Во врска со писмото кое денеска Ахмети го испрати до премиерот Христијан Мицкоски, Милошоски вели дека самиот се побива, бидејќи тој лично пред неколку години потврди дека Охридскиот договор е завршена работа и партијата ја ребрендираше во зелена.

– Прво, самиот Али Ахмети се побива себеси со ова напишано писмо, бидејќи тој лично како претседател на ДУИ во 2021 година тука во Скопје промовираше на роденденот на ДУИ дека Охридскиот договор е завршена работа, националните теми се затворени и затоа ДУИ се трансформира во зелена партија, со агенда за животната средина. И сега одеднаш, кога падна ДУИ во опозиција, ја нема животната средина, ја нема зелената агенда, не е приоритет, сега повторно се оди на етнизирање на одредени теми, како балансерот или слични други алатки, кои ДУИ кога била на власт се согласила да бидат избришани. И затоа сметам дека ваквото негово писмо е патетично и е еден очаен обид за да се привлече внимание врз себе како одреден фактор од кој што зависи стабилноста или нестабилноста на државата. Тие времиња поминаа и најдобро е ДУИ да си посвети внимание на сопствените внатрепартиски реформи – рече Милошоски.

Тој додаде дека Ахмети има обврска да си ја реформира неговата партија од високата корупција.

Ахмети денеска му испрати официјално писмо на Мицкоски, во кое вели дека одлуките за укинување на заштитните механизми за заедниците и измените на Законот за употреба на јазиците не само што се политички контроверзни, туку се опасни и штетни за напредокот и одржливоста на општеството.

• ПИСМАТА ОД ГРАЃАНИТЕ ГИ ЧИТАМ СО ГОЛЕМО ВНИМАНИЕ На писмото од граѓанинот Ахмети не му дошол редот

Премиерот Мицкоски денеска рече дека писмото не го добил.

The post ПИСМОТО НА АЛИ АХМЕТИ Е ПАТЕТИЧНО Очаен обид ДУИ да се претстави како фактор за стабилност appeared first on plusinfo.mk.