Туристи на познатата исландска плажа Рејнисфјара, позната како „Black Sand Beach“, повторно се најдоа во опасност откако се приближиле премногу до океанот и ги игнорирале предупредувањата за опасни бранови.

Снимката која се шири на социјалните мрежи покажува група посетители како стојат во близина на водата и се обидуваат да направат фотографии, иако на плажата има јасно поставени предупредувачки знаци и систем со светла кои укажуваат на степенот на опасност. Рејнисфјара е позната по таканаречените „sneaker waves“ – ненадејни и исклучително силни бранови кои можат да навлезат многу подлабоко на плажата од претходните бранови.

Во еден момент огромен бран ненадејно се приближува до брегот, ги соборува туристите и ги повлекува наназад кон ледениот Атлантски Океан. За среќа, во овој случај спасувачите успеале да реагираат навреме и туристите биле извлечени од опасната зона.

Но, токму ваквите ситуации се причината поради која предупредувањата на оваа плажа не треба да се сфаќаат како обичен совет.

 

View this post on Instagram

 

A post shared by Plusinfo.mk (@plusinfo.mk)

Една од најважните пораки за посетителите е дека спасувачите и луѓето кои ќе тргнат да помогнат не треба да бидат доведени во опасност поради туѓа неодговорност.

Ако турист биде повлечен од брановите, инстинктивната реакција на луѓето околу него често е веднаш да тргнат по него. Но, тоа може да создаде уште поголем проблем – наместо една, во опасност може да се најдат две или повеќе лица.

И токму затоа правилата и препораките не се поставени за да го расипат доживувањето или фотографијата. Тие постојат затоа што условите на Рејнисфјара можат да се променат за само неколку секунди.

На Рејнисфјара е поставен систем со светла и безбедносни зони кои им покажуваат на посетителите колку е опасна ситуацијата и до каде смеат да се приближат. При црвено предупредување посетителите мора да останат надвор од црвената опасна зона, а и при пониско ниво на предупредување се препорачува голема оддалеченост од водата.

Особено важно е што дури и кога морето изгледа мирно, опасните „sneaker waves“ можат ненадејно да се појават. Тие можат да соборат човек, а при повлекувањето да го влечат кон морето. Студената вода и силните струи дополнително ја отежнуваат можноста за самостојно враќање на брегот.

Рејнисфјара веќе има регистрирано смртни случаи поврзани со ненадејните бранови, а токму поради повторените несреќи се воведени дополнителни безбедносни мерки, меѓу кои подобра сигнализација, камери и светлосен систем за предупредување.

На оваа плажа правилото е едноставно: не се приближувајте до линијата на брановите, не го вртете грбот на океанот и секогаш почитувајте ги предупредувачките знаци и упатствата на спасувачите.

Една фотографија може да се избрише. Еден момент на неодговорност, пак, може да заврши со трагедија – и да го стави во опасност не само туристот туку и човекот кој ќе се обиде да го спаси.

Затоа, кога спасувач ќе каже „назад“, а светлото ќе покаже опасност, најдобрата фотографија е онаа за која сите ќе се вратат дома живи.

The post 📽️ СПАСУВАЧИТЕ НА ПЛАЖА ПРЕДУПРЕДУВААТ, ТУРИСТИТЕ НЕ СЛУШААТ Еве зошто едно селфи може да биде последно appeared first on plusinfo.mk.

Властите во Црна Гора затворија четири плажи и поставија црвени знамиња како предупредување за капачите откако се излеале фекалии во морската вода, објави „Вјести“.

Анализите покажале дека морската вода на плажите Жукотрлица 02 и Жукотрлица 03 во градот Бар, како и на Словенска плажа 01 и Пржно во Будва, не се соодветни за капење.

Посетители минатата недела забележале дека се излева канализација во морето на најмалку две места во Бар.

Од каналите под поранешните ресторани „ББ“ и „Амфора“ се излевала матна течност со кафеава боја, проследена со непријатна миризба што се ширела долж крајбрежјето, вклучително и во близина на плажите со лежалки.

Според анализите на Институтот за морска биологија, спроведени од 20 до 23 јули на 114 локации, морската вода на 78,9 отсто од локациите била со одличен квалитет.

Во Бар, водата била со одличен квалитет на 13 локации, додека на Жукотрлица 02 и Жукотрлица 03 била оценета како лоша.

Во Будва, одличен квалитет бил утврден на 27 локации, добар на две, а задоволителен на три. Лош квалитет бил утврден на Словенска плажа 01 и Пржно.

Јавното претпријатие за управување со морското добро подоцна соопшти дека при повторни тестирања направени во вторникот, утврдиле дека квалитетот на водата на плажите Жукотрлица 02 и Жукотрлица 03 се подобрил.

„На локациите Жукотрлица 02 и Жукотрлица 03 во Бар, квалитетот на водата варира од добар до задоволителен, што значи дека водата на овие локации повторно е безбедна за капачите“, наведоа од претпријатието.

Оттаму додаваат дека забраната за капење за плажата Пржно во Будва продолжува да важи, бидејќи водата сѐ уште е загадена.

„Институтот за морска биологија продолжува со вонредно земање примероци од локацијата Пржно, а јавноста навремено ќе биде информирана за новите резултати“, се вели во соопштението.

The post ФЕКАЛИИ СЕ ИЗЛЕАЛЕ НА ЧЕТИРИ ПЛАЖИ ВО ЦРНА ГОРА Властите ги забранија за капење appeared first on plusinfo.mk.

Утрово над Чањ во Црна Гора избувна огромен пожар, а густ чад стигна до плажите. Според моментално достапните информации, пламените јазици стигнаа до плажата Краљичина, а мештаните на Чањ стравуваат од експлозија во фабриката „Техногас“.

Утринските снимки покажуваат лежалки и чадори за сонце на локалната плажа во Чањ, луѓе како седат, ги пакуваат своите работи, а некои од нив сè уште пливаат, додека густиот чад од пожарот што избувна во непосредна близина се шири наоколу.

 

View this post on Instagram

 

A post shared by Подгорички времеплов (@podgoricki_vremeplov)

Пожарот го зафати подрачјето над плажата Краљичина, на ридот Дубовица, каде што има густа вегетација.

Од другата страна на каменоломот, пожарот се спушта кон куќите во Чањ. Пожарот е на околу 100 метри од првите куќи. Силен северен ветер го отежнува гаснењето на пожарот и ги разгорува пламените јазици.

 

View this post on Instagram

 

A post shared by 192.RS (@192_rs)

Како што објави Вијести, неколку граѓани на Петровац контактирале со оваа редакција, плашејќи се дека северниот ветер ќе го прошири пожарот во текот на ноќта и дека ќе биде загрозен магацинот на Техногас.

Според нив, ако пожарот се приближи до магацинот, може да се случи експлозија.

Iznad Čanja u Crnoj Gori jutros se rasplamsao požar. Vatrogasne sirene se čuju u celom naselju. Vatra je prema nezvaničnim informacijama krenula u nedelju, a tokom noći se rasplamsala. pic.twitter.com/7H7N2iOySi

— Razglas news (@razglasnews) August 11, 2025

– Дува силен западен ветер, кој сега го турка веќе големиот пожар кон Куфин, но според мештаните, ветерот подоцна ќе се сврти во спротивна насока кон Петровац. Потоа ќе биде загрозен магацинот на Техногас, што може да доведе до катастрофална експлозија. Упатените овде сметаат дека реакцијата не е добра и дека властите не се свесни што може да се случи ако не се ангажираат сите можни ресурси во гаснењето на пожарот – велат загрижените мештани.

Неколку големи пожари избувнаа и во Никшиќ, ситуацијата станува сè подраматична.

Пожарот се прошири на подрачјата Сјенокоша, Дуга, Буковиќ, Закрај, Голија и Жупа, а пожарникарите се распоредени на сите жаришта за да се спречи ширењето на пламенот и да се заштитат домовите и имотот на мештаните, објави порталот „rtnk.me“.

 

View this post on Instagram

 

A post shared by Подгорички времеплов (@podgoricki_vremeplov)

Суровите временски услови, високите температури и силните ветрови го отежнуваат гаснењето.

– Веќе два дена имаме зголемен број шумски пожари. Сите наши пожарникари и спасувачи се на терен. Вчера ни помогна Единицата за воздушни хеликоптери. Моментално е најкритично во Закрај и Дуга. Силните ветрови ги отежнуваат нашите операции за гаснење. Ги одбранивме сите загрозени куќи – рече командантот на Противпожарната и спасувачка единица на Никшиќ, Славко Тадиќ, додавајќи дека станува збор за исклучително непристапен терен.

Да ве потсетиме дека ова е само дел од сликата што ја обележува Црна Гора денес. Речиси целата земја се бори со пожарот. Пожари беснеат во неколку општини, а надлежните служби работат без престан за да ги заштитат луѓето, домаќинствата и природата.

The post 📽️ ЦРНА ГОРА Е ВО ПЛАМЕН, ДРЖАВАТА БАРА ПОМОШ Пожари кај Бар, Чањ, Буљарица, Никшиќ, армијата е вклучена во гаснењето appeared first on plusinfo.mk.

Македонските туристи кои годинава ќе летуваат на грчките плажи треба да бидат крајно внимателни – во водите на неколку популарни дестинации е регистрирано зголемено присуство на виолетовата медуза, предупредуваат од Грчката опсерваторија за биодиверзитет.

Се работи за видот „Pelagia noctiluca“, кој според експертите е „импресивен, но и опасен“ поради неговиот силен убод. Присуството на овој вид е потврдено во морските области кај градот Волос, во северниот и централниот дел на островот Евија, како и кај островите Скијатос и Скопелос – дестинации кои секое лето се меѓу најпосетените од македонските граѓани.

– Доколку пливате или посетувате плажи во овие делови, бидете особено внимателни. Убодот од „Pelagia noctiluca“ е многу болен и може да предизвика силна реакција, особено кај деца или лица со чувствителна кожа – предупредуваат од опсерваторијата.

Посебно е загрижувачка ситуацијата во близина на градот Халкида, каде водите од заливот Пагаситикос се отвораат кон отворено море, овозможувајќи ширење на медузите.

Од организацијата наведуваат дека слична ситуација со масовна појава на виолетовата медуза се забележува и во други медитерански земји – Гибралтар, Шпанија, Франција, Италија и Јадранскиот брег, слично како и во периодот 2020–2023 година.

Во случај на убод, експертите советуваат:

– Остатоците од медузата да се отстранат со пластичен предмет (на пр. кредитна картичка), никогаш со раце;

– Местото да се измие само со морска вода (не со обична вода или оцет);

– Да се нанесат ладни облоги или мраз за намалување на болката;

– Да се употреби крем со кортизон за намалување на воспалението.

Иако не претставува животозагрозувачка опасност за здрави луѓе, виолетовата медуза сепак може да предизвика сериозна непријатност, па затоа се препорачува внимателност, особено кај деца и постари лица.

The post ОПАСНАТА ВИОЛЕТОВА МЕДУЗА СЕ ПОЈАВИ ВО ГРЦИЈА Македонците предупредени да бидат внимателни на грчките плажи appeared first on plusinfo.mk.

Во австралиската држава Квинсленд, страшната тропска бура Алфред го опустоши градот последните денови, а една од најпознатите плажи во таа област е целосно уништена.

Голд Коуст, како што уште го нарекуваат брегот, бил место со најубави плажи кои го краселе Квинсленд, кои сега по циклонот изгледаат сосема непрепознатливо, пишува „9news“.

Невремето стигна до брегот на Квинсленд во саботата како „тропска бура со низок интензитет“. Сепак, невремето набрзо донесе силен ветер, силен дожд и поплави, што ги натера службите за итни случаи да реагираат на повеќе фронтови.

Златните песоци, некогаш рај за сурферите станаа „бојно поле“ откако разорните бранови го уништија крајбрежјето. Според извештаите на медиумите, брановите стигнале до третиот и четвртиот кат од околните згради.

Ерозијата била толку екстремна што се формирале долги, стрмни падини високи до шест метри. Најмалку едно лице загина, четири се водат како исчезнати, а спасувачките служби се уште се на терен.

Во меѓувреме, австралиските одбранбени сили распоредија повеќе од 500 луѓе во Квинсленд и повеќе од 700 во северниот дел на Нов Јужен Велс.

За потсетување, илјадници луѓе во источна Австралија добија наредба да се евакуираат на 7 март поради циклонот Алфред, кој донесе силен дожд, огромни бранови и силни ветрови и го затвори аеродромот во Бризбејн, како и повеќе од 1.000 училишта во регионот. Милиони луѓе се погодени од силен циклон, јавуваат медиумите.

Повеќе од 1.000 училишта во југоисточен Квинсленд и 280 во северниот дел на Нов Јужен Велс се затворени. Според соопштението на австралиското биро за метеорологија, налетите на ветрот достигнуваат брзина од 100 километри на час во регионите на Квинсленд и Нов Јужен Велс, додека на море брзината на ветерот достигнува и до 200 километри на час.

Според соопштението на австралиската компанија за дистрибуција на електрична енергија Енергекс, околу 316.540 луѓе во југоисточниот дел на Квинсленд останале без струја, а градот Голд Коуст е најтешко погодената област со повеќе од 112.000 луѓе без струја, пренесува Ројтерс.

The post 📽️ НАЈУБАВИТЕ ПЛАЖИ НЕ ПОСТОЈАТ, ЛИЧАТ НА БОЈНО ПОЛЕ Циклонот Алфред го уништи златниот брег на Австралија appeared first on plusinfo.mk.

Како што соопштија од Министерството за национална економија и финансии на Грција, контролите биле и по поднесените пријави од граѓаните преку специјалната апликација „My Coast“ и со помош на новите технологии, како употреба на дронови и сателитски снимки.

Паричните казни се во висина од 8,5 милиони евра, од кои над 2 милионА се на Кефалонија.

Паралелно, биле издадени и 55 одлуки за затворање на делови од плажите што биле нелегално искористени.

Од друга страна, пак, најголем број поплаки и спроведени контроли имало на Халкидики, во источниот дел на областа Атика поширокиот регион на Атина, на Кикладските острови, на островите во северниот и источниот дел на Егејското море, во Превеза, на Крф и Крит и во јужниот дел на Пелопонез.

Од надлежното Министерство нагласија дека контролите ќе продолжат и во текот на септември и до крајот на туристичката сезона.

Министерот за национална економија и финансии на Грција, Костис Хаѕидакис, рече дека подобрената слика на плажите во земјата докажува дека го прават она што го велат.

– Се обврзавме дека на плажите ќе доминира законитоста и тоа е сторено на голем дел од плажи, што се покажува со над 20.000 проверки во период од 60 дена и со дејствијата што ги презедовме против оние кои беа нелегални – рече Хаѕиѕидакис.

The post КАЗНИ ОД 8,5 МИЛИОНИ ЕВРА ЗА НЕПРАВИЛНОСТИ НА ГРЧКИТЕ ПЛАЖИ Халкидики и Атина со најмногу поплаки appeared first on plusinfo.mk.

Oд почетокот на летото, грчкото Министерство за економија и финансии изрече казни од над 1.150.000 евра за деловните субјекти кои незаконски ги окупираат плажите и бреговите, прекршувајќи го законот за слободен јавен пристап до морето, брегот и плажите, пишува Балкан инсајт.

Во интервјуто за грчката телевизија „ЕРТ“, генералниот секретар за информациски системи во Министерството за дигитално управување, Димостенис Анагностопулос, објасни дека интензивираните контроли се должат и по пријавите од граѓаните преку специјалната апликација „My Coast“ која досега ја имаат инсталирано 103.000 граѓани, а паралелно истакна дека она што е важно е што првпат се јавно познати законските закупи низ целата земја.

Од Министерството за национална економија и финансии на Грција минатата седмица соопштија дека при инспекциите спроведени во текот на јули, било констатирано дека општата слика е значително подобрена во споредба со претходните години, „бидејќи поголемиот дел од бизнисите кои работат на плажите ги почитуваа новите правила и новата законска рамка“, но сепак постојат и прекршувања.

Грците лани излегоа на улиците барајќи да се врати бесплатниот јавен пристап до плажите во земјата, како што е предвидено во законот. Големи делови од крајбрежјето беа преземени од приватни бизниси кои или незаконски го ограничија пристапот до плажите или наплаќаа огромни суми за лежалки.

Министерството во мај постави нова процедура за доделување концесии на бреговите и плажите преку електронски аукции. Годинава бројот на доделени договори за користење на крајбрежните површини и на плажите собори рекорди – 1.800.

Министерството извести дека 150 електронски аукции биле неуспешни бидејќи или немало интерес или успешниот понудувач се повлекол непосредно пред потпишувањето на договорот.

Додадоа дека Халкидики, областа Атика, поширокиот регион на Атина, Превеза, островите во Егејското море, Крит и Крф се регионите во земјата за кои имало најголем број пријави за нерегуларности на плажите.

Само за Халкидики имало 1.873 пријави од кои 234 во период од една седмица.

The post ВНИМАВАЈТЕ КОЈ ВИ НАПЛАЌА И ДАЛИ ТРЕБА ДА ВИ НАПЛАТИ Во Грција изречени казни од над 1 милион евра за неправилности на плажите appeared first on plusinfo.mk.

Од Министерството за национална економија и финансии на Грција соопштија дека пријавите биле и телефонски и преку специјалната апликација „MyCoast“, а контролите опфатиле над 750 бизниси на плажи во земјата, а најголемиот број се однесувале на Халкидики, Крф, Атина, Превеза, како и островите во Егејското море.

„Општата слика од масовните контроли во последните седмици е јасно подобрена во споредба со претходните години, бидејќи поголемиот дел од бизнисите кои работат на плажите ги почитуваат новите правила и новата законска рамка. Сепак, од проверката на пријавите произлегоа и доста прекршувања, како што се недостиг на ознаки и пречекорување на зафатениот простор со дополнителни чадори и други градби, како и случаи каде доплнителниот зафатен простор бил произволен без договор за концесија“, соопштија од грчкото Министерство.

Најмногу пријави имали за регионот на Халкидики, вкупно 1.396 претставки, по што биле извршени контроли на осум плажи и 38 бизниси и биле констатирани осум прекршоци.

The post „ЛЕТААТ“ КАЗНИ НА ПЛАЖИТЕ ВО ГРЦИЈА Глоба од над 800.000 евра по направените повеќе од 4.500 контроли за поставени лежалки и чадори appeared first on plusinfo.mk.

Преку видео објавено на Тик Ток, Мицотакис детално и практично објаснува што предвидува и што не предвидува новиот закон што веќе доби зелено светло од Парламентот.

– За она што го гледавме, одиш на организирана плажа и е преполна со лежалки, сега обезбедуваме дека 70% од површината на плажата треба да биде слободна и ќе треба да постои минимално растојание од 4 метри од морето до првиот ред лежалки, за да го немаме повеќе она кога лежалките всушност се во вода – рече Мицотакис.

Грчкиот премиер објасни дека за плажите што се во заштитените области Натура, наместо 70, ќе треба да биде слободна 85% од површината, односно лежалки и чадори ќе биде дозволено да бидат поставени на само 15% од плажата.

Дополнително, како што рече, за првпат се воведуваат и т.н. „негазени плажи“ со посебна еколошка вредност каде не се дозволени лежалки или воопшто каква било експлоатација.

За да се добие лиценца за користење на плажа, задолжително ќе биде учеството на електронска лицитација, а по добивањето, концесионерот ќе биде обврзан да ја чисти плажата, да обезбеди пристап за лица со инвалидитети и да постои спасувач.

– Изгласавме нов закон кој става ред на нашите плажи и во суштина прави три работи: обезбедуваме слободен пристап на сите плажи за сите, користиме нови технологии како за тендерите за плажите, така и за контролите и воведуваме построи казни за оние кои го прекршуваат законот – рече грчкиот премиер.

Во однос на спроведувањето на законот, истакна дека ќе има многу поинтензивни контроли и построги казни за прекршувачите.

– Прво, многу повеќе контроли и употреба на технологијата. Ако видите некој дрон да лета над плажа може да е во рамките на контролите што ќе ги спроведуваме. Второ, вие самите ќе ни помогнете да го спроведеме законот. Како? Преку специјална апликација на која јасно ќе се гледа на кое место од плажата и на колкав дел ќе може да се постават чадори и лежалки. А ако концесионерот, на кој било начин го прекршил законот, да ни го пријавите тоа. Да ни кажете и ние ќе спроведеме контроли. И на крај, зголемување на казните. Доста високо за да знаат сите дека ќе постојат, не само строги екномски последици, туку дури и затворање на бизнисот што ќе го прекрши законот – порача грчкиот премиер.

Посочи дека законот не се однесува на урбанистичко планирање и условите за градба, а задолжителното растојанието од 50 метри од крајбрежјето за градење не се менува.

– Засега толку и чекаме да дојде летото за да уживаме во многу послободните наши плажи -рече Мицотакис на крајот од видеото на Тик Ток, кое како и секогаш кога објавува на конкретната социјална мрежа е во поопуштена атмосфера и со поопуштен тон.

Лани, во текот на летото, поголема група граѓани, жители на грчкиот остров Парос, Грци, но и странци, го кренаа својот глас против нелегално „окупираните“ плажи со лежалки и чадори од баровите, надвор од законски одредениот простор со концесиите, одржаа низа протести на плажите, нешто што веројатно се случи прв пат во земјата, а еден од членовите на Движењето за слободни плажи, тогаш, за МИА рече дека нивното барање е едноставно: да се спроведе законот.

Движењето на граѓани за слободни плажи од Парос, поттикна граѓани низ цела Грција да организираат идентични активности за да побараат спроведување на законот што се однесува на доделените концесии за бич баровите на плажите.

The post ЗАКОН ЗА ЛЕЖАЛКИ НА ПЛАЖА? Еве како Грција ќе се справува со дивите чадори appeared first on plusinfo.mk.

Од оваа сезона туристите во Грција нема да бидат принудени да трошат 10, 20 или повеќе евра дневно за изнајмување лежалка и чадор. Според новиот закон, чија примена почнува оваа пролет, половина од површината на плажата мора да остане достапна за јавноста. Тоа значи дека посетителите ќе можат да ја користат бесплатно, односно да ја рашират својата подлога или пешкир и да го отворат чадорот за сонце.

За потсетување, минатата година локалните жители на грчките острови се побунија против приватизацијата на плажите, барајќи слободен пристап и простор за оние кои не сакаат да изнајмуваат лежалки. Овој протест наречен „движење на пешкирите“ беше насочен против претприемачите, хотелиерите и сопствениците на кафулиња на плажа кои понекогаш наплаќаат превисоки цени за изнајмување чадори и лежалки. Така, луксузна лежалка на островот Парос може да чини и до 120 евра. Во некои туристички региони во Грција, луѓето кои не сакаат да плаќаат високи цени за изнајмување или не можат да си го дозволат тоа, воопшто не смеат да влезат на плажите.

Според грчките медиуми, целта на новата регулатива е да се реши прашањето за приватно окупирање на јавните плажи. Предвидено е делот што е даден под концесијата повеќе да не може да биде повеќе од 50% од вкупната површина на плажата, а максималната да биде 500 метри квадратни. На пример, ако плажата е 10.000 квадратни метри, најмалку 5.000 квадратни метри мора да останат слободни.

Закупците можат да покријат до 60% од одобрената површина со чадори, лежалки и опрема за рекреација, а во областите означени како Натура, само 30%.

Прописите предвидуваат дека концесионерите мора да исполнуваат различни обврски, меѓу кои редовно чистење на плажите и поставување санитарна инфраструктура. За следење на почитувањето на законот, Владата ќе имплементира две нови алатки. Новата дигитална апликација ќе им овозможи на граѓаните директно да пријават прекршоци, како што се влегување во јавни простори, лоша хигиена или несоодветни услужни објекти. Состојбата дополнително ќе се следи преку дронови и сателитски снимки. Доколку се утврдат прекршоци, предвидени се парични казни.

The post ОДМОРЏИИТЕ ЌЕ МОЖЕ ДА ЗДИВНАТ Грција воведе ново правило на плажите appeared first on plusinfo.mk.