Освен што се вкусни, печените црвени пиперки се вистинска ризница на здравје. Со само околу триесет калории на 100 грама, тие се нискокалорична, но нутритивно богата намирница.

Мирисот на печените пиперки што се шири низ дворовите е непогрешлив знак за крајот на летото и почетокот на есента. Оваа традиција, длабоко вкоренета во нашата култура, ја трансформира скромната црвена пиперка во кулинарско богатство и нутритивна бомба што нè храни и лечи во текот на долгите зимски месеци.

Печените пиперки се многу повеќе од само јадење; тие се културна институција и симбол на заедништвото. Иако пиперките (латински Capsicum annuum) потекнуваат од Америка и пристигнале во Европа по патувањата на Колумбо, тие го пронашле својот втор дом на Балканот. Тука, станале основа за легендарни специјалитети како што се ајвар, лутеница и пинџур, како и неопходен прилог и салата. Процесот на подготовка, од печење на скара за препознатливиот чаден вкус, до парење за полесно лупење на кората, па сè до отстранување на семките, е ритуал што ги поврзува генерациите и ги зачувува вкусовите од детството.

The post ПЕЧЕНИТЕ ПИПЕРКИ НЕ СЕ САМО ДЕЛИКАТЕС, ТУКУ И МОЌЕН ЛЕК ОД ТЕГЛА Нивната вистинска моќ лежи во богатството од антиоксиданти appeared first on plusinfo.mk.

Македонските црвени пиперки, нанижани на конец и сушени на сонце се еден од најголемите белези на македонската традиција. Настрана тоа што денес една низа суви везени пиперки чини како суво злато, тие се едни од највкусните и најсестраните намирници кои ги имаме во нашата кујна.

Токму по овие везени пиперки е наречен и саемот кој го организира Здружението за екологија и заштита на животната средина „Еко Пчиња“ од селото Пчиња.

Да одгледуваме производи од старите сорти и да ги вратиме вкусовите од детството, беше мотото на нивниот прв Саем на автохтони сорти „Везенка“, а годинава го очекуваме вториот кој е закажан за 5 октомври 2025, на истото место, во кумановското село Пчиња.

Повеќе за ова на „Арт кујна“.

The post СТАРИ СОРТИ ЗА НОВИ ДЕЦА Везенка 2025 ја обновува традицијата и ги враќа вкусовите од детството appeared first on plusinfo.mk.

Како и многу други состојки за салата – цели краставици, листови од зелена салата или свежи домати – пиперките имаат ограничен рок на траење. Многу луѓе едноставно ги ставаат на полицата во фрижидерот, но, вели експертката за складирање храна, Ејми од The ​​Cross Legacy, тоа не е доволно.

– Клучот е да ги подготвите пред да ги ставите во фрижидер – објаснува таа за Мирор. Ејми користи едноставен метод на миење со оцет, за кој вели дека ги одржува различните овошја и зеленчуци свежи „со недели“.

Потопете ги на две минути

Ќе ви треба голем сад, доволно голем за да собере повеќе од 10 чаши течност плус самите пиперки. Истурете 10 чаши вода и четвртина чаша бел дестилиран оцет во садот. Пиперките се чуваат во овој раствор точно две минути. Ејми нагласува дека треба да поставите тајмер за да не се потопуваат состојките предолго.

Повеќе за ова на порталот „Арт кујна“.

The post КАКО ПИПЕРКИТЕ ДА ОСТАНАТ СВЕЖИ ЦЕЛ МЕСЕЦ? Зеленчукот ќе трае 4 недели ако го потопите во оваа течност 2 минути appeared first on plusinfo.mk.

Тешко е да се замисли летото без пиперки, зеленчук кој доаѓа во три главни бои и многу повеќе сорти. Покрај интересните и богати вкусови, овој разновиден зеленчук нуди и бројни здравствени придобивки.

Богатство во плодот

За почеток, можеме да кажеме дека пиперките имаат ниска калорична вредност, само 20 калории на сто грама храна, и дека содржат околу 89 проценти вода. Од витамините, тие се најбогати со витамин Ц, а тука се и витамините Б, витамин Е и претходниците на витаминот А бета каротен и криптоксантин. Од минералите, калиумот е на прво место, а следуваат фосфор и железо.

Една средно голема црвена пиперка тежи околу 165 грама и обезбедува дури 170 проценти од препорачаната дневна доза на витамин Ц, што ја прави пиперката еден од најбогатите прехранбени извори на оваа есенцијална хранлива материја што игра клучна улога во нашиот имунолошки систем. Изобилството на витамин Ц во пиперките (240 милиграми на сто грама, што е четири до пет пати повеќе отколку во кое било цитрусно овошје) му помага на човечкото тело во апсорбцијата на нехемско железо, т.е. она од растителни извори, на пример од грав, леќа, лиснат зеленчук, интегрални житарки или од самите пиперки (една црвена пиперка содржи помалку од еден милиграм железо, на возрасните им требаат од осум до 18 милиграми дневно).

И против стареење

Средно голема пиперка бабура содржи и 14 проценти од дневната вредност на фолна киселина, т.е. витамин Б9, што е од витално значење за време на бременоста бидејќи обезбедува правилен развој на фетусот. Исто така, од неа можете да добиете 234 микрограми витамин А, што е прилично голем дел, ако знаете дека препорачаниот дневен внес за возрасни е од 700 до 900 микрограми (1300 микрограми за доилки). Витаминот А е особено важен за силен имунолошки систем и одржување на здравјето на кожата, а треба да се истакне и неговата улога во одржувањето на здравјето на очите. Истражувањата, исто така, покажуваат дека зголемениот внес на зеаксантин, каротеноид кој го има во изобилство во портокаловите и црвените пиперки, може да помогне во спречувањето на макуларна дегенерација, болест која влијае на централниот дел од мрежницата одговорна за централниот вид.

Повеќе за ова прочитајте ТУКА.

The post МАЛКУ КАЛОРИИ, МНОГУ ВИТАМИНИ Време е за пиперки, една на ден ќе ви биде доволна appeared first on plusinfo.mk.

Премиерот Христијан Мицкоски  вели дека сè може се да очекува, и дека ништо не би го изненадило во врска со најавените спорни амандмани од бугарски европратеници за Извештајот за Македонија во кои се бара пред македонскиот јазик да стои зборот „модерен“.

– Очекувам секаков инженеринг во Европскиот парламент (ЕП) и, јас би бил многу, многу повнимателен, бидејќи се водам од максимата не ги слушај што зборат, гледај ги што прават – рече премиерот Христијан Мицкоски.

Во репликата на изјавата на заедничката прес – конференција со еврокомесарката Марта Кос, која изјави дека „никој не може да ни ги одземе специјалитетите како тавче гравче, пинџур и полнети пиперки“, премиерот посочи дека за него македонскиот идентитет не се само македонските специјалитети туку и Гоце Делчев и Даме Груев и Сандански.

– За мене мојот идентитет не е само прекрасната македонска кујна, туку е и Гоце Делчев и Шапкарев, и Миладиновци и Илинденското востание и Дамјан Груев и Јане Сандански… Не знам дали ќе го споделат истото мислење и колегите од исток, но тоа се луѓето кои се дел од нашиот идентитет, македонски идентитет – рече Мицкоски.

Тој потенцира дека е секогаш малку повнимателен кога станува збор за идентитетот, поради досегашното тридецениско искуство на земјата.

– Да тоа, е така дека ние го носиме со нас, длабоко во нас. Но, морам да признам дека овие повеќе од три децении ние изгубивме голем дел од нашиот идентитет менувајќи знаме, менувајќи име, неколку пати менувајќи Устав. И во услови кога немаме гаранција дека ова ќе биде последна идентитетска отстапка која ние треба да ја направиме, јас би бил многу, многу повнимателен, бидејќи се водам од максимата не ги слушај што зборат, гледај ги што прават. А тоа што го направија и сè уште прават дел од пратениците во ЕП од нашиот источен сосед, нема никаква врска со европските вредности – потенцира Мицкоски.

The post НЕ ГИ СЛУШАЈ ШТО ЗБОРУВААТ, ТУКУ ШТО ПРАВАТ ВО ЕВРОПАРЛАМЕНТОТ Мицкоски ги коментира амандманите за извештајот за Македонија appeared first on plusinfo.mk.

Растенијата развиле свои форми на комуникација во текот на милиони години еволуција. Тоа се главно биохемиски, физиолошки и еколошки механизми со кои реагираат на околните растенија. Ова одредува кои растенија се „добри“, а кои се „лоши“ соседи. Таквата хемиска комуникација меѓу растенијата се нарекува алелопатија. Тоа е способност на билката преку своите корени, лисја или гниење да ослободува супстанции кои: го инхибираат (забавуваат) или стимулираат растот на други растенија.

Преку биохемиска сигнализација, еволутивна селекција и микробни интеракции, растенијата создаваат средина што им одговара и која може да биде поволна или неповолна за другите растенија. На пример, морачот (анасонот) и црниот орев лачат супстанции што го инхибираат растот на повеќето соседи. Рогачот, жалфијата, пелинот – имаат алелопатски ефекти што се мешаат во ртењето на други растенија. А ‘ржта може да ослободи супстанции што го потиснуваат плевелот.

Повеќе за ова прочитајте ТУКА.

The post ПИПЕРКАТА ГО САКА МОРКОВОТ, ПЧЕНКАТА, ГРАВОТ И ТИКВАТА СЕ НАЈДОБРИ КОМШИКИ! Како да садите за билките добро да комуницираат? appeared first on plusinfo.mk.

Редовното сервисирање на субвенциите кон земјоделците е приоритет, исплатени се 105.002.614 денари (1,7 милиони евра) кон 7.158 лица, соопшти Министерството за земјоделство, шумарство и водостопанство.

„Денеска се реализираше исплатата на подмерката за дополнителни директни плаќања од подмерката за остварено производство од домат, пиперка, краставица, корнишон, зелка, грав и компир на отворено и во пластеници од Програмата за финансиска поддршка во земјоделството за 2024 година. Корисници на оваа подмерка се земјоделските стопанства кои имаат засадени површини со домат, пиперка, краставица, корнишон, зелка, грав и компир, а оствареното производство е предадено на регистриран откупувач, вклучително и произведените градинарски култури за потребите на сопствениот преработувачки капацитет или е користено за домашни потреби или е продадено на пазар“, соопшти Министерството.

Разликата е воочлива, грижата кон земјоделците ја докажуваме со работа, се додава во соопштението.

The post ИСПЛАТЕНИ 1,7 МИЛИОНИ ЕВРА СУБВЕНЦИИ ЗА ЗЕМЈОДЕЛЦИТЕ Легнаа пари на сметките на 7.158 производители на домати, пиперки, краставици… appeared first on plusinfo.mk.

Пиперките се одгледуваат низ светот со векови, а сите видови имаат големи здравствени придобивки. Иако капсаицинот, најкорисната природна состојка во пиперките, е исклучително вредна, не мора да јадете само лути пиперки за да го искористите сето добро што пиперката му го нуди на нашето здравје: витамин Ц и други антиоксиданти, многу влакна и минерали.

Пиперката е ризница на антиоксиданти

Капсаицинот, кој се наоѓа во чили пиперките, им ја дава нивната пикантност.

Но, тоа е и редок квалитетен антиоксидант кој го подобрува здравјето и го забрзува метаболизмот. Иако нема висока хранлива вредност (калории или дополнителни хранливи материи), докажано е дека помага при слабеење со забрзување на метаболизмот. Ова особено важи за жолтите пиперки.

Исто така, некои студии покажале дека има антиканцерогени својства.

Повеќе за ова прочитајте на „Арт кујна“.

The post ЦРВЕНА ИЛИ ЖОЛТА ПИПЕРКА? Намалување на холестеролот и шеќерот во крвта, слабеење и брзо согорување маснотии… appeared first on plusinfo.mk.

Високо ниво на штетни хемикалии е откриено во свежите пиперки од Албанија, објави европскиот систем за безбедност на храната.

Станува збор за пестицидите пиримифос-метил и форматанат, чија употреба е забранета на територијата на Европската Унија и некои други земји. Пиримифос бил 44 пати поголем од дозволената концентрација, а формат десет пати поголем.

Нелегални хемикалии откриени на словенечката граница. Дистрибутер на албанските пиперки била фирма од Италија која требало да ги продава во Словенија и во Хрватска.

Нема информации дали штетната пиперка завршила на српскиот и на хрватскиот пазар, пренесуваат хрватските медиуми.

Ризикот по здравјето е сериозен, а во европскиот систем посочуваат дека не се знае какви мерки се преземени откако пристигнале наодите од примероците од пиперката. Односно дали пратката била уништена на граница или вратена кај дистрибутерот.

Научните студии покажаа дека пиримифос-метил и форматанат може да предизвикаат инхибиција на холинестеразата кај луѓето. Поради ова, тие можат претерано да го стимулираат нервниот систем, предизвикувајќи гадење, вртоглавица, конфузија, а при многу висока изложеност, респираторна парализа и смрт.

Клиничките знаци по акутна и хронична изложеност на форматанат кај стаорци беа намалена телесна тежина, а кај кучињата прекумерна саливација, отежнато дишење, отежнато дишење, тремор, повраќање, кашлица.

The post ОПАСНИ ПИПЕРКИ ОД АЛБАНИЈА ОТКРИЕНИ НА СЛОВЕНЕЧКАТА ГРАНИЦА Нивото на пестицид било за 44 пати над дозволената концентрација appeared first on plusinfo.mk.

Благодарение на кристално синото и чисто море, бујната суптропска вегетација, прекрасните заливи и плажите со камчиња, лозјата, маслиновите градини, полињата со лаванда и благата медитеранска клима со многу сонце, Хвар е без сомнение еден од најубавите острови на светот.

Не е ни чудо што престижниот магазин Traveler го прогласи за еден од 10-те најубави острови во светот.
„Според читателите на угледниот магазин Travel + Leisure, на трето место во Европа, веднаш зад грчките Милос и Крит , а на седмо место во светот, Хвар го заслужи рејтингот на читателите врз основа на критериуми кои вклучуваат: природни атракции/плажи, активности/ знаменитости, ресторани/храна, луѓе/љубезност и вредност на дестинацијата“, гордо објави годинава Градот Хвар на социјалните мрежи.

Арно ама…

Целиот текст прочитајте го на порталот „Арт кујна“.

The post ЧЕТИРИ ДОМАТИ И ДВЕ ПИПЕРКИ, 8 ИПОЛ ЕВРА! Дали се разбојници оние кои продаваат на пазарот во Хвар?! appeared first on plusinfo.mk.