На 12 октомври 21-годишниот Шукри Зеќири со возило марка Мерцедес Е-320 на улица Пластичарска во Скопје го усмрти 10-годишниот Мануел Асановски и побегна од местото на несреќата.

Еден месец подоцна откако, Зеќири ја призна вината, судијката Марија Клетничка донесе пресуда со која тој беше осуден на затворска казна од 2 години и 3 месеци и 3 годишна забрана за управување со моторно возило по отслужување на казната.

„Укажуваме дека губењето на животот на 10-годишниот Мануел е трагедија и болка којашто ќе го следи семејството до крајот на животот и најмалку што може судот да направи за овој случај е да донесе праведна одлука за казна на сторителот. Со организираниот протестен марш, Ромалитико, ромската заедницата и сите незадоволни од судскиот систем, а во овој случај незадоволни од одлуката на судијката Марија Клетничка бараме казната затвор да биде зголемена и да се земат околностите според кои е сторено кривичното дело, пристап до правда и правични пресуди за ромската заедница во случаи кога жртвата е Ром или Ромка и активно учество на ромската заедница во судската власт. Ваквите пресуди во коишто сторителите добиваат минимални казни, а има човечки жртви, како во случајот на Мануел, дополнително ја потврдуваат недовербата на граѓаните во правосудниот систем во државата“ – велат во највата за протестот од невладината Ромалитико.

The post ПРОТЕСТ ЗА ПРЕСУДАТА ЗА ПРЕГАЗЕНОТО МОМЧЕ НА „ПЛАСТИЧАРСКА“ Премалку се 2 години и 3 месеци затвор за одземен 10-годишен живот appeared first on plusinfo.mk.

Мицкоски рече дека „за едни владата на ДУИ, поддржана од измеќарот СДС е мајка, а за други маќеа и тоа граѓаните го чувствуваат“.

Лидерот на ВМРО-ДПМНЕ посочи дека солидарниот данок е само дополнителен данок врз џебот на лојалните граѓани кои редовни ги исполнуваат обврските и плаќаат данок, на сметка на оние кои тоа не го прават, кажувајќи пример што му се случил на негов пријател на Пластичарска улица.

– Ова не е солидарен данок, ова е дополнителен арач врз оние кои што се лојални граѓани во Македонија, а не за оние кои што не се лојални и кои што денеска се, би рекол, главните творци на сивата економија во Македонија. Постојат многу места во Македонија кои што се сива зона, нема фискални сметки каде што луѓето се уште не добиваат фактури, туку плаќањето е исклучиво во кеш. Еве, јас ќе ви кажам еден пример, мој пријател пред некој ден ми се јавува и ми вели за прв пат во центарот на Скопје се чувствувам како вистински европеец и го прашувам како, дали чувствуваше дека има некаков напредок во квалитетот, и вели – на Пластичарска платив во евра и не само што не добив фискална сметка, туку извадив евра од џеб и во евра ми вратија кусур! И сега наместо тие таквите оваа држава да ги санкционира, тие се повластени, тие не смееме да ги задеваме, туку овие кои што плаќаат, е на тие ќе им дадеме дополнителен данок и ќе го именуваме како солидарен – рече Мицкоски.

The post ШВЕРЦЕРСКИ ЗАКОН ВО КОРИСТ НА НЕПЛАЌАЧИТЕ НА ДАНОК Мицкоски за солидарниот данок appeared first on plusinfo.mk.

Денеска започна финалното асфалитрање на булеварот Никола Карев (познатата Пластичарска улица), соопштија од Град Скопје.

„Изминатиов период интензивно, со засилено темпо и ноќно работење се реконструираше и прошири овој булевар којшто е еден од најважните сообраќајници во Скопје бидејќи поврзува 4 општини – Гази Баба, Чаир, Центар и Карпош. Затоа, оваа реконструкцијата е посебно значајна и од особен интерес за граѓаните кои во голем број секојдневно се движат и поминуваат во овој фреквентен дел од градот. Штом се заврши со асфалтирањето на коловозот, булеварот ќе биде обележан со хоризонталната сообраќајна сигнализација и ќе биде пуштен во употреба. Паралено со тоа, се работат тротоарите, велосипедските и пешачки патеки“, наведено е во соопштението.

Како што претходно беше најавено од градоначалникот Шилегов, завршувањето на оваа делница е според предвидениот план. Градежни работи во оваа фаза се изведуваа на потегот од клучката кај Бит-пазар до влезот во касарната „Илинден“, на вкупна должина од 1.440 метри. Во целосната реконструкција беа офратени и подземните инсталации.

Овој месец, главниот град ќе добие современа и реконструирана сообраќајница со 4 сообраќајни ленти, велосипедска и пешачка патека и средишно зеленило онаму каде што тоа го дозволува просторот.

The post Започна асфалтирањето на Пластичарската улица ФОТО appeared first on plusinfo.mk.