Поранешниот претседател на Украина Петро Порошенко бил спречен да ја напушти Украина за да учествува на состанокот на НАТО во Литванија, соопшти денеска парламентарната фракција на неговата партија.

Порошенко двапати бил запрен на граничниот премин со Полска додека одел на состанок на Парламентарното собрание на НАТО, се наведува во соопштението, пренесе Ројтерс.

Украинските медиуми објавија дека Порошенко не можел да ја помине границата поради технички проблеми со дозволата што му овозможува да ја напушти земјата.

– Порошенко ги доби сите формални дозволи да ја напушти земјата и беше вклучен во официјалната делегација на украинскиот парламент за овој настан – соопшти неговата парламентарна фракција „Европска солидарност“.

The post ПОРАНЕШНИОТ УКРАИНСКИ ПРЕТСЕДАТЕЛ СОПРЕН НА ГРАНИЦА Порошенко бил спречен да ја напушти земјата appeared first on plusinfo.mk.

Поранешниот украински претседател Петро Порошенко изјави дека американскиот претседател Џо Бајден треба да дојде во Украина идната недела, кога ќе престојува во Европа за самитот на НАТО во Брисел.

– Зошто мојот голем пријател, многу добар пријател на Украина, Џо Бајден, лидерот на глобалниот свет, кој сега демонстрира лидерство, не би дошол во посета тука идната недела, како симбол на нашата солидарност? – изјави Порошенко за „Си-ен-ен“, облечен во војнички блузон и опкружен со војници во Киев.

The post ПОРОШЕНКО ГО ПОВИКА ПРИЈАТЕЛОТ БАЈДЕН Во знак на солидарност, дојдете да ја посетите Украина (ВИДЕО) appeared first on plusinfo.mk.

Никој не знае каде ќе сопре Русија ако тргне во војна со Украина, истакна поранешниот украински претседател Петро Порошенко, кој ја водеше Украина од 2014 до 2019 година.

Во интервју за „Sky News“ тој предупредил дека војната би можела да се прошири низ целиот континент и да стигне до Бугарија.

– Ова не е украинска криза, туку е руска агресија. Никој не знае каде ќе застане Русија. Путин има имагинација на КГБ агент. Никој не знае која друга земја утре би можела да биде нападната. Можеби Поска, Чешка, Романија или Бугарија? Токму затоа, единството и солидарноста со Украина за нас е од витално значење – истакнал поранешниот украински претседател.

The post АКО ПУТИН ЈА НАПАДНЕ УКРАИНА, КОЈ ЌЕ ГО СПРЕЧИ ДА НЕ ЈА НАПАДНЕ БУГАРИЈА? Порошенко предупредува дека војната ќе се прошири низ целиот континент appeared first on plusinfo.mk.