Турскиот претседател Реџеп Таип Ердоган на лидерите на земјите членки на НАТО им приреди необичен подарок за време на самитот во Анкара – им подари луксузно изработени, гравирани пиштоли, заедно со придружните куршуми и комплети за чистење.

Според информациите од британските медиуми, секој од лидерите добил ист подарок, а оружјето било персонализирано со името на примателот.

Претседателката на Европската комисија, Урсула фон дер Лајен, и претседателот на Европскиот совет, Антонио Кошта, во среда добија како подарок пиштоли од домаќинот на самитот, турскиот претседател Реџеп Таип Ердоган, потврдија двајца претставници на ЕУ за Политико.

Официјален претставник на Европскиот совет додаде дека безбедносниот тим на Кошта го зел оружјето за инспекција.

„Ќе ги следиме процедурите за да го транспортираме во Белгија, а потоа да го складираме во согласност со безбедносните барања пропишани од Генералниот секретаријат на Советот“.

Тимот на Урсула фон дер Лајен не одговори веднаш на прашањето што ќе се прави со пиштолот.

Сепак, според еден од претставниците, станува збор за врвни церемонијални пиштоли чија вредност би можела да ги надмине дозволените граници за официјални подароци, што го прави малку веројатно примателите да задржат лична сопственост врз нив.

Други европски лидери, вклучувајќи го и британскиот премиер во заминување, Кир Стармер, и холандскиот премиер Роб Јетен, јавно изјавија дека ќе ги остават своите пиштоли во Турција за да бидат неупотребливи пред да бидат транспортирани во нивните соодветни земји.

Причината за одлуката на Стармер е британското законодавство, кое има строги правила за поседување и увоз на огнено оружје. Иако турскиот претседател приложил документ со кој се откажува од извозните ограничувања, внесувањето на оружјето во Велика Британија би претставувало прекршување на домашните прописи.

Германската влада соопшти дека револверот што му бил подарен на канцеларот Фридрих Мерц е предаден на германската амбасада за да се спроведе законската процедура за увоз. По завршување на постапката, оружјето ќе биде додадено во колекцијата на официјални подароци на германската влада.

Подарувањето оружје како дипломатски подарок на највисоки државни претставници предизвика внимание, особено поради различните правила за поседување оружје во земјите членки на Алијансата.

The post ЗА ЛИДЕРИТЕ НА НАТО, ГРАВИРАНИ ПИШТОЛИ СО БОЕВА МУНИЦИЈА! Изненадувачки подарок од Ердоган на самитот во Анкара appeared first on plusinfo.mk.

Јавното обвинителство отвори истрага против двајца браќа од Скопје, на возраст од 43 и 44 години, осомничени дека се обиделе да убијат едно лице кај селото Шишево, при што во опасност биле доведени и уште две лица.

Според истрагата, инцидентот се случил на 6 јуни во близина на авто-плац во Шишево, а неговата позадина била расправија што започнала по мал сообраќаен инцидент. При разминување на патот, возилата на братот на оштетениот и на едниот од осомничените се допреле со ретровизорите, по што следувала вербална пресметка.

Обвинителството тврди дека еден од осомничените го фатил другиот возач за врат и му се заканувал, но сведоци успеале да ја смират ситуацијата. Сепак, конфликтот не завршил таму.

Откако нападнатиот ја зел сопругата од работа, го повикал својот брат за да провери дали патот е безбеден за враќање. Но, во близина на местото каде што претходно избувнала расправијата, двајцата осомничени, според обвинителството, ги чекале скриени во грмушки и вооружени со пиштоли.

Во моментот кога возилото поминувало покрај нив, едниот од браќата испукал два куршума. Еден од проектилите го погодил братот на претходно нападнатиот маж во главата, нанесувајќи му тангенцијална повреда. Со пукањето биле загрозени и уште две лица кои се наоѓале во близина.

Јавниот обвинител за двајцата осомничени побарал притвор. Тие се товарат врз основа на сомнение дека се соизвршители на кривично дело – Убиство според член 123 став 2 точка 3 во врска со член 19 (во обид).

Во предлогот до судот се наведува дека постои опасност од бегство, можност за влијание врз сведоци и ризик осомничените да го повторат или довршат делото за кое се гонат.

The post ИМ ГО ГРЕБНАЛ РЕТРОВИЗОРОТ, ГО ЧЕКАЛЕ ВО ГРМУШКА СО ПИШТОЛИ!? Двајца браќа ќе одговараат за обид за убиство во Шишево appeared first on plusinfo.mk.

Полицијата одзела пиштоли, револвери и куршуми кои без дозвола ги чувал 38-годишник одКавадарци.

Полициски службеници од ОВР Кавадарци во вечерните часови го привеле А.М., 38-годишен жител на градот. Претресот бил извршен со судска наредба од Основниот суд во Кавадарци.

Во неговиот дом биле пронајдени и одземени гасен пиштол, рамка со куршум, воздушен пиштол, два револвера и 58 куршуми со калибар 9 милиметри. Оружјето и муницијата биле поседувани без соодветна документација.

The post ПИШТОЛИ И РЕВОЛВЕРИ ВО ДОМ ВО КАВАДАРЦИ Полицијата заплени оружје и 58 куршуми appeared first on plusinfo.mk.

Вкупно девет службени пиштоли, украдени на 5 јануари од просториите на ЈП „Паркови и зеленило“ во Скопје, беа пронајдени во автомобил „шкода октавија“, сопственост на правно лице од Прилеп, при царинска контрола на граничниот премин „Богородица“.

– Основното јавно обвинителство Гевгелија донесе наредба за спроведување истражна постапка против жител на Прилеп, кој на 14 јануари го изнајмил возилото од компанијата и со него се обидел преку граница да ги пренесе полуавтоматските пиштоли, скриени во фабричкиот простор помеѓу лимот и тапацирот на автомобилот – се наведува во соопштението од Обвинителството.

Од сериските броеви е утврдено дека станува збор за оружјето што претходно било украдено од службените простории на ЈП „Паркови и зеленило“ – Скопје и регистрирано како службено оружје на обезбедувањето во скопското претпријатие.

Јавниот обвинител до судијата на претходна постапка доставил предлог за определување мерка притвор за осомничениот за кривично дело еовластено изработување, држење, посредување и тргување со оружје или експлозивни материи од член 396 став 4 во врска со став 1 од Кривичниот законик.

The post ДЕВЕТТЕ ПИШТОЛИ ФАТЕНИ НА БОГОРОДИЦА, БИЛЕ УКРАДЕНИ ОД ЈП „ПАРКОВИ И ЗЕЛЕНИЛО“ Прилепчанец се обидел да ги прошверцува во Грција appeared first on plusinfo.mk.

Огнено оружје е украдено од Јавното претпријатие „Паркови и зеленило“ во Скопје, информираше Министерството за внатрешни работи. Некој со сила и алат влегол во барака на подрачјето на општина Карпош, при што го скршил сефот и одзел оружје што го користела Службата за обезбедување.

Според пријавата, кражбата се случила во периодот меѓу 2 и 5 јануари 2026 година.

The post УКРАДЕНO ОРУЖЈЕ ОД СЕФ НА „ПАРКОВИ И ЗЕЛЕНИЛО“ Некој влегол со алат во бараките во Карпош appeared first on plusinfo.mk.

Денеска, во раните утрински часови, во село Батинци кај Скопје, полициските службеници од Единицата за недозволена трговија при СВР Скопје го лишиле од слобода 53-годишниот Е.Х., жител на селото.

Претресот бил извршен во неговиот дом и во други простории, со претходна судска наредба.

Како што соопшти МВР, при акцијата биле пронајдени и одземени три пиштоли и вкупно 643 куршуми, за кои Е.Х. не поседувал соодветна документација.

Случајот е во рацете на истражните органи, а по негово целосно документирање, против осомничениот ќе биде поднесена кривична пријава по брза постапка.

Од полицијата не соопштуваат повеќе детали, но случајот предизвика внимание во локалната заедница, особено поради количината на муниција пронајдена при претресот.

The post 📷 ЕДЕН КУП ПИШТОЛИ И КУРШУМИ ПРОНАЈДЕНИ ВО БАТИНЦИ Приведено е едно лице appeared first on plusinfo.mk.

Полицијата во петокот извршила претреси во битолско, прилепско, крушевско и во Македонски Брод, каде се пронајдени оружје и муниција. Во овие претреси лишени од слобода се 4 лица, соопшти денеска Министерството за внатрешни работи.

Полициски службеници од СВР Битола – ОВР Прилеп во с.Обршани го лишија од слобода 41-годишниот Д.М. При претрес во неговиот дом, извршен со судска наредба, пронајдени се ловечка пушка и патрони различен калибар.

Во битолското село Цапари вчера полициски службеници од СВР Битола го лишија од слобода Ј.Н.(44) затоа што во неговиот дом се пронајдени 5 пушки, 4 пиштоли, како и 39 парчиња муниција од различен калибар.

Во крушевското село Пресил вчера полициски службеници од ОВР Прилеп и од ОВР Крушево го лишиле од слобода И.Р. Врз основа на наредба од Основниот суд Прилеп извршен е претрес во неговиот дом и пронајдени се две рамки за пиштол и муниција различен калибар.

Исто така, како што информираат од МВР, вчера во с.Горно Ботушје, општина Македонски Брод, полициските службеници го привеле З.М.(58) од Македонски Брод. При претрес во неговиот дом, извршен со наредба од Основен суд Кичево, пронајдени се 15 патрони за ловечка пушка и делови за оружје.

The post АРСЕНАЛИ ПО СЕЛАТА, ПОЛИЦИЈАТА ТРЕСЕЛА НЕКОЛКУ ЛОКАЦИИ Четворица приведени во Битолско, Прилепско, Крушевско и во Македонски Брод appeared first on plusinfo.mk.

Во недела, на 9 февруари 2025 година, полициски службеници од Одделението за криминалистичка полиција при СВР Велес и полициски службеници од Полициското одделение Чашка ги лишиле од слобода М.З.(86) и 41-годишната М.З., двајцата од село Долно Јаболчиште, општина Чашка.

„При претрес во нивниот дом, извршен со наредба од Основен суд Велес, биле пронајдени и одземени ловечка пушка ,,Бајкал”, ловечка пушка ,,Црвена Застава”, карабин ,,Хемерлес”, два оптички нишани за пушка, оружје за светлосна и звучна сигнализација, пиштол ,,ЦЗ- 99″, 146 куршуми различен калибар, 21 ловечки патрони, две рамки за пиштол, карабин ,,Црвена застава”, расклопен на делови, и карабин без ознаки. Лицата биле приведени во полициска станица, известен бил јавен обвинител и по документирање на настанот ќе биде поднесена соодветна пријава“, соопшти Министерството за внатрешни работи.

Исто така, со наредба од Основен суд Велес, бил извршен претрес и во домот на Џ.З.(44) од село Долно Јаболчиште, општина Чашка, каде биле пронајдени и одземени ловечка пушка ,,Бајкал” и 20 патрони за пушката. Известен бил јавен обвинител.

ИНСПЕКТОРИ ТРОПААТ НА ВРАТИ, СЕ БАРА НЕЛЕГАЛНО ОРУЖЈЕ Полицијата врши претреси на повеќе локации во Велешко

The post ДОМА ИМ ПРОНАШЛЕ ПУШКИ И ПИШТОЛИ Уапсени се 2 лица во Велешко appeared first on plusinfo.mk.

Основното јавно обвинителство Скопје донесе Наредба за спроведување истражна постапка против 55-годишник осомничен за кривично дело – Неовластено изработување, држење, посредување и тргување со оружје и експлозивни материи од член 396 став 3 во врска со став 1 од Кривичниот законик.

Истрагата е поведена бидејќи осомничениот во неговиот автомобил Ауди А8 неовластено држел огнено оружје и муниција – два пиштоли, едниот со калибар 7,65мм, а другиот со калибар 9мм со по четири куршуми за секој од нив. Во автомобилот бил пронајден уште еден пиштол за кој осомничениот имал дозвола за поседување со осум куршуми и уште два сигнални пиштоли.

Оружјето било пронајдено во автомобилот што го управувал малолетниот син на осомничениот. Детето кое месецов наполнило 15 години било запрено од полицијата додека возело во Волково во вечерните часови на 23 јануари.

Јавниот обвинител до судијата на претходна постапка од Основниот кривичен суд Скопје достави предлог за определување мерки на претпазливост за осомничениот татко – забрана за напуштање на живеалиштето односно престојувалиштето, обврска повремено да се јавува кај определено службено лице, одземање на патната исправа, одземање на возачката дозвола, но и забрана за неговиот малолетен син, други малолетни лица или други неовластени лица да имаат пристап во просторија или во домот каде што има огнено оружје.

The post 15-ГОДИШНИК ВОЗЕЛ АВТОМОБИЛ ПОЛН СО ОРУЖЈЕ, ПОЛИЦИЈАТА ГО ФАТИЛА ВО ВОЛКОВО Поведена е истрага против таткото appeared first on plusinfo.mk.

При приведувањето кај Х.Ш. бил пронајден и одземен нож. Лицата биле задржани во полициска станица и по целосно документирање на случајот против нив ќе бидат поднесени соодветни пријави.

The post ДРАМА ПРЕД ПРИВАТНА БРЗА ПОШТА ВО ТЕТОВО Лица се заканувале со пиштоли, одзеле коверти со пари од комбе appeared first on plusinfo.mk.