Пет германски планинари го загубија животот во лавина во Јужен Тирол, во северна Италија, соопштија денеска спасувачите.

Телата на 3 жртви се пронајдени вчера, а уште двајца, кои беа исчезнати, се пронадени денеска.

Сите планинари се германски државјани. Тие беа погодени од лавина вчера околу 16 часот на планината Ортлер, каде што се наоѓа највисокиот врв во Јужен Тирол, на 3.905 метри.

Спасувачите велат дека загинатите планинареле во 3 независни групи. Двајца мажи ја преживеале несреќата и тие со хеликоптер се однесени во болницата во Болкан.

Јужен Тирол е популарна дестинација за планинарење за германските туристи. Лавините се случуваат релативно често таму, а регионот еден од оние со најмногу смртни случаи во 10 години.

The post ПЕТ ГЕРМАНЦИ ЗАГИНАА ВО ЛАВИНА ВО СЕВЕРНА ИТАЛИЈА Двајца планинари преживеаја appeared first on plusinfo.mk.