Министерот за надворешни работи на Унгарија во заминување, Петер Сијарто, синоќа изјави дека ја смета за навредлива и самата претпоставка дека Русија би можела да има компромитирачки материјал против него или против премиерот во заминување, Виктор Орбан.

– Многу е навредливо да се тврди дека Русите би можеле да ме држат во раце … Како би можеле? Дури и самата претпоставка е навредлива, многу навредлива. Легитимна е дебатата за тоа на чиј вкус му одговараат унгарско-руските односи, но да се обвини некој за предавство е многу сериозна работа – изјави Сијарто во интервју за унгарскиот портал „Телекс“.

Сијарто ги отфрли обвинувањата дека е проруски ориентиран или дека некогаш пренесувал доверливи информации до Москва. Тој нагласи дека на секој состанок на Советот на министри за надворешни работи известувал за содржината и времето на неговите телефонски разговори со рускиот министер Сергеј Лавров.

Тој додаде дека е навредливо да се претпостави дека идната влада на партијата Тиса при примопредавањето би нашла документи за односите на Орбан или Сијарто со Русија кои би повлекле правни последици.

Сијарто истакна дека опозициската партија Тиса победила на неодамнешните избори бидејќи „повеќе луѓе поверувале во нивната понуда отколку во Фидес“. Според него, изборниот резултат е во согласност со волјата на украинскиот претседател Володимир Зеленски и дека Украинците очигледно биле заинтересирани за поразот на Фидес.

Зборувајќи за предизборната кампања во која Фидес предупредуваше на можност за војна, Сијарто изрази надеж дека Унгарија нема да биде вовлечена во руско-украинскиот конфликт. Тој наведе дека не верува дека би бил повикан во војска на 48 години, ниту пак неговите синови би биле мобилизирани, иако призна дека глобалната ситуација „предизвикува загриженост“.

Сијарто заклучи дека иднината на Фидес не е замислива без Орбан, но напомена дека партијата мора да се промени по изборниот пораз. Тој исто така додаде дека за политичката атмосфера во земјата и обвинувањата за ширење омраза, одговорност сносат сите страни, а не само владата.

The post НАВРЕДЛИВО Е ДА СЕ КАЖЕ ДЕКА РУСИТЕ МЕ ДРЖАТ В РАЦЕ Унгарскиот министер демантира дека ѝ дал информации на Москва appeared first on plusinfo.mk.

The post КАДЕ ИЗЧЕЗНА СИЈАРТО? Едни го виделе во авион што летал кон Африка, други затворен во својата канцеларија appeared first on plusinfo.mk.

Шефот на унгарската дипломатија, Петер Сијарто, призна дека редовно контактира со својот руски колега Сергеј Лавров за време на состаноците зад затворени врати на министрите за надворешни работи на ЕУ.

Признание дојде откако „Вашингтон пост“ за време на викендот објави дека тој рутински комуницира со Лавров за време на паузите на состаноците во Брисел, што унгарската Влада претходно вчера го отфрли како лажна вест, пишува „Еуроњуз“.

Зборувајќи на предизборен митинг во Кештељ, Сијарто ги потврди позивите. Тој потврди дека одлуките на ЕУ за енергетиката, автомобилската индустрија и безбедноста директно влијаат на односите на Унгарија со партнерите надвор од блокот.

– Да, овие прашања мора да се дискутираат со нашите партнери надвор од Европската Унија. Не разговарам само со шефот на руската дипломатија туку и со американскиот, турскиот, израелскиот, српскиот и другите колеги, пред и по состаноците на Советот на Европската Унија – рече Сијарто.

– Можеби она што го кажувам звучи грубо, но дипломатијата е разговор со лидерите на другите земји – додаде тој.

Овие тврдења се загрижувачки со оглед на тоа што земјите-членки на ЕУ се обврзани со принципот на лојална соработка, а содржината на ваквите состаноци се смета за доверлива.

Европската комисија вчера ја повика Унгарија да ја разјасни ситуацијата, опишувајќи ги медиумските извештаи како „загрижувачки“.

Министерот, исто така, утринава објави видео на социјалните мрежи во кое ги отфрли тврдењата дека прекршил какви било безбедносни протоколи на состаноците на Советот за надворешни работи.

Тој додаде дека тајните не се дискутираат на министерско ниво.

– Секој министер, освен мене, го носи својот телефон во собата. Сугестијата дека постојат безбедносни протоколи спаѓа во категоријата бесмисленост – рече тој.

Откритијата доаѓаат во време на растечки политички тензии пред парламентарните избори во Унгарија. Партијата Фидес на премиерот Виктор Орбан се соочува со силен предизвик од лидерот на опозицијата Петер Маѓар од партијата Тиса, која моментално води на анкетите.

Владата на Орбан е една од ретките во Европа што одржува редовни врски со Кремљ. Унгарија, исто така, продолжува да увезува големи количества фосилни горива од Русија, и покрај притисокот на ЕУ да ја намали енергетската зависност од Москва.

Сијарто ја посети Москва 16 пати откако Русија започна целосна инвазија на Украина во февруари 2022 година. Неговата последна посета беше на 4 март, кога се сретна со рускиот претседател Владимир Путин во Кремљ.

The post ДА, РАЗГОВАРАМ СО ЛАВРОВ! Сијарто го потврди она што Брисел не сакаше да го чуе appeared first on plusinfo.mk.

Унгарскиот министер за надворешни работи и трговија, Петер Сијарто, денеска остро реагираше на украинскиот напад врз инфраструктурата на гасоводот Турски тек во Русија, оценувајќи го како сериозна закана за енергетската безбедност на Унгарија и пошироко.

„Украина сега го нападна Турски тек во Русија, кој директно гарантира снабдување со гас за Унгарија. Без овој гасовод, Унгарија физички и географски не може безбедно да се снабдува со природен гас“, напиша Сијарто на Икс.

Тој ја поврза оваа акција со претходната блокада на јужниот крак на нафтоводот Дружба, истакнувајќи дека двете случувања претставуваат „сериозни напади врз нашиот суверенитет“.

Според Сијарто, Турски тек е единствената логична и безбедна рута за Унгарија, а секој обид да се оштети ја става во ризик целата енергетска стабилност на земјата.

Ukraine has now attacked the infrastructure of TurkStream in Russia, which guarantees Hungary’s gas supply.

Without TurkStream, Hungary simply cannot be supplied with gas safely from a geographical and physical standpoint.

Ukraine’s oil blockade through the Druzhba pipeline and…

— Péter Szijjártó (@FM_Szijjarto) March 11, 2026

Оваа изјава доаѓа во време кога тензиите околу енергетските рути во Европа се на врвот, а Турски тек стана клучна артерија за целиот југоисточен дел од континентот. Овој гасовод од Русија преку Црното Море оди до Турција, а потоа преку Бугарија и Србија кон Балканот.

Зависноста на Балканот од Турски тек е огромна, а ова стана едно од клучните енергетски прашања во регионот.

По прекинот на дел од традиционалните рути за снабдување со руски гас кон Европа, значаен дел од природниот гас за балканските држави почна да пристигнува токму преку оваа линија што минува од под Црното Море. Енергетските експерти предупредуваат дека ваквата структура создава значителна зависност од една транспортна рута и од еден главен снабдувач, што ја прави енергетската безбедност на Балканот чувствителна на геополитички тензии и можни прекини во испораката. Поради тоа, земјите од регионот сè поинтензивно бараат алтернативни извори и интерконекции за диверзификација на снабдувањето со гас.

Во Македонија годишната потрошувачка на природен гас е релативно мала во споредба со европските држави и изнесува приближно 400 до 600 милиони кубни метри гас годишно, што е речиси 100% од вкупната потрошувачка во државата. Практично целата количина се увезува преку Турски тек, и тоа преку гасоводната врска со Бугарија, која, пак,  од 2020 година се снабдува со руски гас преку оваа линија. Додека не се изградат нови интерконектори, Македонија речиси целосно зависи од овој гас.

Србија увезува 2–3 милијарди кубни метри годишно преку продолжението Балкански тек и е една од најзависните земји во регионот, а Босна и Херцеговина речиси целосно се потпира на гасот што доаѓа преку Србија од Туркски тек. И Бугарија, иако има пристап до азербејџански гас и ЛНГ, сè уште значителен дел од увозот го добива преку оваа рута.

The post УКРАИНА ГО НАПАДНА ГАСОВОДОТ ТУРСКИ ТЕК, УНГАРИЈА ОСТРО РЕАГИРА Балканот е целосно зависен од овој гасовод appeared first on plusinfo.mk.

Европската Унија го изгуби своето влијание во светот поради премногу идеолошки обоената политика на Брисел и потребна ѝ е нова енергија, која може да ја донесат земјите од Западен Балкан, оцени министерот за надворешни работи на Унгарија, Петер Сијарто.

На форум посветен на Балканот, Сијарто, зборувајќи за енергијата, им се заблагодари на Србија, Бугарија и на Турција за, како што изјави, сигурната транзитна соработка во снабдувањето со гас. Тој оцени дека Европа мора да обезбеди дополнителни количини енергија.

– За Европа да има доволно енергија, руските испораки мора да се вратат на европскиот пазар – рече Сијарто.

Зборувајќи за иднината на ЕУ, тој истакна дека Унгарија ја поддржува интеграцијата заснована на суверени национални држави, а не создавањето на „Обединети европски држави“.

Сијарто предупреди дека укинувањето на правото на вето би значело откажување од дел од националниот суверенитет.

The post НА ЕВРОПА Ѝ ТРЕБА НОВА ЕНЕРГИЈА ШТО МОЖЕ ДА ЈА ДОНЕСЕ ЗАПАДЕН БАЛКАН Унгарија е за интеграција на суверени национални држави, а не за „Обединети европски држави“  appeared first on plusinfo.mk.

Рускиот претседател Владимир Путин денеска на почетокот од разговорите со унгарскиот министер за надворешни работи, Петер Сијарто, изјави дека односите меѓу двете земји се стабилни и се развиваат позитивно, особено во енергетскиот сектор. Информацијата ја објави прес-службата на Кремљ.

– Севкупно, односите се стабилни и се развиваат позитивно, особено кога станува збор за енергетската политика, вклучувајќи јаглеводороди и нашиот водечки проект – нуклеарната централа Пакш – рече Путин.

Портпаролот на Кремљ, Дмитриј Песков, претходно информираше дека на средбата ќе се разговара и за снабдувањето со нафта, вклучително испораките преку гасоводот Дружба, објави РИА Новости.

Сијарто на својата Фејсбук страница истакна дека е во Москва за да се увери и „да добие гаранција дека количината на нафта и гас потребна за енергетската безбедност на Унгарија ќе биде испорачана по иста цена, и покрај променетите околности и глобалната енергетска криза“.

Министерот додаде дека снабдувањето со енергија се соочува со предизвици откако од крајот на јануари украинските власти го блокираа транспортот на руска нафта преку нафтоводот Дружба.

Дополнително, Путин вчера оствари и телефонски разговор со унгарскиот премиер Виктор Орбан, во кој, како што е соопштено, биле разменети информации за енергетските прашања.

The post РУСИЈА И УНГАРИЈА ЈА ЗАЦВРСТУВААТ СОРАБОТКАТА Путин и Сијарто ја потврдија испораката на енергенси appeared first on plusinfo.mk.

Шефот на унгарската дипломатија, Петер Сијарто, изјави дека Украина се меша во претстојните парламентарни избори во Унгарија. Тој го обвини украинскиот претседател, Володимир Зеленски, дека блокира испораки на нафта преку нафтоводот „Дружба“, со цел да изврши политички притисок врз унгарската влада.

Сијарто пред новинарите изјави:

– Педесет и осум дена пред парламентарните избори, Украина многу очигледно се меша во нашиот изборен процес. Овој пат тие се обидуваат да ја загрозат енергетската безбедност на Унгарија. Претседателот Зеленски одлучи од политички причини да го блокира продолжувањето на испораките на нафта за Унгарија, иако нафтоводот е технички целосно способен да ги продолжи испораките без технички или оперативни пречки – наведе Сијарто.

Министерот исто така тврди дека Киев отворено ја поддржува опозициската партија Тиса. Според него, евентуална победа на Тиса би значела пресврт во унгарската политика.

– Ако Тиса победи, ќе дозволи Унгарија да биде вовлечена во војната, ќе дозволи унгарски пари да бидат испратени во Украина и ќе го одобри членството на Украина во ЕУ – потенцира Сијарто.

Тој додаде дека „суверената националната влада“ ќе ја заштити државата од надворешен притисок.

– Ние кажуваме „не“ на Брисел, кој не вовлекува во војна, „не“ за испраќање пари во Украина и „не“ на членството на Украина во ЕУ – истакна Сијарто.

Претходно, премиерот на Унгарија Виктор Орбан изјави дека Унгарија ги поставува условите за идно членство на земји во Европската Унија, имплицитно најавувајќи вето за можниот пристап на Украина до 2027 година. Според Орбан, влегувањето на Украина во ЕУ би отворил голем безбедносен и финансиски ризик за Унијата.

The post СИЈАРТО ГО ОБВИНИ ЗЕЛЕНСКИ ЗА МЕШАЊЕ ВО ИЗБОРИТЕ Украина блокира нафта за да влијае врз гласањето? appeared first on plusinfo.mk.

Конфликтот во Украина веќе ќе беше завршен доколку Европејците не се спротивставеа на мировните аспирации на американскиот претседател Доналд Трамп, изјави синоќа шефот на унгарската дипломатија, Петер Сијарто.

– Доколку Европејците не ги попречеа напорите на американскиот претседател Трамп, убеден сум дека мирот во Украина ќе беше постигнат за малку повеќе од една година. Од самиот почеток, Европејците ја сметаа оваа војна за своја. Тие велат: „Ова е наша војна“. Всушност, тоа не е наша војна – рече Сијарто во интервју за грузискиот телевизиски канал Рустави 2.

Според него, во Европа владее „воен фанатизам“ и Европејците не се заинтересирани за постигнување договор меѓу Русија и САД за решавање на ситуацијата во Украина.

– Брисел, Европската Унија и западноевропските земји отворено ги поткопуваат мировните напори и не е во нивен интерес Американците и Русите да постигнат сеопфатен договор што би вклучил мир во Украина – рече Сијарто.

The post ВОЈНАТА ВО УКРАИНА ЌЕ БЕШЕ ЗАВРШЕНА, АКО ЕУ НЕ ГИ ПОПРЕЧУВАШЕ НАПОРИТЕ НА ТРАМП Во Европа владее воен фанатизам appeared first on plusinfo.mk.

Објава на унгарскиот премиер Виктор Орбан на Икс, во која тој ја критикуваше одлуката на Европската Унија за трајно замрзнување на руските пари, предизвика јавен судир меѓу полскиот министер за надворешни работи Радослав Сикорски и неговиот унгарски колега Петер Сијарто.

Орбан напиша дека Брисел ја заобиколува Унгарија и го крши европското право за да ги заплени замрзнатите руски средства.

„Заобиколувајќи ја Унгарија и кршејќи го европското право на сред бел ден, бирократите од Брисел преземаат чекори за да ги запленат замрзнатите руски пари. Ова е објава на војна. Во исто време, тие бараат уште 135 милијарди евра од земјите-членки за финансирање на војната. Унгарија нема да учествува во овој перверзен план на Брисел“, напиша унгарскиот премиер Орбан.

На ова реагираше полскиот министер Сикорски. Тој ја сподели објавата на Орбан со коментарот: „Виктор го заслужи својот Орден на Ленин“.

На Сикороски му визврати унгарскиот министер Сијарто, кој му одговори со пораката:

„Разбираме дека навистина сакате војна меѓу Русија и Европа. Нема да дозволиме да нè вовлечете во вашата војна“.

Сикорски возврати: „Ако Русија не изврши нова инвазија, таква војна нема да има, но, разбираме дека овој пат ќе бидете на нејзина страна“.

И украинскиот министер за надворешни работи, Андриј Сибиха, реагираше на објавата на Орбан, нарекувајќи го „највредниот замрзнат руски имот во Европа“.

Во петокот, 25 од 27 земји-членки на ЕУ одобрија одлука за замрзнување на неодредено време на рускиот имот што се наоѓа во Европа.

The post „ВОЈНА“ МЕЃУ УНГАРИЈА И ПОЛСКА НА СОЦИЈАЛНИТЕ МРЕЖИ Се спукаа министрите Сијарто и Сикоровски appeared first on plusinfo.mk.

Унгарија ќе потпише договор со Соединетите Американски Држави за соработка во нуклеарната енергија, и тоа за купување американско гориво и технологија за складирање потрошено гориво во нуклеарна централа што ја изградила Русија, откри првиот човек на унгарската дипломатија, јавува Ројтерс.

Потегот доаѓа во време кога американскиот претседател Доналд Трамп треба да се сретне со унгарскиот премиер Виктор Орбан, а според дипломатски извори, двајцата лидери ќе разговараат и за енергетската зависност на Унгарија од Москва.

– Ќе потпишеме голем меѓувладин договор за соработка во нуклеарната енергија со мојот колега, американскиот државен секретар Марко Рубио – изјави унгарскиот министер за надворешни работи Петер Сијарто.

Тој ја откри „тајната на двојната енергетска игра“. Унгарија ќе купи американско нуклеарно гориво за централата Пакш, која целосно ја изградила Русија, за да ги задоволи растечките енергетски потреби и, истовремено, да го намали ризикот од целосна зависност од Москва.

Притоа, Сијарто нагласи дека руската државна компанија Росатом во моментов гради два нови реактори во Пакш, во рамките на проектот Пакш II, кој почнал уште во 2014 година и бил одложуван неколкупати без јавен тендер.

Понатаму, Унгарија ќе ја воведе американската технологија за безбедно складирање на потрошено гориво и ќе инвестира во мали модуларни реактори, што се смета за нова генерација на чиста енергија.

Трамп неодамна ги повика европските држави да купуваат повеќе енергија од САД и да ги зајакнат сопствените резерви. Според него, тоа е „патот кон енергетска независност и стабилност“.

The post ГОРИВОТО ЗА УНГАРИЈА АМЕРИКАНСКО, ЦЕНТРАЛАТА ИЗГРАДЕНА ОД РУСИТЕ Сијарто ја откри „нуклеарната спојка“ на Орбан и Трамп appeared first on plusinfo.mk.