Многу компании во Германија очекуваат платите да се намалат во следните пет години како резултат на употребата на вештачка интелигенција, се вели во најновата студија на Институтот Ифо, со седиште во Минхен.

Се очекува работниците со помалку од пет години професионално искуство да бидат особено погодени. Околу половина од компаниите што веќе користат ВИ очекуваат нивните плати да се намалат.

За вработените со најмалку пет години професионално искуство, пак, околу 40 отсто од компаниите очекуваат намалување на платите.

Во исто време, помеѓу 33 и 50 проценти од компаниите очекуваат платите да останат непроменети, во зависност од квалификациите на вработените.

Во трговијата, 47,9 и 41,3 проценти од компаниите предвидуваат намалување на платите, а во индустријата – 46,5 и 38,9 проценти.

Градежните компании имаат помала веројатност вештачката интелигенција да доведе до намалување на платите – 39 проценти за вработените со помало професионално искуство и 31,3 проценти за оние со искуство над пет години.

Податоците се однесуваат на вработените без високо образование.

Очекувањата за намалување на платите за вработените со високо образование се речиси непроменети. За нив има поголема веројатност за зголемување на платите, особено за оние со поголемо професионално искуство. Според 26 проценти од компаниите, употребата на вештачка интелигенција ќе има позитивно влијание врз платите на таа група вработени. Дури и за работниците со високо образование, а со малку професионално искуство, 16,3 проценти од компаниите предвидуваат зголемување на платите.

Анализата се базира на податоци од деловната анкета на Ифо за јуни 2026 година, која опфати повеќе од 3.000 компании во Германија што веќе користат вештачка интелигенција, соопшти институтот во Минхен.

The post ГЕРМАНСКИТЕ КОМПАНИИ ОЧЕКУВААТ ВЕШТАЧКАТА ИНТЕЛИГЕНЦИЈА ДА ГИ НАМАЛИ ПЛАТИТЕ Најпогодени ќе бидат работниците без високо образование и без исукство appeared first on plusinfo.mk.

Реал Мадрид му понуди на бразилскиот напаѓач Винисиус Жуниор нов договор вреден 22 милиони евра годишно, објави „ESPN“.

Сепак, 26-годишниот Бразилец сака повеќе – околу 30 милиони евра годишно. Тој верува дека ова ќе биде неговиот последен голем договор и е уверен дека заслужува плата соодветна на неговиот придонес во успехот на клубот.

Винисиус е во Реал Мадрид од летото 2018 година. Неговиот тековен договор со мадридскиот клуб важи до летото 2027 година. „Трансфермаркт“ ја проценува неговата вредност на 140 милиони евра.

Во сезоната 2025/26, Бразилецот имаше 53 настапи во сите натпреварувања, постигнувајќи 22 гола и 14 асистенции.

На Светското првенство 2026, Винисиус постигна четири гола и имаше една асистенција на пет натпревари.

The post ВИНИСИУС ВЕРУВА ДЕКА ЗАСЛУЖУВА 30 МИЛИОНИ ЕВРА „Реал Мадрид“ му понуди 22 милиони евра годишна плата appeared first on plusinfo.mk.

Под слоганот „За плата се бориме – не се молиме“ денеска во Скопје се одржа протест во организација на Сојузот на синдикатите на Македонија (ССМ), на кој беа побарарани повисоки плати и подобри услови за работа.

Протестот стартуваше од Работничкиот дом на Сојузот на синдикатите на Македонија, продолжи пред републичкото Собранието, до Стопанската комора и заврши пред Владата.

Претседателот на ССМ, Слободан Трендафилов рече дека многу работници денеска и покрај тоа што не се задоволни од нивните плати, се плашат да се придружат на протестите, затоа што сметаат дека протестите се насочени кон некој.

– Денес, за жал, 260 илјади работници живеат со плата под 600 евра, а само неколку илјади луѓе излегоа на протест за 1 Мај, рече Трендафилов.

Тој посочи дека „за жал, голем број работници денес гинат на своите работни места. Наутро заминуваат на работа, а навечер не се враќаат. И никој не презема ништо за нивна заштита“.

– Денеска е 1 Мај, денот кога работниците уште во далечната 1886 година излегле на улица и по цена на своите животи, за да ги заштитат своите работнички права, за да го скратат работниот ден од 12 часа на 8 и за да протесираат – потсети Трендафилов, повикувајќи да се почитуваат работничките права во државата.

Самостојниот синдикат за образование, наука и култура (СОНК) денеска не учествуваше на протестот, со образложение дека решенијата треба да се бараат преку дијалог, а не на улица.

The post „ЗА ПЛАТА СЕ БОРИМЕ – НЕ СЕ МОЛИМЕ“ Првомајски протест на синдикатите appeared first on plusinfo.mk.

Основна обука во траење од десет седмици; обука за ракување со дронови и за прва помош, три месеци покус воен рок ако се служи во приоритетни зони, подобра храна и поголем месечен надоместок, се дел од промените во служењето воен рок во Грција што стапуваат во сила со новите регрути кои од денеска ќе се пријават во своите единици, јави дописничката на МИА од Атина.

Воениот рок во Грција трае 12 месеци, но може да се намали на девет ако се служи во приоритетни зони како Тракија, островите во источниот дел на Егејското море, во грчките сили на Кипар или во Претседателската гарда.

Промените се во рамките на програмата за воени реформи „Агенда 2030“ што минатата година ја презентираше министерот за одбрана на Грција Никос Дендиас, опишувајќи ги како неопходни за модернизација на армијата.

Како што пишува грчката новинска агенција АНА-МПА, основната обука станува подолга и пообемна, се зголемува од четири на десет седмици и ќе биде исклучиво во копнените сили, а паралелно се модернизира со нови области како што се ракување со дронови, прва помош, тактички вежби и ноќни обуки, сајбер безбедност.

Според АНА-МПА основните промени вклучуваат и квалитативно и квантитативно подобрување на храната, нов систем на здравствени прегледи во центрите за класификација, префрлање на сите регрути во оперативни единици по обуката, значително зголемување на месечниот надоместок од 8,80 на 100 евра за оние што служат во Тракија, островите во источниот дел на Егејското море и 50 евра за оние што служат во внатрешноста на земјата.

The post ГРЦИЈА ЈА ЗАЈАКНУВА ВОЕНАТА СЛУЖБА Подобра обука, подобра храна, поголема плата… appeared first on plusinfo.mk.

Платата не е работа на желби, туку на економски критериуми кај кои нема зголемување за износ на кој ќе се темели барањето за минимална плата од 36.000 денари. Износот од 57% на минималната плата кај нас во однос на просечната е највисока заштита што ја има кој било работник во Европа, вели Ангел Димитров од Организацијата на работодавачите..

Димитров потсетува дека кај нас со закон е предвидено дека минималната плата не може да биде под 57% од просечната плата, што, посочува, е повисок износ во однос на Европската унија, каде што е околу 50%.

– Мислам дека треба разум, платата не е работа на желби, туку на економски критериуми. Затоа во Европската Унија четири години се расправаше за Директивата за минимална плата и првин што утврдија е дека не може во цела Европа да има една минимална плата затоа што земјите не се на ист степен на економски развој. Донесе директива со која минималната плата, за да не предизвика економски проблеми, треба да се движи околу 50% од просечната плата. Во Македонија отидовме уште понатаму. Во нашиот закон е предвидена дополнителна заштита дека минималната плата не може да биде помалку од 57% од просечната плата. Ако сега 50% од инфлацијата и 50% од порастот на просечната  плата падне под 50%, ќе го земеме вториот критериум, 57% од просечната плата, што мислам дека е највисока заштита што ја има кој било работник во Европа – изјави Димитров за МИА.

Износот од 36.000 денари што се бара, посочува Димитров, не се заснова на ниеден економски критериум.

– Не само на законските основи, каде што платата треба да се усогласи со порастот на инфлацијата од 4,2% и порастот на просечната плата повеќе од  9%, туку е, едноставно, од рака затоа што 36.000 во однос на сегашната минимална плата е пораст од речиси 50%, односно 47%. Кои економски параметри пораснале за 47%, БДП, продуктивност, износ на вкупно производство? Нема економски критериум што пораснал толку. Од друга страна, фактички тоа ќе значи крах за сите трудоинтензивни дејности, кои сега имаат плата под 36.000 денари, тоа се многу работници, бидејќи, на пример, и оние што вадат лигнит во рудниците од РЕК имаат просечна плата од 32.000 денари, значи и тие од прв до последен треба да земаат иста плата – рече Димитров.

Тој додава дека „во барањето на синдикатот не се земени никакви економски критериуми и оти единствено се држат на нивната потрошувачка кошничка“, која, посочи, Владата на некој начин ја оспори и треба да излезе со друга. Слично, истакнува, како што се случи сега во Словенија, каде што работодавачите реагираа ако само синдикатот ја прави синдикалната потрошувачка кошничка, таа е подложна на многу субјективизам.

Димитров наведува и дека сите што имаат просечни плати под 36.000 денари, речиси 100.000 вработени во државата ќе се најдат во многу незгодна ситуација затоа што ќе треба од првиот до последниот работник да имаат иста минимална плата.

– Тогаш, добрите работници, тие со повисоко звање, нема да може да се наградат. Ќе падне продуктивноста, слично како во 2018 година кога имавме огромно зголемување од 15.000 на 18.000 денари и пропаднаа 1.400 компании – вели Димитров. 

The post НЕМА ЕКОНОМСКА ОСНОВА ЗА МИНИМАЛНА ПЛАТА ОД 36.000 ДЕНАРИ Работодавачите предупредуваат дека нереалниот минималец може да затвори голем број компании appeared first on plusinfo.mk.

Португалската фудбалска ѕвезда Кристијано Роналдо ја доби правната битка против својот поранешен клуб Јувентус и ќе може да задржи 9,8 милиони евра што клубот од Торино му ги исплати за заостанати плати, јавија денеска италијанските медиуми.

Роналдо се пресели од Јувентус во Манчестер Јунајтед во летото 2021 година, а во 2023 година поведе арбитражна постапка против италијанскиот клуб, тврдејќи дека му должи 19,6 милиони евра за неисплатени плати за време на пандемијата на коронавирусот.

Во април 2024 година, арбитражниот совет пресуди дека Јувентус мора да му исплати на португалскиот фудбалер половина од бараната сума, или 9,8 милиони евра. Јувентус, потоа, поднесе жалба на одлуката до судот во Торино.

Италијанските медиуми јавија дека судот во Торино ја отфрли жалбата на Јувентус, што значи дека Португалецот може да ги задржи 9,8 милиони евра. Јувентус ќе мора да ги плати и трошоците за тужбата.

The post РОНАЛДО ГО ДОБИ СУДСКИОТ СПОР СО ЈУВЕНТУС Ќе задржи 9,8 милиони евра добиени во короната appeared first on plusinfo.mk.

Премиерот Христијан Мицкоски не гледа причина да се зголеми буџетот за судството, затоа што, како што истакна, судиите бараат судски буџет далеку над европскиот просек.

– Кои резултати ги покажаа, за да го добиваат тој буџет – вели Мицкоски.

Тој презентираше анализа за македонските граѓани.

– Ова е европски извештај. Буџетот кој ние како држава го издвојуваме за правосудството е 0,39% од нашиот бруто домашен производ. За да знаат граѓаните, соседна Грција издвојува 0,26%, Франција издвојува 0,2%, да одиме чекор понатаму, Германија издвојува 0,3%, европскиот просек е 0,31% од БДП, а медијаната е 0,28%. Ние издвојуваме повеќе и од медијаната и од европскиот просек или во бројки, повеќе од 75% од земјите членки на ЕУ – посочи премиерот Мицкоски.

Додаде дека дури и земјите кои се стремат кон ЕУ издвојуваат помал буџет од Македонија, односно Албанија 0,295%, Молдавија 0,35%, Грузија 0,23%.

– Законот вели до 0,8% од БДП за судството. Во новите измени на законот бараат минимум 0,8% и минимум 0,5% за обвинителството или вкупно 1,3%, што нема теоретски шанси, затоа што би било три пати повеќе од земјата што издвојува најмногу за правосудството во Европа. Судија почетник, според европскиот извештај, годишно заработува 19.170 евра бруто плата, за Словенија од истиот извештај судија почетник заработува 34.101 евро бруто плата или некаде околу 80% повеќе, притоа БДП за Македонија е некаде 6.500 евра, а за Словенија е 28.000 евра. Или математички, судија почетник во Словенија има 80% поголема бруто плата од судија почетник во Македонија, при три и пол пати поголем БДП од тој кој го имаме ние. Каква е пропорцијата тука – вели премиерот Мицкоски.

Тој додаде дека претседателот на еден суд во Македонија има плата околу 180.000 денари, а неговата плата како премиер е 155.000 денари.

– Во регионот буџетот за судови, Албанија 0,17% од БДП, ние 0,30%, а Молдавија фронтранери кои напредуваат кон ЕУ 0,18%, Грузија 0,15%. Ова кажува дека буџетот кој Владата го издвојува за правосудниот систем е повисок од 75% земји членки на Европската Унија, јас не гледам потреба за зголемување на таа сума. Што се однесува до делот за одобрување на планот за вработување и унапредување, немам проблем, Владата не се меша во судството, но Владата е одговорна за трошењето на секој денар народни пари, а кога тие пари ги троши некој орган од управата на државата, логично е да државата се грижи за тоа – изјави премиерот Мицкоски.

The post ПРЕТСЕДАТЕЛ НА СУД ЗЕМА 180.000 ДЕНАРИ ПЛАТА, А ПРЕМИЕРОТ 155.000 ДЕНАРИ Мицкоски нема да го зголеми буџетот за правосудството appeared first on plusinfo.mk.

Акционерите на „Тесла“ со убедливо мнозинство му го одобрија на Илон Маск најголемиот платен пакет во историјата на корпоративна Америка, речиси една милијарда долари (1.000.000.000). Со оваа одлука, 75% од гласовите му дадоа зелено светло на најбогатиот човек на светот, но и јасен услов: ќе ги добие акциите само ако во наредните 10 години ја зголеми пазарната вредност на „Тесла“ до осум ипол милијарди долари, јави Би-Би-Си.

По изгласувањето во Остин, Маск излезе на сцената со широка насмевка и дури заигра под аплаузот на публиката, извикувајќи дека „ова не е само ново поглавје, туку нова книга на иднината на Тесла“.

Меѓутоа, новиот пакет ја подели инвеститорската јавност. Поддржувачите сметаат дека Маск е единствениот што може да ја трансформира компанијата во водечки играч на пазарот на вештачка интелигенција, додека критичарите тврдат дека со ваков бонус тој станува премоќен и над контрола на одборот.

Понатаму, Маск најави дека неговата иднина не е само во електричните возила, туку во роботите Optimus и во роботакси-системите што ќе го направат „Тесла“ симбол на новата индустриска револуција.

– Она што започнуваме денес е нешто поголемо од автомобилите. Тоа е целосна еволуција на човечката технологија – изјави Маск.

Сепак, финансиските аналитичари предупредуваат дека компанијата се соочува со пад на продажбата и зголемена конкуренција од „Вејмо“ и другите стартапи. Американските регулатори сè уште ја истражуваат безбедноста на автопилот системот на „Тесла“, по неколку несреќи со повредени возачи.

Од друга страна, неговите поддржувачи велат дека токму овој ризик е она што го прави Маск „неповторлив“. Технолошкиот аналитичар Ден Ајвс оцени дека „Тесла конечно ја отклучува својата АИ-вредност“, а неговиот колега Рос Гербер додаде дека договорот е „уште една невозможна приказна што станува реалност“.

Во годината кога Маск повторно се поврзува со политички теми и јавни контроверзии, неговиот лик повторно го поларизира пазарот – некои инвеститори ја зголемуваат довербата, а други ја повлекуваат. Но едно е сигурно: ниту еден друг извршен директор во историјата не добил толку голема шанса за награда – ниту толкава одговорност.

The post ПАКЕТ НА ВЕКОТ ЗА ИЛОН МАСК, НО ЌЕ СЕ ПОМАЧИ ЗА МИЛИЈАРДАТА Еве што мора да исполни за да ја добие сумата со 9 нули appeared first on plusinfo.mk.

Португалската суперѕвезда Кристијано Роналдо стана првиот фудбалер во историјата кој ја надминал границата од една милијарда евра во лична заработка, објави „Блумберг“.

Четириесетгодишниот Роналдо ја постигна оваа неверојатна бројка со последното продолжување на договорот со саудискиот клуб Ал Наср, во вредност од приближно 360 милиони евра. Според проценката на Блумберг, неговото богатство сега изнесува приближно 1,2 милијарди евра.

Блумберг го проценува богатството на Роналдо на нешто повеќе од 1,2 милијарди евра со што Португалецот стана првиот фудбалер во историјата кој ја надминал границата од една милијарда евра заработка Роналдо заработи над 470 милиони евра плата помеѓу 2002 и 2023 година. Тој, исто така, потпиша десетгодишен договор со „Најк“ за речиси 16 милиони евра годишно и други спонзорства со брендови како „Армани“ и „Кастрол“, додавајќи над 150 милиони евра на неговата нето вредност.

Неговиот трансфер во Ал-Наср во 2023 година му донесе околу 172 милиони евра годишна плата и бонуси ослободени од данок, плус привилегии, вклучувајќи бонус од нешто повеќе од 25 милиони евра.

The post РОНАЛДО Е ПРВИОТ ФУДБАЛСКИ МИЛИЈАРДЕР Платите, спонзорствата и бонусите што го направија Португалецот многу богат appeared first on plusinfo.mk.

По седумдневните протести на вработените од ДООЕЛ Флораком и ДООЕЛ Луна – фирми чиј основач е ЈП Паркови и зеленило Скопје и единствениот репрезентативен синдикат за комунални дејности (СУТКОЗ), денеска се обезбедени пари за исплата на платата на вработените за август, па поради тоа најавената блокада на булеварот Илинден се откажува – соопшти Сојузот на синдикатите на Македонија.

„Апелираме до раководството на ЈП Паркови и зеленило Скопје уште денес да започне со активности за обезбедување средства за исплата на платата за септември, бидејќи сме блиску до законскиот рок за нејзина исплата, а тоа е 15.10.2025 година, за вработените да не бидат принудени повторно да си ја бараат платата преку протести и блокади“ – се наведува во соопштението на Сојузот на синдикатите на Македонија.

The post СЕ НАЈДОА ПАРИ ЗА ПЛАТИ, БЛОКАДАТА ОТКАЖАНА Успешен протестот во Паркови и зеленила appeared first on plusinfo.mk.