Колев на Фејсбук напиша:

„На 5 мај во 1945 година, со решението од тогашната Народна влада на Федерална Македонија, е усвоена азбуката на македонскиот јазик, а набргу, еден месец подоцна и правописот на македонскиот јазик. Овој процес е свечено заокружен со делата на Блаже Конески – Граматиката, Речникот и Историјата на македонскиот јазик.

Благодарение на сето тоа денеска пишуваме к’рв со апостроф, в’ рв со апостроф и т’га за југ со апостроф, а истовремено со тоа не можеме да прочитаме ниту едно писмо на револуционерите во оригинал или пак автор на поезија и проза кој пишувал пред 1945 година. Со други зборови, сме полуписмени субјекти кои не можат да си ги читаат своите дедовци во оригинал.

Затоа Блаже Коневски е и ќе остане џуџето од Небрегово, кое го осакати собствениот народ и го направи полуписмен“.

The post КОЛЕВ ЖЕСТОКО ГО НАВРЕДИ КОНЕСКИ, ГО НАРЕЧЕ „ЏУЏЕТО ОД НЕБРЕГОВО“ Така претседателот на ГДУ го „прослави“ Денот на македонската азбука! appeared first on plusinfo.mk.

Лидерот на Граѓанско-демократската унија, партијата на Бугарите во Македонија, Петар Колев, најави дека е на повидок компромис меѓу Бугарија и Македонија, со којшто Софија ќе се откаже или ќе го одложи барањето бугарската заедница да се внесе во Уставот, а за возврат ќе го „добие“ цар Самоил, кој ќе биде признат од македонската страна како бугарски цар. По ова, Владата на Кирил Петков наскоро ќе го подигне ветото за почеток на пристапните преговори на земјава со ЕУ, прогнозира Колев.

Тој упати критики на сметка на спроведувањето на Пописот, кој го нарече фалсификат.

– Не можев да замислам дека ќе бидам сведок на таков брутален фалсификат и кршење на основните човекови права, како што е правото на самоопределување на граѓаните на РС Македонија – oва за БГНЕС го изјави Колев по повод пописните податоци, според кои во Македонија живеат 3.504 Бугари.

– Не е важно дали се работи за Бугари, дали ќе одат на попис, на парламентарни избори или на фудбалски натпревар. Официјално се 3.500. Нашата партија лани учествуваше на парламентарните избори и ги доби фамозните 3.555 гласа. После една година има попис во РСМ и Бугарите се бројат како 3.504. Следно што очекувам е дека ако има фудбалски натпревар, тогаш статистиката да биде дека 3.517 Бугари го гледале овој фудбалски натпревар во РСМ. Сето ова ќе беше смешно да не беше жално и да не беше трагично – вели Колев.

Тој се надева дека сега „ќе се запалат светилките“ на некои луѓе во Бугарија кои носат важни политички одлуки. Колев е дециден дека оваа бруталност и варварство кон основните европски вредности, кои се провлекуваат со децении во РСМ, мора веднаш и веднаш да престане.

– Ова е измама со достоинството на нашите сонародници, ова е измама со мене. Очекувам да има јасна и дефинитивна реакција од официјална Софија – изјави лидерот на ГДУ.

Тој откри и некои негови сознанија за начинот на кој, според него е спроведен овој „таканаречен попис“.

– Единствената етничка заедница која порасна повеќекратно е бугарската. Сите други заедници се намалуваат во бројот, вклучувајќи ги и Србите, кои се намалени за 17.000. Единствените што се зголемија од претходниот попис се Бугарите. Го познавам нашиот семеен модел, никогаш не сум сретнал некој со десет деца. Имаме во просек по две деца. Единствена заедница во која има тотална диспропорција меѓу мажите и жените е бугарската. Ако во сите други заедници постои одреден паритет меѓу мажите и жените, тогаш кај Бугарите мажите се 35% повеќе од жените. Односно разликата е речиси два до еден мажи во споредба со жените. Кој тогаш ги роди овие бугарски деца за овие 20 години, ако нашите жени се толку малку? Ви ги давам овие примери затоа што се апсурдни. Ова е нешто што еден искомплексиран ум во Скопје уште еднаш сака да го демонстрира како грубо однесување не само кон нас македонските Бугари. Навикнати сме на оваа бруталност. Сакам да знам кога нашите браќа во Софија ќе се разбудат и со вистински очи ќе погледнат на овој потсмев што им се случува под нос со македонските Бугари – рече Колев.

The post НА ПОВИДОК Е ДОГОВОР Колев вели Бугарија ќе попушти за Уставот, а Македонија ќе го признае Самоил за бугарски цар appeared first on plusinfo.mk.

Претседателот на Граѓанско демократската унија (ГДУ), Петар Колев, преку статус на неговиот профил на Фејсбук повика Бугарите во Македонија да бидат вклучени во преговарачкиот процес со Бугарија.

„Гарантирање во Уставот на рамноправност на македонските Бугари, но и нејзино спроведување во реалноста е клучот кон решавање на отворените прашања. Убеден сум дека таков чекор ќе ја врати довербата, ќе даде нов импулс на односите. Тоа ќе ја отвори и можноста за вклучување на Бугарите во македонскиот државен систем, нивно претставништво во институциите на системот, зошто да не и нивно вклучување во преговарачкиот процес од македонска страна. Кој подобро би можел од македонските Бугари да ја убеди Софија дека нашата држава заслужува почеток на преговори?, пишува Колев.

The post КОЈ ПОДОБРО БИ ЈА УБЕДИЛ СОФИЈА? Колев бара македонските Бугари да се вклучат во преговорите appeared first on plusinfo.mk.

Вака на новинарско прашање од бугарски БГНЕС одговори Петар Колев, претседател на Граѓанско демократска унија, пред средбата на група македонски Бугари со бугарскиот премиер Кирил Петков, пишува Фактор.

Тој кажа дека македонските Бугари се во Софија за да добијат информација од прва рака.

– Овие преговори одлучуваат за нашата судбина и за судбината на нашите деца, дали тие ќе продолжат да живеат како втора категорија граѓани или ќе станат полноправни и рамноправни граѓани на сопствената земја. Се решава судбината на нашето историско минато и културно-историското наследство во Македонија – нагласи Колев.

Тој изјави дека Бугарите во Македонија повеќе не прифаќаат рушење на спомениците на нивните дедовци, не прифаќаат нивните деца на училиште да бидат индоктринирани со антибугаризам и омраза кон Бугарија.

Официјална Софија не се откажува од барањето за внесување на Бугарите во Уставот.

The post ДЕЦАТА ВЕЌЕ ДА НЕ УЧАТ ОТИ СМЕ БИЛЕ ТАТАРИ И ФАШИСТИ Петар Колев од ГДУ се отвори пред средбата со бугарскиот премиер appeared first on plusinfo.mk.

Тој нагласи дека ГДУ верува дека мисијата на пратениците е преку собраниските процедури да отпочнат ресетирање на системот од корен и на политичката сцена да донесат нов изборен модел.

– Една изборна единица со отворени листи и можност за граѓанинот на изборното ливче да заокружи – Ниту еден од наведените – рече Колев, потенцирајќи дека ГДУ ја исполнила задачата што си ја поставила пред почетокот на кампањата.

Колев оцени дека реализирале позитивна кампања и дека се уверени оти на гласачите им покажале дека е време за млади политичари кои во вокабуларот не користат говор на омраза, не го навредуваат противникот, туку говорат аргументирано.

Колев ги повтори партиските ветувања дека ќе го намалат бројот на пратеници од 120 на 90 во првата фаза, а потоа и на 61, намалување на бројот на советници во општините и во Град Скопје, намалување на бројот на министерства, министри, агенции ….

– Го привлековме вниманието со личен пример – се откажуваме од сите приходи и бенефиции како пратеници во Собранието над износот од 14,500 денари колку што изнесува минималната плата. И нам како и на секој гласач ни е јасно дека со таа плата тешко се живее, но целта е да им порачаме на сите политички партии кои одбија да го следат примерот – дека пратеничката функција не е измислена за лично богатење. Пратеникот има поголема мисија – на политичката сцена да го донесе гласот на секој што е обесправен, што живее од минималец, на секој што нема основни услови за егзистенција зашто државата заборавила да инвестира и да ја развива внатрешноста на Македонија – рече Колев.

Граѓанско Демократска Унија предлага уставни промени и во делот на изборот на судиите, нивниот мандат и воспоставување специјализирано судство.

The post ГДУ: На 15 јули да испратиме порака во името на граѓанинот appeared first on plusinfo.mk.

– Со постојната настава создаваме кадри кои тешко можат да бидат конкурентни на идниот европски пазар, каде со членството се стреми Македонија. Предлагаме реформи да избегнеме да креираме иднина која во рамките на европското семејство ќе биде подолу на скалилата на работната сила. Сметаме дека македонското образование треба да биде по германскиот модел – малку часови, малку ученици на час, со малку и точно специјализирани предмети за да ги развиваме талентите на нашите деца – објаснува претседателот на ГДУ, Петар Колев.

Тој нагласи дека е крајно време да се имплементира систем во образованието какви што постојат во Словенија, Германија, Австрија, Холандија…

The post ГДУ: Реформи за помалку часови, преполовени паралелки и платежно мотивирани наставници appeared first on plusinfo.mk.

Претседателот на ГДУ, Петар Колев, во интервју за МИА посочува дека доколку нема правда и правичност, нема ниту ред и просперитет. Повеќе од јасно е, според него, дека македонското општество има сериозен проблем со владеење на правото, а ГДУ, како што објаснува Колев во интервјуто, голем дел од својот фокус го насочува кон реформите на правосудниот систем.

Излегувањето на ДУИ со мотото прв премиер Албанец, според Колев, е модел на етничка конфронтација, поради која не верува дека ДУИ ќе добие поширока поддршка. Колев исто така е и дециден, ГДУ нема да учествува во влада со Демократската унија за интеграција.

– Ние во влада во која учествува ДУИ нема да учествуваме. Не поради тоа што имаат кандидат за премиер Албанец, туку поради тоа што овие 20 години како се на политичката сцена, голем дел од нивните кадри беа дел од коруптивните шеми во државата и не видовме ниту еден нивен кадар да поднесе некаква одговорност. Понекогаш ова е прашање на машкост. Ако згрешиш и ако направиш нешто што е надвор од законите и правилата, би било машки одговорно да застанеш пред нацијата и да поднесеш одговорност – објаснува Колев.

Прашан како го оценува договорот за добрососедство со Бугарија, Колев одговори дека верува во добрососедски односи на Македонија со сите соседи, но доколку се придржуваат кон принцип на рамноправност. Како што ние ги почитуваме нив, така и тие да нè почитуваат нас.

– Јас верувам во добрососедски односи со сите соседи: Грција, Бугарија, Албанија, Косово, Србија, Хрватска или нашите подалечни соседи. Но, во еден принцип на рамнопоставеност. Ако ние навистина се почитуваме со официјална Софија, тогаш треба да се почитуваме еднакво. Како што ние ги почитуваме нив, така и тие да нè почитуваат нас – вели Колев.

На претстојните избори Граѓанско демократска унија, како што смета Колев, има сериозни и реални очекувања во неколку изборни единици. Сепак, појаснува дека целта не е да бидат дел од владејачката структура, туку да предизвикаат промена во општеството преку личен пример.

Изборната кампања почна. Веќе ги презентиравте своите програми пред гласачите. Ќе може ли накусо ударно да наброите пет клучни работи со кои ќе ги привлечете гласовите на граѓаните?

– Да, ние како ГДУ ја промовираме нашата програма, но немаме политичка програма во која објаснуваме како тоа ќе изградиме уличка, патче, чешма на некое населено место, како треба во 21 век да зборуваме за компјутер за секое дете, бидејќи ако и од денешна перспектива разговараме на тие теми, тоа значи дека некој овие 30 години ги проспал. Ние како ГДУ имаме јасна, концизна и кратка програма во којашто се собрани како сублимент нашите политички филозофии за основните сегменти на општествениот развој и сектори во општеството.

Прв приоритет е политичкиот систем. Голем дел од проблемите во нашето општество се директно сврзани со начинот на којшто функционира политичкиот систем. И тоа е реалноста и вистината за нашиот политички систем, којшто претставува една скапа, бирократска машина за гласање по нарачка и порачка на политичките лидери. Што конкретно визираме кога зборуваме за претставничката демократија? Промената на изборниот модел преку воведување отворени листи во коишто ние како општество да ја ограничиме власта на поединците, а тоа се политичките лидери кои ги составуваат своите листи на база на послушност и лојалност кон нив, а не квалитет на кадрите и кандидатите за пратеници е приоритет којшто е многу важен за да можеме да ја вратиме моќта, суверенитетот во рацете на граѓаните. Тие се тие кои како отворени листи ќе можат да изберат свои претставници во парламент и преку овие конкретни претставници да носат одговорност директно, а не пред партискиот лидер, а пред гласачите кои на база на нивните видувања за развојот на државата ги испратиле во парламент.

Ние како ГДУ веруваме во мала, ефективна, професионална и надградена, подготвена државна администрација. Овој бирократски систем што денеска функционира е една скапа машинерија што место да создава услови за развој, прогрес во општеството, многу често е кочничар, рересивен елемент со оние различни нормативни акти, лиценци, дозволи. Одите од канцеларија во канцеларија за три печати и два потписа и губите четири – пет дена. Затоа ние веруваме дека е потребна реформа во администрацијата, но таа треба да почне од врвот на пирамидата. Ако ние како политичари сакаме да го убедиме нашето општество и нашите сограѓани дека сме подготвени да правиме реформа, тогаш треба да започнеме со личен пример од самите нас. Затоа ние зборуваме од ГДУ за намалување на бројот на пратениците во Собрание. На Македонија не ѝ е потребно Собрание од 120 пратеници. Сметам дека на Македонија ѝ е доволен моделот на Словенија од 90 пратеници и тој треба да биде имплементиран. Второ, оние трошоци, претставете си само за плата Сбранието троши 7 милиони евра. Само за основна плата на пратениците. Со половината од тие средства ние можеме да изградиме едно модерно училиште по германски модел, кој ќе даде шанса 800 ученици да се образоваат таму. За 2020 година македонското Собрание има буџет од 10 милиони евра. Дали е тоа нормално за една држава што има дефицит од милијарда и двесте милиони во буџетот, да троши 10 милиони евра за таков тип непродуктивни трошоци.

Ние веруваме и во тоа дека на Македонија повеќе не ѝ е потребна Влада од 21 до 22 министри. Онаа пракса за купување политички мир со назначување министри без ресор еднаш засекогаш во нашето општество треба да престане. Една третина од македонските министри се всушност министри без ресор, кои само земаат плата и реално немаат никави обврски. Македонија може да функционира прекрасно со 15 министри. Доста поразвиени држави од нас со силни економии функционираат со 15 министри.

Прво почнуваме од тој момент, реформа на администрацијата и промена на изборниот модел. Ние веруваме во тоа дека Македонија треба да биде една изборна единица со отворени листи, 90 пратеници, всушност тоа е моделот по кој се избира и Европскиот парламент. Кога ќе го завршиме ова прашање и кога ке успееме кратејќи ги непродуктивните јавни трошоци како што се платите на рамковните вработени, тогаш мислам дека ќе ни останат средства за реално како држава да можеме да инвестираме во другите два основни приоритети за едно општество. Тоа е образованието и здравството. Ако ние не успееме да изградиме образована, модерна, македонска нација, едно идно поколение коешто може да се носи со предизвикот на големиот европски пазар, тогаш ние како политичари не сме завршиле никаква работа. На Македонија ѝ е потребно образование во кое ќе има помалку часови за учениците

Ќе може ли да ни го кажете главниот проект на кој се фокусирате и кој би го реализирале доколку добиете можност по овие избори?

– Таму каде што нема правда и правичност, нема ниту ред и просперитет. Повеќе од јасно е дека македонското општество има сериозен проблем со владеење на правото. Ни ние како ГДУ голем дел од нашиот фокус сме го насочиле кон реформите на правосудниот систем, и ќе ви кажам тоа што ние го мислиме, односно одговорноста на тој правосуден систем. За мене е несфатливо Македонија нонстоп да губи дела во Стразбур. Ние благодарение на грешните судски решенија на некои судии во Македонија сега треба илјадници, стотици илјади евра да исплатиме отштета. Тогаш се поставува прашањето, каква е одговорноста на тој судија, каква е неговата персонална одговорност. Затоа ние сметаме дека судиите треба да носат лична одговорност со својот имот за грешните судски решенија, сметаме дека ако се докаже една таква ситуација во која судијата зел грешно судско решение воден од други мотиви надвор од правото, треба да го изгуби и правото да ја практикува таа професија, но исто така да го изгуби и правото на пензија. Никаде во светот не постои дејство без обратна реакција или контрадејство. Во нашиот систем судскиот ситем, еден од основните проблеми е тоа што голем дел од нашите судии се мотивираат од други аргументи при носење судски решенија. Се разбира дека има и чесни исклучоци. Секој од нашите сограѓани знае за што станува збор. Кога зборуваме за јавното обвинителство ние имаме една „провокативна“ идеја. Повеќе од јасно е дека во Македонија се гледаат пипците на политиката во јавното обвинителство.

Повеќе од јасно е дека секој од граѓаните е тврдо убеден дека македонското јавно обвинителство има директни зваисности од политичките централи. Тогаш зошто ние политичарите не сакаме да носиме одговорност за јавното обвинителство и се затскриваме зад некакви т.н. Совет на јавни обвинители или некојси друг корумпиран јавен обвинител. Ајде да се носи политичка одговорност за назначување на главниот јавен обвинител и создавањето на јавнообвинителската структура во Македонија. Ние како ГДУ сме подготвени да назначиме главен јавен обвинител во Македонија, се надевам дека и нашите политички конкуренти се подготвени да носат и политичка одговорност за своите кадровски решенија во јавното обвинителство. Онаа флоскула дека јавното обвинителство е независно, сметам дека нашите сограѓани одамна се разубедиле дека не е така. И кој е всушност моделот на САД? Таму и шерифите локални се назначуваат од политичарите и политичарите носат одговорност за нивниот начин на работа. Ајде да го имплементираме и во Македонија.

Што очекувате од претстојните избори, колку мандати очекувате и кои би биле вашите опции за коалицирање?

– Ние сме реални луѓе, на база на резултатите од локалните избори во Охрид на коишто имавме 6 проценти како политички субјект, очекуваме еден сериозен резултат на овие избори, но не очекувајте од нас дека ќе зборуваме за тоа дека ќе направиме чудо. Нам ни е јасно дека политичкиот простор во којшто е влезена ГДУ, потребно е време да се развие. Но, имаме сериозни и реални очекувања во неколку изборни единици и сметам дека нашиот резултат ќе биде достоен. Од друга страна, нашата цел не е власт, не е тоа ние да бидеме дел од владејачката структура во државата. Нашата цел е да предизвикаме промена во општеството, но преку личен пример. Да се обидеме да ја испровоцираме критичната интелектуална маса во Македонија на база на нашите политички ставови, да се обидеме заедно да го почнеме тој процес на промени. Затоа ние очекуваме дека ќе имаме една достојна кампања, нашата камања како што секој може да забележи е максимално позитивна. Во неа се трудиме да објасниме кои се нашите ставови по конкретни прашања и на база на тие наши ставови и наши перцепции очекуваме да добиеме и поддршка од граѓаните. Во однос на коалицирањето, освен тоа дека никогаш не би учествувале во влада со Демократската унија за интеграција, тоа е наш принципиелен став поради нивните ретроградни политики, не би можел да кажам со кого би правеле и дали воопшто би учествувале во една влада. Да ги видиме програмите на партиите. Знаете, пред избори многу од политичките ветувања на крај се кажуваат едни искрени лаги. Очекуваме јасен документ со јасни десет приоритети на една влада и ако во тие приоритети ги препознаеме политиките на ГДУ, ќе ја поддржиме таа влада. Ако не, нема ништо страшно во Македонија да имате нов политички субјект, млади луѓе политичари кои ќе бидат опозиција.

The post Колев: ГДУ нема да учествува во влада со ДУИ appeared first on plusinfo.mk.

– Доколку гласачите од ИЕ 3 ми ја доверат задачата преку Собранието да го отпочнам процесот на промени, што како партија ги бараме и најавуваме, во текот на четиригодишниот мандат се откажувам од вкупните месечни примања што ќе ги остварувам по било кој основ – како личен доход или дневници како пратеник во Собранието на Република Северна Македонија, а кои ќе го надминуваат износот од 14.500 денари. Износот над минималната плата ќе го донирам во хуманитарни цели. И се откажувам и од средствата предвидени за патни трошоци кои ако нема правен модул како да останат во буџетот на Собранието, исто така ќе ги донирам за истите хуманитарни цели – изјави Колев.

Според последните извештаи од Собранието за личните доходи, еден пратеник во текот на годината остварува нето плата во износ од речиси 14 илјади евра или неполни 60 илјади евра во текот на мандатот. Ако пратеникот се откаже од околу 950 евра нето плата, само по овој основ во период од 4 години во хуманитарни цели за ранливи категории и лица со посебни потреби ќе се слеат околу 45 илјади евра.

– Бранот на промени стартува прво внатре во Граѓанската демократска унија. Секој кандидат на листите за пратеници на ГДУ ќе потпише идентична изјава на нотар, иако дел веќе потпишаа. Секој од нас стартува со личниот пример дека ќе ги исполниме ветувањата и планираме да се задржиме како позитивно цунами за бајатата македонска политичката сцена – додаде Колев.

The post Петар Колев со изјава на нотар се откажа од пратеничките бенефиции appeared first on plusinfo.mk.

Претседателот на Граѓанско-демократската унија, Петар Колев, ги пукна надуваните балони  симболично со боцки на еж, партискиот симбол за борецот кој ги јаде змиите што се протнале на македонската политичка сцена.

Со политичкиот перформанс исполнет со повеќе симболи, Граѓанско-демократската унија испрати порака до сите искусни политичари дека нивното време одминува и дека на македонската политичка сцена се појавуваат нов вид политичари, млади и автентично искрени двигатели кои имаат една цел – целосен ресет на нефункционалниот систем во кој живееме.

– Ќе предизвикаме промена во општеството преку личен пример. И она што еден индивидуалец сам ќе го започне, група индивидуалци ќе го завршат како процес на промена. Затоа што нашата цел не е власта сама по себе! Нашата цел е фундаментална промена на општеството кое го разбираме како заедница на слободни и одговорни индивидуи, суверени и еднакви пред Уставот и Законите на Македонија. Нашата цел е промена на нефункционалниот систем. Нема да отстапиме додека не го ставиме поединецот пред политичкиот естаблишмент! Ние сме ентузијасти кои веруваат во иднината на Македонија. Веруваме дека нашите деца заслужуваат иднина во Македонија, дека дома треба да живеат во добросостојба – изјави претседателот на ГДУ, Колев.

Споредувајќи ги самонаречените „големи“ партии со „големи надуени балони“ што кога ќе ги издишете, немаат содржина, Колев најави дека во ГДУ очекуваат најголемите сојузници да им бидат токму граѓаните кои цврсто веруваат во слободата на поединецот, во неприкосновените права на секој граѓанин во Македонија да биде тоа што е и да живее според своите убедувања.

Според Изборната програма, ГДУ ќе инсистира на промена на постојниот изборен модел со пропорционален модел со отворени листи и една изборна единица на територијата на Македонија. Намалување на бројот на пратеници на 90, како и реорганизација и рационализација на администрацијата, односно намалување на бројот на министри на 15, намалување на бројот на советници, на агенции и вработени административци… Во делот на фискалната децентрализација, партијата предлага распределба на приходите од персоналниот данок да биде во однос 50:50 меѓу Централниот буџет и локалните власти. Во образованието предлагаат намален број часови за децата и помалку ученици во една паралелка, како и зголемување на платите на наставниците на ниво повисоко од републичкиот просек. Подигнување на квалитетот на здравството преку инвестирање во регионалните болници Велес, Штип, Струмица, Битола и Прилеп за да се намали јазот меѓу примарните и секундарните здравствени услуги, како и воспоставување систем со „Задолжителен пакет“ и „Дополнителен пакет“ за осигурениците во Фондот за здравство.

Носителите на листи во петте изборни единици се: Ана Глигорова од здружението „Движење на слободни граѓани“, кое е коалициски партнер во ИЕ 1, д-р Енсер Јусуфоски во ИЕ 2, Петар Колев во ИЕ 3, Добре Митрев во ИЕ4 и Даниел Јорданоски претседател на ГДУ – Охрид во ИЕ 5.

Претседателот на ГДУ Колев ги повика сите граѓани да им се придружат во мисијата и на денот на гласањето да бидат ежот што ќе им се спротивстави на змиите!

The post Промоција на кандидатите и програмата на ГДУ – граѓанинот пред политичкиот естаблишмент appeared first on plusinfo.mk.

– Ние ги уверуваме сите граѓани дека еден од приоритетите на новото Собрание, во кое ГДУ ќе има свои претставници, ќе биде неодложно одржување на попис и ова мора да бидат последните избори на кои Македонија оди без попис на избирачкото тело, бидејќи сме единствената држава во регионот и пошироко, која веќе 18 години нема спроведено попис – велат од ГДУ.

– Одењето на избори без попишано население дозволува „големите партии“ да продолжат да ги користат веќе познатите методи за лажирање на бројките од гласањето и притоа, едни со други, само да се напаѓаат за изборна измама. И едните и другите ја користат ситуацијата на штета на граѓанинот.  До одржување на пописот ќе поминат 20 години од последниот успешно организиран во 2002 година. Досегашните владини коалиции на ВМРО-ДПМНЕ, СДСМ и ДУИ токму на пописот ја покажа својата совршена неспособност. Затоа што невозможно е демократска држава да има добро владеење, да крои политики и да спроведува реформи базирани на факти, без попис на населението. Невозможно е да го продолжиме патот за членство во ЕУ ако не спроведеме попис – вели претседателот на Граѓанската-демократска унија, Петар Колев.

Според ГДУ, податоците од пописот неоспорно ќе ја олеснат имплементацијата на сериозните реформи на изборното законодавство и економските реформи кои ќе доведат до коренити промени во системот, за кои тие ќе се залагаат.

– ГДУ верува дека на Македонија ѝ е потребна фундаментална промена на системот и општеството кое ние го разбираме како заедница на слободни и одговорни индивидуи. Краткорочни и популистички решенија кои ги нудат сите досегашни владини коалиции не може да продуцираат здраво образование, стабилен здравствен или пензиски систем и економски развој што ќе нѐ извлече од хаосот во кој досега нѐ втурнаа ВМРО-ДПМНЕ, СДСМ и ДУИ – дополнува Колев.

Партијата потсетува и дека пред само 9 години големите партии го имаа последниот срамен обид да го пребројат населението, односно пописот во 2011 година што пропадна поради обиди да се манипулира со бројките од пописот.

The post ГДУ: Ова да бидат последните избори без попис на населението appeared first on plusinfo.mk.