Оваа година дефинитивно нема да има предвремени парламентарни избори, бидејќи оваа година ни е реформска година каде што ние и пред граѓаните и пред европската јавност треба да испорачаме она што сме ветиле пред граѓаните и она што сме се обврзале кон нашите европски партнери во делот на евроинтеграциите односно реформската агенда – рече во гостување на ТВ 24 пратеникот од редовите на ВМРО-ДПМНЕ Петар Ристески.

– Редовните избори се во 2028 година, оваа година предвремени парламентарни избори нема да има, но ВМРО-ДПМНЕ е спремно секогаш да излезе на избори, бидејќи она што сме го ветиле ние сме го оствариле – рече Ристески.

Пратеникот Ристески посочи дека во изминатиот период е реализиран значаен дел од предизборната програма, наведувајќи ги како примери двојното зголемување на пензиите, потпишаните колективни договори во здравство и образование, притоа нагласувајќи го и инфраструктурниот бум низ целата држава.

– Голем дел од проектите кои ги ветувавме од предизборните ветувања кои ги имавме пред граѓаните веќе ги завршивме. Тоа се зголемување на пензиите на два пати, еднаш 5.000 денари и потоа за уште 2.000 денари, значи вкупно 7.000 денари, потпишани колективни договори со синдикатите во здравство, во образование, тоа значи зголемување на платите до 2028 година до 60%, инфраструктурен бум со проекти на територијата на цела држава, што значи дека она што сме го ветиле ние во голем дел сме го реализирале во изминативе скоро две години, така да сме посветени апсолутно на исполнување на реформската агенда, на евроинтеграциите и на завршување на проектите кои сме ги ветиле пред граѓаните. Тоа е приоритет на Владата на ВМРО-ДПМНЕ – рече Ристески.

The post ПРОЕКТИТЕ ШТО ГИ ВЕТИВМЕ ПРЕД ИЗБОРИ ВО ГОЛЕМ ДЕЛ ГИ ОСТВАРИВМЕ Пратеникот Петар Ристески за приоритетите на ВМРО-ДПМНЕ appeared first on plusinfo.mk.

Петар Ристески, пратеник од ВМРО-ДПМНЕ беше дел од дебатата во емисијата ,,Само вистини“ на телевизија Канал 5, каде се осврна на актуелните случувања периодов околу минималната плата и зголемување на платите, за што истакна дека Владата предводена од ВМРО-ДПМНЕ веќе склучи договор со синдикатите за зголемување на платите до 40% до 2028 година, а и потсети дека ова е историски најголемо зголемување во текот на еден мандат. Со оглед на тоа што ССМ најави блокади пред Собранието, Ристески истакна дека тој утре ќе биде присутен на своето работно место во Собранието.

– Го почитуваме правото на протест  како на сите така и на синдикатите и на работниците. Наша обврска е да се јавиме на работното место и утре секако ќе бидам присутен на моето работно место – вели Ристески.

Тој истакна дека приротитет на ВМРО-ДПМНЕ  како владејачко мнозинство е економски развој, повисоки плати и подобрување на животот на граѓаните.

– Ја прифаќаме пораката, право е на синдикатите да протестираат. Наш приоритет како политичка партија, како Влада, како пратеници од владејачкото мнозинство, е економскиот развој и подобување на животот на граѓаните и секако повисоки плати што и тоа го докажавме на дело, не само на зборови. Тоа беше и наше предизборно ветување и секаде онаму каде што се појавува Владата како работодавец, зголемени се платите, во здравството, во образованието, 10% повеќе во МВР, кај социјалните работници – рече Ристески.

Ристески потсети и на договорот кој Владата веќе  го склучи со УПОЗ и САДУ за зголемување на платите до 40% до 2028 година.

– Ова е историски најголемо зголемување на платите во еден мандат – посочи Ристески.

The post ПРАВО Е НА СИНДИКАТИТЕ ДА ПРОТЕСТИРААТ Владата веќе склучи историски договор за платите, вели Ристески appeared first on plusinfo.mk.

Пратеникот од редовите на ВМРО-ДПМНЕ, Петар Ристески, преку својот Фејсбук профил реагираше на објавите во дел од медиумите дека наводно бил нападнат додека шетал низ чаршијата во Прилеп.

„Ниту сум бил натепан, ниту сум се спречкал со некого. Единствено бев излезен низ прилепската чаршија со моите деца. Очигледно сум таргет на континуирана негативна кампања на парамедиумот близок до опозицијата. Мотивите тие си ги знаат, но јас знам дека ќе ги тужам за тешките клевети изречени на моја сметка. Во пресрет на изборите лагите и манипулациите се единственотo нeшто што им преостанува. Апел и до новинарските здруженија да реагираат кон оние кои не бираат средства да ја извалкаат нивната професија“, напиша Ристески.

Со оваа реакција тој најави и правни чекори против медиумите кои, според него, шират лажни информации и манипулации насочени кон неговата личност.

Ристески неодамна имаше конфликт со Димитар Апасиев, лидерот на Левица, кој заврши со интервенција на собраниското обезбедување. Инцидентот се случи во ходниците на Законодавниот дом, кога по жестока вербална расправија ситуацијата ескалираше и, според очевидци, дошло до физичка пресметка.

Апасиев тогаш јавно тврдеше дека бил провоциран и навредуван од колегата од ВМРО-ДПМНЕ. Од друга страна, Ристески истакна дека токму лидерот на Левица бил иницијатор на немилите сцени и дека ова не е првпат Апасиев да користи провокации за медиумско внимание.

The post „НИТУ НЕКОЈ МЕ НАТЕПАЛ, НИТУ СО НЕКОЈ СУМ СЕ СПРЕЧКАЛ“ Пратеникот Ристески негира дека бил нападнат во чаршијата во Прилеп appeared first on plusinfo.mk.

Напната атмосфера денеска во ходниците на македонското Собрание, каде што дошло до вербален и до физички инцидент меѓу лидерот на Левица, Димитар Апасиев, и пратеникот од ВМРО-ДПМНЕ, Петар Ристески.

Според изјавата на пратеникот Амар Мециновиќ од Левица, причина за расправијата било објавувањето на извештајот за користење патни трошоци, во кој, како што рече, Ристески бил тотален рекордер.

– Постојано провоцира, со месеци наназад. Кога и да нѐ сретне во ходник нѐ пцуе и ни презборува. На пратеничката Јована Мојсовска постојано ѝ праќа бакнежи. Не се трпи веќе оваа тортура – изјави Мециновиќ за Плусинфо, додавајќи дека Левица се обидела неколкупати процедурално да реагира, но без резултат.

Инцидентот, според неговото сведочење, кулминирал откако Апасиев и Ристевски се сретнале во собранискиот ходник, по што Ристески, видливо вознемирен од објавениот извештај, започнал со вербални навреди, а подоцна тргнал и физички да се пресмета со Апасиев.

– Почна да дели сочни пцовки и да ги спомнува сопругата и децата на Апасиев. Тогаш се случи инцидент и мораше да интервенира собраниското обезбедување – рече Мециновиќ.

Пратеникот Петар Ристески, пак, со статус на Фејсбук ја раскажа својата страна на приказната:

„Од причина што се појавија шпекулации за еден немил настан во Собранието предизвикан од хистеричниот и нервен лидер на Левица, Димче Апасиев, би сакал да појаснам дека наводите споменати во дел од медиумите не се точни и не е првпат хистеричниот лидер на Левица да глуми жртва и да провоцира конфликтност физичка или вербална, сакајќи на тој начин да привлече внимание. Нам ни преостанува или да ги игнорираме неговите лудувања или да одговориме соодветно по принципот на ‘Среќна нова 49-та’. Грешка е да му се одговори и да се падне на тоа негово ниво на однесување, посебно во светло на едно неуротичност и шизофреност која е евидентна, кога се прави принципиелен коректен професор пред јавноста и зад камерите кога испливуваат неговите најмрачни страни. Неговата кавга е по принципот навреди на безбедно растојание, па ‘мајка бежанија’, која му ја исполни денешната цел и смисла на постоењето, а тоа е да добие дел од медиумското внимание, нешто кое се заслужува со подвизи, проекти, идеи, визија, програми, принципи, а не со циркуз каков што тој неретко приредува. Токму затоа и неговата партија е бетонирана на 4,5% рејтинг, како одличен спаринг партнер на СДСМ и ДУИ, и токму затоа тој е драгоценост која мора да се негува и од тој аспект и кон него изразувам жалење за специфичната состојба во која овој лик се наоѓа и кој секој ден не пропушта да го руши угледот на институцијата. Сепак, наша улога како пратеници е да имаме конструктивен придонес во креирањето на политики и закони кои ќе овозможат развој и напредок на нашиот народ и држава, а вакви немили настани не дефокусираат од таа суштинска цел. Аман Димче, не плачи. Доста е“, напиша Ристески на Фејсбук.

The post ЗА ВЛАКНО СПРЕЧЕНА ТЕПАЧКА ВО СОБРАНИЕТО Обезбедувањето ги раздвојувало Апасиев и Ристески appeared first on plusinfo.mk.

Ристески се осврна на тоа дека сите овие случувања кои ги гледаат граѓаните биле дел од предизборната кампања на ВМРО-ДПМНЕ и тие се одвиваат и спроведуваат токму така како што било ветено.

– Најважно е она што се случува како Влада, она што Владата го спроведува, едно од клучните ветувања во предизборниот период на ВМРО-ДПМНЕ беше дека правда мора да има и ќе има, дека ќе објавиме војна на криминалот и корупцијата и тоа и се случува во моментот – рече Ристески.

Ристески објасни како дел од бившите владини функционери биле замешани во нелегални активности, и потенцираше дека не би било зачудувачки доколку листата на бивши функционери од претходната влада кои правеле криминал биде проширена.

– Гледаме дека голем дел од бившите владини функционери и тоа како биле замешани во нелегални активности криминал, корупција и од државниот завод за ревизија можевте да видите голем број на пропусти на незаконско работење така да таму каде и да се чепне ќе има причини за поведување на кривични постапки и нема да да бидам изнендаден доколку и многу други владини функционери, директори, министри од минатата влада бидат изнесени пред лицето на правдата – објасни Ристески.

Пратеникот посочи дека граѓаните се задоволни од сето тоа што се случува со ловењето на криминалот и корупцијата и дека токму поради вакавото ветување тие добиле доверба од страна на народот.

– Ова што сега се случува граѓаните гледаат и знаат и најновите анкети тоа и го покажуваат, онаа за што добивме доверба како политичка партија на изборите тоа и го спроведуваме – рече Ристески.

Ристески се обрати до пратеникот од Европскиот фронт, Демири, и повика да се врати Груби и да се соочи со лицето на правдата, исто така нагласи дека ВМРО-ДПМНЕ како политичка партија го започнала овој процес и дека тој ќе се одвива до крај.

– Вашиот претседател на партијата Зијадин Села се огради и го повика Артан Груби да се врати, да си ја докаже невиноста во Република Македонија, јас очекувам и вие тоа да го направите а не да кажете дека немате доволно информации, ако е невин нема потреба да бега. Ние како политичка партија го отпочнавме овој процес и овој процес ќе го тераме до крај, Артан Груби е на потерница и на црна листа тоа значи кога и да е ќе дојде и ќе одговара за она што го правел во Република Македонија – дециден е Ристески.

The post ПРАВДА МОРА ДА ИМА И ЌЕ ИМА Владата ги исполнува клучните ветувања дадени во предизборниот период appeared first on plusinfo.mk.

– После сите овие информации кои ги добивме и по целокупната работа од Анкетната комисија ќе следува заклучок. И можам да ви гарантирам со сигурност квалитетен заклучок бидејќи се разгледуваат многу материјали, многу извештаи од сите институции кои се вклучени. И ќе следува заклучок околу политичката одговорност, не сакам пред време да кажувам, но од ова што се гледа секако дека ја има – истакна пратеникот Ристески во утринска емисија на Алфа телевизија.

Ристески додаде дека Анкетната комисија ќе притиска за овој најгрозоморен скандал во здравството да има разрешница.

– Обвинителството ги има сите информации. Јавниот обвинител во овој момент, и во целокупната негова работа генерално претставува ангел чувар на оние коишто го кршат законот, на луѓето кои практикуваат криминал и корупција. И за тоа сме дојдени до оваа ситуација до каде што сме дојдени – укажа Ристески.

Тој посочи дека јавниот обвинител и МВР не треба ни да помислат да застанат во одбрана на вакво грозоморно случување во клиниката за Онкологија.

– Ова претставува организирано и масовно убиство. Овде не знаеме колку луѓе ги изгубиле животите поради лакомоста за пари на одреден круг на луѓе внатре во клиниката. И во јавноста, и во експертската јавност, и од она што досега од медиумите се доби како информации, може да се каже дека таму се води истрага по три основи. А, овие седум лица се осомничени само по еден основ. И што се случува сега со оние два основа, дали има осомничени, нема осомничени, тоа треба да одговорат овие од Јавното обвинителство, и од МВР. Од прашањата од нас пратениците на Анкетната комисија за работи кои не им одговараат добро се затскриваат со реченицата истрагата е во тек, и не можеме да изнесеме многу информации – рече Ристески.

Тој посочи дека требало многу порано да реагираат Јавното обвинителство и МВР бидејќи, како што рече, „ДЗР има направено еден фантастичен извештај каде што се открива сиот криминал што се случувал во клиниката за Онкологија. Таму се наведени сите злоупотреби и неправилности на клиниката.“

The post НА ОНКОЛОГИЈА Е ИЗВРШЕНО МАСОВНО УБИСТВО ОД ЛАКОМОСТ ЗА ПАРИ! Обвинителството да не помислува да биде „ангел чувар“ на криминалците, порача Ристески од ВМРО-ДПМНЕ appeared first on plusinfo.mk.

Возилото на пратеникот Ристески е целосно изгорено, делумно и она на неговиот татко во пожарот околу 1:45 часот изутрината. Противпожарната единица навреме го изгаснала огнот за да не се прошири на семејната куќа на Ристески. Полицијата и прилепското основно јавно обвинителство направиле увид. Нема повредени, земени се траги за вештачење, а јавен обвинител побара обезбедување евентуални видео снимки од надзор на околните објекти.

Ристески смета дека го заплашуваат и бара веднаш да се реши случајот.

– Бевме дома сите, соседите свикаа, а се слушна и експлозија. Кога излегов возилото гореше. Го зафати и возилото на мојот татко, а и дрвото до куќата. Ова го сметам како атак на мене и на моето семејство и барам МВР и институциите веднаш да го расветлат случајот и да ги најдат сторителите – изјави Ристески за случајот.

Денеска стигна и реакција од градските власти. Прилепскиот градоначалник Борче Ристески бара промена на командирот на прилепската полиција и да се подобри безбедносната ситуација во градот.

– Ова не е прв случај на опожарено возило. Неодамна беше запалено и на директорот на комуналното претпријатие. Безбедносната ситуација не е добра и барам итна реакција на МВР, а и веднаш да се пронајдат сторителите. Воедно, овој грозоморен чин го сметам и како директен атак врз политиките на локалната власт, чие мнозинство советници во Советот на Општина Прилеп се од редовите на ВМРО-ДПМНЕ. Барам сериозна одговорност од сите релевантни фактори и ќе упатам протестна нота и до меѓународнот фактор, амбасади и европски претставништва во Македонија, поради неможност МВР да ја одржува безбедноста на граѓаните на Прилеп – изјави денеска Јовчески.

The post ЕДНО ЛИЦЕ ПРИВЕДЕНО ЗА ОПОЖАРУВАЊЕТО НА ВОЗИЛОТО НА РИСТЕСКИ Бевме дома, соседите свикаа, се слушна експлозија appeared first on plusinfo.mk.

Како што изјави Ристески, настанот се случил околу 1:45 часот по полноќ кога целото седумчлено семјество било дома. Истрчале по дојава од соседите и се слушнала експлозија.

– Кога излегов, возилото, „шкода кодиак“ беше во пламен. Веднаш ја повикавме противпожарната екипа. Зафатено беше и возилото на мојот татко, двете се непосредно пред семејната куќа. Брзата интервенција на противпожарната екипа не дозволи пожарот да ја зафати куќата. А имаше реална можност, зашто од пожарот зафатено беше дрвото. За мене ова е атак на мојот живот, на моето семејство. Сличен случај се случува вторпат. Пред четири години ми беше опожарена викенд куќата. Очигледно, по мојот впечатлив говор во Парламентот во петокот, некому му пречи тоа и доколку во текот на денот не се расчисти случајот, ќе сметам дека е директен напад кон мене и моето семејство – изјави Ристески.

Увид направија полицијата и јавен обвинител при основното јавно обвинителство во Прилеп. Од Обвинителството соопштуваат дека биле „подигнати траги од лице место кои ќе се вештачат со цел да се утврдат причините за инцидентот. Јавниот обвинител издаде и наредби за обезбедување евентуални снимки од видео надзорот на околните објекти во критичниот момент на опожарување на возилото“.

The post СЕ СЛУШНА ЕКСПЛОЗИЈА, ВОЗИЛОТО БЕШЕ ВО ПЛАМЕН Пратеникот Ристески бара во еден ден да се реши случајот appeared first on plusinfo.mk.

Ова е одговорот од премиерот Зоран Заев на прашањето од пратеникот од ВМРО – ДПМНЕ Петар Ристески во врска со одговорноста на министерот за внатрешни работи Оливер Спасовски во однос на полициската акција заедно со американската ДЕА во која кај Плетвар беше запленета поголема количина дрога.

– Во Северна Македонија МВР ги води акциите. Денес можеме да докажеме и покажеме дека истражните органи постапуваат неселективно, без разлика дали некој е близок до власта или до опозицијата или нема никакви предиспозиции политички, ако се огреши пред законот одговара. Секој е невин додека не се докаже вината, но секој е еднаков пред законот и никој не е заштитен од одговорност. Командирот на полициската станица го бира Советот на Општината, истовремено ако тој посегнал кон незаконско дејствие апсолутно треба да одговара – рече премиерот Заев.

Премиерот зборуваше и дека пратеникот Ристески се дружел, со како што рече и приложи фотографии, со полициски службеник кој бил„санкциониран конзумент на кокаин, а кој веројатно под дејство на опојни дроги јавно тепал лекар во Прилеп, без да преземе одговорност за време на министерот за внатрешни работи Наќе Чулев“.

Во македонскиот парламент, потенцира Заев, пратениците треба да се залагаат да прават позитивен притисок за спроведување на правдата и владеењето на правото и еднаквоста на законите за сите.

– Тоа денес се случува насекаде во државата и тоа ќе е така и никако поинаку. Само на тој начин ќе ја враќаме довербата во правниот систем и во севкупната правда. Затоа има голема разлика и треба да ја потенцираме. Беа мисловни именки да има истрага против високи функционери од власта, денеска тоа е наше секојдневие. Транспарентноста е комплетна и граѓаните знаат се за неколку минути за спровеудвањето на акциите. Таа транспарентност е гаранција за будното око на институциите без разлика дали се под извршната, парламентарната или под судската власт, појасни премиерот Заев.

Според него, тие придобивки се нотирани насекаде затоа и денеска ФРИДОМ Хаус кажува дека С Македонија е една од земјите што покажува најголем скок во демократијата.

– Сами по себе слободата и демократијата се најголем гарант на владеењето на правото, на ефикасниот сервис на институциите кон граѓаните, на успешните политики, на унпареудвањето на квалитетот на животот, на дигањето на економскиот стандард по сите параметри. Затоа се тие придобивки што се нотирани и дома и во сите меѓународни извештаи – рече Заев

The post Заев го нападна со фотографии пратеникот Ристевски: Се дружите со полицаец конзумент на кокаин кој тепал лекар appeared first on plusinfo.mk.

– Дополнителено, предлагаме сите кои нема да можат да бидат примени во државна установа да можат да отидат во приватна болница, каде ќе бидат лечени по цени исти како и во државното здравство. Со дополнувањата на Законот за здравствена заштита ќе предвидиме граѓаните со хронични и останати болести, кои повеќе од 60 дена се на листа на чекање за некоја операција или друга здравствена, дијагностичка и интервентна услуга во државното здравство, да можат да отидат во приватна болница, а услугата да ја платат по цена како во државното здравство – изјави Петар Ристески, пратеник на  ВМРО-ДПМНЕ.

Партијата смета дека под итно мора да се излезе во пресрет на граѓаните и со овој предлог на закон да се помогне финансиски и на граѓаните кои се заразиле со ковид-19, но и на оние кои што се мачат со некоја друга хронична болест, а поради пандемијата предолго се ставени на листата на чекање.

The post ВМРО-ДПМНЕ бара државата да им ја врати разликата на тие што се лекувале приватно од ковид appeared first on plusinfo.mk.