Поплавени улици, мостови и подруми во општините Сандански и Петрич, поради обилниот дожд кој паѓа од синоќа во Југозападна Бугарија, ги принуди овие две општини да прогласат вонредна состојба. На места паднатите количества дожд се од 20 до 80 литри на квадратен метар.
– Најтешка е положбата во селата околу Сандaнски – Лешница, Леуново, Склаве, Лилјаново, Ново Делчево и Џигурово – изјави градоначалникот на општината Атанас Стојанов, цитиран од БТА и БНР.

Според него, пријавени биле поплави на многу места и во градот Сандански, и во населените места. Силниот дожд создава проблеми и на берзата за зеленчук крај селото Крналово.
Поради свлечишта, сообраќајот на 151 км долгиот автопат „Струма“ во правец на Софија се одвива по заобиколувачката лента.

– Воведено е ограничување на брзината од 60 км/ч. Сообраќајот се регулира од тим на сообраќајната полиција. Возачите треба да се движат со зголемено внимание.
Спасувачки екипи се на терен за да ја контролираат ситуацијата. Затворен е патот од Петрич кон селото Митино, поради тоа што е поплавен.
Градоначалникот на Сандански потврди дека е вонредна ситуацијата на влезот на градот, каде водата поплави неколку мостови, а едно семејство се најде во тешка ситуација со својот автомобил. Екипи на противпожарната служба и багер успеаја да го извлечат семејството и автомобилот на безбедно место.

– Правиме сѐ што е можно за да одговориме на секоја пријава преку Противпожарната служба и преку екипите на општина Сандански. Ситуацијата е динамична, сложена и тешка – додаде Атанас Стојанов.
Крај селото Ново Делчево има заглавени автомобили поради огромна бара на еден од излезите на населеното место. Екипи на полицијата советуваа возачите дека преминуваат на сопствен ризик и дека треба да побараат друг пат. Слична е ситуацијата и на другите излези на селото, кои се блокирани од надојдената вода.

За денес, Националниот институт за метеорологија и хидрологија при БАН издаде предупредување за обилни врнежи во неколку региони во земјата.
За Хасково, Крџали, Пазарџик, Смолјан, Ќустендил и Благоевград е објавен портокалов аларм, а за други девет области и градот Софија алармот е жолт. За трите општини во Благоевградскиот регион – Петрич, Сандански и Струмјани – алармот за обилни врнежи е црвен.

The post 🎥 ОБИЛНИ ВРНЕЖИ И ПОПЛАВИ ВО ПИРИНСКА МАКЕДОНИЈА Сандански и Петрич прогласија вонредна состојба appeared first on plusinfo.mk.

Актуелниот лидер на СДСМ Венко Филипче не ја пријавил својата фирма на адресата во Петрич во Бугарија бидејќи на истата адреса биле пријавени неколку фирми на Заеви, меѓу кои и „Медикал 420 БГ“, во чија подружница во Битола во 2022 година биле пронајдени наркотици во вредност од 800.000 илјади евра, обвини Марија Митева од ВМРО-ДПМНЕ денеска на прес-конференција.

Таа изјави:

– Улица Гоце Делчев 12, Петрич е адресата околу која се вртат милионите на Заеви и Филипче. Ова е адресата која Венко Филипче сакал да ја сокрие од јавноста кога не ја пријавил својата фирма основана во Бугарија. Имено на адресата на која е регистрирана фирмата на Венко Филипче во Бугарија, е адресата на која претходно се регистрирани низа фирми на Заеви, меѓу нив најпозната е „Медикал 420 БГ“.

Митева обвини дека  „Медикал 420 БГ“ е фирмата во чија поддружница во Битола во 2022 година биле пронајдени наркотици во вредност од 800.000 евра, иако на истата фирма една година претходно ѝ била одземена лиценцата.

– Оваа фирма во Македонија добила лиценца за производство на марихуана од владата на Зоран Заев, кој кога се одземала нејзината лиценца се изземал од одлучување, со објаснување дека се работи за сопствен приватен интерес или интерес на блиско лице. Фирмата за која Заев потврдил дека тој или блиско лице имаат сопствен интерес е фирмата од која потекнувала и дел од марихуаната која беше запленета во акција на Агенцијата ДЕА на Плетвар. Во таа акција беше уапсен личниот шофер на Трајче Заев и полициски командир – истакна Митева.

Таа вели и дека за скандалот со фирмата имало прислушувани разговори:

– За овој скандал Албанската ТВ Ора објави дека има прислушувани разговори кои покажуваат дека високи функционери од владејачката коалиција во Македонија во тоа време директно интервенирале за да се оневозможи успешна операција против шверц со дрога преземена од странска агенција.

Според Митева, телевизијата ТВ Ора тогаш објавила дека во случајот бил вмешан и Трајче Заев, братучед на поранешниот премиер Зоран Заев.

– Ова беше СДСМ и како тие владееја. Ова СДСМ сега уште е водено од истите луѓе, истиот близок круг и фирми кои се наоѓаат на иста адреса. Венко Филипче е должен да одговори, дали ја сокрил фирмата во Бугарија од анкетниот лист, за да не се доведе во поврзаност со „Медикал 420“ од која исчезнуваше марихуана, фатена во меѓународна акција за за сузбивање на трговија со наркотици? – обвини Митева.

The post ФИЛИПЧЕ ЈА КРИЕЛ СВОЈАТА ФИРМА ЗА ДА НЕ ЈА ПОВРЗАТ СО БИЗНИСОТ НА ЗАЕВ? Во „Медикал 420 БГ“ беа најдени наркотици вредни 800.000 евра, обвини Митева appeared first on plusinfo.mk.

– Во наредните неколку денови ќе изнесеме сознанија во јавноста за бизнис поврзаноста на Заеви и Филипче, ќе расветлиме дали Венко Филипче е претседател на СДСМ за да може полесно да управува со мрежата фирми од Бугарија преку Петрич и Струмица до Скопје, како семејствата на Заеви и Филипче влегувале во милионски бизниси додека тие биле на функција и како се поврзуваат со фирми со сомнителни дејности. Напоменуваме дека сите овие сознанија веќе беа изнесени во јавноста од ИРЛ, но Венко Филипче и СДСМ избегнаа секакви одговори – рече Митева и додаде:

– Сè започнува од тоа што Венко Филипче избегна да одговори на наводите дека во анкетниот лист доставен до Антикорупциската комисија ја сокрил фирмата за недвижности од Бугарија која ја пронајдоа истражувачките новинари. Од овде се одмотува клопче тешко милиони евра.

Според Митева, Филипче ја формирал фирмата во ноември 2022 година:

– Потенцираме дека Венко Филипче не сподели со јавноста дека по завршување на министерувањето одлучил да влезе во приватен бизнис со недвижности, а со таа намена во ноември 2022 ја регистрирал компанијата ПАУЪР АЙ8 (POWER i8 Ltd) во соседна Бугарија. Со адреса на улица „Гоце Делчев“ број 12 во Петрич, на 18 ноември 2022 година ја формирал фирмата, а првата запишана дејност на фирмата во која Филипче е единствен сопственик и управител е купување, изградба и продажба на недвижнини, но потоа се наведени уште неколку други дејности во кои може да работи компанијата – рече Митева и додаде:

– По парламентарните избори на 8-ми мај 2024, на кои Венко Филипче стана пратеник на СДСМ доби обврска да го пријави својот имот во ДКСК, недвижен и движен имот, сопствеништво и секаков друг имот. Филипче, до последниот рок за поднесување анкетен лист не ја пријавил фирмата во Бугарија.

Зошто велиме дека Филипче е клучен во бизнисите на Заеви и дека со таа цел е на чело на СДСМ? Имено, на истата адреса со фирмата на Филипче се водат повеќе компании во сопственост на братот и братучедите на поранешниот премиер – Вице, Трајче и Бобан Заеви. Поточно кажано, Филипче се вселил кај Заеви.

Зошто Венко Филипче не ја пријавил фирмата во Бугарија во својот анкетен лист? Што сака да сокрие Венко Филипче и крие ли извесна адреса која се поврзува со други фирми? Дали Филипче е дел од шема на фирми кои правеле милиони? На овие и многу други прашања ќе дадеме одговори на следните пресконференции – најави Митева.

The post „ФИЛИПЧЕ УШТЕ ЈА КРИЕ ФИРМАТА ВО ПЕТРИЧ“ На чело е на СДСМ за полесно да раководи со бизнисите на Заеви, вели Митева од ВМРО-ДПМНЕ appeared first on plusinfo.mk.

Баба Ванѓа живееше од 31 јануари 1911 година до 11 август 1996 година, е надалеку е позната по својата способност наводно да ги предвидува идните настани. Тврдеше дека своите први визии ги доживеала кога имала 12 години, откако била ослепена. Се тврди дека предвидела многу настани од глобално значење, меѓу кои и распадот на Советскиот Сојуз, трагедијата во Чернобил, смртта на принцезата Дијана, терористичкиот напад 9/11, Брегзит…

Секако, има скептици кои тврдат дека нејзините визии се нејасни и случајни и дека врз нив се градени медиумски приказни.

Британски медиуми ги пренесуваат нејзините предивидувања за 2024 година:

1. Атентат врз Путин 

Баба Ванѓа имала визија дека рускиот претседател Владимир Путин ќе биде убиен од атентатор од неговата земја токму идната година. Патем речено, Кремљ ги демантираше шпекулациите дека здравјето на Путин е загриозено.

2. „Една голема земја“ ќе тестира биолошко оружје, а Европа ќе биде под терористички напади

Според јасновидката, една „голема земја“ следната година ќе изврши тестови или напади со биолошко оружје. Таа предвиде дека терористи ќе извршат напад во Европа.

3. Лек за ракот и за Алцхајмеровата болест

Баба Ванѓа предвидува позитивни настани во областа на медицината, што подразбира нови третмани за некои неизлечиви болести, вклучително и за Алцхајмеровата болест. Таа исто така рече дека ќе има и лек за ракот во 2024 година.

4. Голема економска криза

Бабата од Петрич предвиде голема економска криза, која ќе влијае на глобалната економија следната година.  Нејзината „анализа“ зборува за неколку фактори кои придонесуваат за тоа – зголемувањето на нивото на долгот, понатамошните геополитички тензии и промената на економската моќ од Запад на Исток.

5. Застрашувачки климатски промени и природни катастрофи

Баба Ванѓа предвидува дека следната година ќе има застрашувачки временски настани и природни катастрофи. Ќе дојде до  промена на орбитата, која обично се случува во подолг период. Меѓутоа, ако тоа се случи за краток период, тоа може да предизвика проблеми, вклучително и нарушување на климата и скок на нивото на радијација.

6. Сајбер напади

Визиите на Баба Ванѓа се толкуваат и како предвидувања за пораст на сајбер напади. Напредните хакери директно ја нападнат виталната инфраструктура, како што се електричните мрежи и станиците за третман на вода. Тоа ќе доведе до закана за националната безбедност.

7. Вештачката интелигенција уште повеќе ќе напредува

Јасновидката наводно имал и визија дека ќе дојде до голем напредок во квантното пресметување. Квантното пресметување брзо напредува и може да ги реши проблемите побрзо од традиционалните компјутери. Ако тоа се случи следната година, вештачката интелигенција ќе биде забрзана уште повеќе.

***

Тешко е да се поверува дека Баба Ванѓа од Петрич за време на својот живот можела вака прецизно да предвиди феномени како што се конкретни медицински откритија, климатски промени и развој на науката и на вештачката интелигенција, но секогаш има креативни толкувачи на нејзините визии, чии толкувања подоцна се остваруваат или не.

Некои веруваат, некои не, но не може да се одрече дека слепата старица од Петрич и натаму живее во сеќавањата на луѓето и ја возбудува јавноста.

The post ОВА СЕ СЕДУМТЕ ПРОРОШТВА НА БАБА ВАНЃА ЗА 2024 ГОДИНА Подобро да не читате, страв ќе ве фати… appeared first on plusinfo.mk.

„Јас се сеќавам на свиждањето, јас сум од Струмица. Знаете како, струмичани и петричани, на исти јазик зборуват, толку сме блиски. Е сега, тоа е македонскиот или блгарскиот јазик? Толку сме блиски“.

Вака пред само една година говореше премиерот Зоран Заев во интервјуто за бугарската новинска агенција БГНЕС, кога и активно се вклучи во кампањата за минимализирање на разликите помеѓу македонскиот и бугарскиот народ. Но, нецели 12 месеци подоцна, во кампањата помеѓу двата изборни круга од локалните избори во Македонија, токму партијата на Зоран Заев се с’сна да ја обвинува независната кандидатка за градоначалник на Град Скопје, Данела Арсовска, дека наводно е бугарски агент, дека има бугарски пасош и дека нејзиното бугарско живеалиште е бугарскиот град Петрич.

Неколку дена пред изборниот ден, социјалните мрежи беа буквално преплавени со фотографии од билборди на Арсовска на кои активисти на СДСМ залепиле бугарски знамиња и натписот „Кмет на Петрич“, а и на официјалниот Фејсбук профил на СДСМ беше објавена, а потоа избришана, фотографија од Арсовска на која беше испишана паролата: „На Скопје не му треба бугарски кмет“.

Впрочем, истата порака јавно ја испрати и самиот Заев, кој во едно свое телевизиско гостување порача дека во Скопје се избира градоначалник, а кмет се избира во Бугарија.

– Во Скопје се избира градоначалник, кмет се избира во Бугарија. Имало Скопје кмет во 1941 година, но овде избираме градоначалник – рече лидерот на СДСМ.

Ваквата агресивна кампања што ја водеше партијата на власт не помина незабележано и кај нашиот источен сосед, па софискиот весник „Труд“ им постави само едно кратко прашање на македонските власти: „Толку ли е лошо да си Бугарин во Македонија?“

Но, локалните избори вчера завршија, Данела Арсовска брутално го победи Петре Шилегов со над 28.000 гласови разлика, а Зоран Заев уште веднаш си ја поднесе најавената оставка од премиерската и од партиската функција.

Меѓутоа, прашањето коешто сега се поставува и чиј одговор треба особено да нè загрижува, гласи: „Колкава е штетата од антибугарската кампања што ја водеше партијата на власт и како ли земјава сега ќе постигне два гола откако веќе си постигна ефектен автогол во однос на преговорите со Бугарија?“

Реториката не се менува

Поранешниот македонски амбасадор Ристо Никовски во изјава за Плусинфо вели дека сите „антибугарски“ аргументи кои ги користела власта против Данела Арсовска, сепак, нема да имаат негативно влијание врз односите со Софија.

– Заврши негативната кампања којашто беше поврзана со Бугарија и сето тоа брзо се заборава. Сите „аргументи“ кои беа искористени на еден крајно неприфатлив начин од страна на власта нема да имаат никакво влијание врз односите со Софија. Бугарите вадат од ракав други елементи и ќе продолжат во таа насока и во никој случај нема да ја променат својата реторика. Изгледите за Софија да го промени својот став во однос на Скопје се никакви и Бугарија ќе продолжи со блокирање на нашата интеграција во европското семејство. Моментално тоа е сконцентрирано на почетокот на преговорите, тука веројатно ќе мора да попуштат, меѓутоа откако ќе започнат преговорите, тие дефинитивно ќе ја искористат целата своја артилерија со цел Македонија никогаш да не стигне до Брисел. Се разбира, под услов ние да не прифатиме дека сме неразбудени Бугари и дека зборуваме бугарски дијалект. Сметам дека манипулациите околу Бугарија во предизборната кампања нема да имаат никакво влијание во меѓусебните односи, ама факт е дека народот не наседнува на такви некоректни извитоперувања на вистината, па затоа победата на Данела Арсовска во Скопје беше брилијантна и многу повисока од очекувањата – објаснува Никовски.

Бугарите вадат од ракав други елементи и ќе продолжат во таа насока и во никој случај нема да ја променат својата реторика.

Ристо Никовски Поранешен амбасадор

Тој смета дека Македонија нема да стане членка на ЕУ во следните 15, 20, 25, па и повеќе години.

– Веќе нема никакви дилеми дека ЕУ нема да се проширува уште многу долг период, а тоа директно ни го кажа и Ангела Меркел пред да замине од функцијата германски канцелар. Тоа значи дека ние нема да влеземе во европското семејство во следните 15, 20, 25, па и повеќе години. Ако е така, а така е, тогаш Македонија мора целосно да ја промени својата надворешна политика, пред сè во однос на Бугарија, а исто така и во сферата на реформите, бидејќи не е објективно да се очекува дека некој однадвор ќе нè натера да ги спроведуваме – вели Никовски.

Си влеговме во стапицата

Од друга страна, пак, колумнистот Ивор Мицковски смета дека фаулот со ксенофобијата и играњето на антибугарскиот сентимент со сигурност ќе направи штета на нашите позиции и лошо ќе се одрази кај нашите европски и западни партнери.

„Свесно или несвесно, со лош или погрешен тајминг, непријателски кон самите наши граѓани кои имаат двојни државјанства и кои по примерот на Дан(и)ела беа стигматизирани и отфрлени од матичната држава, со навреда и контраргументи за Бугарија која и онака гледа да ни го загорчи животот, факт е дека власта се одлучи да заигра националистички и на антибугарски сентимент. Сега останува да видиме дали тоа е трајна определба и промена во нашите позиции кон Софија или само е глупав ПР испад кој секако ќе биде непријателски протолкуван“, напиша Мицковски во колумната за Дојче веле.

И министерот за надворешни работи, Бујар Османи, рече дека очекува презентирањето бугарски лични документи во македонската кампања негативно да влијаат врз процесот на преговори помеѓу двете земји.

– И Македонија и Бугарија не успеаја да го задржат ова прашање надвор од дневната изборна политика. Ова прашање сигурно ќе направи штета затоа што ќе им даде аргумент на тие што претендираат дека граѓаните ќе имаат пречки во општествениот живот доколку се самоидентификуваат и се самоопределат. Ова е повеќе прашање на транспарентност отколку прашање на законитост – рече Османи.

The post СО ПЕТРИЧ СИ ДАДОВМЕ АВТОГОЛ Колкава е штетата од антибугарската кампања против Данела Арсовска? appeared first on plusinfo.mk.

– Јас не мислам дека е така, и мислам дека Македонците во Струмица зборуваат на македонски јазик. Македонскиот јазик кој што се говори во Струмица не може никако да биде дијалект на бугарскиот јазик кој што се говори во Петрич. И тоа е една голема би рекол глупост од негова страна што беше кажана за тој бугарски медиум – рече Мицкоски.

Мицкоски додаде дека не знае дали тоа Заев го прави од незнаење, дали тоа го прави од немоќ, дали тоа го прави за да остави посилен циркузански впечаток кај нашиот источен сосед па да речат видете го овој и да си поигруваат со него.

Според Мицкоски се додека Бугарите не разберат дека сме два различни народи, се додека тоа не го расчистиме не можеме да говориме за добрососедство.

– Мора да направиме разлика меѓу македонскиот и бугарскиот народ. До сега сум критикувал, но по ова треба да се делува згрозена е македонската јавност – рече Мицкоски.

The post Mицкоски: Тврдењето на Заев дека народот во Струмица и Петрич зборат ист јазик е глупост appeared first on plusinfo.mk.