Пивара Скопје го промовира новиот ТВ-спот „Сврти на Smooth“ со порака „Сврти на Smooth и освежи го денот на свој начин“.

Од компанијата порачуваат дека „во свет што сè побрзо се движи, Скопско Smooth нè потсетува дека понекогаш е доволно само едно мало ‘вртење’ за да направиме пауза и вистински да уживаме – на свој начин, без притисоци“.

„Aвтентичноста носи свежа перспектива, а да се биде свој е секогаш освежувачки. Тоа е оној момент кога на прашањето ‘Зошто?’, ти решаваш да кажеш ‘Зошто не?’. Afterwork во градина? Роденден на планина? Џакузи на тераса? Зошто не?“, се вели во соопштението.

Од Пивара Скопје велат дека „Smooth ги слави сите оние моменти кога сфаќаме дека не мора да се вклопиме во нечија рамка, да ги следиме сите норми или трендови. Кога сме свои, без извинувања, светот ни се отвора со нови уживања и свежи моменти. Во таа автентичност ја наоѓаме храброста да живееме отпуштено и да уживаме во малите нешта во животот“.

Копманијата соопшти дека „новиот ТВ-спот „Сврти на Smooth“, кој преку свежа, инспиративна и визуелно привлечна приказна нè повикува да се поврземе со себе и да уживаме вистински – на состанок со мајка ни, џакузи во двор, или во маало со другарите и Smooth в рака“.

Пивара Скопје вели дека „како и досега, Скопско Smooth продолжува да ја поддржува македонската музика, овој пат преку соработка со младата група КЕМ, чијашто песна ‘Трипати’ е музичка подлога на спотот“.

„Со својата игривост и фанки енергија, песната е совршен партнер за сите моменти кога вртиме на Smooth. А кога ќе свртиш на Smooth и ќе си дозволиш момент на вистинска свежина – животот станува поедноставен. И поубав“, гласи завршната порака во соопштението на Пивара Скопје.

The post 📽 „СВРТИ НА SMOOTH“, НОВ СПОТ НА СКОПСКО Пивара Скопје со порака за пауза и уживање appeared first on plusinfo.mk.

Платформата „Наша гордост, наша одговорност“ на „Скопско“ продолжува, информираат од Пивара Скопје. Како што велат од компанијата, идејата е да се заштитат природните богатства на Македонија.

„Платформата за општествена одговорност на ‘СКОПСКО’, ‘Наша гордост. Наша одговорност.’ докажа дека заедничката акција носи вистински промени. Во изминатите две години, во кои во фокус беше Охридско Езеро, преку многубројни еколошки иницијативи – од чистење на природното богатство до поттик за селектирање – граѓаните се мобилизираа за позелена иднина“, се вели во соопштение до јавноста.

Од Пивара Скопје велат дека „СКОПСКО“ во 2024 година организираше две големи акции за чистење на Охридско Езеро.

„Во јуни, 170 волонтери и нуркачи собраа 120 кубни метри отпад од брегот и дното на езерото. Во октомври, со поддршка од нуркачкиот клуб „Амфора“, беа отстранети 3.800 метри напуштени рибарски мрежи, кои го загрозуваа езерскиот екосистем. Со чистење на овие т.н, мрежи духови се обновуваат местата каде што порано се мрестеле пастрмките што придонесува кон враќањето на ендемските видови во нивната природна средина“, се вели во написот на Пивара Скопје.

Компанијата порачува дека „оваа платформа, меѓу другото, има цел да ги едуцира и да ги поттикне граѓаните да селектираат и самите да направат промена со која ќе ги заштитат нашите природни убавини“.

Преку апликацијата „Екомак “, „СКОПСКО“ воведе промотивна акција „Поен за тебе, поен за природата!“, која им овозможува на граѓаните да селектираат амбалажа и да собираат „зелени поени“. За таа цел Пивара Скопје преку „СКОПСКО“ донираше две нови вендинг машини во Охрид и Струга. За два месеца беа собрани 120.000 парчиња амбалажа, а иницијативата продолжи низ целата држава.

Компанијата информира дека оваа година „СКОПСКО“ продолжува со активности во рамки на платформата, „овој пат со фокус на нашите планини“.

„Од март почнуваме со кампања „Заедно се грижиме за планините“ преку која, од секое продадено шише „скопско“ или „скопско смут“ со специјална етикета, ќе се собираат средства за активности посветени на чистење и обезбедување урбана инфраструктура на нашите планини“, велат од Пивара Скопје.

The post „СКОПСКО“ ПРОДОЛЖУВА СО МИСИЈАТА ЗА ЗАШТИТА НА ПРИРОДНИТЕ БОГАТСТВА Од март нови активности со платформата „Наша гордост, наша одговорност“ appeared first on plusinfo.mk.

Пивара Скопје во 2023 година креираше 139 милиони евра додадена вредност во македонската економија, што претставува 1% од БДП, од кои 71 милиони евра се даноци исплатени во државниот буџет. Повеќе од 8.700 работни места во земјава на директен или индиректен начин се одржуваат од остварените приходи на Пивара Скопје, за кои годишно се обезбедуваат плати во износ од 37 милион евра. Секое едно отворено место во Пивара поддржува уште 21 работно место во земјата. На секое потрошено евро од купувачите назад во општеството се враќаат 68%.

Ова се само дел од наодите содржани во новата Студија за социо-економско влијание на Пивара Скопје во С. Македонија, изработена од независната консултантска куќа „Стјуард Редквин“, преку анализа на податоците на работењето на компанијата во 2023 година. Целта на оваа Студија е на објективен и транспарентен начин, со помош на научен пристап, да се квантифицира и оцени придонесот и значењето на Пивара Скопје за развојот на македонската економија и просперитетот на заедницата.

– Денес ние не презентираме само резултати и бројки, туку низ аргументи раскажуваме приказна за визија, решителност и тимска работа која резултира во успех и достигнувања. Со оваа Студија која е изготвена од независни експерти и по меѓународни стандарди сакавме да го разбереме влијанието на Пивара Скопје и придонесот во економијата и заедницата – на аргументиран и професионален начин. Со цел да го измериме сопствениот прогрес, бидејќи веќе правевме ваква студија во 2017 година, а и да видиме каде сме во однос на другите компании, и во Македонија, а и пошироко во регионот и Европа. Така знаеме до кај сме стигнале, и појасно можеме да се стремиме кон нова, повисока цел и придонес – истакна генералниот директор на Пивара Скопје, Душан Митрев, во своето обраќање на денешниот настан, пред голем број претставници од бизнис секторот, институциите, академската заедница, дипломати и граѓанскиот сектор.

– Наодите од Студијата за нас во Пивара Скопје се најдобрата потврда за нашиот успех, кој не е случаен и на кој сме особено горди. Нашиот успех се темели на четири столба кои останале непроменети повеќе од еден век, а тоа се: беспрекорниот квалитет на производите препознаен од потрошувачите, партнерскиот однос и креирањето заедничка вредност со купувачите, искрениот придонес за заедницата и нашиот тим Пиварци, кој е главната состојка на се што правиме. Секако и на големата поддршка и „know-how“ што ја добиваме од двете глобални корпорации на кои припаѓаме – Coca-Cola HBC и Heineken, како и на соработката со голем број купувачи, добавувачи, со деловните асоцијации и комори, со државните институции, експертите, медиумите и граѓанскиот сектор. Сите вие имате значаен удел во успехот на Пивара Скопје, и секој на свој начин – сите вие сте дел од Пивара Скопје – рече Митрев и додаде дека „мисијата на Пивара е повеќе од бизнис, тоа е обврска да се поттикнат позитивни промени“, како и дека „само со постојано вложување во луѓето, економијата, животната средина и заедницата можеме да бидеме успешни и заедно да придонесеме кон подобра иднина за сите нас“.

Горица Стојковиќ, генерален директор на The Coca-Cola Company за Србија, Црна Гора и за Северна Македонија истакна дека оваа Студија е особено важна бидејќи дава можност да се види реалното влијание на Пивара Скопје во земјава.

– Студијата што ја презентираме денес укажува дека нашиот систем има длабоко вкоренето влијание врз економијата на Северна Македонија, преку вработување, даноци и поддршка за локалните добавувачи. Со своето работење во 2023 година, Пивара придонесе со 1% во вкупниот национален Бруто-домашен производ, а ова е само еден од показателите дека Пивара Скопје е важен столб на македонската економија. Нашиот придонес не е само економски. Ние длабоко веруваме дека успешен бизнис мора активно да инвестира во заедницата. Тоа го правиме преку нашите програми и иницијативи, кои вклучуваат инвестиции во млади луѓе, заштита на животната средина и волонтерство на вработените – посочи  Стојковиќ.

За обемот на влијанието на Пивара Скопје врз домашната економија говори и податокот дека компанијата остварува деловна соработка со над 1.000 домашни добавувачи, од кои годишно набавува стоки и услуги во вредност од над 46 милиони евра, како и со над 12.000 трговци на големо и мало, дистрибутери  и компании од угостителско-туристичкиот сектор. Преку ваквата соработка, Пивара Скопје остварува директно и индиректно влијание врз развојот на неколку значајни сектори од домашната економија, како што се: трговскиот, секторот за деловни услуги, производниот, транспортниот и земјоделскиот сектор.

За „Моќта на партнерството низ синџирот на вредности на Пивара“ на панелот говореа претставници на добавувачите, купувачите, големопродажните дистрибутери, институциите и граѓанскиот сектор, кои го истакнаа значењето на нивната соработка со Пивара Скопје и уделот на ваквото партнерство во постигнување на заедничките развојни цели и нивниот придонес за натамошно унапредување на целокупниот економски развој на земјата.

Пивара Скопје само во изминатите пет години инвестираше и 40 милиони евра во капитални проекти за одржлив раст и развој, а дополнително вложува над 200 илјади евра годишно во реализација на бројни општествено одговорни активности наменети за поддршка на заедницата.

Новата Студија за социо-економско влијание на Пивара Скопје е достапна на интернет-страницата на компанијата, ПОЛНА ЧАША: www.polnacasa.mk

The post СЕКОЕ РАБОТНО МЕСТО ВО ПИВАРА ПОДДРЖУВА УШТЕ 21 МЕСТО ВО ЗЕМЈАВА Студија открива колкаво е влијанието на компанијата во домашната економија appeared first on plusinfo.mk.

Од Пивара Скопје велат дека токму уникатиот македонски ритам, кој бил и ќе остане инспирација за многу наши и светски музичари, е основа на нашата посебност, која оттаму се отсликува и во природните убавини, во вкусот на храната, во духот на нашите луѓе и нивното заедништво, како и во многу други нешта.

– Нашата музика е тоа што најдобро нѐ претставува во светот, а еден од нејзините најголеми промотери е токму маестро Симон Трпчески. „Македонисимо“ ја издигна таа промоција на едно високо ниво и уште еднаш му покажа на светот дека тука живееле и живеат луѓе со голема душа, кои и покрај сите предизвици се одржале заедно и зад себе оставиле наследство со огромна вредност – изјави Марта Завкова, бренд менаџер за Скопско.

За маестро Трпчески, оваа соработка е природна затоа што Скопско и „Македонисимо“ се дел од нашиот идентитет и имаат моќ да нѐ соберат на иста маса, од убавите моменти да направат совршени сеќавања, од секојдневниот оброк гурманско доживување, а од обичната собиранка – дружба за паметење. Тие се сѐ она што сме ние, Македонците.

А како изгледа кога енергиите ќе се спојат на иста бранова должина и ќе создадат нешто убаво и неповторливо, погледнете во видео спотот:

The post (ВИДЕО) НОВА КАМПАЊА НА СКОПСКО Симон Трпчески открива што ја прави македонската песна посебна appeared first on plusinfo.mk.

– Со оваа акција се реализираше ветувањето што беше дадено оваа пролет од „Пивара Скопје“, „Мен енд Маунтен“, и „Пакомак“, поддржани од Министерството за животна средина и просторно планирање, по акцијата за чистење на отпад – „Генералка викенд 2022“ – за секои 10 килограми отпад што ќе се соберат, да се посади по едно дрво. Еко-акцијата беше спроведена во 26 општини ширум земјата, а во неа учествуваа над 8000 волонтери, со што заслужено го доби приматот – најмасовна еколошка акција која досега била спроведена во нашата земја – соопштуваат од МЖСПП.

Министерот за земјоделство, шумарство и водостопанство Љупчо Николовски ја поздрави акцијата и ја истакна важноста на ваквите акции и заложбата за заеднички придонес кон подобрување на квалитетот на живот во нашата држава.

– Драго ми е што по „Генералка викенд, ова е прва од десетте вакви акции кои ќе следат. Тука сме да дадеме максимална поддршка, но воедно и да ги поттикнеме сите заедно да се приклучат. Зелената транзиција е еден од петте приоритети на Министерството, нашата цел и фокус е да го промениме начинот на размислување, навиките, но и да дадеме поддршка на она што значи живот. Секое едно дрво значи живот – вели министерот Николовски.

– Горд сум на сите волонтери и пиварци кои беа дел од оваа акција и им честитам од срце за постигнатиот успех! Заедно со нашите партнери посадивме 40.000 дрвја. За „Пивара“ Скопје, ова е исклучително важно бидејќи ни помага да ги споиме двете најважни стратешки иницијативи – „Свет без отпад“ и сета посветеност која ја имаме за намалување на јаглерод диоксид. Ја користам оваа прилика да ги повикам сите наши партнери да ни се придружат и заедно да ја направиме нашата земја уште подобро место за живеење -вели Генералниот директор на „Пивара“ Скопје, Горан Сладиќ кој го изрази своето задоволство за неверојатниот успех и позитивни резултати од оваа акција и повика на уште поголема масовност во акциите што следат.

Поздравувајќи ја иницијативата, министерот за животна средина и просторно планирање Насер Нуредини, им го честита успехот на организаторите на големата еко акција.

– Трансформација на приближно 400 тони собран отпад во дрвни насади и со тоа создавање на „Сончева гора“ е видлив бенефит за сите! Ова е одличен пример како правилниот однос кон отпадот, волјата да се собира и рециклира, вклучувајќи иновативен пристап и креативност, од отпадот од минатото може да се гради зелена иднина – истакна Нуредини.

Од МЖСПП нагласуваат дека целта на „Генералка викенд“ и „Сончева гора“ е да се исчисти земјата од отпадот на минатото и да се рециклираат во зелена иднина во следните 10 години – од 30-ти до 40-тиот роденден на нашата земја.

– Сите слоеви на општеството надвор од сите етнички, социјални и политички граници ги здружуваат силите за да направат одржлива промена во начинот на кој постапуваме со нашата животна средина и управувањето со отпадот. Горди сме на сите луѓе во нашата земја, кои избраа да ја направат вистинската работа: чување и грижа за нашата земја со цел градење иднина за нас и за генерациите што доаѓаат – споделија Гордана Софија и Ханес Јаецкл од „Мен енд Маунтен“.

Целокупната неопходна инфраструктура за собирање, селекција и соодветен третман на отпадот ја обезбеди „Пакомак“.

– Акцијата е добар пример визуелно да се прикаже циркуларноста на отпадот. На секои 10 килограми отпад што ги собравме изминатиот период, Министерството за земјоделство, шумарство и водостопанство донираше по едно дрво кое денеска го садиме. Ова е уште еден доказ дека со селекција на отпад и правилно управување со истиот можеме да придонесеме за позелена планета – вели Филип Ивановски, извршен директор на „Пакомак“.

The post ЗАСАДЕНИ 40.000 ДРВЦА „Сончева гора“ напролет ќе изобилува со зеленило appeared first on plusinfo.mk.

Како дел од одбележувањето на големиот јубилеј беа организирани специјални настани на кои заедно со партнерите беше сумиран досегашниот придонес и беше трасиран патот за следните 100 години на Пивара Скопје во одржливиот развој и поддршката на заедницата во неколку клучни области, како што се едукацијата и развојот на младите, обезбедувањето чиста животна средина и заштита на водните ресурси, создавање инклузивна и средина за учење за вработените и партнерите, инвестирање во нови технологии и други области, како што сe спортот, културата, уметноста и традицијата.

На парнерските настани организирани за 100-годишнината на Пивара Скопје учествуваше и главниот извршен директор на групацијата Coca-Cola HBC, Зоран Богдановиќ, како и претставници од Heineken N.V. и The Coca-Cola Company. Во оваа прилика тие направија посета на пазарот, при што Пивара Скопје уште еднаш се заложи да обезбеди највисок квалитет на премиум производите и на искуството на нашите купувачи и потрошувачи. Како резултат на тоа, се создаваат високи трајни вредности кои се споделуваат заедно со партнерите и заедницата. Тие го посетија и центарот за искуства на Пивара Скопје, сместен во зграда која постои од почетоците на компанијата и каде се наоѓаат голем број артефакти кои сведочат за нејзината долга и богата историја.

– Ѝ ги честитам на Пивара Скопје првите 100 години од нејзината успешна работа. Среќни сме и особено горди што во нашата групација имаме компанија со толку богата традиција, со толку многу страст за иновации, за  највисок квалитет, за развој и со исклучителен сенс и грижа за потребите на заедницата на која ѝ припаѓа. Заради сето тоа и многу повеќе, Пивара Скопје и нејзините вработени и партнери ќе продолжат да ја добиваат нашата бескомпромисна поддршка – рече главниот извршен директор на Coca-ColaHBC, Зоран Богдановиќ.

Автентичната приказната за Пивара Скопје, која се раскажува веќе 100 години, беше повод и за дружење меѓу вработените, деловните и партнерите од заедницата кои во изминатите децении учествуваа и дадоа личен печат во креирањето и споделувањето на заедничките успеси. Сите тие наздравија за богатото наследство создадено од Пивара Скопје во минатото, фокусирајќи се на нејзиниот успех во иднина, што е уште поважно.

– Нашата компанија е основана и изградена овде. Нашето наследство и нашите брендови се составен дел од градот, земјата и националниот идентитет. Како нераскинлив дел од заедницата, ние го претставуваме најдоброто од локалнитите состојки, талент и дух. Истовремено, ние сме дел од едно големо интернационално семејство. Заедно со Coca-Cola HBC и Heineken ние имаме единствена можност да го збогатиме нашиот заеднички потенцијал, преку постојана размена на знаење, искуство и таленти. Да се ​​живее сто години е како да се трча маратон, а не спринт. Не е потребно само сила, туку и конзистенстост и истрајност. Но, со цел тој живот да биде успешен, исполнет и забавен, потребно е заедништво. Горди сме што споделуваме толку многу заедно, толку спомени и посебни моменти, во добро и во лошо. Затоа, кога велиме дека сме партнери засекогаш, дека растеме заедно, секогаш заедно, тоа навистина и длабоко го мислиме. Се надеваме дека ќе се чувствувате како да сте дел од ова посебно патување или како што секогаш велиме – Eднаш Пиварец, засекогаш Пиварец – изјави генералниот директор на Пивара Скопје, Горан Сладиќ.

Честитки за 100-годишниот јубилеј пристигнаа од голем број видни личнсти од заедницата, почнувајќи од претседателот Стево Пендаровски, кој присуствуваше на централниот настан за одбележување на роденденот.

Како дел од прославата, на два одвоени работни состаноци се разговараше за бизнис моделот на одржливост, како и за потребата да се фокусираме на младите и на создадевањето инклузивна средина за учење за вработените и партнерите, за да можат тие да го достигнат својот целосен потенцијал, па дури и да го надминат и прошират.

Приклучувајќи се кон честитките за големиот јубилеј, министерот за животна средина и просторно планирање Насер Нуредини ги нотираше континуираните напори и вложувања на Пивара Скопје во доменот на одржливиот развој и заштитата на животната средина, посебно нагласувајќи ја предводничката улога на компанијата во подигнување на јавната свест во однос на постапувањето со отпадот.

Една од вредностите на Пивара Скопје е желбата да расте, при што посебно внимание се посветува на растот и развојот на младите. Министерката за труд и социјална политика Јованка Тренчевска ѝ оддаде посебно признание на Пивара Скопје за постигнатите резултати во реализацијата на долгорочниот проект за обука на млади луѓе „Вештини за успех“, како дел од платформата „Youth Empowered“, како и за проектот за практикантска работа „Coke Summership“. Овие платформи помогнаа да се создадат генерации на таленти и успешни луѓе.

The post ЈУБИЛЕЈНА 100-КА Пивара Скопје слави 1 век успешна приказна appeared first on plusinfo.mk.

СКОПСКО Smooth ги собира на едно место луѓето што со децении ја креирале, дефинирале и живееле музичката сцена, за да ги пронајде, поддржи и промовира најсвежите и најоригиналните домашни артисти.

Лансирањето се случи на најсоодветното место за промоција на македонската музика –Д-Фест во Дојран каде  преку отворена панел дискусија во СКОПСКО Smooth катчето отворено се дискутираше за македонската музичка сцена со Тошо Филиповски, Гоце Саф, Филип Николовски и Огнен Стојановски.

Панел дискусијата покажа дека постои потреба да често и отворено да се зборува на оваа тема, да се изложуваат предизвиците и да се креираат решенија, но клучната порака и заклучок е дека имам сцена која има огромен креативен и творечки потенцијал и која треба да се поддржи.

Наскоро целата дискусија ќе биде објавена на Smooth ON, a во меѓувреме ве покануваме да ја слушнете музичката селекција на нашите панелисти која само докажува колу е богата, разновидна и прогресивна македонската музичка сцена.

Вклучи се и слушај свежа музика!

Линк: https://www.smoothon.mk/

The post СКОПСКО SMOOTH ЈА ЛАНСИРАШЕ  Smooth ON Свежа музика на само клик од тебе appeared first on plusinfo.mk.

– Не постои поголема среќа од моментите кога имаме повод за колективна здравица како што е овој историски успех на македонската репрезетација. Со специјалната едиција на лименки покажуваме огромна благодарност за радоста која ни ја приредија нашите момци и наздравуваме во нивно име со цело срце. Ви благодариме што нѐ направивте горди! – изјави Ламбро Патче, менаџер за односи со јавност и комуникации во Пивара Скопје.

Специјалната едиција на колекционерски лименки посветена на фудбалерите ќе биде достапна за продажба во текот на фудбалското првенство, соопшти компанијата.

The post „Скопско“ им подари специјално дизајнирани лименки со пиво на фудбалерите (ФОТО) appeared first on plusinfo.mk.

СКОПСКО, како докажан пријател на спортот и нераскинлив дел од сите важни моменти од нашето живеење, пред и за време на првенството, интензивно се подготвува за креирање на вистинска навивачка атмосфера и поддршка на нашите фудбалери во нивниот историски настап на едно големо фудбалско натпреварување. За таа цел, во соработка со ФФМ, ќе биде реализирана кампања под мотото „Заедно и сѐ е можно“, во која составен дел е навивачката химна „Одиме на Европско“. Во создавањето и изведбата на навивачката химна, за која е креиран и видео спот, учествуваат домашни музички ѕвезди обединети во бендот „Вис Рисови“.

Во насока на креирање вистинска навивачка атмосфера, пред и за време на првенството, на пазарот се лансирани и специјално дизајнирани СКОПСКО и СКОПСКО Smooth лименки кои се посветени на фудбалот и македонската репрезентација. Продажбата на оваа специјална серија лименки започна од 26 април.

– Исклучително сме среќни што, како докажани партнери и поддржувачи на спортот, имаме можност да бидеме дел од оваа приказна која покрај спортскиот успех во себе содржи и голема национална гордост. Сигурни сме дека фудбалерите ќе дадат сè од себе за да го вивнат македонскиот фудбал во нови височини и одново да покажат дека кога се подготвени заедно да го дадат својот максимум на теренот, сѐ е можно. А, ние ветуваме дека СКОПСКО ќе биде со нив и дека заедно со многубројните фанови и целокупната јавност од сè срце ќе ги бодриме. Веруваме дека, по сите неизвесни и тешки моменти со кои се соочуваме во овој период, нашите фудбалери, со нивната игра и залагање, ќе нè исполнат со радост и гордост – изјави генералниот директор на Пивара Скопје, Горан Сладиќ.

Во знак на благодарност за партнерството со СКОПСКО и поддршката за македонската фудбалска репрезентација, претседателот на ФФМ, Муамед Сејдини на генералниот директор на Пивара Скопје му подари специјален репрезентативен дрес со бројот девет. Од своја страна пак, генералниот директор на Пивара Скопје, на првиот човек на ФФМ, му предаде симболичен подарок за означување на оваа значајна соработка.

– Ни претставува исклучително задоволство што денеска нашата репрезентација и ‘Куќата на фудбалот’ добиваат нов партнер во името на Пивара Скопје. Нѐ радува тоа што еден од најпрепознатливите наши брендови, славното СКОПСКО, станува дел од фудбалското семејство. Верувам дека заеднички ќе се радуваме на нови победи, со душа и со срце ќе ја бодриме нашата репрезентација и ќе славиме со ‘На здравје – за нови победи – истакна претседателот на ФФМ, Муамед Сејдини.

СКОПСКО и ФФМ најавуват наскоро ново продолжение на оваа приказна со кое ова партнерство, репрезентативците и нивниот настап на европското првенство ќе останат запаметени во нашата фудбалска историја.

The post СКОПСКО со поддршка за македонската фудбалска репрезентација на Европското првенство appeared first on plusinfo.mk.

Тој најави дека неговиот ангажман во Пивара ќе се темели на три столба.

– Првиот секако е силната традиција на Пивара Скопје, вториот е фокусот на иновациите и градењето доверба кај купувачите и потрошувачите во уникатните вредности и можности на нашите брендови, а третиот столб ја претставува нашата апсолутна посветеност кон луѓето и развојот на талентите –  изјави Сладиќ

Горан Сладиќ е искусен менаџер кој ја започнал својата кариера во Coca-Cola HBC во Хрватска во 2003 година. Пред доаѓањето во Пивара Скопје, тој беше на позицијата регионален директор за продажба на Coca-Cola HBC во Нигерија, што ја извршуваше од 2017 година. За време на неговиот ангажман во Нигерија компанијата постигна рекордни продажни резултати и беа воведени многубројни иновативни решенија кои ги унапредија продажните капацитети. Пред преземањето на функцијата во Нигерија, Сладиќ бил одговорен за сегментот на премиум жестоки пијалаци на Coca-Cola HBC во Југоисточна Европа.

Пивара Скопје веќе 98 години е присутна на домашниот пазар на пиво и безалкохони пијалаци. Компанијата е дел од системите на Coca-Cola HBC и HEINEKEN N.V.

The post Горан Сладиќ е новиот генерален директор на Пивара Скопје appeared first on plusinfo.mk.