Забранет е увоз на пилешко месо од Бразил поради птичји грип, потврди денеска директорот на Агенција за храна и ветеринарство (АХВ) Оливер Миланов.

Миланов потсети и дека пред пет дена, за спречување на можноста од ширење чума кај малите преживари (PPR), АХВ забрани увоз и транзит на живи домашни и диви мали преживари, семе, јајце клетки и емброни од домашни и диви мали преживари, месо од домашни и диви мали праживари, производи и преработки од месо од домашни и диви мали преживари, млеко и производи од млеко од домашни и диви мали преживари, како и нуспроизводи од домашни и диви мали преживари од Албанија.

Досега, информира директорот, во рамки на контролите што АХВ ги спроведува со полицијата, откриен е и шверц на живи животни.

Во однос на храната што ја консумираме, тој уште еднаш нагласи дека е безбедна и најави засилени контроли поради летниот период, особено во туристичките места.

-Никаде во светот и никој не може да гарантира дека јадеме безбедна храна. Граѓаните јадат безбедна храна, сега со зголемување на температурите зголемен е и бројот на туристи и на транзит, а Агенцијата покрај редовните, врши и вонредни надзори. Периодов акцент ќе биде ставен на туристичките места како Струга, Охрид, Преспа, Дојран,… –  рече Миланов.

The post ЗАБРАНЕТ УВОЗ НА ПИЛЕШКО ОД БРАЗИЛ Директорот на АХВ најавува засилени контроли на храната летово appeared first on plusinfo.mk.

Пилешкото и месото од мисирка се два широко конзумирани извори на протеини, кои играат клучна улога во одржувањето на мускулите, здравјето на коските и во производството на ензими, хормони и витамини.

Иако двата вида живина нудат слична содржина на протеини, мисирката има помалку масти и повеќе цинк, додека пилешкото има повеќе калории и железо.

The post ШТО Е ПОДОБРО – ПИЛЕШКО ИЛИ МИСИРКИНО? Споредба на омилените извори на протеини appeared first on plusinfo.mk.

Официјални ветеринари на Агенцијата за храна и ветеринарство (АХВ), вчера, по спроведен вонреден инспекциски надзор, наредија нештетно уништување на 1980 килограми небезбедно замрзнато пилешко месо по потекло од Полска кое било транспортирано во возило кое го запленило Министерството за внатрешни работи од непознат сторител, информираше Агенцијата за храна и ветеринарство (АХВ).

Месото било спакувано во 180 пакети по 11 килограми и во моментот на контрола било во фаза на отопување.

„Во запленетото возило, небезбедното месо се транспортирало во несоодветни услови, односно без потребен температурен режим за замрзнато месо (минус 18 степени Целзиусови) и без никаква документација за потеклото –  ветеринарно здравствен сертификат, комерцијален документ и други потребни документи за гарантирање на безбедноста на производот“, се вели во соопштението.

Како што веќе објавивме, во близина на селото Танушевци, скопско, при преземање мерки и активности, полициски службеници од Полициската станица за граничен надзор Танушевци пресретнале возило комби со косовски национални ознаки, кое се движело кон границата со Kосово, а кое било полно со прехранбени производи без документација, информираше Министерството за внатрешни работи (МВР).

„Откако ги забележале полициските службеници, две лица го оставиле комбето и побегнале кон границата со Косово. Додека, при преглед во возилото биле пронајдени 180 пакети со по 11 килограми прехранбени производи, кои биле без соодветна документација. Возилото со производите било одземено и предадено за понатамошна постапка. Се преземаат мерки за пронаоѓање на лицата и за целосно расчистување на случајот“, наведено е во соопштението.

ШВЕРЦУВАЛЕ ХРАНА СО КОМБЕ ПРЕКУ ГРАНИЦА Кога ја здогледале полицијата го оставиле возилото среде улица и побегнале

The post СКОРО 2 ТОНА ПИЛЕШКО МЕСО ОДИ НА УНИШТУВАЊЕ Транспортирано било во несоодветни услови appeared first on plusinfo.mk.

Еден од тие патишта води надвор од границите на државата, односно до маркетот „Лидл“ во Врање, Србија.

Плусинфо разговараше со семејство од Скопје кое скоро секоја втора сабота во месецот се упатува кон Врање и ги купува основните продукти по драстично пониска цена од таа во нашите супермаркети.

Како што велат нашите соговорници, од недела во недела сѐ поголем е бројот на возила со македонски регистарски ознаки кои натоварени до кров со српски производи чекаат ред за да ја поминат српско-македонската граница.

– Разликата во цените е неверојатна и можеби ќе ви делува неисплатливо да возите 200 километри во двата правци, ама верувајте дека се исплати. Скоро секоја втора сабота во месецот ние одиме во Врање на пазарење. Не паметам колку време не сме влегле во македонски супермаркет. И во Врање и во Скопје ќе ги најдете истите производи, само што тука ќе ги платите двапати поскапо. Засега не ни прават проблем на граница, иако гледаат дека сме изнапазариле сѐ и сешто. Единствениот услов е да купуваме херметички затворена храна. Значи, можете да си купите вакумирани производи, кашкавали, сирење, пијалаци, ама одбегнувајте производи што се продаваат рефус, односно на мерење – објаснува Силвана од Скопје.

Таа со својот сопруг викендов била во Врање на пазарење, па за среќа, ја зачувала фискалната сметка и ни ги кажа точните цени на производите.

– Едно литро зејтин во Врање чини 110 денари, а тука е 160 денари. Разликата е дури 50 денари, па ние најчесто купуваме по еден пакет со шест шишиња зејтин. Еден килограм брашно таму е 35 денари, а тука е 60 денари. Шпагетите и нудлите таму се по 25 денари, а тука се 75 денари. Еден килограм пилешки стек во Врање чини 200 денари, а кај нас е 305 денари. Едно пакување кори за пита таму е 30 денари, а тука е 50 денари. Прашок за перење облека од 8.4 килограми таму чини 380 денари, а тука истиот тој прашок е 800 денари – вели нашата соговорничка.

НЕМА ЛЕБ ПОЕВТИН ОД 40 ДЕНАРИ Зејтинот сега чини 163 денари, сирењето и кашкавалот стануваат луксуз (ГАЛЕРИЈА)

The post ВО ВРАЊЕ НА КУПОВАЊЕ Македонци возат по 200 километри за да набават поевтин зејтин appeared first on plusinfo.mk.

Пилешките гради се едни од клучните состојки на здравата исхрана, се сметаат за добар извор на протеини, а популарни се и поради нивната пристапна цена и лесната подготовка. Но, кога станува збор за индустриско пилешко, тоа е еден од највалканите видови месо.

Доколку се грижите за вашето здравје, неопходно е да се земат предвид ризиците кои ги носи честото консумирање на индустриско пилешко месо. За да се намалат трошоците за пилешкото филе, производителите мора да ги намалат трошоците за хранење на кокошките, а во исто време да го забрзаат нивниот раст, па како резултат на тоа се користи евтина храна и агресивни препарати за брзо дебелеење.

Просечниот животен циклус на кокошките на фармите за преработка на месо е од пет до седум недели, по што се убиваат и се испраќаат на преработка, од друга страна, домашните кокошки фармерите ги одгледуваат и до една година пред колењето. Хемиската изложеност започнува уште пред појавата на пилето, а се користат различни дезинфекциски средства на кои се изложува јајцето, кое се транспортира во работилницата за одгледување каде што е изложено на моќни инјекции и антибиотици.

Целиот текст прочитајте го на порталот „Арт кујна“.

Фото: Unsplash

The post ПИЛЕШКОТО ПОЛНО СО ХОРМОНИ И ДЕЗИНФЕКЦИСКИ СРЕДСТВА Размислете добро за вашето мени appeared first on plusinfo.mk.

Белковините од пилешкото месо се навистина многу корисни, што значи дека ги содржат сите есенцијални аминокиселини во количини и сооднос кои го поддржуваат растот, развојот и опоравувањето на човечкиот организам. Поради својот нутритивен состав и лесната дигестија, пилешкото месо се препорачува во исхраната на сите возрасни групи. Пилешкото месо содржи мали количини масти и е добар извор на одредени витамини од групата Б (особено ниацин) и некои минерали.

И токму поради овие причини, пилешките паштети на „Подравка“ се единствени на пазарот, бидејќи содржат пилешко месо со највисок квалитет – филе и карабатак.

Пилешките паштети на „Подравка“ се природни и вкусни, со имагинативни вкусови, богати со протеини, приготвени од чисто пилешко месо, 100% филе и карабатак, во комбинација со фини зачини и додатоци како: црн дроб, ајвар, павлака. Тие се направени од природни состојки со врвен квалитет. Не содржат конзерванси, нема палмино масло, нема засилувачи на вкус!

Покрај добро познатите омилени вкусови Пилешка паштета класик и Пилешка паштета пикант, апсолутен хит се 3 релативно нови вкусови, совршени за мачкање – Пилешка јетрена паштета, Пилешка паштета со павлака и Пилешка паштета со ајвар. Полниот вкус и кремастата текстура секој оброк го претвораат во неодоливо задоволство. Паштетите на „Подравка“ се одлична комбинација за највкусните закуски и сигурно подеднакво ќе ги маѓепсаат љубителите на паштети, гурманите и потрошувачите кои сакаат нутритивно квалитетен и избалансиран производ.

Сето ова го препознаа и мајките во Хрватска и тие ги избраа паштетите на „Подравка“ како најдобар избор за своите најблиски. Брз и вкусен оброк, секогаш при рака, практичен и безбеден.

И затоа, препуштете се без грижа на совест, уживајте во вкусниот оброк и само мачкајте.

The post ПИЛЕШКИ ПАШТЕТИ НА „ПОДРАВКА“ Важно е што јадеме! appeared first on plusinfo.mk.

Увозот е спречен, а пратките се нештетно уништени на депонијата Дрисла.

– Инспекциските служби на Агенцијата за храна и ветеринарство беа дел од големата акција ОПСОН 9 на ИНТЕРПОЛ и Еуропол, во која Република Северна Македонија учествуваше заедно со уште 82 држави. Акцијата се реализира од декември 2019 до јуни 2020 година, а акцент беше ставен на трговијата со фалсификувана и неквалитетна храна и пијалаци. Во рамки на законски дефинираните надлежности, официјалните ветеринари на граничен премин, во насока на заштита од внесување на вирусот на високо патогена инфлуенца во Република Северна Македонија, спречија увоз на три пратки со по 21 тон механички обескостено пилешко месо кои потекнуваат од региони во Полска кои поради оваа болест се забранети за увоз – велат од АХВ.

Во март годинава инспекциските служби на Агенција, во рамки на акцијата ОПСОН 9 на ИНТЕРПОЛ И Еуропол, утврдија недоследност и кај еден оператор со храна кој увезол над 20 тони преработки од месо по потекло од Холандија. Кај него со лабораториските испитувања е утврдено дека постојат неусогласености кај декларираниот производ.

Од вкупно увезената количина месни преработки, околу 17 тони се вратени на извозникот од Холандија, а повеќе од 1,7 тони преработки од месо увезени во март годинава, се нештетно уништени.

The post На Табановце за малку ќе се „протнеле“ 63 тони пилешко месо од Полска „зачинето“ со вирусот на високо заразен грип appeared first on plusinfo.mk.