Германскиот министер за одбрана Борис Писториус изјави дека Европа е безбедна од потенцијалниот дострел на иранските ракети, нагласувајќи дека континентот е заштитен преку системот на колективна одбрана на НАТО.

За време на посетата на австралиска касарна во близина на Бризбејн, Писториус рече дека Европа е „безбедна, особено затоа што Германија не се брани сама во воздушната одбрана, туку во рамки на силите на НАТО“.

Тој се осврна и на распоредувањето на системот за воздушна одбрана „Ероу 3“ (Arrow 3), набавен од Израел, кој наскоро треба да стане оперативен.

– Тоа е огромен чекор напред. Се сеќавам на критиките кога го набавивме – се тврдеше дека нема ракети што треба да се пресретнуваат – изјави Писториус.

Системот „Ероу 3“ е наменет за уништување непријателски ракети на височина од над 100 километри – способност што германските вооружени сили (Бундесвер) досега ја немаа. Воздушната база Шеневалде/Холцдорф, на границата меѓу германските покраини Саксонија-Анхалт и Бранденбург, е првата од трите планирани локации за распоредување на системот.

Писториус истакна дека дострелот на иранските балистички ракети е одамна познат.

– Секако, теоретски тие можат да стигнат до Европа. Но, тоа го знаевме и претходно. Прашањето е со какви боеви глави и со каква прецизност. Затоа се потпираме на заедничката одбранбена способност на НАТО – додаде тој.

Министерот наведе и дека ракети за американскиот систем „Патриот“ наскоро ќе почнат да се произведуваат во Германија, од страна на компанијата МБДА (MBDA).

The post НАТО МОЖЕ ДА ЈА ОДБРАНИ ЕВРОПА ОД ИРАНСКИTE РАКЕТИ Германија набавила израелски „Стрели“, а ќе произведува американски „Патриоти“ appeared first on plusinfo.mk.

Германија ќе  распореди авиони „Еурофајтер“ во полската воена база во Малборк за подобро да ги заштити источните членки на НАТО, објави германскиот министер за одбрана Борис Писториус, објави ДПА.

– Со патролните летови  ќе придонесеме за заштита на источното крило. Тоа ќе нè направи уште поактивни, присутни и видливи на источната граница на Алијансата – рече Писториус на маргините на состанокот на министрите за одбрана на НАТО во Брисел.

НАТО започна нова мисија во септември за подобро да го заштити воздушниот простор на своите источноевропски членки по серијата повреди на воздушниот простор од страна на Русија. Борбените авиони ќе го зголемат придонесот на Германија во мисијата наречена „Источна стража“.

– Кога (рускиот претседател Владимир) Путин ги тестира нашите граници, без разлика дали е тоа во Полска, Естонија или на друго место, ние реагираме решително, брзо и ефикасно – рече Писториус.

The post ГЕРМАНИЈА РАСПОРЕДУВА ВОЕНИ АВИОНИ ВО ПОЛСКА Се зајакнува источното крило на НАТО по руските провокации appeared first on plusinfo.mk.

Руски воен авион прелета над германска воена фрегата во Балтичкото Море, изјави денеска германскиот министер за одбрана Борис Писториус.

– Навлегувањата на руски дронови и воени авиони длабоко во полскиот и естонскиот воздушен простор, како и прелетот над германска фрегата во Балтичкото Море во рок од неколку дена, јасно покажуваат дека Русија буквално ги тестира границите, вклучително и на земјите-членки на НАТО, со сè поголема фреквенција и интензитет – рече Писториус.

Прелетите над бродови се сметаат за непотребна провокација.

Според извори на ДПА, станува збор за фрегатата „Хамбург“, која моментално учествува во тековните вежби на НАТО под името „Нептун страјк“. Двата прелета се случиле непосредно пред и за време на изминатиот викенд.

Третата серија од вежбите „Нептун страјк“ се одржува од 22 до 26 септември и има цел да ја демонстрира способноста на Алијансата да интегрира напредни поморски ударни капацитети, да го зајакне одвраќањето и да обезбеди слобода на навигација низ критичните водни патишта.

Изјавите на Писториус дојдоа во момент кога тој побара од пратениците во Бундестагот да го одобрат буџетот на Министерството за одбрана за 2026 година.

Министерот рече дека рускиот претседател Владимир Путин „сака да ги провоцира земјите-членки на НАТО и да идентификува, открие и искористи наводни слабости во Алијансата“.

Но, според Писториус, Путин прави грешка.

– Алијансата реагираше на руските провокации со јасно единство и решителност, но истовремено и со неопходната присебност што денес е особено важна – нагласи тој.

Според предлогот на германската Влада, буџетот за 2026 година предвидува 82,69 милијарди евра редовни трошоци, плус дополнителни 25,51 милијарди евра од специјалниот воен фонд воспоставен по руската инвазија врз Украина.

За споредба, во 2025 година редовното трошење изнесува 62,43 милијарди евра, а уште 24,06 милијарди евра се одвојуваат од фондот.

The post РУСКИ АВИОНИ ПРЕЛЕТАЛЕ НАД ГЕРМАНСКИ БРОДОВИ ВО БАЛТИКОТ? Путин ги тестира границите, вели германски министер appeared first on plusinfo.mk.

Германија во моментот не размислува за испорака на проектили со долг дострел „Таурус“ во Украина, кои можат да погодат цели на оддалеченост до 500 километри, изјави германскиот министер за одбрана Борис Писториус на средбата со украинскиот претседател Володимир Зеленски.

Украина веќе добива ракети со долг дострел од Франција, Велика Британија и од САД.

Писториус, кој е во посета на Киев, изјави и дека германската помош за Украина годинава достигнала до 7 милијарди евра. Тој најави дека 1,9 милијарди евра чекаат одобрение од Парламентот.

Писториус, кој од почетокот на војната петти пат е во посета на Украина, денеска се сретна и со украинскиот колега Рустем Умеров.

ДАЛИ ГЕРМАНИЈА СТОИ ЗАД НАЈОПАСНАТА ОДЛУКА ВО ЕВРОПА? Зеленски го држи Мерц за збор за ракетите „Таурус“

The post ГЕРМАНИЈА НЕМА ДА Ѝ ДАДЕ „ТАУРУС“ НА УКРАИНА Киев веќе добива ракети со долг дострел од Франција, Велика Британија и од САД appeared first on plusinfo.mk.

Германија ќе продолжи да ја поддржува Украина со нејзината нова влада без оглед на тоа дали САД ќе обезбедат помош, бидејќи тоа се совпаѓа со националните интереси на Германија, изјави германскиот министер за одбрана Борис Писториус за телевизијата АРД, цитирана од Укринформ.

– Ако Украина падне, ако Путин ја добие оваа војна со окупирање на Украина, тоа ќе претставува максимална закана за НАТО, како и за соседните земји на НАТО како Грузија и Молдавија. Ова не е само солидарност со Украина, туку станува збор за нашата безбедност и мир во Европа – рече Писториус.

Како одговор на прашањето за можноста за обезбедување ракети со долг дострел на Киев, како што претходно предложи идниот канцелар Фридрих Мерц, Писториус јасно стави до знаење дека таква одлука најверојатно нема да биде донесена.

– Веќе кажавме сè за „Таурус“: тоа нема да стави крај на војната – рече Писториус.

Според него, обезбедувањето разузнавачки информации е понеопходно.

Писториус, исто така, рече дека, според него, барањата на Трамп за територијални отстапки од Украина одат предалеку и де факто претставуваат капитулација.

– Украина можеше да го постигне ова сама доколку капитулираше пред една година – објасни Писториус.

Германската Влада во заминување подготви посебен фонд од 100 милијарди евра за модернизација на НАТО и исполнување на целта да се издвојуваат два отсто од БДП за Алијансата, што веројатно ќе се зголеми на три отсто или повеќе кога лидерите на НАТО ќе се состанат во Холандија во јуни.

Претседателот на Германија Франк-Валтер Штајнмајер денеска рече дека ќе се трудиме Германија и нејзината војска и инфраструктура да бидат ’рбет на одбраната во Европа“ и дека земјата ќе се приспособи на новите безбедносни батања во Европа. Неговата земја доаѓа во време кога Германија одбележува 70 години членство во НАТО.

The post ИНТЕРЕС НА ГЕРМАНИЈА Е ДА ЈА ПОМАГА УКРАИНА Германскиот министер вети помош, но не и ракети „Таурус“ appeared first on plusinfo.mk.

Украина не треба да се согласи на најновиот предлог на претседателот на САД, Доналд Трамп, да отстапи големи територии во замена за прекин на огнот со Русија бидејќи тоа би било „капитулација“, изјави германскиот министер за одбрана, Борис Писториус.

Писториус во неделата за германската јавна телевизија АРД рече дека Киев веројатно е свесен дека за постигнување траен и одржлив прекин на огнот може да биде принуден да се откаже од некои територии.

– Но, тие секако нема да одат толку далеку – или не треба да одат толку далеку – колку што се предвидува во најновиот предлог на американскиот претседател. Она што го предлага Трамп, Украина можеше да го добие и пред 1 година. Ова личи на капитулација. Не гледам никаква додадена вредност во тоа – истакна Писториус, кој најверојатно ќе остане министер за одбрана и во новата германска коалициска влада.

Трамп минатата недела, во интервју за магазинот Тајм, изјави дека анектираниот Крим ќе остане под руска контрола како дел од можно мировно решение со Украина.

The post ПРЕДЛОГОТ НА ТРАМП Е ПАТ КОН ПОРАЗ, УКРАИНА НЕ СМЕЕ ДА ГО ПРИФАТИ Германија остро го критикува планот за територијални отстапки appeared first on plusinfo.mk.

– Би било наивно да се верува дека таа закана, дури и по каков било мировен договор, кога и да се материјализира, ќе ослабне – рече Писториус пред состанокот на министрите за одбрана на НАТО во Брисел.

Писториус нагласи дека затоа е неопходно членките на НАТО повеќе и побрзо да инвестираат во својата одбрана и безбедност.

Писториус додаде дека ќе беше подобро САД да нè направеа отстапки за Русија уште пред да започнат преговорите, мислејќи на прашањето за членството на Украина во НАТО и можните територијални загуби. Тој, исто така, предупреди дека брзото постигнување мировен договор нема нужно да ги отстрани сите грижи за сè поагресивната политика на Русија во регионот и нагласи дека Европејците нема да можат да си дозволат „да седат и да се релаксираат“.

Тој рече дека ако Путин е навистина сериозен за мировните преговори, иако се сомнева во тоа, треба да го покаже тоа со запирање на нападите врз Украина. Тој нагласи дека Европа мора да биде вклучена во какви било преговори, особено ако Трамп очекува европските сојузници да играат мировна улога во идните договори, како што предложи американскиот министер за одбрана Хегсет.

Повеќе европски дипломати денеска во заедничко соопштение упатија порака дека ЕУ и Украина мора да бидат вклучени во преговорите. Нивната реакција доаѓа по изјавата на американскиот претседател Доналд Трамп дека е можно да се сретне со рускиот колега Владимир Путин во Саудиска Арабија.

Британскиот министер за одбрана Џон Хили рече дека нема преговори за Украина без Украина.

Германската министерка за надворешни работи Аналена Бербок ја повтори пораката дека ЕУ и Украина мора да бидат вклучени.

Доскорешниот германски канцелар Олаф Шолц во интервју за „Политико“ изјави дека не смее да има наметнат мир во Украина, а какво било решение на конфликтот таму мора да ги вклучи САД.

– Целосно ми е јасно дека не смее да има решение кое не ги вклучува САД. Следната задача е да се обезбеди дека нема да има наметнат мир – рече Шолц.

The post ПИСТОРИУС ВЕЛИ ДЕКА ТРАМП ВЕЌЕ НАПРАВИЛ ОТСТАПКИ КОН ПУТИН Москва ќе остане закана за ЕУ и по договорен мир? appeared first on plusinfo.mk.

Во видео објавено на налогот на германската Социјалдемократска партија, Писториус наведува дека на раководството на партијата му соопштил дека „нема да биде во можност да биде кандидат на партијата“.

– Ова е моја и само моја лична одлука. Последниве недели, повторно и повторно го потенцирав тоа и го повторувам што е можно појасно: Во Олаф Шолц имаме одличен канцелар. Тој ја предводеше коалицијата, која би била предизвик дури и во нормални времиња, преку веројатно најголемата криза во последните децениив – рече Писториус синоќа.

Според анализата на порталот Политико објавена во средата, Писториус е најпопуларниот политичар во Германија, додека актуелниот германски канцелар Олаф Шолц е меѓу најмалку популарните.

Писториус е познат по неговите релативно тврдокорни ставови за обезбедување на оружје за Украина и проширување на германската војска, поради што, смета Политико, „не е нужно  природно соодветен “ за партијата која традиционално се обидува да ги одржи врските со Москва и која и натаму е скептична за употребата на воената сила.

И покрај тоа, многумина во СПД тврдат дека Писториус е единствениот кој може да ја спаси партијата од тежок пораз на предвремените избори во Германија, што се очекуваат на 23 февруари, по падот на трипартиската коалиција на Шолц на почетокот од овој месец.

The post ЗОШТО ЛИ СЕ ПОПИШМАНИ? Писториус се откажа од кандидатурата за германски канцелар appeared first on plusinfo.mk.

– Јас вербално ги охрабрив партнерските земји кои имаат тенкови Леопард подготвени за испорака да започнат со обука на украинските сили, наведе Писториус на заедничката прес-конференцијата со генералниот секретар на НАТО, Јенс Столтенберг во Берлин.

Столтенберг изрази уверување дека Алијансата наскоро ќе најде решение за испорака на борбени тенкови на Украина.

– Во овој клучен момент од војната, мораме да обезбедиме потешки и понапредни системи за Украина и тоа мораме да го направиме побрзо. Консултациите меѓу сојузниците ќе продолжат и уверен сум дека наскоро ќе имаме решение – изјави Столтенберг.

Германија, која мора да одобри каков било реекспорт на тенковите Леопард, досега се воздржуваше, стравувајќи дека тоа би можело да ја поттикне Москва да го ескалира конфликтот.

Владата во Киев побара тенкови Леопард 2 од германско производство, еден од најкористените западни тенкови, за да може да ги пробие руските линии и да ја врати украинската територија под своја контрола.

Земјите-членки на НАТО и САД на минатонеделниот состанок во Германија не успеаја да го убедат Берлин да дозволи испорака на Леопардот во Украина.

Русија соопшти дека испораката на тенковите Леопард би значело на НАТО во конфликтот.

– Земјите кои учествуваат, директно или индиректно, во испраќањето оружје во Украина и во подигнувањето на нејзиното технолошко ниво сносат одговорност за продолжување на конфликтот – изјави вчера портпаролот на Кремљ, Дмитриј Песков.

Тој додаде дека „украинскиот народ е тој што ќе ја плати цената за сета таа псевдоподдршка”.

Во меѓувреме, Вашингтон се премислува околу плановите за пролетна украинска офанзива.

„Нема друг начин да се изведе голема украинска офанзива оваа година, а таа да не го вклучува полуостровот Крим“. Ова е новиот став на американските власти кои, според неименуван извор за Њујорк тајмс го смениле мислењето околу вооружувањето на Украина. По неколку месеци убедување со Украинците, администрацијта на Џо Бајден признала дека може да му обезбеди помош на Киев, дури и ако таквиот потег го зголеми ризикот од ескалација на војната, пишува весникот.

Ова е во спротивност со изјавите на САД деновиве дека нема да ѝ достават тенкови „Абрамс“ на Украина и кои ја преупредија земјата да не планира голема офанзива. Истовремено, американската одлука ги предомисли Германците во нивната решеност да испратат „Леопарди“.

The post ГЕРМАНИЈА ПОД ПРИТИСОК ДА ОДОБРИ „ЛЕОПАРДИ“ ЗА УКРАИНА Тенковите се клучни за пролетна офанзива appeared first on plusinfo.mk.

– Писториус, министерот за внатрешни работи на покраината Долна Саксонија, е „високо искусен политичар кој со години се занимава со безбедносна политика“ – се вели во соопштението на Шолц.

Повикувајќи сe на извори во владата, медиумите претходно го објавија именувањето на Писториус.

Поранешниот министер за внатрешни работи на покраината Долна Саксонија е помалку познат политичар на национално ниво.

Критикуваната германска министерка за одбрана Кристин Ламбрехт вчера му поднесе оставка на канцеларот Олаф Шолц.

Дojче Веле наведува и дека можеби жена повторно би станала министер за одбрана, „ако канцеларот се придржува до принципот на еднаква застапеност на мажите и жените во кабинетот“.

Ламбрехт (57) е министер за одбрана од доаѓањето на Шолц за канцелар во декември 2021 година.

Критичарите рекоа дека позицијата е над нејзиниот капацитет, а притисокот се зголеми неодамна по новогодишната видео порака на социјалните мрежи во која таа се осврна на војната во Украина со звуци на огномет во позадина.

Инаку британскиот министер за одбрана Бен Валас вчера ја повика Германија да ги достави своите тенкови „Леопард“ 2 на украинските сили. Обединетото Кралство најави испорака на своите тенкови „Челинџер 2“, но Германија досега се воздржува.

– Во Германија моментално се води дебата за тоа дали тенкот е офанзивно или одбранбено оружје. Па, зависи од тоа за што го користите. Ако го користите за да ја одбраните својата земја, би се обложил дека тоа е одбранбен систем на оружје – рече Валас во обраќањето пред британските пратеници.

– Знам дека се загрижени во германското политичко тело, бидејќи не сакаат да бидат сами. Тие не се сами – рече министерот за одбрана. Британската влада минатата недела објави дека ќе испрати 14 тенкови „Челинџер“ во Украина. Германските тенкови „Леопард 2“ се сметаат за најдобри во Европа.

Полска и Финска, кои користат тенкови „Леопард 2“, веќе изразија поддршка за идејата да се испратат во Украина, но таквата одлука мора да биде одобрена од производителот, Германија.

На земјите кои го поддржуваат вооружувањето со тешко вооружување им се приклучи и Латвија.

– Украина треба да го има сето потребно оружје за да се спротивстави на оваа офанзива. Затоа треба да и се даваат тенкови на Украина секогаш кога е можно – изјави во понеделникот летонскиот претседател Егилс Левитс за Ал Џезира.

Ќе донесат одлука во петок?

Западните сојузници би можеле да донесат одлука за испраќање тенкови во петок, кога со украинските сојузници ќе се сретнат во воената база Рамштајн. Германија вчера остана без министер за одбрана, бидејќи министерката Кристин Ламбрехт поднесе оставка, но канцеларот Шолц експресно најде нејзина замена.

Германија, Франција и САД испраќаат оклопни возила Германија, заедно со Соединетите Американски Држави и Франција, одлучија претходно оваа година да испрати тешко оружје во Украина – покрај воздушните системи „Патриот“ и 40 оклопни транспортери „Мардер“ – но досега не сакаше да испрати нивните тенкови.

Франција ги вети лесните „AMKS 10-RC“ тенкови и американски борбени возила „Бредли“. Сите залихи се очекува да бидат испратени до украинските сили некаде до крајот на март.

The post ГЕРМАНИЈА НАЈДЕ „ЛАВ“ ШТО ЌЕ ГИ ПРАТИ „ЛЕОПАРДИТЕ“ ВО УКРАИНА ДА ЈА ТОЛЧАТ РУСИЈА Избран нов министер за одбрана appeared first on plusinfo.mk.