Козарев всушност им давал отпор на бугарските жандарми кои ималр налог да го уапсат, па ги убил. Во ова време Македнија веќе била под бугарска окупација. Настанот се случува во јуни 1941 година, уште пред да пукне првата пушка во Југославија, односно пред српското востание. Само пет дена претходно Хитлер го нападнал СССР.

Заедно со неговиот другар од затвор, Никола Парапунов, во Разлошко ја формираат првата партизанска чета во Пиринска Македонија. Козарев го добива прекарот Балкан. Бил прочуен како добар стрелец и станал познат по својата ладнокрвност и храброст. Неговото име станало симбол на македонскиот отпор против фашизмот во Пиринска Македонија.

Од ОМО Илинден Пирин велат дека македонските деца погрешно учат дека првата пушка во Југославија пукнала кога Србинот Жикица Јовановиќ – Шпанац убива двајца жандарми во местото Бела Црква, кога на него му претходи храброста на Козарев наречен Балкан.

Козаре постанува трн во окото на бугарската фашистичка полиција. Три години предводел напади и диверзантски акции против бугарската фашистичка војска и полиција и никогаш не успеале да го фатат. Пред војната, претходно неколку пати Бугарите го затворале, а со Парапунов лежеле во затвор од 1935 до 1938 година.

Уште во 1939 година била одржана Конференција за поврзување на македонското движење во Пирин со другите делови.

Умира во неразјаснети околности на 1 април во 1944 година. Се смета дека во близина на родното Добриниште, кога се движел кон местото каде биле собрани партизаните неговиот соборев Александар Пицин не го препознал во мракот и пукал во него.

The post ЗАБОРАВЕНИОТ СИМБОЛ НА МАКЕДОНСКИОТ ОТПОР ВО ПИРИНСКО Козарев е првиот партизан на Балканот! appeared first on plusinfo.mk.

Како што информира бТВ, по речиси 20-часовната спасувачка акција на падините на Пирин, телото на Глишиќ и на вториот починат, 69-годишниот бугарски државјанин Пламен Христов се пренесени на обдукција.

Дописникот на МИА од Софија јави дека е утвредено оти Глишиќ и Христов починале како последици на повреди здобиени при пад.

Глишиќ допатувал сам во Банско пред Нова година со неговиот автомобил со австриски регистарски таблички. Според неговиот пријател Горан Безениќ, тој и Глишиќ се познаваат од деца и често патувале низ Европа. Безениќ посочува дека Глишиќ претходно бил службено во земјава, од каде заминал на скијање во Банско.

Бугарските медиуми посочуваат дека останува мистерија како телата на двајцата починати завршиле едно до друго, имајќи пред вид дека според расположливите информации тие не се познавале и Глишиќ немал пријатели во Бугарија.

Јавното обвинителство на Бугарија започна предистражна истрага за смртта на Глишиќ и Христов.

ВО ЏЕБОТ МУ НАШЛЕ ДЕНАРИ Се претпоставува дека тело најдено на Пирин е на македонски државјанин

The post АВСТРИЕЦ СО МАКЕДОНСКО ПОТЕКЛО Познат е идентитетот на вториот починат турист пронајден на Пирин appeared first on plusinfo.mk.

Српскиот турист ја прославил Новата година во семеен хотел во околината и на 1 јануари отишол на пешачење до врвот Вихрен на планинатата Пирин.

На снимка направена со дрон се гледа дека во реонот каде што се пронајдени двете тела има и црвена јакна, но не е јасно дали има човек во неа или тоа е само надворешна облека.

Спасувачите коментираат дека јакната била на многу поголема надморска височина од местото каде што ги нашле двајцата починати планинари и оти нема пристап во овој момент до локацијата. Хеликоптер на бугарското воено воздухопловство нема да може помогне во подигањето на телата, поради силниот ветер во таа областа. На овој начин нема да може да се погледне околу ова место за да се види дали има друго лице, коментираат планинските спасувачи. Нова група спасувачи со втора количка е на пат кон местото под планината Вихрен, за со неа да биде пренесено и второто тело на српскиот државјанин. Се очекува акцијата да заврши во ноќните часови.

The post СЛАВЕЛ НОВА ГОДИНА, ПА УТРЕДЕНТА ОТИШОЛ ДА ПЕШАЧИ Србин е вториот загинат на Пирин appeared first on plusinfo.mk.

Информацијата ја објави електронското издание „24 часа“. Полицијата ги проверува хотелите во Банско и во Сандански. Ниту еден маж од областа не е пријавен за исчезнат во локалната полиција.

Телата ги пронашле планинските спасувачи од Банско, Разлог и Сандански. Едното тело е на Пламен Христов, а се претпоставува дека вториот човек го видел паднатиот бугарски турист и се обидел да му помогне.

Засега не може да се користи хеликоптер за да се извлечат двете тела бидејќи постои опасност за летање во тој реон. Во моментот, се подготвуваат 20 планинарски спасувачи да реализираат акција за извлекување на телата за што ќе бидат потребни најмалку 15 часа.

МИА го контактираше македонското Министерство за надворешни работи, но оттаму  информираа дека засега немаат информација за починат македонски државјанин во Бугарија.

The post ВО ЏЕБОТ МУ НАШЛЕ ДЕНАРИ Се претпоставува дека тело најдено на Пирин е на македонски државјанин appeared first on plusinfo.mk.

Mакедонските организации во Бугарија реагираат за Протоколот меѓу Македонија и Бугарија потпишан на 17 јули 2022. Протоколот, велат, не е реципрочен, ниту е рамноправен. Не ги штити интересите ниту на македонското малцинство, ниту на македонската нација, ниту на Република Македонија.

Еве што тие напишаа:

„Протоколот не е реципрочен, ниту е рамноправен. Не ги штити интересите ниту на македонското малцинство, ниту на македонската нација, ниту на Република Македонија.

1. Содржи клаузули кои се обврзувачки за македонската страна без реципрочни такви за бугарската, како промената на два конкретни македонски учебници, без ниту еден конкретен бугарски учебник.
2. Содржи клаузули за отворање досиеја и за репресирани лица во време на комунизмот, но поново само за македонска страна, како од бугарска сѐ да е направено. Но тоа не е вистина. Македонците кои лежеле со години во бугарски затвори затоа што се Македонци и до денес не се рехабилитирани, Бугарија дури и не го признава нивното постоење, а дури и не дозволува истите да си регистрираат организација за да ги заштитат своите интереси, без разлика што за тоа се осудени во Стразбур.
3. Дури и формално реципрочните клаузули, земајќи ја во предвид како надмоќната и агресивна бугарска позиција во преговорите, така и генерално пасивната и насочена кон компромиси и избегнување конфликт по секоја цена линија на македонските влади – неизбежно ќе резултира во наметнување промени и обврски само за македонската страна или во најдобриот случај нереципрочни промени и како количество и како квалитет. Тоа ќе доведе до наметнување промени кои ќе задираат директно во македонскиот идентитет и ни најмалку не би го допреле бугарскиот антимакедонски национализам.
4. Протоколот има клаузули за заштита правата на Бугарите во Македонија, но не и за Македонците во Бугарија. Официјалните оправдувања, дека тоа било зашто бугарскиот уставен систем не оставал таква можност се чиста манипулација. Да се стават истите текстови за Македонците во Бугарија како и за Бугарите во Македонија не бара Уставни измени, тие се за заштита и казнување говор на омраза, зголемување довербата во системот, осигурување ефективен пристап до еднакви права, заштита од дискриминација и заштита на културата и идентитетот. Прашува ме зашто правата на Македонците во Бугарија не се заштитени на нивото кое е дадено во Бугарија на Турците, Ромите, Евреите и сл.? Каква Уставна пречка и оправдување има македонската влада по тоа прашање? Зашто за Македонците нема ништо? Зашто единствениот начин на кој сме спомнати индиректно е гаранцијата од македонска страна дека нема да се грижи за правата на лица во Бугарија кои не се македонски државјани, т.е. нас?                       5. Согласноста дадена од македонска страна за промена на „учебникот по географија за 7 одделение, заради неосновани етнички/територијални претензии“ спрема Бугарија, несомнено се однесува на фактот дека во Пиринска Македонија, во Бугарија живее дел од македонскиот народ. Фактот што македонска страна се согласила дека тоа претставува „неоснована … етничка претензија“ претставува директно откажување од македонското малцинство во Бугарија не само правно и политички, но и во историски план.

Тажната вистина е дека неуставниот поредок на Бугарија им смета на македонските власти за да го подигнат прашањето за Македонците во Бугарија. Тие досега и никогаш го немаат подигнато затоа што не сакаат и не се интересираат. На македонското малцинство во Бугарија од времето на Тито се гледа како на непријатен проблем, кој ги расипува односите со Бугарија. Многу македонски политичари би биле посреќни дури и од бугарските свои колеги, ако утре нас нѐснема. Македонците се единственото малцинство во Европа, кое иако формално не му припаѓа на бездржавен народ, де факто е без држава која да се грижи за него или да го заштитува.

ОМО „Илинден“-ПИРИН,

ОМО „Илинден“,

Друштво на репресираните Македонци во Бугарија жртви на комунистичкиот терор,

Антички Македонци,

Правозаштитен комитет „Толерантност“,

Македонски дискусионен клуб за етничка Толеранција“

The post ПРОТОКОЛОТ НЕ ГИ ШТИТИ НИТУ МАКЕДОНСКАТА НАЦИЈА, НИТУ МАЛЦИНСТВОТО Македонците во Бугарија сметаат дека документот не е рамноправен appeared first on plusinfo.mk.

Здружението на Македонци во Бугарија, ОМО Илинден-Пирин ја поддржуваат иницијативата за отворање на културен центар на Македонците во Благоевград.

– Инспирирани од најавата на премиерот Димитар Ковачевски, дека ќе се отвори Клуб и Културен центар на Македонците во Благоевград, веднаш започнавме со подготовки за реализација на оваа извонредна намера. Пред неколку недели му пишавме писмо на премиерот и се надеваме дека тој и Владата целосно ќе ја поддржат нашата иницијатива за што поскоро отворање на Центарот – велат од ОМО Илинден.

Од таму додаваат дека веќе пронајдени се простории во центарот на градот и дека започнуваат со опремување на клубот и културниот центар.

– Клубот ќе го носи името на големиот македонски поет од Пиринска Македонија Никола Вапцаров. Се надеваме да добиеме и помош од македонската Влада за опремувањето и отворањето на клубот . Доколку сите подготовки се одвиваат според планот, Центарот ќе може да се отвори и по повод празникот Илинден или за 12 септември – стои во соопштението од здружението на Македонци.

The post ОЧЕКУВААТ ПОМОШ ОД ВЛАДАТА Македонците во Бугарија ќе отворат културен клуб „Никола Вапцаров“ appeared first on plusinfo.mk.

„Претседателот даде согласност дека ќе ги прими претставниците на ОМО „Илинден Пирин“. Кога ќе се утврди датумот на средбата, јавноста ќе биде известена“, одговорија од кабинетот на Пендаровски.

ОМО „Илинден Пирин“ досега добиле 11 предмети за кршење на нивните човекови права во меѓународниот суд во Стразбур, а уште 5 предмети добиле и „Македонскиот клуб за етничка толеранција во Бугарија“ и други подносители. Првата пресуда била добиена уште во 2001 година. До ден-денес бугарските власти не спровеле ниедна од одлуките на судот, кој нема авторизација да ја присили Бугарија да го стори тоа.

Бугарската држава неколку пати одбила да го регистрира „Македонскиот клуб во Бугарија“ под изговор дека тоа е противуставно и дека ваквите организации се „насочени против унитарноста на бугарската нација и исто така, биле политички по природа и затоа клубот требало да се регистрира како политичка партија“.

Од друга страна, судот во Стразбур пресуди дека е прекршен членот 11 од Кон Конвенцијата за заштита на човековите права и основни слободи, со тоа што не била дозволена регистрација на здружението. Исто така, ѝ наложи на Бугарија во рок од три месеци да им исплати на оштетените 7.500 евра. Членот 11 од Конвенцијата вели дека секој има право на слобода да се здружува со други.

Во пресудата немаше обврска и наложување од Судот во Стразбур ова здружение задолжително да се регистрира во Бугарија. Регистрацијата и натаму останува на волјата на тамошните власти.

Токму за ова одговараше на новинарски прашања претседателот на Европскиот суд за човекови права и слободи Роберт Спано, кој на петти ноември беше во Скопје. Според него, секоја земја членка на Советот на Европа е обврзана да ги спроведува пресудите на судот, но тие како суд не се извршно тело и немаат овластување да го следат спроведувањето на своите одлуки.

The post ПЕНДАРОВСКИ ЌЕ ГИ ПРИМИ МАКЕДОНЦИТЕ ОД БУГАРИЈА Деталите за средбата уште се договараат appeared first on plusinfo.mk.