Во текот на изминатото деноноќие на целата територија на државата, полициските службеници лишија од слобода 18 возачи поради „безобѕирно управување возило“.

Од нив, како што информираат од МВР, 11 управувале возило без возачка дозвола (пет во Скопје, три во Гостивар и по едно лице во Тетово, Кичево и Прилеп). Под дејство на алкохол возеле шест лица (по едно во Скопје, Кочани, Пробиштип, Велес, Радовиш и тетовско), а  едно лице во Кочани возело иако имало активна забрана за управување на моторно возило.

По целосно документирање на случаите ќе бидат поднесени соодветни кривични пријави.

МВР апелира сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

The post ПИЈАНИ И БЕЗ ДОЗВОЛА СЕ ДРЗНУВААТ ДА ВОЗАТ ПО ПАТИШТАТА Полицијата уапси 18 само за еден ден appeared first on plusinfo.mk.

The post ПИЈАНА ВОЗАЧИ ДИВЕАТ НИЗ УЛИЦИТЕ Мажи од Штип и од Демир Хисар се лишни од слобода appeared first on plusinfo.mk.

Тројца возачи беа приведени по акција на полициските служби во Куманово и во Кратово, откако беа фатени како управуваат моторни возила под дејство на алкохол, соопшти Министерството за внатрешни работи. Сите три случаи се процесуираат и против лицата ќе бидат поднесени кривични пријави за безобѕирно управување со моторно возило.

Како што информираат од полицијата, на 27 април 2025 година, полициски службеници од Полициската станица за безбедност на патниот сообраќај Куманово го лишиле од слобода А.М. (38) од Куманово. При контрола на патниот сообраќај, било констатирано дека управувал патничко моторно возило „Цитроен“ со присуство на 1,56 промили алкохол во крвта.

„Возачот беше веднаш исклучен од сообраќај и приведен во полициска станица за понатамошна постапка“, соопштија од СВР Куманово.

Истата вечер, полициски службеници од Куманово го лишиле од слобода и А.Р. (49) од село Ваксинце, општина Липково. При контрола било утврдено дека управувал патничко возило „Опел“ со концентрација од 1,55 промили алкохол.

„Возачот бил исклучен од сообраќај веднаш по констатирање на нарушувањето и спроведен е во службените простории“, наведуваат од полицијата.

Во Кратово, полициските службеници го приведоа З.Л. (60) од село Страцин. Тој, при обид за полициска контрола, не застанал на даден знак за запирање и се обидел да побегне, но бил набргу сопрен. Извршената алкотест анализа покажала присуство на 2,28 промили алкохол во крвта.

„Возачот беше фатен за кратко време и против него се преземаат сите законски мерки“, истакнаа од Полициското одделение за безбедност на патниот сообраќај Кратово.

По целосно документирање на случаите, против тројцата возачи ќе бидат поднесени кривични пријави по член 297-А од Кривичниот законик за „безобѕирно управување со моторно возило“.

The post ФАТЕНИ ПИЈАНИ ЗАД ВОЛАНОТ Приведени тројца возачи во Куманово и во Кратово, еден се обидел да побегне appeared first on plusinfo.mk.

Во текот на првите два дена од месец април (01-02.04), полицијата продолжи со засилените сообраќајни контроли низ земјава, при што издаде вкупно 1.296 платни налози за прекршоци според Законот за безбедност на сообраќајот на патиштата. Најмногу прекршоци се регистрирани за неправилно паркирање (393), следено од возење со брзина поголема од дозволената (196).

Покрај овие, полицијата санкционираше и 101 случај на возење без возачка дозвола, како и 199 прекршоци што ги сториле пешаците. Меѓу другите нарушувања на сообраќајните правила, забележани се 72 случаи на возачи кои не користеле сигурносен појас и шест возачи на мотоцикл кои не носеле заштитна кацига.

Додатно, 32 санкции беа изречени за користење мобилен телефон при возење, а 16 возачи се отстранети од сообраќај поради возење под дејство на алкохол. Изречени се и осум мерки за минување на црвено светло.

Полицијата откри 38 неисправни возила, од кои 14 поради техничка неисправност, а 24 затоа што не биле регистрирани. Сообраќајните контроли ќе продолжат и во наредните денови, а полицијата апелира до граѓаните да ги почитуваат сообраќајните правила и прописи за зголемена безбедност на патиштата.

The post ЗА ДВА ДЕНА СЕ ИЗРЕЧЕНИ 1.296 САНКЦИИ Најмногу казни се за неправилно паркирање и возење без дозвола appeared first on plusinfo.mk.

Во деновите од изминатиот празничен викенд (08/09.03.2025), како и во петокот (07.03.2025), статистички бројки од сообраќајните контроли низ целат аземја покажуваат дека и натаму нивото на сообраќајна култура, совесност и одговорност е под задоволителните критериуми.

Овој викенд се издадени 2.045 платни налози. Предничат прекршоците (637) по основ на возење со брзина поголема од дозволената, потоа неправилно паркирање – 393 прекршоци. За возење без возачка дозвола изречени се 225 мерки, а за возење под дејство на алкохол 146 санкции.

Во сообраќајните контроли полициските службеници во 115 случаи издале прекршочни платни налози поради некористење сигурносен појас, 56 санкции за користење мобилен телефон при возење, како и 35 мерки за возачи на мотоцикли поради некористење заштитна кацига, 14 санкции за минување на затворен сигнал (црвено светло).

Покрај ова, а согласно Законот за возила од сообраќај биле исклучени 58 нерегистрирани возила и 12 технички неисправни возила.

Полицијата приведе две лица во Кичево и во Штип поради безобѕирно управување со моторно возило.

– На 10.03.2025 во 00.35 часот на магистралниот пат Кичево – Охрид, полициски службеници од ОВР Кичево го лишиле од слобода Ж.М.(49) од Кичево. При контрола во патниот сообраќај, полициските службеници сопреле патничко возило „опел“ без регистарски ознаки, кое го управувал, и по преземени мерки било констатирано дека е под дејство на алкохол, по што веднаш бил исклучен од сообраќај и задржан во полициска станица.

Исто така, на 09.03.2025 во 18.00 часот во близина на селото Крупиште, општина Карбинци, полициски службеници од СВР Штип го лишиле од слобода Ч.С.(63) од Штип. При контрола во патниот сообраќај, полициски службеници сопреле патничко возило „цитроен“ со штипски регистарски ознаки, кое го управувал, и притоа констатирале дека тој е под дејство на алкохол и веднаш го исклучиле од сообраќај – наведоа од МВР.

The post ВИКЕНДОВ КАЗНЕТИ 2.045 ВОЗАЧИ Без дозвола возеле 225, а пијани 146 граѓани appeared first on plusinfo.mk.

Во текот на ноќта во два одделни случаи малолетници биле донесени во бессознание по консумирање алкохол во дискотека во Гостивар. Полицијата започна со истрага и презема мерки за расчистување на инцидентите. Според информациите од Ургентниот центар во Гостивар, едниот случај е малолетна девојка, а во другиот случај се однесува на малолетно момче.

Во 00:55 часот, од Ургентниот центар во Гостивар беше пријавено дека малолетна девојка била донесена во бессознание. Според првичните информации, таа претходно консумирала алкохол во дискотека во Гостивар. Лекарите веднаш започнале со интервенција, а полицијата презела мерки за решавање на случајот.

– Во тек е истрага за расчистување на околностите. Родителите на малолетничката се известени и се преземаат мерки за да се спречи ваквиот тип на инциденти – изјавија од Министерството за внатрешни работи.

Речиси три часа подоцна од Ургентен центар Гостивар повторно било пријавено дека е донесен малолетник во бессознание, по истата причина – консумирање алкохол во дискотека. Полицијата продолжува со истрагата и испитува околностите под кои се случил инцидентот.

„Се работи на утврдување на сите факти и во иднина ќе преземеме соодветни мерки“, додаваат од МВР.

The post ДЕВОЈЧЕ И МОМЧЕ ВО БЕССОЗНАНИЕ ОДНЕСЕНИ ВО БОЛНИЦА Малолетниците биле донесени на лекување по пиење алкохол во дискотека во Гостивар appeared first on plusinfo.mk.

По слетувањето на авионот на аеродромот, полициски службеници од поморската и аеродромската полициска станица Задар ги донеле двете лица во полициските простории каде им била укажана лекарска помош и им биле констатирани полесни физички повреди, соопшти Полициската управа Задар.

Алкотестот покажал присуство на алкохол во нивните тела.

Понатамошната истрага на полицијата откри дека за време на летот, лицата вербално се судриле меѓу себе, а потоа и физички се удирале со тупаници, при што двајцата се здобиле со повреди во пределот на лицето и рацете, соопшти задарската полиција.

The post МАЛА „ТУРБУЛЕНЦИЈА“ НА ЛЕТОТ ЗА ЗАДАР Пијани Британци се испотепале во авион appeared first on plusinfo.mk.

– Толку биле пијани што не се сеќаваат каде ја закопале Данка. Во моментов ја водат полицијата низ целата депонија, бидејќи не се сеќаваат каде е телото – изјави изворот за српскиот медиум.

Криминалистичката полиција од Бор ги приведе работниците на јавното комунално претпријатие „Водовод“ Бор С.Ј.(50) од село Лука и Д.Д.(50) од село Злот.
– С.Ј. е осомничен дека на улицата „Радомир Путник“ со службеното возило „фиат панда“ удрил во пешак, двегодишно девојче Данка, и ја усмртил. Заедно со колегата Д.Д. телото на девојчето го ставиле во багажникот на возилото, по што се упатиле кон дива депонија на „Старобањски пут“ кај Бор, каде телото го фрлиле на десната страна од патот – вели извор близок до истрагата.

С.Ј. е обвинет за сторено тешко кривично дело против безбедноста на јавниот сообраќај, а Д.Д. за помош на сторителот по извршувањето на кривичното дело. По апсењето и на двајцата им е одреден притвор до 48 часа.

Истрагата на криминалистичката полиција на ПУ Бор укажува дека убиството се случило на 26 март околу 13 часот и 52 минути, односно само 7 минути откако мајката пријавила дека девојчето е исчезнато.

– С.Ј. е обвинет дека не ја приспособил брзината на возилото на состојбата и условите на патот, поради што со предниот десен дел од возилото го удрил девојчето и го усмртил – вели извор од истрагата.

Данка Илиќ исчезна на 26 март околу 13 часот и 45 минути во Бањско Поље кај Бор. Кога исчезнала била со мајка и и брат и оттогаш и се губи секаква трага. Поради нејзиното исчезнување, за прв пат во Србија е активиран системот „Најди ме“.

Во потрагата по Данка, Министерството за внатрешни работи на Србија организираше една од најобемните потраги во која беше вклучен целиот регион.

Полицијата од Бор вчера на местото на исчезнувањето донесе службени кучиња, кои повторно го пребараа теренот, а недолго потоа биле донесени двајца мажи да го покажат просторот.

The post УБИЈЦИТЕ НА МАЛАТА ДАНКА БИЛЕ МОРТУС ПИЈАНИ! Не се ни сеќаваат каде го закопале телото на девојчето appeared first on plusinfo.mk.

Како што соопшти Министерството за внатрешни работи, при контролата биле констатирани повеќе прекршоци и биле приведени 19 лица, од кои седум малолетници.

„Во објектите биле затекнати седум малолетници по 24 часот, а двајца малолетници биле затекнати при консумирање алкохол. Исто така, десет лица не поседувале документ за идентификација, кај едно лице бил пронајден нож, затекнат е еден странски државјанин со нерегулиран престој, а едно лице го нарушило јавниот ред и мир. Против сите лица и правни субјекти ќе бидат поднесени соодветни поднесоци“, информира МВР.

Воедно, од претставниците на Управата за јавни приходи, Државниот пазарен инспекторат и Трудовиот инспекторат биле констатирани прекршоци во сите контролирани објекти за што ќе бидат изречени соодветни санкции.

Контролата во угостителските објекти ја спровеле полициски службеници од Одделот за униформирана полиција, СВР Скопје и Одделот за специјални полициски операции во координација со Управата за јавни приходи, Државниот пазарен инспекторат и Трудовиот инспекторат.

The post ПИЈАНИ МАЛОЛЕТНИЦИ, НОЖЕВИ ВО КАФУЛЕ Приведени се 19 лица во Прилепско appeared first on plusinfo.mk.

Во текот на изминатата ноќ во периодот од 20 до 02 часот по полноќ била спроведена зајакната акциска контрола за санкционирање на возачи кои управуваат возила под дејство на алкохол на територијата на С Македонија, при што санкционирани се 145 пијани возачи, информира МВР.

Од нив, 33 на територијата на СВР Скопје, 29 на територија на СВР Битола, по 16 на територијата на СВР Штип и СВР Струмица… При акциската контрола откриени се и 200 други видови прекршоци.

Засилените акциски контроли продолжуваат и во наредните денови.

„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, велат од полицијата.

The post СИНОЌА 145 ВОЗАЧИ БИЛЕ ПИЈАНИ Засилена акција на МВР низ цела држава appeared first on plusinfo.mk.