Израелската влада сподели, а потоа избриша објава со сочувство на социјалните мрежи за смртта на папата Франциск, без да ја наведе причината за тоа, јавија денеска британските медиуми.

Израелските медиуми го поврзаа ваквиот потег со критиките што покојниот папа Франциск ги упати кон раководството на еврејската држава поради војната во Газа.

„Почивај во мир, папа Франциск. Нека неговиот спомен биде благослов“, беше објавена во понеделникот проверениот налог „@Israel“ на платформата Икс, покрај сликата на папата додека тој беше во посета на Западниот ѕид во Ерусалим.

„Јерусалим пост“ цитираше претставници во израелското Министерство за надворешни работи, кои, според весникот, изјавиле дека папата давал „изјави против Израел“ и дека сочувството е објавено на социјалните мрежи „по грешка“.

Папата Франциск (88), кој почина во понеделникот, во ноември минатата година предложи светската заедница да истражи дали израелската воена кампања во Газа е геноцид врз Палестинците, во некои од неговите најексплицитни критики за однесувањето на Израел во војната со Хамас што започна во октомври 2023 година.

Папата, исто така, во јануари хуманитарната ситуација во Газа ја нарече „срамна“, предизвикувајќи критики од главниот еврејски рабин во Рим, кој го обвини папата Франциск за „селективна огорченост“.

The post ИЗРАЕЛ НАПРАВИ ПИШИ-БРИШИ СО ПОРАКА ЗА СОЧУВСТВО ЗА ПАПАТА За Тел Авив се проблем острите коментари на Франциск за Газа appeared first on plusinfo.mk.

Но, покрај отстранувањето на фразата „не ја поддржуваме независноста на Тајван“, додадена е референца за соработката на Тајван со проектот за развој на технологија и полупроводници на Пентагон и беше наведено дека САД ќе го поддржат членството на Тајван во меѓународните организации „каде што е применливо“.

САД, како и повеќето земји, немаат формални дипломатски врски со Тајван, но тие се нивниот најсилен меѓународен поддржувач и законски се обврзани да му обезбедат на островот средства за одбрана.

„Ние се спротивставуваме на какви било еднострани промени на статус кво од која било страна“, се вели на веб-страницата на Стејт департментот во ажурирањето објавено во четвртокот.

„Очекуваме дека разликите меѓу теснецот ќе бидат решени по мирен пат, без принуда, на начин прифатлив за луѓето од двете страни на (Тајванскиот) теснец“, се вели во соопштението.

Тајванскиот министер за надворешни работи Лин Чиа-лунг „ја поздрави поддршката и позитивниот став за односите меѓу САД и Тајван прикажани во релевантната содржина“ на веб-страницата, се вели во соопштението на неговото министерство објавено денеска.

Промените на текстот првпат беа објавени денеска од официјалната тајванска новинска агенција.

The post СТЕЈТ ДЕПАРТМЕНТОТ НАПРАВИ ПИШИ-БРИШИ ЗА ТАЈВАН Кој не ја поддржува идејата за независност на островот? appeared first on plusinfo.mk.