Жените таму контролираат сè, вклучително и мажите. Во споменатото племе концептот на брак не постои, тие се менуваат со мажи за да „доведат сѐ во ред“. Меѓу тие седум херои има и еден старец и едно 13-годишно момче, а останатите се деца. Бидејќи репродукцијата им стана многу тешко од горенаведените причини, жените стануваат сè понемилосрдни.

Тие особено ги ценат мажите со голем задник и стомак бидејќи веруваат дека таквите „примероци“ имаат подобри гени и можат поефикасно да се размножуваат. Единствената задача на мажите во племето е да прават деца, не смеат да прават ништо друго. Жените ги третираат како деца и се многу разгалени, а децата во тоа племе им припаѓаат на жените.

Токму поради многу честите интимни барања, мажите од ова племе не живеат долго. Многу брзо слабеат, а често се плашат и од жените, па спијат на дрвја за да си го спасат животот. Жените, пак, ги хранат со бели црви за да останат активни, а како симбол на љубов и изразување на сопственост, му врзуваат ленти околу рацете на мажот. Тоа значи дека за тој ден поседуваат одреден човек од племето.

За ова племе се пишуваше и порано, но сега повторно стана актуелно благодарение на видеата на TikTok, па сè повеќе луѓе го откриваат.

@jimlowery4203000 Women and a population of 7 men. What would you do?

♬ original sound – Jim Lowery420

The post 📽️ РАЈ ИЛИ ПЕКОЛ? ВО ОВА ПЛЕМЕ ЖИВЕАТ 3.000 ЖЕНИ И САМО 7 МАЖИ „Мораме да спиеме на дрвја за да избегаме од нив“ appeared first on plusinfo.mk.

„Но, подготовката за натпреварот каде што се избира најдебелиот е прилично ужасна“, напишал познатиот наратор на документарци, Дејвид Атенбороу на својата официјална страница на Фејсбук и споделил слика од ваквата церемонија која се одржува четири дена по првата полна месечина во јуни. Тоа е воедно и прослава на новата година кај ова племе.

Хасан Јасим на својот блог објаснува дека мажите се дебелеат колку што можат за шест месеци. Седат дома, не прават ништо и пијат мешавина на млеко и крв од крава. Првите два литра ги пијат на изгрејсонце и продолжуваат да пијат во текот на денот. Поради големите жештини, натпреварувачите мора да го испијат напитокот пред да се згрутчи. Но, не е едноставно да се проголтаат огромни чинии со крв и млеко: многу од мажите не можат да го испијат доволно брзо.

Кога ќе дојде време за церемонијата, мажите излегуваат од своите колиби, покриени со глина и пепел. За церемонијата на Ка’Ел тие носат шалови направени од школки и пердуви, како и ѓердани и нараквици со мониста.

На самиот ден мажите трчаат околу едно дрво со часови и притоа неколки пати се одмораат. На крајот се прогласува херојот на племето и се жртвува една крава иако кравите за нив се свети животни и не смеат да се колат во текот на годината. За крвта пак, од кравите, која им треба на мажите, тие ја испумпуваат преку мала дупка во вената на кравите којашто потоа ја запушуваат со глина.

The post ВО ОВА ПЛЕМЕ ЌЕ ВЕ СМЕТААТ ЗА ЗГОДЕН МАЖ АКО ИМАТЕ ГОЛЕМ МЕВ Не е лесно да пиеш млеко и крв од крава шест месеци! appeared first on plusinfo.mk.

– Тие ни ја окупираат земјата, ни ги крадат можностите и поради тоа се очекува да умреме. Сè уште се обидуваме да се бориме и да разбереме што ни се случи и да најдеме начини да го поправиме и да спречиме да се случи во иднина – вели 57-годишниот Иан Забарте кој ја предводи кампањата против исчезнувањето на неговото племе.

Според Забарте, домородците биле подложени на најнезамисливите ужаси од Владата во Вашингтон. Тој живее во Западен Шошон, токму на полињата за тестирање во Невада. Таму сè започнало во 1951 година, само 6 години од завршувањето на војната. Всушност, земјата Шош е голема – таа се протега од Долината на смртта во Мохаве, па сè до паркот Јелоустоун во Вајоминг. Денес рекордни 620 килотони нуклеарен отпад се наоѓаат таму, за разлика од 13-те килотони во Хирошима.

Американците ни ја украдоа земјата и економијата

Шошоните и немаат баш своја економија или одржлив начин на живот, а најблискиот град е оддалечен 80 милји. Порано биле сточари. САД нема сопственост над нивното земјиште, но сепак луѓето купуваат куќи и земја во нивните предели.

– Немам на што да се вратам на мојот резерват. Ми ги украдоа коњите, ми ја украдоа егзистенцијата. Нема работа, нема можности. Соединетите Држави ни ја украдоа економијата, нашиот лов, нашиот риболов … и нè направија криминалци во нашата сопствена земја – вели Забарте.

Неговите потомци живееле во региониот Кавич во озлогласената Област 51, каде се верува дека Пентагон има подземни бази.

Не се откажуваме од нашата земја

Забарте е пријателски настроен, но чувството на бес редовно се чувствува во неговиот глас кога зборува за своите луѓе. Шошоните нејќеле да ја дадат својата земја, па во 1863 морале да го потпишат Договорот за долината на Руби, со кој одредени права им биле предадени на Соединетите Држави. Но, тие не се откажаа од својата земја.

– Да знаевме, немаше да потпишеме договор што ќе заврши со наше крајно уништување – вели Забарте за РусијаДенес.

Забарте секојдневно ризикува да добие рак или низа други болести како неговите соплеменици. Сепак, тој одлучил да ги лекува во Центарот за лекување во Долината на смртта каде што работи, а живее во Лос Анџелес.

Кожата на дедото на Забарте му паднала поради автоимун недостаток, а тој набргу починал од срцев удар. На други членови на семејството им биле вградени пејсмејкери на многу млади години, додека близнаците на неговиот братучед починале на 11-годишна возраст. Рак на тироидната жлезда е честа појава кај нив.

‘After 900 nuclear tests on our land, US wants to ethnically cleanse us’: meet the most bombed nation in the world ,, the Shoshone Native American tribe.
— RT World News
https://t.co/bKdc0Rr5zE via @getongab

— ADAM2022 (Boycott ‘Coincidence’ Theorists) (@ADAM20228) January 8, 2022

Не можеме ни да се лекуваме во САД

– САД не сакаат да ги проучуваат негативните последици врз нашето здравје. Тоа веројатно би било како нацистичка Германија да ги проучува здравствените последици од нејзиното тестирање врз Евреите – вели Забарте.

Значи, смртните случаи од сомнителни состојби генерално не се евидентираат. Покрај тоа, Шошоните се, по традиција, горди луѓе, па затоа не сите зборуваат за своите здравствени проблеми. Во 1962 година, државата решила нуклеарните тестови да ги прави под земја и така што им го реши проблемот, но ни тоа не било безбедно, бидејќи радијацијата излегува низ порите на земјата.

Шошоните, на хартија имаат помош од Обединетите Нации, а за нив се направени и бројни студии од американското Министерство за енергетика во кои се вели дека им се случува „културна тријажа“ и принуда. Нивната сага и борба продолжува.

До ден-денес над земјата на Шошоните надлетуваат авионите ЈАНЕТ кои од Лас Вегас одат во озлогласената област 51. Да, онаа за која се зборува дека се прават тајни експерименти за пресретнување со вонземјани, проекти за летечки чинии и друга напредна технологија.

⁦@LakotaMan1⁩ This article describes how the fallout from some 900 nuclear tests impacted the Shoshone tribe.

NEVADA VIEWS: Nuclear tests and the Shoshone people | Las Vegas Review-Journal https://t.co/EjW41q3gAB

— Tim Tobin (@TimTobin43) January 4, 2022

„Голем даб“ е американскиот Чернобил

Малку е познато дека Американците имале свој Чернобил неколку недели пред да се случи катастрофата во рускиот град во април 1986 година. Инцидентот наречен „Голем даб“ бил операција за уништување на нуклеарна опрема под земја.

– Одделот за енергетика не го смета тоа за несреќа бидејќи тие рачно го испуштиле гасот во подземната комора каде што се активирало оружјето. Радијацијата го обиколила светот и мешајќи се со онаа од Чернобил дошла назад во Соединетите држави – тврди Забарте.

Властите имале добар изговор да кажат дека тоа била радијацијата од Чернобил и сè да се заборави.

Каде тестирале Франција, Британија и Русија?

Се разбира, САД не се единствената земја што извршила нуклеарни тестирања. Велика Британија исто така користела земјиште на Шошоните за заедно да направи 24 тестови со САД. Франција извршила 210 нуклеарни тестови во Алжир и во Јужниот Пацифик од 1960 до 1996 година, а Советскиот Сојуз ја користеше локацијата Семипалатинск во Казахстан до 1989 година за истите намени.

The post АМЕРИКА САКА ЕТНИЧКИ ДА НЀ ИСЧИСТИ 900 нуклеарки се фрлени на племето Шошони appeared first on plusinfo.mk.

Антиваксерските протести во Велингтон во Нов Зеланд ескалираат, а пред неколку дена, демонстрантите пред Парламентот го изведоа познатиот маорски „хака ка мате“ танц за да се спротивстават на ковид-мерките и задолжителните вакцини. Но, ова брзо беше осудено од домородните Маори. Тие побараа „веднаш“ да престанат злоупотребите, бидејќи ја поддржуваат вакцинацијата, а скоро 61 отсто од нив веќе се целосно вакцинирани, јавува Би-Би-Си.

„Хака Ка Мате“ е многу популарен танц бидејќи тој често е изведуван од националниот рагби тим „Ол Блекс“ пред да почнат со натпревар. Племето Нгати Тоа, кое има законско право на хаката, го дало известувањето да се сопре, бидејќи се смета дека стапката на вакцинација од 61 отсто кај нив сепак е ниска, споредена со останатите 90 отсто вакцинирани граѓани на Нов Зеланд.

– Многу од нашите предци, т.н. тупуни, ги загубија животите во претходните пандемии … апсолутно ни е јасно дека вакцината ковид-19 е најдобрата заштита што ни е на располагање и посветени сме да го поддржиме нашето whānau, што значи семејство, да се вакцинира што е можно поскоро – вели нивниот водач Хелмут Модлик.

Минатата недела, околу 2.000 демонстранти се собраа пред парламентот во Велингтон и низ целата земја, веејќи големи знамиња со ликот на Трамп и носејќи знаци против вакцинацијата. Премиерката Џасинда Ардерн претходно рече дека земјата ќе бара од наставниците и работниците во секторите за здравство и инвалидитет целосно да се вакцинираат против коронавирусот.

Нов Зеланд е земја која имаше строга „нула-ковид“ стратегија, а сака да вакцинира поголем дел од луѓето за да прејде кон стратегија на „живеење со вирусот“. Досега пријавени се 9.000 позитивни случаи и 34 смртни случаи, а бројот на загинатите е меѓу најмалите во светот.

The post АНТИВАКСЕРИ ИЗВЕДУВАЛЕ „ХАКА“ ТАНЦИ ВО НОВ ЗЕЛАНД Маорите ги осудија протестите, домородците ќе се вакцинираат (ВИДЕО) appeared first on plusinfo.mk.

Туарезите се народ кој им припаѓа на древните берберски племиња, главно сместени на подрачјето на Сахара. Не се знае колку точно ги има – бројот се движи помеѓу 100.000 па до 3 милиони, но бидејќи народот се состои од бројни племиња различни по начинот на живот, многумина ги спојува само јазикот. Туарезите се често поврзувани со Муамер Гадафи и се верува дека токму Туарезите сокриле еден од неговите синови, Саиф. Гадафи во Туарезите гледал одлучни и вредни борци и бројни припадници на овој народ во војската на Либија.

Туарезите често ги нарекуваат „Синиот народ“ бидејќи обожаваат да носат сина облека. Според вератата се сунитски муслимани, на религијата многу им влијае и древната пред-исламска традиција. Претставуваат еден од ретките муслимански народи каде мажите наместо жените ги прикриваат лицата, но тоа не e сè.

 

View this post on Instagram

 

A post shared by African Heritage City (@african_heritagecity)

Пред една припадничка на овој народ да стапи во брак, таа може да менува партнери и да живее според истите правила и слободи како и мажите. Кога фотографката Хенриета Батлер направила серија фотографии со Туарези, ги прашала зошто жените не ги прикриваат лицата. Одговорот гласел дека жените имаат прекрасни лица и дека мажите сакаат да можат да ги гледаат.

Сексуалната слобода кај овој народ е голема – мажот може да влезе во домот на жената, но од некој спореден влез, и да ја помине ноќта со неа додека остатокот од семејството се преправа дека не го забележува тоа. Жената може да бира колку партнери ќе прими во домот и кога ќе го направи тоа, а важно е сè да биде дискретно изведено и со најголема почит, објаснува фотографката која поминала долг период со овој народ. Поради ваквата слобода, жените се венчаат подоцна во однос на остатокот од муслиманскиот свет, некаде околу 20-та година.

Мажите ги заведуваат жените со песни кои ги пишуваат за нив и тоа е клучно во додворувањето и запросувањето. Поголемиот дел од жените се писмени, па честопати и тие составуваат песни.

 

View this post on Instagram

 

A post shared by Paper Trail (@papertrailpublishers)

Кај Туарезите, жената има право да се разведе од мажот и притоа ги задржува домот и животните. По разводот, мажот најчесто се враќа кај своите родители само со камила.

Разводот не е трагедија кај овој народ – напротив, обично тогаш се прави голема забава за луѓето да знаат дека жената е повторно слободна за брак.

Традицијата на матријархатот е толку силна што семејното стебло се гледа според женските членови на семејството. Со женидбата, мажот преоѓа во семејството на жената, спротивно од традиционалното. Уште еден дел од традицијата е што мажот го остава својот имот на децата на својата сестра наместо на своите деца бидејќи се смета дека децата на сестрата се поблизу до корените на семејното стебло од неговите – детето на сестрата со сигурност припаѓа на семејството додека мажот не може да се заколне дека неговото дете е навистина негово.

The post КАЈ НИВ ЖЕНАТА Е БОГ По разводот сè ѝ припаѓа нејзе, не го крие лицето, а мажот не смее да јаде пред тештата (ФОТО) appeared first on plusinfo.mk.

Оваа племенска заедница сè уште живее на тој начин што обработува земја, лови, пече и бере плодови на истиот начин како што правеле и нивните претци пред да се модернизира светот во кој ние сега живееме.

За Циманите ваквиот начин на живот е многу корисен, а истото го докажува студија која е направена во 2017 година, според која, ова племе има најздраво срце на светот и со најниска стапка на срцеви болести.

Сега, пак, новото истражување докажа дека Циманите како што стареа, така имаат значително помала церебрална атрофија, односно нивниот мозок е многу поздрав и побавно се уништува отколку кај луѓето кои живеат во САД или во Европа, што повлекува мал ризик од когнитивни проблеми, функционален пад и деменција.

– Циманите се неверојатен експеримент во природата кога станува збор за потенцијално разорните последици од современиот живот врз нашето здравје. Овие откритија за мозокот се најверојатно резултат на истите животни фактори кои се поврзани со низок ризик од срцеви заболувања – изјави неврологот Андреј Иримиа од Универзитетот во Јужна Калифорнија.

Иако добро познат факт е дека дебелината, која е честа појава во современите животи, доведува до намалување на обемот на мозокот, постојат и други фактори кои влијаат врз мозочната атрофија. На пример, традиционалниот животен стил на Циманите, односно недостатокот на модерно здравство и нега ги прави повеќе изложни на заразни болести и воспаленија.

Со оглед на тоа дека системските воспаленија доведуваат до артрофија на мозокот, се поставува прашањето, дали Циманите имаат повисоко ниво на мозочна артрофија или, пак, помал ризик поради силното кардиоваскуларно здравје, кое е последица на диетата и физички активниот живот.

Новата студија даде одговор на ова прашање, кардиоваскуларното здравје е поважно за мозокот отколку воспаленијата кои можат да се случат поради заразни болести.

Во студијата учествувале Цимани на возраст од 40 до 94 години на кои им бил скениран мозокот за да се пресмета неговиот волумен. Скенирањата поради кои учесниците во студијата мораа да одат до најблискиот град, кој е оддалечен на два дена возење, покажале дека во просек кај овие племиња, со стареењето мозокот побавно се смалува отколку кај луѓето во Европа и во САД.

– Нашиот начин на живот и диетата богата со шеќери и масти се чини дека го забрзува губењето на мозочното ткиво со текот на годините и нè прават поподложни на болести како Алцхајмеровата болест – изјави авторот на студијата Антропологот Хилард Каплан од Универзитетот Чепмен, кој проучува Цимани цели 20 години.

The post Мозокот на ова амазонско племе поинаку старее (ВИДЕО) appeared first on plusinfo.mk.

Островот Бутон се наоѓа на 19-то место на најголемите острови во Индонезија, во југоисточната регија Сулавези, а вистинска атракција се домородците од племето Бутон, кои се поделени во неколку помали групи. Некои од нив имаат Варденбургов синдром, кој влијае на пигментацијата, поради што имаат необично сини очи.

Оваа појава е вистинска реткост во Индонезија, бидејќи тамошните жители главно имаат темна коса и темни очи, а често се раѓаат и со различни бои на очи.

Станува збор за наследна генетска мутација за која се проценува дека во некој облик ја има едно од 42.000 лица. Тој синдром, меѓутоа, може да доведе и до губење на слухот.

Припадниците на племето Бутон ги фотографирал Корчнои Пасарибу, геолог од Џакарта, во текот на неодамнешната посета на островот. Овој 38-годишен фотограф го документира животот во руралните делови на Индонезија од септември 2019 година, со посебен фокус на бројните племиња и културното наследство.

Пасарибу наведува дека фотографијата му е хоби, а дека, всушност, работи како геолог во рудникот за никел.

– Сините очи се уникатни и убави и тие се моја инспирација. Сината ми е омилена боја на очи – рекол геологот.

Индонезија е простран архипелаг со над 350 дијалекти и поткултури. Островот Бутон со големина од околу 2700 квадратни километри е еден од поголемите индонезиски острови. На него живеат нешто помалку од 450.000 луѓе од кои повеќето се наоѓаат во мали, изолирани племиња.

 

View this post on Instagram

 

. ~ Heal The World ~ Rare are and uniqe genetic condition which known as Waardenburg Syndrome. Location : Kendari, Sulawesi Tenggara Gear : Sony A9 , Lens 135mm F1.8 #instagram #sonyalpha_id #natgeoindonesia #natgeo #natgeotravel #hipaae #wonderfulindonesia #natgeoyourshot #yourshotphotographer #fotokitaid #kendariinfo #mountesia #indonesia #indonesia_photography #gettyimages #picoftheday #photooftheday #photography #blueeyes #blue #buton #who #worldhealthorganization #worldphotographyhub #marimotret_id #mountesia #gogreen #healtheworld #earth #savetheearth #healtheworld

A post shared by Korchnoi Pasaribu (@geo.rock888) on Sep 26, 2020 at 3:46am PDT

 

View this post on Instagram

 

. ~ Heal The World ~ Rare are and uniqe genetic condition which known as Waardenburg Syndrome. Location : Kendari, Sulawesi Tenggara Gear : Sony A9 , Lens 135mm F1.8 #instagram #sonyalpha_id #natgeoindonesia #natgeo #natgeotravel #hipaae #wonderfulindonesia #natgeoyourshot #yourshotphotographer #fotokitaid #kendariinfo #mountesia #indonesia #indonesia_photography #gettyimages #picoftheday #photooftheday #photography #blueeyes #blue #buton #who #worldhealthorganization #worldphotographyhub #marimotret_id #mountesia #gogreen #healtheworld #earth #savetheearth #healtheworld

A post shared by Korchnoi Pasaribu (@geo.rock888) on Sep 26, 2020 at 3:46am PDT

ФОТО: Инстаграм

The post Електрично сини очи: Племе од Индонезија стана хит на социјалните мрежи ФОТО appeared first on plusinfo.mk.

Риели Францискато (56) ја поминал целата своја кариера како службеник во државната агенција за племенски заедници во Фунаи, каде што работел на воспоставување резервати за заштита на племињата кои немаат контакт со надворешниот свет.

Кога се приближувал кон племенската заедница што живее во близина на резерватот Уру Еу Вау Вау на границата со Боливија, тој бил погоден со стрела. Тоа се случило во средата.

– Тој врисна, ја извлече стрелата од градите, истрча 50 метри и падна мртов – рекол полицаецот кој ја следел експедицијата во аудио-снимката објавена на социјалните мрежи.

Невладината организација Канинде, чиј ко-основач е Францискато во 80-тите години на минатиот век, рече дека племенските заедници не ги разликуваат пријателите од непријателите од надворешниот свет.

Неговата смрт се случи во време кога домородните заедници во Бразил се особено ранливи поради илегалните дрвокрадци и рударите на злато кои се охрабрени од политиката на десничарскиот претседател Жаир Болсонар, насочена кон развој на Амазон и намалување на резервите.

Rieli Franciscato, coordenador da Frente de Proteção Etnoambiental Uru-Eu-Wau-Wau, era um dos indigenistas mais respeitados da Fundação Nacional do Índio (Funai). #Funai #indigenas https://t.co/T8GjvayXw2 pic.twitter.com/QkzvVqamZs

— Portal Canal Livre (@canallivream) September 10, 2020

FOTO: Tviter

The post Експерт на Владата во Бразил убиен со отровна стрела од племе ФОТО appeared first on plusinfo.mk.

Четири припадници на племето Големи Андамани се поситивни на коронавирусот. Двајца се примени во болница, а двајца се во карантин во здравствениот центар.

Според информациите, околу 53 припадници на племето живеат на еден од 37-те населени острови на коралскиот архипелаг Андаманс. Откако во јули таму е регистриртан коронавирусот, 2.985 лица се заразени, а 41 починале.

Првиот случај на зараза во загрозената домородна заедница е регистриран во минатата недела по што сите 53 припадници се тестирани.

The post Коронавирусот стаса и кај племе на оддалечен остров во Индискиот океан appeared first on plusinfo.mk.

Носијата на ова племе е многу богата и шаренолика, а особено се познати жените од ова племе кои вметнуваат чинија во устата.

Од каде потекнува овој обичај?

Не се знае точната причина, но се верува дека овој обичај потекнува од времето кога во Африка дивееле ловците на робови. За да им бидат неатрактивни, се претпоствува дека жените намерно се унаказувале за да го избегнат ропството.

Освен тоа, постојат уште две теории. Едната вели дека Мурсите верувале дека лошите духови влегуваат преку устата, па со помош на чиниите тие се бранат од нив. Другата теорија вели дека од големината на чинијата зависи и миразот на жената. Колку е поголема чинијата, толку е поголем миразот.

Вметнување на чиниите

На девојчињата меѓу 15 и 16 години, мајките им ги расекуваат усните и им ги вадат двата предни заба од долната вилица, за да можат да им стават мала чинија (најчесто глинена или дрвена).

Се започнува со помали чинии, а големината се менува по одредено време, ако девојките можат да ја трпат болката која е присутна во текот на ширењето на устата. На жените им е многу напорно постојано да ја носат чинијата во устата, па ги ставаат само кога имаат племенски прослави.

 

View this post on Instagram

 

Mursi tribe – Ethiopia #ethiopia #ethiopiantravel #etiopia #visitethiopia #viaggilowcost #viaggio #viaggiavventura #viaggidisorganizzati #omoriver #jinka #mursi #omovalley #omovalleytribes @natgeotravel #natgeoitalia

A post shared by VIAGGI disORGANIZZATI (@viaggi_disorganizzati) on Apr 4, 2020 at 1:36am PDT

 

View this post on Instagram

 

Mursi tribe – Ethiopia #ethiopia #ethiopiantravel #etiopia #visitethiopia #viaggilowcost #viaggio #viaggiavventura #viaggidisorganizzati #omoriver #jinka #mursi #omovalley #omovalleytribes @natgeotravel #natgeoitalia

A post shared by VIAGGI disORGANIZZATI (@viaggi_disorganizzati) on Apr 4, 2020 at 1:36am PDT

The post Жени со чинии во уста: Зошто се унаказуваат на овој начин? appeared first on plusinfo.mk.