на Лондон и ги поздравува луѓето кои дојдоа да бидат сведоци на оваа голема церемонија.

Таа на прославата пристигна заедно со синот Џорџ и нејзиниот сопруг принцот Вилијам.

Денеска е официјален роденден на кралот Чарлс во Велика Британија, а повеќе од 1.400 војници, 400 музичари и 200 коњи ќе учествуваат на парадата „Trooping the Color“ што по тој повод ќе се одржи во Лондон.

Кралското семејство ќе се собере на балконот на Бакингемската палата над која ќе прелетаат повеќе од 30 воени авиони.

Стотици полицајци беа распоредени на улиците за безбедност на насобраните.

Оваа вест ја изненади цела Велика Британија, но и светската јавност, со оглед на тоа што никој не очекуваше толку рано враќање на принцезата од Велс.

Сепак, овој настан е исклучително важен за целото кралско семејство. Тоа е роденденска парада за монархот, а портпаролот на палатата рече дека кралот Чарлс III е „воодушевен што принцезата може да присуствува на  настаните“.

The post 📽️ КЕЈТ МИДЛТОН СЕ ПОЈАВИ ВО ЈАВНОСТ Присуствуваше на свеченоста по повод роденденот на кралот Чарлс appeared first on plusinfo.mk.

„Daily Mail“ објави дека постојат стравувања дека уште некои земји ќе бидат отстранети од зелената листа на патувања, вклучително и Португалија, каде што наводно е откриен видот од Непал.

Научниците од „Joint Biosecurity Centre“ се загрижени за растечката стапка на инфекцијата и појавата на мутации во познатите летувалишта.

Извештајот дојде откако имунологот професор Џон Бел предупреди дека Велика Британија може да биде погодена од нови варијанти на коронавирусот ако не се стори повеќе за да им се помогне на сиромашните нации да го вакцинираат своето население.

Тој рече дека заштитата од идните варијанти не е „гарантирана засекогаш“, иако вакцините се моментално ефикасни против варијантата „Делта“, која за прв пат беше идентификувана во Индија.

Болниците во Непал се пред колапс по трагичниот скок во случаи на позитивни на ковид-19. Бројот на нови инфекции во март беше под 100, сепак, во средината на март, беа регистрирани повеќе од 9.000 нови случаи дневно.

Вториот бран во Непал беше поттикнат од зголемувањето на инфекциите во соседна Индија, но експертите сега се загрижени за новиот вид што е идентификуван.

Според извештаите на медиумите, одморите во Европа може да бидат загрозени ова лето, поради загриженост за новиот вид од Непал и бавната вакцинација на континентот.

Некои извори велат дека бројот на нови земји отворени за патници од Велика Британија, но и од други земји, ќе биде „крајно ограничен“ во ова лето.

The post Летните одмори во Европа неизвесни по појавата на сојот од Непал appeared first on plusinfo.mk.

Светска здравствена организација денеска упати предупредување до шест африкански држави да бидат внимателни поради појавата на ебола во Гвинеја и во Демократска Републиак Конго.

– Веќе предупредивме шест околни држави, вклучително и Сиера Леоне и Либерија и тие брзо се подготвуваат и ги испитуваат потенцијалните инфекции – истакна портпаролката на СЗО, Маргарет Харис.

Но, таа не ги именува другите држави.

Харис посочи дека властите идентификувале речиси 300 контакти со заразени со ебола во ДР Конго и околу 110 во Гвинеја.

ДР Конго пријави избивање на болеста на 7 февруари, додека Гвинеја на 14 февруари пријави појава на болеста во југоисточниот дел на земјата.

– Не знаеме дали ова е последица на вирусот на ебола што опстојал кај луѓето или повторно имало трансмисија од животни – посочи Харис при тоа додавајќи дека се спроведува генетското секвенцирање за да се утврди потеклото на вирусот.

Во текот на последната епидемија на ебола во Западна Африка (2014 – 2016) во Гвинеја, во Либерија и во Сиера Леоне беа регистрирани 28.000 пациенти од кои 11.310 починаа. Минатата година во источниот дел на ДР Конго од ебола починаа 2.299 луѓе.

The post Шест африкански држави добија предупредување по појавата на ебола appeared first on plusinfo.mk.

– Во претходните месеци видовме извештаи кои покажуваат дека вирусот се појавил во различни делови на светот, а можеби тоа било дури и пред да се појави во Кина, изјави Ванг вчера пред новинарите во Осло.

Првиот случај на коронавирусот го пријавија здравствените власти во Вухан во декември, а првиот смртен случај поврзан со вирусот се случи во јануари.

– Каде почна вирусот и како почна, треба да им се остави на научниците и здравствените работници. Прашањето не треба да се политизира или стигматизира, рече Ванг, очигледно алудирајќи на американскиот претседател Доналд Трамп, кој коронавирусот го нарече „кинески вирус“.

– Кој е нулта пациентот? Сè уште не е познато, нагласи Ванг.

The post Ванг: Кина прва го пријавил вирусот, но каде прво се појави appeared first on plusinfo.mk.

– Пазарот одигра улога во настаните тоа е јасно, но каква улога – не знаеме, без разлика дали станува збор за извор или засилувачки ефект или беше само случајност што беа откриени некои случаи во и околу тој пазар – изјави д-р Питер Бен Ембарек, експерт на СЗО за безбедност на храна и зоонотични вируси, кои преминуваат од животни на луѓе.

– Не е јасно дали живи животните или заразени добавувачи или клиенти го донесоа вирусот на пазарот – изјави тој на прес-конференција во Женева.

Тој потенцираше дека на истражувачите им била потребна една година за да ги препознаат камилите како извор на вирусот МЕРС, вид коронавирус кој се појави во Саудиска Арабија во 2012 година и се прошири на Блискиот исток.

– Она што е сега важно, што би било од голема помош, е да се дојде до вирусот пред неговото прилагодување на луѓето, вирус пред верзијата која сега ја имаме, бидејќи во тој случај ќе сфатиме како се адаптирал на луѓето и како се развивал – потенцираше Ембарек.

– Кога станува збор за истрагите, Кина веројатно ја има сета стручност потребна за вакво истражување. Тие имаат многу квалитетни истражувачи – потенцираше експертот од СЗО.

The post СЗО: Пазарот во Вухан имаше улога во појавата на коронавирусот appeared first on plusinfo.mk.