– Нашиот став е многу јасен, Комисијата со нетрпение очекува почеток на преговорите по Кластерот „Основи вредности“ што со Албанија и со Северна Македонија што е можно поскоро, откако Северна Македонија ќе ги исполни релевантните критериуми што се договорени со Советот – изјави Писонеро во одговор на прашањето за ставот на ЕК за „раздвојувањето“ на Тирана и Скопје на европскиот пристапен пат.

Таа додаде дека тие „релевантни критериуми“ ги вклучуваат уставните амандмани за вклучување на Бугарите во Уставот.

– Европскиот совет ја повика Северна Македонија да го забрза спроведувањето на овие измени – изјави Писонеро, додавајќи дека одлуките за следните чекори во пристапниот процес се во надлежност на земјите членки на ЕУ, а не на Европската комисија.

Како што потврди денеска унгарското претседателство со Советот на ЕУ за МИА, КОРЕПЕР донесе одлука Албанија на 15 октомври да го започне преговарачкиот процес за членство во ЕУ по поглавја, со отворање на преговорите по Кластерот 1 – „Основи вредности“.

– Можеме да потврдиме дека Корепер се согласи да продолжи со процесот на пристапување на Албанија во ЕУ – изјави за МИА портпаролката на унгарското претседателство за Корепер, Ана Атанасов.

Со ваквата одлука Албанија практично ќе биде раздвоена од земјава на патот кон членство во ЕУ, иако досега двете земји се движеа во пакет во пристапниот процес.

The post ОДЛОЖЕН МАКЕДОНСКИОТ ЕВРОПСКИ СОН Од ЕК очекуваат Македонија наскоро ќе ги заврши обврските appeared first on plusinfo.mk.

– Изборите ги следевме многу внимателно и секогаш се воздржуваме од коментари додека ОБСЕ/ОДИХР не даде прелиминарна оценка, која ќе биде подоцна попладнево – изјави Писонеро на брифинг за медиумите.

Од друга страна, сенаторот на Руската Федерација и шеф на набљудувачката мисија на Интерпарламентарното собрание на Заедницата на независни држави, Дмитри Василенко, синоќа изјави дека мисијата не забележала сериозни нерегуларности за време на парламентарните и локалните избори во Србија и оти тие се одвиваат во фер и коректна атмосфера.

Василенко рече дека мисијата дошла на покана на Републичката изборна комисија, дека членовите на таа група ги набљудувале изборите на 17 избирачки места во Белград и оти не забележале сериозни нерегуларности.

– РИК и локалните изборни комисии ги создадоа сите услови за изразување на слободната волја на граѓаните. Гласачите покажаа високо ниво на доверба во структурите што ги спроведоа изборите. Подготовката и одржувањето на вонредни избори за пратеници во српскиот Парламент беа во согласност со националното законодавство и меѓународните стандарди за одржување на демократски избори – рече Василенко и додаде дека за сето тоа сведочи високиот одѕив на изборите.

The post ЕУ ЗАСЕГА НЕМА ДА ГИ КОМЕНТИРА ИЗБОРИТЕ ВО СРБИЈА Ќе ги чека оцените на ОБСЕ/ОДИХР appeared first on plusinfo.mk.

Портпаролката Ана Писонеро, одговарајќи на новинарско прашање денеска изјави дека „Комисијата сѐ уште работи на текстови на нацрт рамките“.

– Ги финализираме документите, немаме датум кога тие ќе бидат презентирани, но целта ни е тоа да биде што е можно поскоро – рече Писонеро.

Преговарачките рамки се најавуваат од почетокот на овој месец од страна на Европската Комисија. Тие нема да бидат достапни за јавноста, предупредија од ЕК, ќе се објави само соопштение. Овие нацрт рамки им се предаваат на земјите членки во Советот на ЕУ, кои потоа треба да ги одобрат, и евентуално модифицираат.

Според агендата на Советот, не се очекува тие да бидат на дневен ред ова лето, бидејќи во наредните недели интензивно се преговара за буџетот на ЕУ.

The post ЕК: Преговарачките рамки ќе се објават наскоро appeared first on plusinfo.mk.

Портпаролката на Европската комисија, Ана Писонеро, рече дека „ЕУ ги охрабрува црногорските власти да најдат правилен баланс помеѓу поддршката на слободата на собирање и изразување и пропорционално дејствување“.

– ЕУ потсетува дека тоа е нејзината основна вредност и клучен елемент на процесот на пристапување на Црна Гора во Унијата, во ваков предизвикувачки период за сите нас – рече Писонеро.

Таа додаде дека „евентуалните прекршувања на законот треба да бидат решени од надлежните органи, во согласност со националното законодавство и релевантните меѓународни стандарди“.

Во неколку црногорски градови синоќа се судрија полицијата и демонстрантите кои бараат ослободување на епископот Јоаникија и седум свештеници на СПЦ. Тие беа уапсени за организирање поворка во Никшиќ во вторникот со илјадници граѓани, и покрај забраната за собири.

Според црногорската полиција, во судирите се повредени 26 полицајци, а повеќе од 50 лица се приведени. Доцна попладнево во Никшиќ и неколку други градови имаше повторно собирања на граѓани пред Центарот за безбедност, но без инциденти.

Премиерот на Црна Гора, Душко Марковиќ нагласи денеска дека Црна Гора била изложена на брутален напад поради масовни собири што може да имаат несогледливи последици по здравјето на црногорските граѓани. Тој, исто така, имаше недвосмислена порака за сите – не мора да ја сакате Црна Гора, но мора да ја почитувате.

– Нашата земја е изложена на брутален напад што може да има огромни последици по здравјето. Се кршат масовно наредби од надлежните органи. Имаше масовно кршење на здравствените наредби и мерки во неколку наши градови. Се што постигнавме за три месеци посветена работа и заедничко жртвување, е доведено во прашање. Нема разумно објаснување или оправдување за ваквото однесување и неговите актери. Стравуваме дека за десетина дена би можеле да се најдеме во ситуација од пред два месеци. Нема разумно објаснување или оправдување за таквото однесување. Повеќе полицајци беа нападнати и повредени од екстремисти – рече премиерот Марковиќ.

The post ЕУ внимателно го следи развојот на настаните во Црна Гора appeared first on plusinfo.mk.