Собраниската седница на Комисијата за надзор на работата на Агенцијата за национална безбедност и на Агенцијата за разузнавање на која првично беше како единствена точка на дневен ред ставена Информацијата за незаконското именување на директор на АНБ поднесена од пратеници од опозициската СДСМ, по на моменти жестоката процедурална дебата меѓу власта и опозицијата беше прекината без да биде утврден дневниот ред.

Пратениците од парламентарното мнозинство во процедурална забелешка укажаа дека седницата била закажана без да биде запазаен Деловникот, односно по барање на една пратеничка група без поддршка на точката од една третина од пратениците, и без да бидат информирани сите пратеници на Собранието. Воедно, побараа да се дополни дневниот ред со две точки како прва и втора точка за посета на АР и на АНБ на 3 декември, односно на 16 декември по изнесените сомневања од страна на премиерот дека бил пруслушуван.

– Дајте да работиме по Деловник и по закон, ставете ги точките 1 и 2 за посета на Агенцијата за разузнавање и на АНБ. Тоа е основа на оваа комисија, во нејзина директна надлежност, и исклучиво оваа Комисија ја има таа надлежност. Сега вие да се вадите со некави техникалии дека вие не може да одите, е сосема ирелевантно. Комисијата има надлежност, не вие како поединец, вие не сте тој кој одлучува за мнозинството, вие само ја водите и усмерувате работата на Комисијата, согласно Деловникот. Затоа ве замолувам уште еднаш да ги ставиме точките на дневен ред што сум ги предложил, за што има согласност и од СДСМ, за нивно ставање. Да се произнесеме по првиот предлог, а потоа ќе се произнесеме и по предлогот на колешката Петровска, да не правиме од оваа Комисија театар. Нема да бегаме од точката, напротив, иако е неделовнички свикана ќе останеме на точката која што е предложена и ќе дебатираме по неа – побара пратеникот Драган Ковачки од ВМРО-ДПМНЕ.

Пратеничката од СДСМ Славјанка Петровска побара точките предложени од Ковачки да бидат ставени како втора и трета точка. Според неа, јасна е играта на парламентарното мнозинство да се блокира дебатата за информацијата поднесена од нивна страна, што како што рече зборува за демократскиот капацитет на парламентарното мнозинство.

– Кога зборуваме за надзор над работата на АНБ и на АР, треба да знаеме дека кон секое отворено прашање во јавноста треба да постапиме со ист аршин. Процедурално да одоговорам на колегите, ова не е барање за свикување седница туку иницијатива, насловена Информацијата за незаконското именување на директорот на АНБ, чија цел е сите прашања дебатирани во јавноста да ги дискутираме на отворена седница. Околу предлогот на колегата за дополнување на дневниот ред и дали е вистина тоа што го кажа премиерот околу незаконското следењето, е вистина или не, можеме да веруваме или не веруваме, но со оглед на значењето на оваа Комисија и од аспект на опозиција апсолутно го поддржувам предлогот да оствариме надзорна посета на двете институции, но тие точки да бидат ставени како втора и трета точка – рече Петровска.

Претседателот на Комисијата пратеникот Скендер Реџепи одби да ги стави двете точки за гласање со образложение дека според Деловникот, може но и не мора да ги стави предложените точки на гласање и оти ниту тој ниту заменик претседателот на оваа Комисија немаат безбедносен сертификан, па затоа не можат да бидат дел од тие посети на двете безбедносни институции.

– Точката е деловнички свикана, состанокот е деловнички свикан, можевте да поднесете барање за која било точка, ќе се дискутираше. Жалам што и директорот е тука сега, меѓутоа овие точки јас не можам да ги внесам, дали е тоа во ред одлучува претседателот на Комисијата, јас од таа причина констатирам дека не може да се има надополнување, може но не мора. Истото важи и за коалицијата на СДСМ и за коалицијата на мнозинството, јас одлучувам како претседател на Комисијата, не е во ред како претседател на Комсијата да не можам да присуствувам на тие посети и овие точки не ги ставам на дневен ред – рече Реџепи.

Реплицираше Ковачки, дека кога пратеник предлага измена и дополна на дневен ред се става на гласање и одлучува мнозинството, и тоа не може да биде работа на хир на претседателот на Комисијата, оти со непочитување на Деловникот ризикува да му биде поднесена интерпелација. По што претседателот на Комисијата Реџепи ја прекина седницата.

На прес-конференциите што уследија по Комисијата, власта и опозицијата повторно ги соочија неивните ставови околу денешната седница на Комисијата.

Славјанка Петровска обвини дека ВМРО-ДПМНЕ потврдило дека Бојан Христовски е незаконски именуван за директор на АНБ.

– Она што денеска го видовме на седницата на Комисијата за надзор над работата на Агенцијата за национална безбедност и на Агенцијата за разузнавање е чист доказ дека бегаат од соочување со јавноста по ова прашање. Злоупотребувајќи го мнозинството тие денеска спречија одржување седница и расправа за прашања, чии одговори ги чека цлата јавност и македонска и меѓународна. Ова денешно однесување на власта покажува само едно, тиранија на мнозинството и целосно отсуство на демократски капацитет за владеење на правото. Казна за Република Северна Македонија е вакво праламентарно мнозинство да спроведува реформи на безбедносните служби – рече Петровска.

Таа оцени дека е несфатливо, Комисија, која треба да врши надзор над работата на безбедносните служби да го има парламентарното мнозинство и најави дека во координација со пратеничката група на СДСМ, ќе иницира промена на Деловникот, бидејќи ако сакаме да направиме вистински надзор еднаш засекогаш во оваа држава тогаш треба навистина да се договориме за демократски принципи.

Според неа неприфаќањето на нејзниниот предлог точките на мнозинството да бидат ставени како втора и трета, целта не им била да се направи надзорна посета, во прв план беше да не се одржи денешната седница и од позиција на мнозинство, за жал, вели, успеаја во тоа.

– Можеби политички сега се среќни дека успеале да го поштедат директорот од прашањата, кои имав намера и јас и останатите да ги поставиме, но Македонија денеска не е среќна, затоа што тоа не враќа во едни времиња кога да службите беа злоупотребувани и беа следени луѓе а истото тоа сега ќе продолжи – кажа Петровска и најави дека ќе поддржат секакво конструктивно решение за оваа Комисија да почне да работи.

Пратеникот од ВМРО-ДПМНЕ Тони Јаревски пак на прес-конференција во Собранието ги потвтори партиските ставови дека како што рече сите заедно бевме сведоци на еден груб обид, несмасен обид од страна на опозицијата на СДСМ и ДУИ и нивните коалициони партнери за грубото кршење на Уставот, законите, процедурите, во овој случај и Деловникот за работа на Собранието.

– Имено, како што сите видовте на самата седница која што беше отворена, ВМРО-ДПМНЕ и коалиционите партнери имаа јасна намера да ја поддржат иницијативата иако имаше деловнички пречки за истата, иако не беа исполнети условите коишто налагаат од страна на Деловникот, ВМРО-ДПМНЕ ќе ја поддржеше иницијативата да се дискутира на оваа точка. Тоа беше недвосмислена намера, тоа јасно го укажавме и јасно го покажавме на самата седница. Она што фрапира е неможноста за една основна потреба за изјаснување согласно деловничките одредби за дополнување на точки на дневен ред. Ниту на предлогот на ВМРО-ДПМНЕ ниту пак на предлогот на СДСМ, претседателот на Комисијата кој доаѓа од редовите на опозицијата воопшто не дозволи изјаснување на самиот предлог на точките на дневен ред и навистина не ми е јасно зошто колешката има несогласување или нешто не и е јасно. Доколку имаат несогласување со претседателот, доколку имаат револт во однос на работата на Комисијата слободно може да поднесат интерпелација кон претседателот на Комисијата која ние ќе ја поддржиме – рече Јаревски.

За тоа како може да се овозможи Комисијата да стане функционална, Јаревски рече дека претседателот доаѓа по предлог од редовите на опозицијата, тоа е нивно место, и доколку има предлог ќе го разгледаат и ќе го поддржиме.

– Доколку нема ние не можеме со сила да ги натераме како што бевте сведоци денеска. Ја прекинаа седницата не спречија да работиме. Како можеме да го примораме со сила да работи? Исто може да се случи и со наши, не знам, 10-ина нови точки коишто ќе ги дадеме како предлози за работа доколку не ја свика седницата што можеме да направиме – рече Јаревски.

Пратениците на СДСМ го оспоруваат именувањето на директорот на АНБ Бојан Христовски. Сметаат дека Владата не ги почитувала одредбите од законот во кој се пропишани условите за избор на директор на АНБ. Според нив, Христовски нема соодветно стекнато образование, лице кое при реформата не го поминало ветингот заради негова претходна инволвираност во незаконски дејствија на УБК. Дополнително, Христовски, како што се наведува, има лажен сертификат за познавање на странски јазик.

Премиерот Христијан Мицкоски тврди дека директорот на Агенцијата за национална безбедност ги исполнува условите согласно законот. Во изјава за медиумите дадена на 27 октомври премиерот ја повика Антикорупциската комисија во најбрз рок да се произнесе по овој случај по обвинувањата од опозицијата дека Христовски не ги исполнува условите да биде директор на АНБ.

The post ТЕНЗИЧНО ВО СОБРАНИЕТО Ковачки и Петровска се „закачија“ за дневниот ред, прекината седницата за АНБ appeared first on plusinfo.mk.

Кандидатура за претседател на СДСМ најави и актуелниот директор на ТИРЗ Јован Деспотовски, кој утре ќе одржи прес-конференција пред поднесување на кандидатурата.

„#Нов почеток, нов СДСМ е програмата со која ја барам поддршката за претседател на СДСМ. Во фокусот на оваа програма се луѓето. Оваа програма обединува, а не фаворизира, и во која ќе има место за сите предлози и идеи на луѓето кои искрено ќе се вложат новиот СДСМ да го изгради интегритетот и стекне местото што го заслужува“, се наведува во поканата за прес-конференцијата.

Во медиумите се споменуваше дека е можно да се кандидира и директорот на Царинската управа, Стефан Богоев.

Внатрепартиските избори следуваат по оставката на Димитар Ковачевски и раководството на партијата по поразот што партијата го претрпе на парламентарните избори, на кои освои 18 пратенички мандати. Во недела, 9 јуни, е закажан и отчетниот Конгрес на која ќе се анализираат причините за изборниот резултат.

The post ФИЛИПЧЕ, ПЕТРОВСКА, ДЕСПОТОВСКИ Утре ќе поднесат кандидатури за лидер на СДСМ appeared first on plusinfo.mk.

Во изјава за телевизијата Телма, Петровска денеска најави дека во текот на нареднава недела и официјално ќе ја поднесе кандидатурата за претседател на СДСМ, согласно партискиот Статут. Но, таа побара, освен обврската за поразените на внатрепартиските избори да не влегуваат во партиските тела, да се воведе и обврска никој да не може по третпат да се кандидира, како и задолжение дека ако некој кандидат или избраниот претседател се соочи со кривична одговорност, да се повлече од функцијата.

– Доколку не бидам избрана, нема да прифатам или да извршувам каква било функција во партиските тела и во претседателството. За предложената изјава лично не сум против и ќе ја потпишам. Но, прво ќе предложам дополнување дека доколку некој кандидат не биде избран, нема да се кандидира по третпат за партиски претсeдател. Во изјавата треба да стои и дека доколку за кој било кандидат или веќе избран партиски претседател има или се отвори кривична постапка пред институциите, тој или таа ќе си даде оставка за да не ја компромитира партијата. Предлозите од партиските другарки и другарки треба да се разменуваат во партиска комуникација, а не преку медиуми – вели Петровска за Телма.

Изјавата на Петровска доаѓа откако Јован Деспотовски, уште еден кандидат за челното место во СДСМ, во објава на својот фејсбук-профил побара секој учесник на внатрешните избори за претседател на партијата да се обврзе дека нема да прифаќа ниедна друга функција, ниту на централно, ниту на локално ниво, ако не биде избран. Деспотовски додаде дека според него ова правило ќе овозможи фер игра, како и дека овој предлог го доставил до партиската централна изборна комисија.

– Ги повикуваме сите претседателски кандидати да ја покажат својата посветеност на фер игра и интегритет со потпишување на оваа изјава. Преземајќи го ова ветување, кандидатите ќе покажат дека им даваат приоритет на она што е во интерес на луѓето, на нашите членови и државата пред личната корист, поставувајќи моќен пример за етичко лидерство – напиша Деспотовски.

„НА СДСМ МУ ТРЕБА ЛИДЕР, А НЕ ПАЗАР“ Деспотовски предлага кандидатите за претседател ако изгубат да не се „гребат“ за функција во партијата

The post „АКО НЕ БИДАМ ЛИДЕР НА СДСМ, НЕМА ДА ИЗВРШУВАМ ДРУГА ПАРТИСКА ФУНКЦИЈА“ Петровска го прифаќа предлогот на Деспотовски appeared first on plusinfo.mk.

„Министерката за одбрана Славјанка Петровска секој ден се дозаглавува се’ повеќе. Демек, нејзино било земјиштето, ама го продала во 2009 и тоа без хациенда. Ок. Еве ако немало хациенда на тоа земјиште, тогаш зошто во 2019 има неплатена сметка за струја од 10.000 евра на име на нејзиниот татко, патем речено и таа лично се водела на таа адреса по лична карта? Зарем на земјиште (нива) без изграден објект – хациенда некој туку така ќе направи толкава сметка за струја и кој е тој што тоа ќе му го дозволи? Логично е дека за да направите сметка од 10.000 евра, треба или да копате биткоини или да полните базен. Инаку, за 2 неплатени сметки за струја се исклучува струјата, ама очигледно тоа не важи за поединците како госпоѓата министерка. Еве ја сметката, јавен интерес е, нека види јавноста па нека демантира почитуваната“, вели Ковачки.

The post (ФОТО) КОПАЛА БИТКОИНИ ИЛИ ГРЕЕЛА БАЗЕНИ? Ковачки ја прашува Петровска како има сметка за струја од 10.000 евра на име на татко ѝ? appeared first on plusinfo.mk.

На прашањето за наводните сценарија според кои осудените за „Диво насеље“ ќе се префрлат да ги издржуваат казните на Косово, Петровска одговори:

– Јас мислам дека треба да се почитува одлуката на македонските судови и дека осудените онака како што во процедура, во судска постапка се осудени, треба да ја издржуваат својата казна во затворите во нашата држава, онаму кадешто кривичното дело е сторено. А, доколку постојат какви било сомнежи за условите или за околностите во коишто тие ја издржуваат казната, мислам дека работата на секој еден од нас е да работиме на надминување на таквите предизвици или проблеми, кои се појавуваат, а не тие да ги заобиколуваме –  изјави Петровска за МИА.

The post ЗЛОСТОРОТ НЕ Е СТОРЕН ВО КОСОВО Осудените за „Диво насеље“ да ги одлежат казните тука appeared first on plusinfo.mk.

– Иако и тогаш и сега бев против да бидете Министер за одбрана поради Вашите компетенции, сепак мнозинството на ДУИ и СДС, Ве избраа. Неисе. Во нашиот политички систем Министрите одговараат пред Собранието. Каков е тој однос да се ставате над Собранието и да кажувате дека нема да одговарате на прашања? Што сте Вие за да бидете над Собранието и граѓаните? Така ли ја разбирате политичката борба, демек ќе се налутите и нема да одговарате? – прашува Ковачки.

Тој и посочи на министерката дека нејзината функција е јавна, а не лична.

– Не може да си ја персонализирате функцијата, од причини што Вие земате плата од граѓаните, а јас прашувам во име на граѓаните кои ме изгласале. Понатаму, на истото нарачано прашање, сте мавтале со две папки демек сум имал некаков страв. ОК – вели пратеникот.

Тој јавно ја повика министерката Петровска да објави сѐ, ама буквално ѐе што има. Јавно за да види цела македонска јавност што е тоа „јако“ што го имате во врска со моето минато во АРМ.

– Знам дека нема да објавите ништо затоа што тие папки се празни. (!) Изгубена сте во време и простор и напаѓате со некакви „досиеја“ што ги водите и измислувате во Министерство за одбрана против лица кои не мислат како Вас. Министерке, штотуку потврдивте дека времето на водење на досиеа за лица е повторно вратено во младата македонска држава и штотуку потврдивте дека Вие како нестручно лице имате пристап до истите тие досиеја. Кажете и’ на јавноста дали имате наредено ваши вработени од МО да следат и документираат народни избраници-пратеници и зошто? Почитувана министерке, не само што ќе си одговарате на прашања, туку ќе одговарате и на потпрашања. Не се обидувајте да дефокусирате и да бегате од одговори. Јавноста има право да знае зошто се’ уште функцијата за одбрана ја врши лице кое за да оствари парична добивка на Суд, добавило психијатриско вештачење од специјалист – психијатар, а после тоа истото лице од говорница ги демантираше наодите на лекарот – специјалист. *Јавниот, а не личниот интерес е пред се’ – додава Ковачки.

На прес-конференцијата на министерката за одбрана Славјанка Петровска реагираа и од опозициската ВМРО-ДПМНЕ и ја повикаа да престане да глуми жртва и да даде одговори дали крие луксузна хациенда со базен во Радишани.

„Доста глуми, плаче и крие зад евтини приказни, додека во реалноста трупа и крие богатство. За дијагнозата дека има опседнатост, инхибиција и третман со седативи, не ја измислува ВМРО-ДПМНЕ, туку тоа го содржи извештајот на Петровска со кој таа се прави жртва во тужбата против Драган Ковачки. Суштината е дали навистина има Петровска ваква дијагноза, зошто ако таа е вистинита тогаш непресметлива личност го води Министерството за одбрана и треба да си замине, или пак свесно лаже, а извештајот е измислен за да Ковачки биде осуден. Јавноста е уморна од глумењето на жртва на Славјанка, додека во реалноста станува за министер кој крие имот“, стои во реакцијата од ВМРО-ДПМНЕ.

The post „ОБЈАВЕТЕ БУКВАЛНО СЀ, А НЕМАТЕ НИШТО“ Ковачки ја повика Петровска јавно да го покаже „јакото“ што го има за него appeared first on plusinfo.mk.

Таа на денешната конференција одговорајаќи на новинарско прашање рече дека против него поднела тужба, за чиј процес ќе бара отвореност за јавноста.

– Како министерка за одбрана имам морална и секаква обврска да се спротиставам на се што беше кажано од него. Да ги обвините вашите поранешни колеги дека крадат, дека биле уапсени, дека нанесуваат штета на угледот на држават, од денес натаму немам намера да одговорам на ниедно негово прашање, затоа што не заслужува внимание. Во оваа папка се крие товарот на неговото минато, кој што длабоко го боли, јас не сум дел од неговото минато, тоа што тој го правел е негова одлука и за тоа треба да си ги сноси последиците. За жал оваа папка е класифицирана, но еве го поттикнува, нека каже сам – изјави Петровска.

Драган Ковачки е поранешен полковник од АРМ, а од неодамна пратеник и член на Извршниот комитет на ВМРО – ДПМНЕ.

The post КОВАЧКИ СЕ ПЛАШИ ОД ОВИЕ ДВЕ ПАПКИ Петровска му врати на пратеникот и најави тужба за клевета appeared first on plusinfo.mk.

Министерката Петровска во гостување на „Топ Тема” истакна дека предметот на донација е сè уште во фаза на преговори со украинската страна, но, и дека постои листа која што е класифицирана и на која што треба нашата држава да даде одговор.

– Откако ќе се донесе безбедносната проценка дека се отстранети сите безбедносни ризици од соопштување на деталите, сите три одлуки ќе бидат декласифицирани и точниот вид и количина на опрема ќе биде на увид на јавноста – информираше министерката Петровска.

Во врска со претходните три донации и донираните тенкови, министерката рече дека тоа што донирале тенкови значи дека тие веќе не се употребливи за кај нас, туку се работи на набавка на помодерни оклопни возила. Таа, исто така, рече дека во процесот на модернизација, опремување и развој на Армијата, Северна Македонија доби и сојузничка поддршка од САД со 78 милиони долари, средства кои, како што рече, ќе се наменат и за развој на капацитетите за сајбер одбрана.

– Оваа година, истакна Петровска, одбранбениот буџет изнесува 1,77 проценти од БДП, односно околу 220 милиони евра од кои 30 проценти се одвојуваат за модернизација и опремување. Пристигната е првата пратка од Лесните оклопни возила, JLTV, во тек е набавка на возила Stryker, а потпишан е и повеќегодишен договор за набавка на француски системи за противвоздушна одбрана – информираше Петровска.

The post КИЕВ БАРА, ГЕНЕРАЛШТАБОТ НА АРМ АНАЛИЗИРА Се преговара за четвртиот пакет помош за Украина appeared first on plusinfo.mk.

Ова го истакна министерката за одбрана Славјанка Петровска во обраќањето со кое ја отвори регионалната конференција „Војната во Украина и влијанијата на надворешни актери – безбедносни предизвици за Европа и регионот”, организирана од Филозофскиот факултет при Универзитетот „Св. Кирил и Методиј” и Фондацијата  „Конрад Аденауер”.

Северна Македонија која е членка на НАТО, нагласи таа, на дело покажа дека е цврсто посветена на помошта и поддршката на Украина, не за војната да се оддолжи, туку за независна и суверена Украина да може да се одбрани од агресијата врз неа.

Петровска се осврна и на бројните предизвици со кои се соочуваме денес, особено енергетската криза која влијае на сите аспекти на живеењето. Кога енергенсите стануваат оружје чија цел е да се скрши поддршката за Украина, подвлече, ние мораме да бидеме уште посилни и понапорно да работиме да ја намалиме зависноста од оваа закана во иднина.

–Енергетската зависност станува клучен предизвик за повеќето земји. Поради порастот на цените на енергенсите, импликациите се чувствуваат врз секој аспект од нашето живеење. Сите во регионот ги чувствуваме и другите последици на војната во Украина, од растот на инфлацијата, дезинформациите и популистичките реторики кои се засилуваат користејќи го видливиот застој во евроинтеграциите на Западниот Балкан – рече Петровска.

Во своето обраќање Лариса Дир, украинската амбасадорка истакна дека целосната инвазија на Руската Федерација во Украина доведе до привремена окупација на речиси 20 проценти од територијата на Украина и непоправлива загуба меѓу цивилното население и воениот персонал, предизвика мултидимензионална хуманитарна криза од големи размери за целиот свет и го отежна опоравувањето на глобалната заедница од последиците од пандемијата Ковид-19. Таа наведе и цела листа на разорувачки последици од руските воени дејствија чија крајна цел е рече уништување на Украина и украинскиот народ.

– Заштитувајќи го правото на живот на Украинците, постоењето на украинската држава, европските вредности, Украина има сигурна поддршка од земјите-членки на ЕУ и НАТО. Оваа поддршка е повеќедимензионална, од финансиска помош до воена помош – снабдување со оружје, обука на војската. Се надеваме дека испораката на оружје за Украина ќе биде брза и дека ракетните и воздушните одбранбени системи ќе бидат снабдени во доволна количина за да се избегнат повеќе жртви – порача Дир.

Таа меѓу другото потсети дека на 30 септември, Киев потпиша апликација за забрзан пристап во НАТО, за што е потребен консензус од сите земји-членки и дека сметаат на позитивните промени во ставот на земјите-членки на Алијансата, кои порано беа скептични за приемот на украинската држава во Алијансата.

– Доколку Алијансата постави дополнителни мерки, кои Украина треба да ги преземе за успешно да го заврши процесот на пристапување во НАТО, Украина ќе ги исполни сите. Би сакале да побараме поддршка за овој процес – рече амбасадорката Дир која се заблагодари на  Република Северна Македонија за поддршката на сите пакети санкции, на сите резолуции кои се однесуваат на помошта на Украина во рамките на меѓународните организации, го поддржа форматот на Кримската платформа, е учесник во Парламентарен самит на Кримската платформа, чија седница се одржа вчера, за обезбедување хуманитарна помош од првите денови на војната, како и суштинска воена помош.

Учесници на Конференцијата се универзитетски професори и експерти од областа на безбедноста и меѓународните односи од Северна Македонија, Германија, Бугарија, Србија и од Црна Гора.

The post МАКЕДОНИЈА ЌЕ ПРОДОЛЖИ ДА ЈА ПОДДРЖУВА УКРАИНА Петровска вели дека во подготовка е нова четврта одлука за помош appeared first on plusinfo.mk.

Вежбата „Употреба на ЈЛТВ возилата при изведување на борбени операции со воздушна поддршка“ ја изведоа припадниците на вториот баталјон од 1. пешадиска бригада на Армијата, единица која пред пет месеци успешно го помина НАТО оценувањето.

Првите 6 нови лесни оклопни транспортери од американско производство пристигнаа во јули годинава и со нив значително е подобрена борбената готовност на Армијата. Се очекува во следниот период да биде испорачана нова пратка од 27 возила од овој тип.

The post ПЕТРОВСКА И ЏАФЕРИ НА ПОКАЗНА ВЕЖБА ВО ШТИП Лесните оклопни возила ЈЛТВ беа ставени на тест appeared first on plusinfo.mk.