Веројатно не постои пијалак кој е толку обвиен со мистерија и контроверзии како апсинтот. Пијалакот на писателите, поетите, уметниците и оние кои живеат надвор од нормите, жарел и палел кон крајот на 19 и почетокот на 20 век. Бил особено популарен во Франција и брзо се проширил во САД, особено во Њу Орлеанс, град со француски корени.

Иако точното потекло на апсинтот е непознато, се верува дека е произведен од др. Пјер Ординер во 1792 година како лек за дизентерија и маларија. Брзо го добил прекарот la fée verte или „зелената самовила“ поради неговата карактеристична боја. Лекот најпрво се раширил меѓу француските војници во Северна Африка, кои го користеле против микроби и за дезинфекција, а потоа ги освоил и сите други љубители на жестоките пијалаци.

Пабло Пикасо, Шарл Бодлер, Пол Гоген, Винсент ван Гог, Ернест Хемингвеј, Едгар Алан По, Артур Рембо, Анри де Тулуз-Лотрек, Брајан Ворнер, Оскар Вајлд и многу други барале инспирација во апсинтот, а овековечен е и во некои од нивните дела. Мане и Дега се некои од големите уметници кои биле инспирирани од апсинтот.

Повеќе за ова на „Арт кујна“.

The post ВИНОВЕН ЗА ЛУДИЛО, НАСИЛСТВО И ХАЛУЦИНАЦИИ? Жесток пијалак кој се пие во посебни барови appeared first on plusinfo.mk.

Според најновите истражувања, зголемените трошоци за набавка на кафе, како резултат на климатските промени, ги потикнуваат компаниите да се адаптираат на новата економска реалност која е обременета со високи цени на зрната кафе и логистички проблеми.

Глобалните залихи се исцрпуваат поради екстремните временски услови. Експертите предвидуваат дека жетвата на арабиката во Бразил може да падне за над 10 отсто, додека родот на робуста во Виетнам може да се намали до 10 проценти до крајот на 2025 година.

Берзанските аналитичари смируваат, велат дека цената на кафето се очекува да расте и во 2025 година, но со намалено темпо. Наскоро се очекува и стабилизарање на пазарот, имајќи го предвид енормниот раст во 2024 година.

И во земјава се чувствува поскапувањето на кафето. Годинава, цената се менуваше повеќе пати, а за да им биде што подостапно на граѓаните, кафето не ретко се продава на акција. Во моментов, пакување на „турско кафе“ од 200 грама чини околу 80 до 120 денари, па и повеќе.

– Речиси при секое влегување во маркет, забележувам поскапување на кафето. Обично купувам кога е на акција, а гледам и пакувањето да биде поголемо, со оние неколку грама „гратис“ означени на амбалажата. Во овој период, сметам дека е зголемена потрошувачката зашто кафето се подарува скоро секојдневно, ако се земат предвид сегашните и претстојните празници – вели за МИА потрошувач од Скопје.

Додава и дека купува кафиња кои се продаваат „во пакет“, по две, со кој следува и подарок, како и дека ако „начека“ поевтино, купува повеќе за да се најде.

Според Илија Миновски, ЦЕО во РИО ДООЕЛ – Илинден, цената на суровото кафе моментно е зголемена за повеќе од 70 отсто во однос на почетокот на годината.

– Се соочуваме со предизвици во однос на снабдувањето со суровина, поради драстичното зголемување на цените на кафето на берза, кое енормно е во постојан раст со што се достигнува рекордно ниво на висина на цената на кафето. Исто така, глобалните залихи на кафе се ограничени (поради климатските промени и сушата, проблеми со транспортот, глобалната криза,..), значи намалена понуда, а цените се зголемуваат со самото зголемување на побарувачката. Како компанија, бележиме зголемени производните трошоци поради зголемената цена на основната суровина – вели Миновски за МИА.

Негова оценка е дека во овие услови, на речиси постојани поскапувања на храната, цените на кафето не може да бидат стабилни.

– Цените не може да бидат стабилни, зашто кафето е берзански производ и моментно неговата цена е во постојан пораст. Ние како производители на кафе, мораме да ги зголемиме малопродажните цени, иако покачувањето на нашата цена е минимално во однос на условите кои ги диктира светската берза – истакнува Миновски.

Тој нагласува дека продажбата е во опаѓање во однос на претходните години, но се уште е на добро ниво со оглед на тоа што пазарот го бара и го сака турското кафе.

– Се надеваме на стабилизација на берзата. Но, моментната состојба на берзата и информациите што ги имаме укажуваат дека нема да се намали цената или стабилизира за брзо време – дециден е Миновски.

Според „World of Statistics“, земјава лани беше на 18 место во светот по испиено кафе на жител годишно. Податоците велат дека пиеме по два милиона кафиња дневно или околу 730 – 800 милиони годишно.

Се смета дека во светот дневно се пијат по три милијарди шолји кафе. Најголеми консументи се земјите од ЕУ со 46,8 милиони вреќи (од по 60 килограми) годишно што е 28,1 отсто од глобалната потрошувачка. На САД отпаѓаат 16,1 процент со 26,9 вреќи, а на трето место е Бразил со 22,9 милиони вреќи или 13,7 отсто. Потоа следуваат Германија со 5,7 отсто, Јапонија со 4,7 отсто, Индонезија со 3,3 проценти, Франција со 3,2 отсто, Италија со 3,1 процент, Русија со 2,9 отсто и Канада со 2,4 проценти.

Според податоците на Меѓународната организација за кафе од 2020 година, 10 земји се најголеми производители. Предничат Бразил со 37,4 отсто од вкупната светска продукција или 63,4 милиони вреќи (од по 60 килограми) и Виетнам со 17,1 процент или 29 милиони вреќи. Потоа следуваат: Колумбија со 14,3 отсто, Индонезија со 7,1, Етиопија со 4,3, Хондурас со 3,6, Индија со 3,4, Уганда со 3,3, Мексико со 2,4 и Перу со 2,2 отсто од вкупната продукција. Во останатиот дел од светот се произведуваат 18,4 милиони вреќи или околу 15 отсто од вкупната продукција.

Во светот се евидентирани околу 12,5 милиони фарми за кафе, а 95 отсто до нив се помали од пет хектари. Скоро половината се во Етиопија, 2,2 милиона, во Уганда, 1,8 милиони и во Индонезиа, 1,3 милиони. Виетнам, Бурунди, Кенија и Колумбија имаат по 500 000 мали производители. Малите производители се р’бетот на оваа глобална индустрија, а најмалку 5,5 милиони живеат во сиромаштија со помалку од 3,2 долара на ден.

The post КАФЕТО ЌЕ СТАНЕ ЛУКСУЗ ВО 2025? Компаниите се соочуваат со растечки трошоци и недостиг на суровини appeared first on plusinfo.mk.

Кожувчанка претстави нов освежителен пијалак. Сега, природната газирана вода Кожувчанка богата со минерали има и додаток на витамини, со освежителни вкусови за едно поинакво, неодоливо искуство.

– Ви ги претставуваме Кожувчанка Wellness и Кожувчанка Active. Кожувчанка Wellness е збогатена со природна арома на портокал и со природен екстракт од ѓумбир кој има смирувачки ефект, релаксира и ослободува од напнатост со што позитивно влијае на имунолошкиот систем. Со додаток на витамин B6, Кожувчанка Wellness придонесува и за создавање на црвените крвни зрнца!Кожувчанка Active се произведува со додаток од екстракт од гуарана и женшен. Тие, како природни извори на енергија, го подобруваат вашиот ментален и физички капацитет. Кожувчанка Wellness содржи витамин B12 и B6, коишто придонесуваат за нормално искористување на енергијата и намалување на заморот и исцрпеноста – велат од компанијата.

Газираните води Кожувчанка Wellness и Кожувчанка Active може да ги најдете во амбалажа од 0,5L и 1,5L погодни за секоја прилика, без разлика дали сакате да се освежите по тренинг или да уживате во текот на денот на работа или дома.

– Секогаш, во секое време имате потреба од вода, освежување, минерали и витамини – нагласуваат од компанијата.

The post НОВО ЛЕТНО ОСВЕЖУВАЊЕ Пробајте ги Кожувчанка Wellness и Кожувчанка Active! appeared first on plusinfo.mk.

Во регистарот за збогатена храна на Агенцијата за храна и ветеринарство регистриран е безалкохолен пијалак PRIME HYDRATION DRINK за кое АХВ има издадено одобрение за ставање во промет. Кај нас е одобрена верзијата без кофеин т.е. производи декларирани како пијалаци за хидратација (PRIME HYDRATION DRINK) кои се збогатени со витамини и амино киселини, со различни вкусови.

За овие производи постои Мислење од Фармацевтски факултет дека можат да се употребуваат како збогатена храна, почитувајќи ги препораките за консумација и предупредувањата наведени на означувањето на овие производи.

„Апелираме до потрошувачите доколку на пазарот најдат производ од овој бренд кој не е регистриран /одобрен од Агенцијата, тоа да го пријават во АХВ, лично, на бесплатната линија за потрошувачи 0800 3 22 22 или електронски на info@fva.gov.mk“,  велат од Агенцијата.

СЛОВЕНИЈА ЗАБРАНИ ЕНЕРГЕТСКИ ПИЈАЛАК Содржи забранета состојка Л-теанин и големо количество кофеин

The post ВО МАКЕДОНИЈА ИМА „ПРАЈМ“ БЕЗ КОФЕИН Агенцијата за храна тврди дека кај нас нема небезбедни верзии на пијалакот забранет во Словенија appeared first on plusinfo.mk.

Станува збор за пијалакот што се прави од јапонска чајна габа која живее и ферментира во хранлив раствор од квалитетен зелен чај и шеќер.

Целиот текст прочитајте го на порталот „Арт кујна“.

The post НЕМА ЛАГИ И ИЗМАМИ Скопјанец произведува комбуха на истиот начин веќе три децении, за своја душа и со многу љубов appeared first on plusinfo.mk.

За време на гостувањето во подкастот на Адам Бакстон, Хенкс откри дека е комбинација од шампањ и диетална „Кока-кола“, а потоа го откри и името на коктелот. Се вика Diet Cokagne и се изговара исто како, да речеме, диетален кокаин (Diet Cocaine).

„Јас не пијам баш алкохол, но во последно време сакам да испијам диетална ‘Кока-кола’ помешана со шампањ. Дома ја нарекуваме ‘диетална кокењ’. Коктелот всушност настана во шега. Еднаш пиев диетална ‘Кока-кола’ и некој отвори шампањ, па ги замолив да ми сипат во чашата со ‘Кока-кола’ и ја испив и беше навистина вкусно“, рекол Хенкс и потоа продолжил.

„И сите се согласија дека е убаво. Сите го пробаа и беа изненадени колку е добар вкусот. И тоа е она што го пијам од алкохол, со можеби добро пиво“, рекол Хенкс.

The post ИМА ДОСТА БИЗАРЕН НАЗИВ Том Хенкс откри кој му е најомилен алкохолен пијалак appeared first on plusinfo.mk.

Споредено по групи на услуги, зголемување во октомври споредено со септември годинава е забележано во групите Храна за 0,3 проценти, Алкохолни пијалаци за  0,8 проценти и Безалкохолни пијалаци за 1,5 проценти.

Во периоодот јануари-октомври годинава, споредено со истиот период лани,  угостителските услуги поскапеле за 11,4  проценти, а во однос на декември минатата година зголемувањето изнесува 9,8 проценти.

The post СТАНУВА ЛУКСУЗ ДА СЕ ИСПИЕ ПИЈАЛАК ВО КАФУЛЕ Угостителските услуги поскапи за 17,4% во споредба со лани appeared first on plusinfo.mk.

На Фејсбук страницата „Охриѓани“ беше објавена фотографија од фискална сметка, а на која се гледа дека луѓето кои седнале да ручаат и да се освежат со неколку кафиња и со две-три чашки алкохол во македонската метропола, платиле прилично многу пари за услугата.

На пример, едно најобично еспресо во ова скопско кафуле чини неверојатни 200 денари!

The post ЕСПРЕСОТО ДОСТИГНА 200 ДЕНАРИ Ручаш во Скопје, плаќаш како да си во Париз (ФОТО) appeared first on plusinfo.mk.

Името „кокта“ е всушност изведено од зборот коктел. Веќе во првата година од производството биле спакувани милион литри освежителен пијалак што ја преплави социјалистичка Југославија. Економските параметри беа неверојатни, па остана фактот дека производството на Кокта растеше за 25% годишно. Популарноста во Југославија, но и „егзотичното“ потекло доведоа до тоа Кокта да има и европска премиера, по што извозот во Холандија траел две години.

Повеќе за ова на порталот „Арт кујна“.

The post КОКТА ПОЛНИ 70 ГОДИНИ Пијалакот на нашата и вашата младост ја надживеа СФРЈ appeared first on plusinfo.mk.

Потребни состојки:

– 2 лажици мед

-1 лажица цимет

– 250 мл вода

Подготовка:

Препорачаните количини може и да се менуваат, но важно е секогаш да користите две мерки мед и една мерка цимет. Подгответе онолку колку што ви е потребно.

Зовријте ја водата. Сипете го циметто во топлата вода. Покријте го садот и оставете го да стои додека не се излади до температура на која е можно да се консумира пијалакот.

Додадете мед дури кога напитокот ќе се излади. Никогаш немојте да ставете мед во врела вода, бидејќи топлината ги уништува ензимите и другите хранливи состојки на медот.

Пијте половина од пијалакот пред спиење. Другата половина оставете ја во фрижидер и испијте ја наутро, но без претходно загревање.

Запамтете: Овој рецепт дејствува само кога се консумира на празен стомак.

The post Мрзлива диета: Со овој пијалак ќе слабеете без физичка активност appeared first on plusinfo.mk.