Над 6.000 парчиња пиротехника била запленета во текот на вчерашниот ден на Бит Пазар.

Од Министерството за внатрешни работи денеска соопштија дека по преземени оперативно – тактички мерки од страна на Единицата за недозволена трговија при СВР – Скопје на улицата „192“ на подрачје на Бит Пазар, пронајдени и одземени се околу 6.000 различни парчиња на пиротехнички средства.

„Известен е јавен обвинител, пиротехниката е одземена за понатамошна постапка, а против лицата кои ја продавале пиротехниката ќе бидат поднесени соодветни пријави“, потенцираа од МВР.

Исто така, Секторот за внатрешни работи Куманово денеска соопштои дека се приведени 44 лица од Куманово и Липково кои продавале пиротехнички средства на зелениот пазар во Куманово и на влезот од градот, соопшти денеска СВР Куманово.

На 25 декември во координирана акција на полицијата кај Градско и во Скопје беа запленети над 25 тони пиротехнички средства, а меѓу приведените е и активен полициски службеник.

Лекарите од кумановската општа болница, денеска предупредија на здравствените ризици за младата популација од користење на пиротехника. Д-р Иван Аргиров, специјализант по општа хирургија од здравствената установа, вели низ годините повремено третираат пациенти, пред сè млади лица со повреди предизвикани од пиротехнички средства.

The post НЕМА ЛАБАВО СО КОНТРОЛИТЕ НА ПИРОТЕХНИКА На Бит Пазар запленети 6.000 парчиња, уапсени лица во Куманово и во Липково appeared first on plusinfo.mk.

Министерот за внатрешни работи Панче Тошковски, заедно со директорката на Универзитетската клиника за пластична и реконструктивна хирургија, д-р Јасмина Георгиевска-Павловска и генералниот секретар на Црвениот крст, д-р Саит Саити, денеска на Плоштад „Македонија” присуствуваа на показна вежба на децата од средното скопско училиште „Владо Тасевски”, во рамки на превентивната кампања „Сигурни празници, без употреба на пиротехника”.

Кампањата се реализира во организација на СВР Скопје – Одделение за превенција и Црвениот крст на Град Скопје, со поддршка на Универзитетската клиника за пластична и реконструктивна хирургија, а нејзиниот фокус е ставен на подигање на јавната свест за сериозните ризици и последици од неовластената употреба на петарди и други пиротехнички средства, особено кај децата и младите.

Министерот Тошковски упати благодарност до сите институции и учесници вклучени во кампањата, нагласувајќи дека заштитата на животот и здравјето на најмладите е врвен приоритет.

– Овие превентивни активности имаат огромно значење. Ниту една прослава не вреди колку здравјето и животот на нашите деца. Благодарност до Црвениот крст, до Клиниката за пластична хирургија, до Средното училиште ‘Владо Тасевски’ и до учениците кои со своето учество испратија силна порака до јавноста – изјави министерот Тошковски.

Во своето обраќање, министерот посочи дека Министерството за внатрешни работи годинава бележи значително зголемена откривачка активност во делот на нелегалната пиротехника.

– Заклучно со месец ноември 2025 година, откриени се околу 155.000 парчиња пиротехнички средства, што е речиси трипати повеќе во споредба со 2024 година, кога беа откриени околу 52.000 парчиња. Само во текот на овој месец, во рамки на посебна оперативна акција, запленети се дополнителни над 30.000 парчиња пиротехника – истакна Тошковски.

Фото: МВР

Тој нагласи дека овие бројки се доказ за интензивната работа и посветеноста на полициските службеници, но воедно и аларм за големиот обем на пиротехнички средства што циркулираат во државата.

– Ќе продолжиме со решителни репресивни мерки, но превенцијата е суштинска. Мораме заеднички да ја подигнеме свеста дека пиротехниката не е неопходна за убави празници. Оваа порака ќе ја пренесуваме не само во Скопје, туку и низ целата држава – порача министерот за внатрешни работи.

Министерството за внатрешни работи апелира до граѓаните да се воздржат од користење на пиротехнички средства и заеднички да придонесат кон безбедни и мирни празници за сите.

 

The post 📽️ ПЕТАРДИТЕ НЕ СЕ ИГРАЧКА, ПОКАЗНА ВЕЖБА СО ЛАЖНА КРВ НА ПЛОШТАД Полицијата и Црвениот крст испратија силна порака appeared first on plusinfo.mk.

]]> https://plusinfo.mk/neviden-haos-vo-centarot-na-sofi-a-maskirani-demonstranti-gi-demoliraat-i-palat-partiskite-sedishta-protestite-protiv-nacrt-bu-etot-pochnaa-mirno-no-potoa-izlegoa-od-kontrola/ Mon, 01 Dec 2025 22:35:27 +0000 https://plusinfo.mk/?p=819155

Инцидентите продолжија и пред канцеларијата на ГЕРБ на булевар „Дондуков“, каде беше предизвикан пожар, а беше оштетено и полициско и противпожарно возило. Освен материјалната штета, медиумите не известуваат за потешко повредени, но повеќе лица биле задржани од полицијата.

The post 🎥 📷 НЕВИДЕН ХАОС ВО ЦЕНТАРОТ НА СОФИЈА, МАСКИРАНИ ДЕМОНСТРАНТИ ГИ ДЕМОЛИРААТ И ПАЛАТ ПАРТИСКИТЕ СЕДИШТА! Протестите против нацрт-буџетот почнаа мирно, но потоа излегоа од контрола appeared first on plusinfo.mk.

Во центарот на Софија синоќа дојде до жестоки судири меѓу дел од демонстрантите и полицијата, откако групи маскирани лица ги нападнаа канцеларии на партиите „ДПС – Ново начало“ и ГЕРБ, превртуваа и палеа метални контејнери, и фрлаа шишиња и пиротехника кон полицискиот кордон. Протестите, на кои се проценува дека учествувале околу 50.000 граѓани, започнаа како масовен собир против нацрт-буџетот за 2026 година, но брзо ескалираа во насилство.

Освен во Софија, дополнителни над 30.000 демонстранти излегоа на улица и во повеќе од 10 големи градови низ Бугарија. Според информации од терен, причина за проширување на протестното движење е и како што велат граѓаните арогантниот и непочитувачки однос на владата кон граѓаните и приватниот сектор во текот на буџетските преговори.

Според локалните медиуми, поголемиот дел од демонстрантите кои претходно се собраа околу парламентот и владините институции протестираа мирно, но од толпата се издвоија групи млади мажи во црни облеки и качулки кои направија хаос околу партиските централи. Полицијата користеше спреј солзавец за да ги оддалечи, но сведоци тврдат дека реакцијата била задоцнета и дека дел од вандализмот можел да се спречи ако полицијата реагирала навереме.

Лидерот на опозициската коалиција „Продолжуваме со промената“ Кирил Петков побара протестите да останат мирни и да не се дозволат провокации.

– Не се подлегнувајте на насилство. Покажавме дека гласот ни се слуша, но рушење и фрлање петарди не помагаат никому – напиша Петков во својата објава.

Претседателот Румен Радев оцени дека дел од инцидентите се намерно предизвикани.

– Ова не е судир меѓу народ и полиција, туку провокација со цел да се дискредитира граѓанскиот отпор. Насилството мора да запре. Народот јасно кажа НЕ на оваа власт – порача Радев.

Инцидентите продолжија и пред канцеларијата на ГЕРБ на булевар „Дондуков“, каде беше предизвикан пожар, а беше оштетено и полициско и противпожарно возило. Освен материјалната штета, медиумите не известуваат за потешко повредени, но биле задржани повеќе лица.

Протестите се одржуваат поради незадоволството од предложениот државен буџет за 2026 година, кој предвидува зголемување на социјалните придонеси и повисоко оданочување на дивидендите. Според критичарите, овие мерки би ги погодиле и работниците и бизнис-секторот и би ја намалиле довербата во економијата.

 

EPA/BORISLAV TROSHEV

Фото: Принтскрин

Владата, под силен притисок од улицата, најави дека нацрт-буџетот ќе биде повлечен и преработен, со дополнителни консултации со синдикати и работодавци. Опозицијата смета дека ова е доказ дека протестите даваат резултат, додека дел од власта укажува на ризикот од насилни сценарија.

Бугарија веќе подолго време се соочува со политичка нестабилност, чести избори и ниска доверба во институциите. Предложените даночни промени само го засилија незадоволството, а синоќешните судири покажаа дека и релативно мирните протести може брзо да прераснат во хаос доколку се вклучат организирани групи или провокатори. Протестите најавуваат турбулентен период за бугарската влада, која мора да најде компромис што ќе го намали притисокот на улица и ќе обезбеди стабилност во државата.

The post 🎥 📷 НЕВИДЕН ХАОС ВО ЦЕНТАРОТ НА СОФИЈА, МАСКИРАНИ ДЕМОНСТРАНТИ ГИ ДЕМОЛИРААТ И ПАЛАТ ПАРТИСКИТЕ СЕДИШТА! Протестите против нацрт-буџетот почнаа мирно, но потоа излегоа од контрола appeared first on plusinfo.mk.

]]>

Три малолетни лица странски државјани се фатени од полицијата во доцните вечерни часови кај месноста Ајватовски рид, во близина на скопската населба Илинден, со сомнителни предмети кои можат да се поврзат со подметнување пожар.

Како што информираат од Министерството за внатрешни работи, полицајци од ЕВР Гази Баба околу 23:40 часот запреле тричлена група и извршиле преглед. Во ранецот на едно од лицата биле пронајдени две шишиња бензин (по 1,5 литри), две петарди, запалка и течен лепак, што веднаш ги вклучило алармите кај полицајците.

Малолетниците биле приведени и во присуство на тим од Центарот за социјални работи и адвокат со нив бил извршен службен разговор. Потоа, тие се предадени на надлежната институција за понатамошна постапка.

The post ТРИ МАЛОЛЕТНИ СТРАНЦИ ФАТЕНИ СО ШИШИЊА БЕНЗИН И ПЕТАРДИ Деца уапсени кај Ајватовски рид, се сомничат за подметнување пожари appeared first on plusinfo.mk.

Полициски службеници од СВР Скопје на подрачје на Бит Пазар денеска го лишиле од слобода Б.Д. (53) од Скопје.

При постапување по претходно изготвен план, соопштија денеска од МВР, на импровизирана тезга на Бит Пазар, пронајдени и одземени се околу 10.000 парчиња разновидни пиротехнички средства, наменети за продажба.

По консултација со надлежен јавен обвинител, лицето е задржано за понатамошна постапка и по комплетирање на целокупната документација ќе биде поднесена соодветна кривична пријава до Основното јавно обвинителство Скопје. 

The post 📷 ПРОДАВАЛ ПЕТАРДИ НА ТЕЗГА КАКО ДА СЕ ЈАБОЛКА Полицијата заплени околу 10.000 парчиња разновидни пиротехнички средства appeared first on plusinfo.mk.

Еден пратеник од бугарската партија Преродба е приведен, а двајца други пратеници се пренесени во болница, соопшти пред новинарите пратеникот Цончо Ганев, јави БТА.

Приведениот пратеник е Ивајло Чорбов, кој според Ганев се наоѓа во полициската станица во Софија. На прашањето како бил уапсен иако има пратенички имунитет, Ганев одговори дека тоа треба да се праша началникот на полицијата.

Тој додаде дека пратениците Ангел Георгиев и Никола Димитров биле пренесени во Универзитетската болница „Царица Јоана – ИСУЛ“.

– Кога вакви настани се случуваат во Грузија или Украина, сите ги поддржуваат, но кога се случуваат во Бугарија, тоа не е прифатливо – изјави Ганев.

Според него, ова е уште едно „режимско“ владеење на Бојко Борисов против кое Преродба протестира и повторно нивните поддржувачи биле нападнати и прскани со солзавец.

Тој додаде дека власта го поткопува законскиот поредок во земјата, бидејќи 604.000 граѓани побарале референдум за влезот во еврозоната, но нивното барање било игнорирано од евроатлантските партии.

Ганев најави дека од среда ќе преземат чекори за да го блокираат функционирањето на парламентот, барајќи оставка на Владата.

Инцидентите се случија пред претставништвото на Европската комисија во Софија, каде што демонстрантите фрлаа црвена боја и петарди врз зградата, а нејзината врата беше запалена.

Полицијата соопшти дека во немирите се уапсени шест лица, а 10 полицајци се повредени.

The post 📷 ПРОТЕСТОТ ПРОТИВ ЕВРОТО ВО БУГАРИЈА ИЗЛЕЗЕ ОД КОНТРОЛА Приведени се шест лица, меѓу кои и пратеник на Преродба appeared first on plusinfo.mk.

МВР соопшти дека на 31 декември 2024 година полициски службеници од Единицата за  недозволена трговија при СВР Скопје во село Синѓелиќ ги лишиле од слобода Џ.А.(29) од с. Синѓелиќ и Л.А. (33) од Скопје, кај кои на импровизирани тезги се пронајдени над 13.000 парчиња пиротехнички средства.

Како што се посочува во соопштението, кај Џ.А., на импровизирана тезга, пронајдени се 8.598 пиротехнички средства, а кај Л.А. 4.641 пиротехнички средства.

По документирање на случаите, ќе бидат поднесени соодветни поднесоци.

The post ПОЛИЦИЈАТА ЗАПЛЕНИ ЦЕЛ АРСЕНАЛ ОД ПИРОТЕХНИКА ВО СИНЃЕЛИЌ Две лица се уапсени appeared first on plusinfo.mk.

Во новогодишната ноќ со акутно труење од алкохол на Клиниката за токсикологија во Скопје биле примени 18 пациенти, а најмладиот од нив има 14 години. Тринаесет годишно дете се здобило со тешки повреди на раката од петарда и ќе има траен инвалидитет.

Генералната оценка на здравствените институции во Скопје е дека ноќта поминала прилично мирно, со помал обем на работа.

– На Универзитетската клиника за токсикологија новогодишната ноќ помина прилично мирно. Прегледани се вкупно 21 пациент, од кои 18 имаа акутни труења со алкохол. Од тие 18 лица, 4 се женски, а 14 машки. Кај женските најмладата пациентна има 17 години, а најстарата 26, додека кај машките најмладиот има 14, а најстариот 38 гдини. Вообичаено, како и секоја година, имаме помалку пациенти од претходната година – изјави Андон Чибишев, директор на Клиниката за токсикологија во Скопје.

Еден од пациентите измешал алкохол и таблети.

Акутното труење е индивидуално и, како што појасни Чибишев, може да се случи и со две чаши алкохол.

– Труењата со алкохол на возраст до 25 години се животозагрозувачи состојби и треба многу да се внимава. Тоа е едниот проблем, а другиот е што има пациенти што тоа го зачинуват со медикаменти, што е уште поопасна состојба која може да предизвика сериозни нарушувања на здравјето. За среќа, ниту еден пациент не задржан после примената терапија и сите се пуштени на домашно лекување со совет како да се однесуваат во наредните денови – изјави Чибишев.

И дежурството на новогодишната ноќ во Универзитетската клиника за хируршки болести „Св. Наум Охридски“, според директорт Небојша Настов, поминало мирно, со вообичаен број на итни пациенти како во нормалните денови.

Вкупно се прегледани 81 пациент, 5 како последица на сообраќајни несреќи, а тројца заради од физички пресметки. Извршени се три оперативни интервенции.

– За среќа, во текот на новогодишната ноќ немаше повреди од петарди и огнострелно оружје, тоа беше зачестено во периодот пред празниците. Во последниот месец имаше 50-ина претежно малолетници, на возраст од 12 до 17 години. За жал најверојатно се користат се поголеми петарди со поголемо барутно полнење и оставаат трајно оштетување кај децата – рече Настов.

На ТОАРИЛУЦ, Ургентниот центар, КАРИЛ и на Ортопедија, како што информираше доктор Игор Мерџановски, имало помалку работа за 30 проценти во споредба со претходните години.

– Направени се 35 прегледи, од кои кај 9 лица од сообраќајки со лесни телесни повреди и тие пациенти се пуштени на домашно лекување. Имаме двајца пациенти од физички напад, едниот е задржан на опсервација и во текот на денов ќе биде пуштен дома, како и 13-годишно дете со тешка повреда на раката од петарда, кое веќе е оперирано на Детската клиника за хирургија и најверојатно ќе биде со инвалидитет на раката. Примен е и еден странски државјанин во алкохолизирана состојба, со повреда на ноост и главата, згрижен е и пуштен е на домашно лекување – изјави Мерџановски.

The post НА ТОКСИКОЛОГИЈА ЗАВРШИЈА 18 ЗАТРУЕНИ ОД АЛКОХОЛ Од петарди тешко повредено 13-годишно дете appeared first on plusinfo.mk.

Институтот за јавно здравје (ИЈЗ) упатува препораки за здраво и безбедно одбележување на празниците, со акцент на умерена исхрана, избегнување алкохол и внимателност при употребата на пиротехнички материјали.

Според ИЈЗ, повредите од пиротехнички средства се чести и сериозни, претворајќи многу празнични моменти во несреќи. Особено ранливи се децата, постарите лица и оние со хронични заболувања. Изложеноста на чадот од овие средства може да предизвика астматични напади, влошување на белодробни состојби и дури срцеви проблеми. Дополнително, пиротехниката значително придонесува за загадување на воздухот, а нејзината употреба ги вознемирува животните.

Во однос на празничната трпеза, ИЈЗ препорачува умереност во јадењето и избегнување на претерано консумирање алкохол.

„Алкохолот е калоричен и нема безбедно ниво на консумирање. Особено е ризичен за лицата на возраст од 15 до 39 години, кај кои нема никакви здравствени придобивки, туку само ризици,“ стои во препораките.

Институтот апелира на внимателно и одговорно однесување, потсетувајќи дека празниците треба да бидат време за радост, а не за несреќи или за здравствени проблеми.

The post ЧАДОТ ОД ПЕТАРДИТЕ ПРЕДИЗВИКУВА АСТМАТИЧНИ НАПАДИ Институтот за јавно здравје апелира да внимавате при славењето на Новата година appeared first on plusinfo.mk.

„На 29 декември 2024 година, во 14.30 часот, на автопатот Скопје-Тетово, на влезот на Тетово, полициски службеници од СВР Тетово го лишиле од слобода 61-годишниот Р.Ј. од с.Мала Речица, тетовско. При преглед во неговото патничко возило „опел антара“, со тетовски регистарски ознаки, биле пронајдени 2.680 разни видови на пиротехнички средства“, соопшти Министерството за внатрешни работи.

Потоа, со судска наредба, бил извршен претрес во неговиот дом и во неговиот угостителски објект. Притоа, во угостителскиот објект биле пронајдени и одземени 75 парчиња разновидни пиротехнички средства и бил затекнат 32-годишниот С.Ј. од село Мала Речица, кој бил приведен во полициска станица.

Двајцата биле задржани во полициска станица за понатамошна постапка и по целосно документирање на случајот, против нив ќе следува соодветна пријава.

The post „ЕКСПЛОЗИВЕН“ ПРЕТРЕС НА ВЛЕЗОТ НА ТЕТОВО Полицијата фатила угостител со 2.680 парчиња пиротехника appeared first on plusinfo.mk.