Од почетокот на октомври 2025 година, во лавини на Алпите и другите планински подрачја во Европа настрадаа најмалку 135 лица, покажуваат податоците на Европската служба за предупредување од лавини.

За споредба, во текот на зимата 2024/25 во Европа беа забележани вкупно 70 жртви, што значи дека оваа сезона бројот на загинати е речиси удвоен, пренесува „Шпигел“. Поголем број настрадани последен пат е регистриран во сезоната 2017/18, кога имаше 147 жртви. Најпогодена земја е Италија со 38 загинати, а голем број несреќи се забележани во Јужен Тирол.

Податоците покажуваат дека во Франција загинале 31 лице, во Австрија 30, а во Швајцарија 15. На планините во Германија не се забележани смртни случаи.

Експертите како една од главните причини за зголемениот број жртви ги наведуваат климатските промени. Повисоките температури влијаат врз стабилноста на снегот, а слабото поврзување на стариот и новиот снежен слој, заедно со силните ветрови, придонесуваат за формирање на опасни снежни наноси кои лесно се претвораат во смртоносни лавини.

The post НАЈМАЛКУ 135 ЗАГИНАТИ ВО ЛАВИНИ ОВАА СЕЗОНА Лани имало 70 жртви appeared first on plusinfo.mk.

Турист, кој бил зафатен гледајќи во телефонот, бил турнат од планинска патека од мазга што одела зад него по патеката. Инцидентот се случил за време на искачувањето до храмот Кајшен на врвот Беигао во Хангжу, Кина, пренесува Телеграф.

Снимката, која се прошири на интернет, го прикажуваат човекот како стои на работ на тесно камено скалиште, загледан за својот телефон, додека другите посетители се движат околу него по патеката. Во меѓувреме, мазга што носи натоварени торби, водена нагоре од водич, му се приближува на расеаниот турист одзади. Иако мазгата не остварува директен контакт со човекот, нејзините товарни вреќи го удираат, предизвикувајќи тој да ја изгуби рамнотежата и да падне надолу по стрмнината.

Неколку посетители притрчале да му помогнат, а биле повикани и служби за итни случаи. Повредениот турист е итно префрлен во болница на лекување, иако неговата состојба засега не е позната.

 

View this post on Instagram

 

A post shared by Plusinfo.mk (@plusinfo.mk)

The post 🎥 ЗЈАПАШЕ ВО ТЕЛЕФОНОТ, ПА ЛЕТНА ОД ПЛАНИНСКА ПАТЕКА Мазгата немаше разбирање за неговата занимација appeared first on plusinfo.mk.

Трагедија во скијачкиот центар во Дурмитор во Црна Гора го потресе регионот. Во саботата околу 13 часот  еден од вагоните жичницата почналa да се лизга наназад по стрмен дел од трасата и силно удрил во другата корпа зад него.

Според порталот Vijesti.me, во моментот во корпата имало двајца германски туристи. По силниот удар, тие паднале од висина. Мажот починал на самото место, додека неговата сопатничка се здобила со тешки повреди на ногата и веднаш била пренесена во болница.

Тројца други патници останале заробени во следната корпа. Спасувачите со часови се бореле со студот и теренот за да бидат успешно спасени дури по 17 часот. Биле извлечени неповредени.

Жичницата, според неофицијлани информации, е стара повеќе од 35 години и, како што пренесуваат црногорските медиуми, ѝ недостасувал еден потпорен столб, детал што веќе предизвикува критики за безбедноста и техничката исправност на инфраструктурата во планинскиот центар.

Овие детали не се потврдени од црногорските власти.

Инспектори од Министерство за туризам и безбедност на Црна Гора најавиле дека ќе ја испитаат состојбата на целиот систем и околностите што довеле до трагедијата.

The post КРАЈ НА УЖАСОТ НА ЖИЧНИЦАТА ВО ДУРМИТОР Германецот загинал по падот, тројца чекале спас со часови appeared first on plusinfo.mk.

Триесет и шестгодишен маж се соочува со обвиненија за убиство од небрежност откако ја оставил својата девојка (33) да премрзне до смрт на Гросглокнер, највисоката планина во Австрија, во јануари оваа година. Искусниот планинар наводно ја оставил својата партнерка сама 6,5 часа за да побара помош, за кое време таа починала од екстремниот студ, објавува Дејли Меил.

Двојката од Салцбург била на само 50 метри од врвот на планината висока 3.798 метри кога почнала да губи сила и повеќе не можела да продолжи со искачувањето. Нејзиниот партнер, наместо да остане со неа, ја оставил и отишол да побара помош, но било предоцна. По неколку месеци истрага, државното обвинителство го обвини алпинистот за убиство од тешка небрежност, а тој се соочува со затворска казна до три години.

Канцеларијата на државниот обвинител во својата изјава наведе низа фатални грешки.

„Обвинетиот ја оставил својата девојка незаштитена, исцрпена, хипотермична и дезориентирана околу 50 метри врвот Гросглокнер. Жената се замрзнала. Бидејќи обвинетиот, за разлика од неговата девојка, веќе имал многу искуство во тури на голема надморска височина и ја планирал турата, тој се смета за одговорен туристички водич“ – се наведува во обвинението.

Истражителите, анализирајќи податоци од мобилни телефони, спортски часовници и изјави од експерти, утврдиле дека мажот не зел предвид дека неговата партнерка е неискусна и дека тоа било нејзино прво искачување на голема надморска височина со таква тежина.

Тој беше обвинет и дека ја напуштил турата два часа подоцна од планираното и дека немал доволно опрема за итни случаи. Дури и кога ја напуштил, не ја ставил на место заштитено од ветерот, ниту пак користел вреќа за спиење или ќебе за спасување. Исто така жената користела несоодветна опрема – сплитборд и меки чизми, кои се сметаат за целосно несоодветни за мешан терен на таква надморска височина.

Со оглед на тешките временски услови, со ветрови до 75 км/ч и температури што се чувствуваа како -20 степени поради ветерот, обвинителството смета дека двојката требало да се сврти и да се врати многу порано.

The post АЛПИНИСТ ЈА ОСТАВИЛ ДЕВОЈКАТА НА ПЛАНИНСКИ ВРВ, ТАА ИЗМРЗНАЛА ДО СМРТ Ќе одговара за убиство од небрежност appeared first on plusinfo.mk.

Највисоката планина во Австрија, Гросглокнер (3.798 м), стана сцена на трагедија што го потресе светот на алпинизмот. Триесет и тригодишна жена од Салцбург загина од студ на само 50 метри под врвот, откако нејзиниот партнер, искусен алпинист, ја оставил сама 6 ипол часа во потрага по помош.

Истражителите утврдиле дека мразот и ветрот со брзина до 75 км/ч ја претвориле планината во замрзната стапица. Жената, која тоа утро тргнала на своето прв сериозно искачување, се почувствувала исцрпено пред самиот врв. Наместо да ја заштити и да ги почека спасителите, нејзиниот придружник заминал по помош, но таа никогаш не ја дочекала зoрата.

Австриското државно обвинителство поднесе обвинение за убиство од крајна небрежност против 36-годишниот маж. Според документот, тој ја оставил партнерката „неизолирана, дезориентирана и без заштита“ и не презел ниту еден минимален чекор за нејзина безбедност.

„Како поискусен и организатор на турната, имал обврска да ја води и заштити,“ се вели во обвинението.

Полицијата во Австрија утврдила дека парот тргнал два часа подоцна од планираното и без основна опрема за итни случаи.

И покрај тоа што видел хеликоптер што ја пребарувал областа околу 22:50 часот, мажот не дал никакви сигнали. Дури околу 3:30 по полноќ, по шест часа раздвоеност, конечно ја алармирал спасувачката служба.

Поради силен ветар, хеликоптерот на алпската полиција не можел да полета до зори. Тимот стигнал дури следното утро по 10 часот и можел само да ја констатира смртта.

Адвокатот на обвинетиот, Курт Јелинек, изјави:

– Мојот клиент длабоко жали. Се работи за трагична несреќа, не за криминален чин.

Трагедијата потсетува на случајот со руската алпинистка Наталија Наговицина (47), која во август загина во Киргистан откако две недели остана заробена на висина од над 7.000 метри.

The post СМРТ НА ДЕВОЈКА ГО ПОТРЕСЕ АЛПИНИСТИЧКИОТ СВЕТ Партнерот ја оставил да смрзне на 3.700 метри appeared first on plusinfo.mk.

Застрашувачки снимки го покажуваат моментот кога швајцарското село Блатен беше затрупано од уривање на глечер, оставајќи десетици домови во урнатини, а едно лице е исчезнато.

Видеото прикажува огромен облак од мраз и остатоци како се спуштаат врз селото Блатен во средата, кога голем дел од глечерот Бреза се отцепи.

Кал и камења се уриваа врз куќите додека лавина од остатоци се тркалаше по планинската падина во долината каде што се наоѓа селото.

Околу 90 проценти од општината, која има население од околу 300 жители, беше покриена со лизгање на земјиштето, а едно лице сè уште се води како исчезнато, изјавија официјални лица.

– Се случи незамисливото. Го изгубивме нашето село, но не и нашето срце – изјави градоначалникот на Блатен, Матијас Бевалд.

– Иако селото сега лежи под огромен слој урнатини, знаеме каде треба да ги обновиме нашите домови и нашата црква – додаде тој.

Сепак, официјалните лица стравуваат дека ситуацијата може да се влоши.

Breaking:
A glacier collapse has buried the Swiss village of Blatten under mud.

The Lonza River is dammed and large parts of the town have been evacuated.

Tragic — but thanks to early warnings from scientists, lives were likely saved.#Switzerland #Blatten #ClimateCrisis… pic.twitter.com/ryxn8NlALL

— The Curious Quill (@PleasingRj) May 29, 2025

Шефот за безбедност на јужниот регион Вале, Стефан Ганцер, за локалниот канал Канал 9 изјави дека војската е мобилизирана за справување со последиците.

Падот на глечерот се очекуваше со денови и повеќето жители успеаја да се евакуираат претходно оваа недела.

– Но, се случи најлошото сценарио – призна Рафаел Мајора, раководител на службата за природни катастрофи на кантонот Вале.

Тој рече дека на глечерот се насобрале три милиони кубни метри материјал, кој потоа се срушил во долината кон населените области.

Друго застрашувачко видео објавено на „YouTube“ покажа огромен облак од мраз и урнатини како се спушта по планината.

Специјалните снимки од дрон прикажани од националниот радиодифузер „SRF“ покажуваат огромен слој од кал и земја што целосно покрива дел од селото и реката што тече низ него.

Огромен дел од глечерот Бреза се откина околу 15:30 часот по локално време, според службите за итни случаи во регионот Вале.

Aujourd’hui pas d’info italienne mais une pensée émue pour nos voisins suisses.
Le village de #Blatten a disparu sous l’effondrement de la montagne et de son glacier
Pomona – Le Nouveliste pic.twitter.com/rhF0chvGUN

— Dolceitaliannecy (@Dolceitalianne1) May 29, 2025

Полицијата соопшти дека исчезнатиот 64-годишен маж бил локален жител кој бил во областа во времето на несреќата.

Започната е операција за пребарување и спасување, при што тројца експерти се однесени на местото на настанот со хеликоптер и дрон со термичка камера.

– И покрај значителните напори, човекот сè уште не е пронајден – соопшти полицијата.

Селото, заедно со неговите 52 крави, беше во голема мера евакуирано оваа недела поради страв дека глечерот од 52 милиони кубни метри наскоро би можел да се сруши.

Многу куќи во алпското село, кое има население од околу 300 жители, беа уништени, а официјалните лица потврдија дека едно лице е исчезнато.

Штефан Ганцер изјави за швајцарските медиуми дека околу 90% од селото Блатен е покриено со лизгање на земјиштето.

– Ова е голема катастрофа што се случи во Блатен – рече тој, додавајќи дека постои ризик ситуацијата да се влоши, со оглед на блокираната река.

Командниот штаб во Блатен сега претпоставува дека целото село е уништено, според весникот „Блик“. Останатите куќи, кои не беа уништени, веројатно се поплавени.

Експертите контактирани од Ројтерс рекоа дека е тешко прецизно да се процени колку зголемувањето на температурите поради климатските промени придонеле за колапсот, бидејќи состојбата на планинската почва, исто така, одиграла улога.

Кристијан Хугел, професор по заштита на животната средина и климата на Универзитетот во Цирих, рече дека различни фактори влијаеле на ситуацијата во Блатен, но се знае дека локалниот пермафрост (трајно замрзната земја) бил погоден од зголемувањето на температурите во Алпите. Губењето на пермафростот може негативно да влијае на стабилноста на планинските почви, што значи дека климатската криза веројатно одиграла улога.

The post 📽️ ГЛЕЧЕР ЗБРИША ШВАЈЦАРСКО СЕЛО Страшни снимки од моментот на катастрофата appeared first on plusinfo.mk.

Има некои работи кои секогаш, без исклучок ни притискаат некое копче, некој нерв за прекрасни емоции, прават да се чувствуваме спокојни, да чувствуваме љубов, да се чувствуваме како дома. Понекогаш тоа е песна со која сме израснале, понекогаш тоа е мирис на омиленото јадење кое ни го готвела баба, а понекогаш тоа е некое место, некоја планина или нејзиниот врв.

Како што е прекрасниот и моќен Љуботен на Шара, како што е Водно над Скопје… Места и пејзажи на кои секогаш им се навраќаме, опеани од нашите поети: од Константин Миладинов во „Т’га за југ“ до Нина Спирова со „Parlez-vous français за Скопје, за Вардаровиот кеј, за Водно, зборувај за Шар Планина, за убавините на својата земја…“

Животот станува сè побрз, а обврските изгледаат бесконечни. Потиснати од постојаниот стрес на современото живеење, од секојдневното пробивање низ гужвите во сообраќајот, од уморот од работата и постојаниот наплив на информации на интернет, спас и одмор сè повеќе гледаме во нашите природни убавини, како простор каде можеме да почувствуваме внатрешен мир и барем за кратко – спокојство. Престојот на планина е здравје.

Ако Македонија има нешто во изобилство, тоа се планините. 87% од територијата на нашата татковина е планинска и веројатно тоа е најголемото богатство со кое располагаме, затоа „Скопско“ ова лето вниманието го насочува токму кон нив.

Платформата на „Скопско“, „Наша гордост. Наша одговорност“ се стреми да биде вистински пример за силата на заедничката акција во заштитата на природните богатства на Македонија. Од март започнува кампањата „Заедно се грижиме за планините“ преку која од секое продадено шише „скопско“ или „скопско смут“ со специјална етикета ќе се собираат пари за чистење на нашите планини и обезбедување на урбана инфраструктура.

Наши се Шара и Водно и Пелистер и Плачковица, секогаш биле и секогаш ќе бидат, затоа да бидеме дел од напорите да се заштитат најдобро што може. Причината за тоа ја опеа и нашата Нина Спирова во нејзиниот легендарен шлагер „Никогаш не заборавај дека најсреќен си само дома.“

The post АЈДЕ ДА СЕ ПОГРИЖИМЕ ЗА ПЛАНИНИТЕ ШТО ГИ САКАМЕ! Со секое купено пиво „скопско“ или „скопско смут“ ќе се собираат пари за чистење на планините appeared first on plusinfo.mk.

Вчера требаше да започне скијачката сезона на Витоша, но поради снежните наноси патиштата беа тешко проодни и се создадоа колони возила на пат кон ски-центарот. Дел од патиштата беа блокирани и поради паднати дрва.

„Велат дека Општината не исчистила, а ние решивме да провериме. Никој не ја ‘исчистил’ патеката на Бојан Петров. Трасата на јавниот превоз до ‘Златни мостови’ беше исчистена ‘до асфалт’, а нагоре беше речиси непроодна угорнина (правец ‘Момина карпа’, како и кон ‘Копита’), напиша Главчев.

The post 📷 МУ КАЖАЛЕ ДЕКА Е ПРООДНО, АМА НЕ ИМ ВЕРУВАЛ Бугарскиот премиер Главчев планинареше до Витоша appeared first on plusinfo.mk.

Снежниот бран ја зафати Србија, а утрово први побелеа планините, меѓу кои и Тара, која веќе е покриена со снег.

Според прогнозата на Републичкиот хидрометеоролошки завод на Србија (РХМЗ) се очекува да наврнат и до 35 сантиметри снег.

– Вистинска зимска идила во зори. Сѐ е покриено со снег, снегот падна во текот на ноќта. Искрено, време е. Според некои проценки, паднале околу 10, 15 сантиметри, но велат дека ќе врне во текот на денот. Сѐ додека нема несреќи и проблеми со струјата, ќе биде добро – велат мештаните од Тара, пренесуваат српските медиуми.

Во текот на ноќта и раните утрински часови снег паѓаше и на Златибор каде наврнаа нови 10 до 20 сантиметри снег. На терен веднаш се испратени надлежните екипи за расчистување на патиштата.

Поради ледениот бран и снегот, активиран е жолт метео аларм за регионот на западна, источна, југоисточна и југозападна Србија, како и за територијата на Косово. Ова предупредување значи дека времето може да биде потенцијално опасно.

The post ДЕЛОВИ НА СРБИЈА ЗАВЕАНИ СО СНЕГ Се очекува снежната покривка да достигне 35 сантиметри appeared first on plusinfo.mk.

Станува збор за врв кој е висок 8.027 метри и се наоѓа во Тибет.

Организаторот на турата ги објави членовите на екипата која го искачила врвот, а помеѓу нив е и Кедев.

Тимот покрај Кедев бил составен од седуммина Непалци, Американец, Јапонец и Пакистанец.

За Кедев ова е 12. врв над 8.000 метри, а годинава ги искачи Макалу, Лоце и Гашербрум 2. Како предизвик пред него остануваат само уште врвовите Кангченѕунга (8.586 метри) и Гашербрум 1 (8.068) за да ги комплетира сите врвови во светот со над 8.000 метри.

The post 📷 САШКО КЕДЕВ ГО ИСКАЧИ ВРВОТ ШИШАПАНГМА ВО КИНА Докторот освои 12 од 14 највисоки врвови во светот appeared first on plusinfo.mk.