Петтиот пакет содржи вкупно 29 мерки, во вредност од 9,7 милијарди денари или околу 160 милиони евра. Мерките се распределени во четири столба – директна финансиска поддршка за компаниите со цел задржување на работните места, финансиска поддршка за ликвидноста на приватниот сектор со бескаматни кредити, креирање на поволно деловно опкружување со системско редефинирање на царинскиот тарифник, намалување на парафискалните давачки и даночно олеснување и одложување кај неколку јавни давачки, како и поддршка за граѓаните.

ВМРО-ДПМНЕ по гласањето побара пратениците болни од ковид-19 веднаш да се вратат во изолација, зашто инаку ќе поднесат кривична пријава за нив и за сите кои го дозволиле нивниот влез и гласање и го прогласија гласањето за нелегитимно.

„Изолацијата од ковид-19 е задолжителна и не смее да се прекршува и прекинува, за ништо друго освен за посета на лекар. Правилата и прописите се јасни и децидни. Одговорност мора да има за сите од лицата кои ги пропуштиле да влезат во Собранието и да го загрозат здравјето на сите, до Талат Џафери, кој дозволил нивно гласање, иако тие имаат решение за изолација и не смеат да го напуштат домот и да го посетуваат работното место. Талат Џафери и СДСМ денеска покажаа дека законите за нив не значат ништо и дека ги кршат на секој чекор. Овие преседани не смеат да продолжат. Доколку ова помине, државата веднаш да им ги врати парите на сите казнети за неносење на заштитни маски, на сите кои го прекршиле полицискиот час и на сите кои потрошиле заштеди и подигале кредити за да се лекуваат низ ковид болниците“, наведе ВМРО-ДПМНЕ во реакција по седницата.

The post Едногласно усвоен петтиот пакет, гласаа и позитивните пратеници appeared first on plusinfo.mk.

Во соопштението од кабинетот на Џафери се вели дека прво е закажана 32-та пленарна седница, а веднаш по неа ќе се продолжи со 36 -тата седница на која на дневен ред се економските мерки за справување со последиците врз бизнисот предвизвикани од здравствената криза поради пандемијата.

The post Џафери за в недела ја закажа седницата за петтиот пакет економски мерки appeared first on plusinfo.mk.

Премиерот Зоран Заев тврди дека има пари во Буџетот за петтиот пакет мерки.

– Пари во буџетот има за реализација на петтиот пакет антикризни мерки. Буџетот е стабилен и има добра наплата и во Управата за јавни приходи и во Царината – изјави Заев. Најави дека се работи на шестиот пакет мерки кој ќе биде насочен кон угостителскиот сектор кој поради рестриктивните мерки не работи во овој период.

Во однос на завчерашните случувања во Парламентот, каде требаше да се донесе петтиот пакет антикризни мерки, Заев упати одговорите да се бараат кај претседателот на Парламентот, замениците и координаторите на пратеничките групи.

Претседателот на ВМРО-ДПМНЕ Христијан Мицкоски вчера изјави дека Талат Џафери како претседател на Собранието треба да најде начин со сите пратенички групи да создаде хармонија и да заврши една работа која е во интерес на граѓаните. Џафери, како што рече, може дома да се однесува своеволно, ама како претседател на Собрание треба да им служи на граѓаните.

-Работава не е игра, луѓето немаат плата земено, затоа треба Џафери да го постави на дневен ред потребното, а не да игра политиканство. Закони кои сакаат да ги поминат на насилен начин, закони во кои не се прифаќа ниту еден амандман. Или договореното на координациите не коресподнира со тоа што се случува потоа – рече Мицкоски.

Засега останува неизвесно кога ќе бидат одржани седниците на кои треба да бидат изгласани законските решенија од пакетот анти-кризни мерки, како и другите точки усогласени на средбата на премиерот Зоран Заев со лидерот на ВМРО-ДПМНЕ Христијан Мицкоски, а потоа и со лидерите на АА и Алтернатива Зијадин Села и Африм Гаши за законот за државјанство.

По завчерашните повеќечасовни расправии за тоа како треба да продолжи да работи законодавниот дом, седница вчера не се одржа. На собраниската веб-страница следната пленарна седница – 39-та е закажана на 21 април, но на дневен ред не се пакетот антикризни мерки и усогласените прашања меѓу власта и опозицијата.

The post Петтиот пакет анткризни мерки заглавен во Собранието appeared first on plusinfo.mk.

„Станува збор за законски решенија чие изгласување ќе овозможи поддршка за 20.000 компании и околу 130.000 вработени, како и 25.000 граѓани од ранливите категории и со тоа ќе се зголеми ликвидноста и потрошувачката, кои во овој момент се неопходни за одржување на субјектите во кондиција заради справување со кризата“ , се вели во апелот.

Членките на Комората генерираат 50,3 отсто од вкупниот приход во приватниот сектор и вработуваат 33,7 отсто од вработените.

Комората  уште еднаш ги реафимира своите ставови изкажани на почетокот на пандемијата дека оваа битка не може да се добие, ако компаниите не и помогнат на државата, но и државата да им помогне нив, како единствено можно решение кое може да даде позитивен импулс во натамошните економски текови.

– Во спротивно, сите досегашни напори, жртви и тешки предизвици кои досега ги надминавме, ќе паднат во вода – велат од Комората.

The post Стопанската комора апелира до пратениците: Изгласајте ги денеска законите од петтиот пакет мерки appeared first on plusinfo.mk.

Од Министерството за правда кое треба да го подготви законот две дена не одговорија на прашањето на Плусинфо до каде е подготовката и кога ќе се донесе таков закон.

Според она што беше најавено на презентацијата на Петтиот пакет мерки во февруари, мерката треба да опфати најмалку 180.000 граѓани на кои јавните претпријатија и другите државни компании и институции ќе треба да им ги избришат каматите на долговите, под услов тие да го платат долгот на 12 рати.

– Целта ни е не веднаш да го вратат долгот, туку да склучат договори на 12 рати, тоа веројатно ќе го доразработиме со ратите, но и комплетно да ги избришеме каматите – изјави при презентацијата на мерките премиерот Зоран Заев.

Заев тогаш рече дека на овој начин и јавните претпријатија ќе го наплатат долгот.

– Имаме многу јавни претпријатија, државни и општински, коишто не може да ги наплатат и редовните сметки, поради тоа што ги книжат граѓаните како должници, а граѓаните не може и стари и нови сметки да плаќаат. Оттука намерата е да ги избришеме сите камати за долговите коишто се за физички лица, за граѓаните кои допираат до државните и општинските институции – рече премиерот.

Маријан Ристевски од Независниот синдикат смета дека овој закон треба да се донесе што поскоро и е добро што граѓаните ќе се ослободат од каматите кои се собирани со години, но, вели, покрај долговите кон јавните претпријатија, треба да бидат опфатени и долговите кон приватните компании.

– Овој закон се однесува само на јавните претпријатија, а долговите на граѓаните заедно со пресметаните камати се високи и кај приватните компании: ЕВН, телекомуникациските оператори, компаниите кои испорачуваат топлинска енергија. Таму има долгови кои се навистина големи. На пример, ако долгот на граѓанинот е 2.000 евра кога стигнал до извршување износот се зголемил на 5.000 евра. Како ќе го плати еден граѓанин кој има ниска плата или кој не зема редовно плата? – вели Ристевски.

Предлог на Независниот синдикат е овие долгови да се решат преку системско решение односно менување на Законот за облигационите односи.

– Предлагаме да се замрзнуваат каматите на долговите кога ќе го достигнат износот на долгот, а предметите пред извршител да застаруваат за три години, не како сега за 10. На пример, ако долгот е 5.000 денари каматата ќе се замрзне кога износот ќе достигне 5.000 денари. Така побрзо ќе се наплаќаат долговите, а и износите за камати кои се плаќаат ќе бидат пониски и поприфатливи за граѓаните. Тие ќе се обидат да го платат. Дополнително ќе се придонесе и за побрзо решавање на предметите пред извршител со намалување на годините на застарување на предметите. Сега имаме ситуација кога извршителите ги оставаат по неколку години нерешени предметите, а каматата и натаму расте па стигнуваме до ситуација за 2.000 денари долг граѓанинот да мора да плати 10.000 денари што е неиздржливо – вели Ристевски.

Ние баравме, додава тој, но не беше прифатено, владата во петтиот пакет мерки да овозможи и на граѓаните да им се даваат грантови за подмирување на долговите.

– Нашиот предлог е државата наместо граѓанинот преку тој грант да го плати неговиот долг за да нема малверзации со грантот. Значи, секој граѓанин што ќе добие таков грант за подмирување на долгот нема да ги добие парите на своја сметка, туку државата ќе ги уплати директно на компаниите кај кои должи граѓанинот – појаснува Ристески.

Од јавните претпријатија и компаниите кај кои најмногу должат граѓаните бараат проблемот системски да се реши, а не со чести измени на законот.

– ЕВН Македонија, како што беше случајот и во неколкуте претходни иницијативи поврзани со оваа проблематика, се залага за комплетни и систематски решенија на проблемот со заостанатите долгови. Во тој поглед, сметаме дека делумен отпис на побарувања, односно само на каматите на дел од побарувањата, нема значително да придонесе кон решавањето на проблемот со заостанатите долгови на корисниците – изјавија за Плусинфо неодамна од ЕВН Македонија.

Граѓаните се задоволни што покрај отписот на каматите ќе можат долгот да го платат на 12 рати, само да ги одбегнат извршителите и блокираните сметки. Лани извршителите и покрај четиримесечното запирање на извршувањето, граѓаните како должници наплатиле 24.662.033 евра притоа биле решени само 46 отсто од предметите.

– Добро ќе биде, ако се донесе законот барем каматите нема да ги плаќаме, зашто тие се оние кои го прават долгот да не може да го платиме – вели граѓанин.

Досега во земјава се донесени неколку измени на закони за отпис на камати и репрограмирање на долговите. Последен е од февруари за долгови на граѓаните до крајот на 2017 година и не ги опфаќа најавените долгови постари од три месеци.

The post Државата сѐ уште не е подготвена да ги прости каматите на долговите на граѓаните appeared first on plusinfo.mk.

Овие работници, велат од Здружението,  се соочија со незаконски откази, со прекинати договори за работа, бес плати или нејзино доцнење со намалена плата.

„Голем дел од фирмите особено во текстилната индустрија, немаат сѐ уште исплатено плати за февруари и март 2021 година на работниците и работничките, така што тие се оставени на милост и на немилост. Поради неисплата на плати и лошата состојба на фирмите, работниците при користење на здравствени услуги се принудени да плаќаат на приватно. Свесни сте дека тоа значи изложување на огромни парични издатоци и е сериозен проблем за нормално живеење“, се вели во писмото на „Гласен текстилец“ .

Здружението бара за време на привремена спреченост од работа (боледување) поради ковид-19, на вработените во јавниот и во приватниот сектор да им биде исплаќан надоместок на плата во целосен износ, односно 100 отсто.

„Потребата од ваквото барање произлезе поради тоа што граѓаните се соочени со егзистенцијални проблеми, посебно оние од приватниот сектор поради лекувањето и лекарствата чии цени се значително зголемени, а приходите на работниците и надоместокот од 70 отсто за време на боледување не се доволни за тие да ги подмират трошоците за лекување на болеста“, се вели во писмото.

Според Здружението пратениците не смеат да ги остават работниците без платено здравствено осигурување.

„ Благодарение на нив, вие имате редовна, висока плата, право на платено здравствено осигурување и повеќе од пристојни услови за работа. Не се соочивте со доцнење на плати, со незаконски откази и намалена плата. Не ве замолуваме, туку бараме од вас како пратеници, народни избраници, да престанат овие политички препукувања во ова Собрание кое се нарекува народен дом, и да го ставите интересот на народот пред секоја политичка цел, бидејќи работниците и работничките очекуваат од вас да го изгласате овој сет на мерки, зашто е неопходен за нормално функционирање на секоја човечка индивидуа“, пишуваат од „Гласен текстилец“.

Тие од пратениците бараат донесувања и измени на закони кои ќе овозможат редовна исплата на плата, следење на злоупотребите од страна на одредени работодавачи преку првите четири сета на мерки, помош за оние кои останале без работа, 100 отсто платено боледување поради ковид-19 и право на здравствено осигурување на секој еден граѓанин.

„Она што е недозволиво е да се продолжи со неконструктивни препукувања и во последно време, националистички реторики, бидејќи и Македонци, и Албанци, и Бошњаци, и Турци и Роми , се ставени во незавидна положба, бизнисите пропаѓаат а граѓаните се соочуваат со егзистенцијални проблеми. Тоа е најмалку што можете да направите за вашата држава и вашиот народ, бидејќи тој народ, граѓаните, ви ја дале поддршката да ги браните нивните интереси. Тоа и само тоа е вашата улога во ова Собрание“, се вели во писмото на „Гласен текстилец“ до македонските пратеници.

The post „Гласен текстилец“ до пратениците: Помислете на работниците, тие ви обезбедија високи плати, здравствено осигурување и повеќе од пристојни услови за работа appeared first on plusinfo.mk.

– Не го блокираме, ние сме поднеле амандмани, но која е матичната комисија која дебатира околу оваа работа, бидејќи дојде време еве да ја кажам вистината за оваа тема. Тоа е Комисијата за финансирање и буџет, а таму, исто како и во Комисијата за европски прашања, можеш да имаш и 100 илјади амандмани, дебатата во оваа комисија трае три дена. Кажете ми колку денови и недели се дебатира оваа работа дека ние сме го блокирале петтиот сет на економски мерки кој треба да им помогне на граѓаните. Цел месец се кажува оваа лага и невистина пред граѓаните.Лага е тоа дека ние сме го блокирале, бидејќи ние колку и да сакаме да блокираме, тоа важи три дена. Сите други амандмани, три дена откако ќе биде блокирано, односно ќе се дебатира за амандманите, сите други кои ќе останат недебатирани се фрлаат и може да си продолжат да ја дадат таа помош на граѓаните. Ама по сè изгледа дека овие можеби немаат пари, па ајде да најдеме изговор во оваа работа која ја прават Алијанса за Албанците и Алтернатива. Тоа е лага. Лага која цел месец се кажува по прес-конференции, а треба да им се извинат на граѓаните што си играат со нивната тешка состојба – вели Села.

Тој додава дека за луѓето за кои зборува тој, кои немаат државјанство платите се мисловна именка.

– Ама јас за кои луѓе зборувам? Овие луѓе за кои јас зборувам, овие граѓани 30 години не земаат никаква плата, тие немаат право ни да конкурираат за работа, немаат право на здравствено осигурување, немаат право на постела за да умрат достоинствено во болниците. И овие се граѓани. И тие живеат во уште потешки услови од овие други категории граѓани – вели лидерот на Алијанса за Албанците.

The post Села: Лага е дека ги блокираме законите од петтиот пакет мерки, можеби власта нема пари appeared first on plusinfo.mk.

– Одлуките се донесоа, комисиите веќе работат, денеска, утре, задутре, заради тоа што законите се по скратена постапка и верувам дека во наредните денови веќе Парламентот ќе ги изгласа. Се работи за закони од петтиот пакет мерки. Компаниите ги поднесоа обрасците за плати, секако труд и социјални работи и УЈП веќе ги имаат категорите кои треба да добијат 6.000 денари поддршка од оние кои не добија претходниот пат, и сите други мерки, вкупно беа 30-ина коишто се предвидени од петтиот пакет. Дел се веќе реализирани, но тие кои чекаат на новите законски решенија очекувам наредната недела да почнат со практична примена – изјави денеска Заев,.

Уште еднаш го поздрави прагматичниот чекор на Парламентот за законите од петтиот пакет мерки затоа што, потенцираше, само така потврдуваме дека постоиме да им служиме на граѓаните.

Во собраниските матични комисии и на Законодавно правната комисија треба да поминат Предлог-законот за финансиска поддршка на работодавачите погодени од корона-кризата заради исплата на платите за февруари и март 2021 година, Предлог-законот за финансиска поддршка на физички лица кои вршат самостојна дејност погодени од здравствено-економската криза предизвикана од КОВИД-19 за месеците февруари и март 2021 година и Предлог-законот за изменување на Законот за данокот на личен доход.

Тие се дел од петтиот пакет кој содржи 30 мерки, во вредност од 9,7 милијарди денари или околу 160 милиони евра, од кои 91,7 милиони евра се со директни фискални импликации.

Предвидената финансиска поддршка на плати за вработените за месеците февруари и март 2021 година, е во износ од 1,9 милијарди денари со опфат од околу 60 000 работници месечно. Финансиската поддршка ќе биде скалеста, во износ од 14.500 до 21.776 денари за месечна плата по вработен, за да се поддржат работните места во домашните компании во зависност од тоа која компанија колкав пад на приходи имала во текот на ноември и декември 2020 и јануари 2021 година споредено со ноември и декември 2019 и јануари 2020 година

The post Следната недела ќе почне примената на законите од петиот пакет appeared first on plusinfo.mk.

Инструментите, како што потенцира, се исти и мерките ќе се операционализираат кога тие ќе бидат донесени.

– За она што беше најитно – финансиската поддршка на плати, законското решение беше усвоено на Влада дента кога се промовираа мерките и веќе е влезено во собраниска процедура за усвојување. Сметам дека тука завршува можноста ние како извршна власт да реагираме за тоа кога и како би се донел законот – рече Битиќи.

Носењето на законските решенија, потенцира, е битно за стопанството и за справувањето  со економските последици што ги имаат граѓаните и стопанството од ковидкризата.

–  Затоа најбрзо што е можно треба да бидат донесени низ собраниската процедура. Сметам дека доблеста на секој од нас е да се воздигнеме  над нашите партиски и лични интереси за да им помогнеме на граѓаните кога им е најтешко. Токму затоа сметам дека ќе се најде кворум и доблест Собранието да работи и прекувремено ако треба за што тоа е одговор кон потребите на граѓаните – посочи Битиќи.

За втората мерка од петтиот пакет, која е исто така насочена кон стопанството, истакна дека законското решение е поврзано со веќе постојните законски предлози за државна гаранција и кредитните линии  што се спроведуваат со Развојната банка кои се дадени во Собранието и кога ќе се одобри, како што рече, веднаш ќе може да се пристапи кон операционализација.

–  За законското решение за отпис на камати се уште се прават консултации со јавните комунални претпријатија, единиците на локална самоуправа и органите на управа за да се најде најлесниот пристап  и да биде оперативно. Нашето очекување е оваа мерка да биде операционализирана во март или април зашто е неопходна обемна собраниска процедура низ која ќе треба да се донесе законот – рече Битиќи.

The post Пратениците ќе решат дали компаниите ќе ја добијат помошта навреме appeared first on plusinfo.mk.

Како што рече премиерот, радиодифузерите ќе бидат ослободени од давачката за концесија.15 радиодифузари, исто така, ќе бидат опфатени со посебна мерка ослободување од давачката за МУКС. Меките ќе одат преку АВМУ и АЕК.

– Терестријалниот предавател што го плаќаат околу 100.000 евра петте национални телевизии, вкупната вредност е 33,5 или 35 милиони денари, е сложен, комплексен пакет кој го градиме со заедничко договорање, во разговори со локалните, регионалните, националните медиуми, кабелските телевизии, со Здружението на новинари и асоцијациите на медиумите и на новинарите, за да добијат помош оние кои не добиле помош. Ќе имаме избалансираност. Сите кои ја имаат обврската кон АВМУ, државата да нема директен контакт или исплата на медиумите, ќе си плати на АВМУ, а АВМУ ќе ја замолиме како регулатор и оваа година, како лани, да ги ослободи радиодифузерите – објасни Заев.

Заев рече дека новинарите и медиумите се директно изложени на ризик од корона пандемијата.

-Трпите и директно зашто знаеме дека компаниите кога кратат, прво ги кратат маркетинг трошоците и знам дека е тешко да се преживее целиот овој период. Да оставиме овие денови разговорите да продолжат, верувам дека на тој начин медиумите ќе добијат соодветен приход повеќе зашто локалните и регионалните им плаќаат на кабелските оператори, не на А1 како терестријален додаток. Водевме грижа тоа рамноправно да се однесува на сите – рече Заев

The post 50 милиони денари поддршка и за 120 радиодифузери во петтиот пакет мерки appeared first on plusinfo.mk.