На прес-конференцијата во ВМРО-ДПМНЕ, Никиолоски повторно побара релевантни и кредибилни одговори во однос на улогата на спорни странски консултанти во кампањата на Стево Пендаровски на СДСМ.

– Целата мината недела  поставував прашања за улогата на Асаф Еисин во кампањата на Стево Пендаровски и на СДСМ. Добивме многу конфузни одговори. Од една страна, Стево Пендаровски кажа дека се среќавал со него, но рече дека бил консултант не негов, туку на СДСМ. Од друга страна, претседателот на СДСМ, Димитар Ковачевски, кажа дека немаат таков консултант, но намерно и ненамерно можеби направи грешка кога кажа дека две други девојки работеле за него во кампањата. За нив ние имаме сознанија дека се сместени во канцеларија која што се наоѓа во хотел на кејот на Вардар, во деловниот простор и токму тие се локалната поддршка на Асаф Еисин – рече Николоски

Се работи за лица кои што се вработени  во ПР агенција која што има седиште за регионот во Белград, а тие се дојдени тука за да му помагаат токму на ова лице. Не е тајна дека Асаф Еисин помеѓу другото е и советник или ПР експерт и на видни лица од политиката на нашиот северен сосед, рече Никиолоски и додаде:

– Во таа насока, не добивме одговори зошто не е објавен договорот кој што СДСМ го склучила со Асаф Еисин и зошто истиот не е евидентиран, како и тоа дека доколку склучиле договор за работа за на изборите, се работи за тешко кривично дело, имајќи предвид дека изборните сметки сеуште не се отворени и во моментот на почеток на ангажман  не ни можеле да бидат отворени, затоа што формално процедурата за номинирање на кандидати, нити за претседател, нити за пратеници не беше завршено.

До ВМРО-ДПМНЕ стигаат кредибилни информации дека ова лице е плаќано на рака, односно во кеш, од средства кои што се сомнително прибавени од страна на политичката партија СДСМ, најчесто од тендерите во РЕК Битола.

– Па, сакаме да прашаме, дали можеби странскиот консултант е платен од тендерите кои што ги доби во РЕК Битола белорускиот конзул? И дали е ова начинот на кој што е исплаќан овој странски консултант? И дали контролата се прави преку лицата кои што се сместени во деловни простории на еден хотел на кејот на Вардар, да бидам попрецизен позади Градскиот стадион?

Освен лични навреди кон Никиолоски и кон политичката партија ВМРО-ДПМНЕ, ништо друго како релевантен одговор не добивме, вели потпретседателот на ВМРО-ДПМНЕ и ги повика надлежните институции коишто се поврзани со мониторинг на изборите и со следење на трошење на средства на изборите посериозно да се позанимаваат со овој случај.

The post 🎥 ИЗРАЕЛСКИ ПИ-АР ЕКСПЕРТ КЕШИРА ПАРИ ОД РЕК БИТОЛА, ДВЕ ДЕВОЈКИ МУ ПРАВАТ ДРУШТВО?! Николоски изнесе нови сомненија за консултантот Асаф Еисин appeared first on plusinfo.mk.

Ниту еден денар потрошен за комуникацијата на мојот профил на социјалните мрежи не е од буџетски средства, ниту пак некој вработен во Секторот за комуникации на Владата бил ангажиран прекувремено за да ја сработува таа комуникација, изјави денеска премиерот Димитар Ковачевски во одговор на новинарско прашање околу трошоците за објави на неговите профили на социјалните мрежи.

– Буџетски средства за ова не се користени, туку со оглед на тоа дека се работи за спроведување на социјалдемократски политики, тоа се прави во рамките на мојот тим којшто е надвор од Владата, а вработените во Секторот за комуникации коишто работат на подготовка или на изработка на видеа немаат ниту еден час прекувремено. Она што се работи како комуникација сè е во рамки на работното време – рече Ковачевски на денешната прес-конференција во Владата.

Тој потенцира дека е важна е транспарентноста и во овој случај се е транспарентно со цел граѓаните да бидат информирани за тоа што работат избраните и именувани функционери во однос на прашањата што ги засегаат, а изборот е дали тоа ќе се направи преку билборди, соопштенија или видеа и одредени други мултимедијални презентации на социјалните медиуми.

– Доколку граѓаните не го сакаат таквиот начин на комуникација секако дека тие тоа ќе го искажат во моментот кога за тоа ќе имаат можност, а тоа е при избори – изјави Ковачевски, додавајќи дека целата комуникација преку социјалните мрежи е платена и за тоа има достапни податоци.

Истражувачката репортерска лабораторија (ИРЛ), во сторија под наслов „Премиерот кој сака да биде инфлуенсер“, објави дека во последните 100 дена за спонзорирани постови на социјалните мрежи, профилот на премиерот Димитар Ковачевски потрошил 26.000 евра, а за нивни објави владиниот пи-ар тим работи во две смени.

The post НИТУ ДЕНАР ОД БУЏЕТОТ НЕ Е ПОТРОШЕН ЗА МОИТЕ ОБЈАВИ Премиерот одговори на наводите дека се дадени 26.000 евра за пи-ар appeared first on plusinfo.mk.

Да бевме сигурно дека Заев лично е инспиратор, или можеби и автор на една ваква недоговорна шпекулација, ќе постапевме поинаку. Ја знаете латинската поговорка Zaevus non habeat fiduciam? Во превод, на Заев не му веруваме. Но, изгледа дека оваа бува сепак била пуштена без негово одобрение. Би било многу глупаво да е поинаку… Како и да е, одлучивме барем ние да го поштедиме премиерот од јавниот пласман на една ваква недоквакана конструкција, која може само да му наштети за неговиот имиџ пред изборите, кои тој ги доживува како „историски“ (јасно ми е зошто).

Се разбира, внимателно го исчитав наративот пренесен и преџвакан од повеќе наши интернет медиуми. Во него нема никакви сериозни наводи во поткрепа на таа шпекулација, но затоа има многу политикантски подметнувања, главно на сметка на опозицијата во Македонија и на македонската дијаспора, како несуден организатор на лажниот атентат.

Луѓето лесно ја прочитаа оваа конструкција, како уште еден во низата обиди на пи-ар советниците на Зоран Заев да му го подобрат рејтингот. Тоа што, пак, самиот Заев за „атентатот“ се изјасни прилично воздржано, кажува дека можеби и тој успеал да сфати дека овој несреќен пи-ар буст не е добро осмислен и дека подобро е што побрзо да се заборави.

И така, големата афера во најава, шокантната брејкинг-приказна, експресно беше закопана со срамен молк. Аналистите и медиумите афилирани до партијата на власт „мудро“ ја одмолчаа, а и опозицијата, веројатно зафатена со побитни афери и скандали, потфрли во деконструкција на лажната вест.

Без оглед на сѐ, јас сепак сакам јавно да ги опоменам пи-ар стратезите на Зоран Заев, како и сите други кои живеат од тој занает (патем речено, занает кој може да се извршува и квалитетно и одговорно, а не како кај нас), навистина многу да внимаваат ако во иднина повторно одлучат да конструираат или да пренесуваат наративи на темата „атентат“.

Внимавајте, другарки и другарчиња, тоа за Македонија е болна тема!

Се надевам дека сите добро знаеме дека врз првиот македонски претседател Киро Глигоров беше извршен атентат, кој до денес не е расветлен. И тогаш нашите премудри „ловци на атентатори“ прстот го вперуваа кон лица од вмровска и од пробугарска провиниенција, иако и тогаш и денес најсериозната претпоставка беше дека атентатот врз Глигоров најверојатно е дело на тогашни удбашки структури под контрола на српскиот вожд Милошевиќ.

Треба да се потсетиме и на фактот дека вториот македонски претседател Борис Трајковски загина во авионска несреќа над Мостар, во околности кои до ден денес не се целосно и уверливо истражени. Има многу луѓе кои се сомневаат дека и овој трагичен инцидент е нешто повеќе од случајна несреќа.

Ако добро се сеќавам, лажни „атентати“ беа „спречувани“ и во времето кога на власт беше Никола Груевски, а еве, сега ги слушаме истите приказни, веројатно поради исти мотиви – да се купи малку сожалување од народот, премиерот да се портретира како жртва, да му се засили рејтингот, ако може да остане ден повеќе на власт…

Внимавајте, другарчиња, ваквите приказни можат да бидат и опасни, бидејќи во Македонија се случувале и големи бељи, а не дај боже, еден ден може пак да се случат.

Тој што ќе каже дека некој подготвувал атентат, а некој друг спречил, подобро е да знае што зборува и за тоа пред јавноста да презентира уверливи факти. Оти ние, за жал, знаеме што е тоа атентат врз клучна политичка фигура и какви трауми и последици врз целокупниот живот во земјата може да предизвика еден таков настан.

За среќа, ова што сега ни се случи е само еден безболен пи-ар атентат врз Зоран Заев. Колку за показ дека  неодговорноста во ова општество е метастазирана, е човековата глупост ионака е безгранична.

The post Пи-ар атентат врз Зоран Заев appeared first on plusinfo.mk.

– Манчевски прави кампања, а административците не знаат дали следниот месец владата ќе им исплати плата или не, зошто на Заев може се да му текне. Функционерите на СДСМ наместо да ја решаваат кризата во која сме поради нивната неспособност, се ставени во улога на портпароли за собирање на ситни политички поени.

Граѓаните знаат што треба и што не треба да прават, тоа веќе го кажаа докторите. Од функционерите на власта очекуваат мерки и проекти кои ќе помогнат безболно да се надмине кризата. Наместо помош од СДСМ гледаме само безидејни пресконференции, да се каже нешто колку да се каже. Доколку власта не знае што треба да прави, а очигледно е дека не знае, доволно е само да ја тргне на страна својата суета и да ги прифати предлозите на ВМРО-ДПМНЕ, соопшти партијата.

The post ВМРО-ДПМНЕ: 160.000 работници останаа без работа, а функционерите си тераат пи-ар за време на полициски час appeared first on plusinfo.mk.