По повод првиот училишен ден, градоначалникот на Општина Струмица, Петар Јанков, вчера ја посети Вељуса, каде заедно со наставниците и родителите му посакаа на единствениот првооделенец успешен почеток на неговото основно образование.

– Секоја промена носи емоции, особено кога станува збор за нашите деца. Најважно е тие да имаат добри услови за образование, да учат, да се развиваат и да имаат можност да бидат дел од средина во која ќе стекнуваат нови знаења и другарства. Како Општина, наша обврска е да обезбедиме поддршка и еднакви можности за секое дете, без разлика каде живее – истакна Јанков.

 

View this post on Instagram

 

A post shared by Plusinfo.mk (@plusinfo.mk)

Посетата доаѓа во период кога во подрачното училиште во Вељуса наставата за учениците од повисоките одделенија повеќе нема да се реализира како досега.

За учениците од шесто до деветто одделение е обезбеден организиран превоз до ООУ „Сандо Масев“ во Струмица, каде ќе продолжат да ја следат наставата.

Од Општина Струмица информираат дека наставниот кадар ќе го задржи својот работен ангажман согласно законските можности, додека локалната самоуправа останува посветена на обезбедување соодветни услови за учениците и наставниците.

По повод почетокот на новата учебна година, Јанков упати честитка до сите ученици, наставници и родители, со порака дека општината ќе продолжи да вложува во образованието.

– Ќе продолжиме да ги носиме потребните одлуки и да вложуваме таму каде што се најпотребни – во нашите деца и во нивната иднина – порача градоначалникот Петар Јанков.

The post 📽️ ПРВОТО УЧИЛИШНО ЅВОНЧЕ ВО ВЕЉУСА ОДЕКНА ЗА САМО ЕДЕН УЧЕНИК Градоначалникот на Струмица го посети единствениот првооделенец appeared first on plusinfo.mk.

Со ставање на значката со амблемот на Струмица досегашниот струмички градоначалник, Костадин Костадинов му ја предаде функцијата на новоизбраниот Петар Јанков, со што од денеска тој и официјално е градоначалник на Струмица.

Претпладнево Општинската изборна комисија му го врачи уверението од изборната трка.

Јанков најави дека ќе се посвети на тоа чесно да го води градот.

– Овие денови се планирани средби со раководителите и со директорите на јавните претпријатија, да поразговараме во каква ситуација сме и во кој правец ќе се движиме понатаму – рече Јанков.

Досегашниот градоначалник Костадинов му посака успешна работа на Јанков.

– Денеска во мое лично име сакам да честитам на мојот политички наследник како градоначалник на Општина Струмица, Петар Јанков, да му посакам плоден и успешен мандат, да му посакам многу храброст, истрајност и најважно од сè, трпение и автономност во одлуките, коишто, верувам и сум оптимист дека ќе бидат за доброто на сите во нашата Струмица – изјави Костадинов.

Петар Јанков како кандидат на ВМРО-ДПМНЕ за градоначалник на Струмица победи во првииот круг на локалните избори со повеќе од 5.000 гласови разлика пред кандидатот на СДСМ, Марјан Даскаловски. Јанков освои 15.071 глас, а Даскаловски 9.732 гласови. По 20 години, партијата ВМРО-ДПМНЕ повторно има свој градоначалник и мнозинство во Советот на Струмица.

The post СТРУМИЦА Е ВМРОВСКИ ГРАД Костадинов му ја предаде функцијата на новиот градоначалник Јанков appeared first on plusinfo.mk.

ВМРО-ДПМНЕ соопшти дека на овие локални избори остварила „историски резултат“, освојувајќи градоначалнички мандати во првиот круг во 33 општини низ државата. Меѓу нив е и Струмица, која партијата ја нарече „бастион на СДСМ“, каде по дваесет години повторно победил нивниот кандидат.

Според податоците објавени од Центарот за комуникации на ВМРО-ДПМНЕ, кандидатот Петар Јанков во Струмица победил со предност од над 5.000 гласови.

Во соопштението се наведува дека ВМРО-ДПМНЕ во првиот круг освоила градоначалници и во општините Берово, Битола, Босилово, Бутел, Василево, Вевчани, Велес, Гази Баба, Гевгелија, Ѓорче Петров, Делчево, Демир Хисар, Илинден, Кавадарци, Кисела Вода, Охрид, Прилеп, Радовиш, Ресен, Свети Николе, Струмица, Штип и други.

Од партијата посочуваат дека во вториот круг влегуваат со предност во општините Аеродром, Карпош и Град Скопје.

Во споредба со локалните избори од 2021 година, кога ВМРО-ДПМНЕ освои градоначалници во 22 општини, партијата истакнува дека годинава бројката е зголемена на 33. Според нив, СДСМ освоил три општини во прв круг, а Демократската унија за интеграција (ДУИ) бележи, како што стои во соопштението, „слаб резултат“.

Во заклучокот се наведува дека, според ВМРО-ДПМНЕ, „граѓаните избрале луѓе кои ќе работат во нивен интерес и во интерес на државата“.

The post РЕЗУЛТАТОТ Е ИСТОРИСКИ, ПАДНА И БАСТИОНОТ НА СДСМ Освоивме 33 градоначалнички мандати, меѓу нив и за Струмица, вели ВМРО-ДПМНЕ appeared first on plusinfo.mk.

Кандидатот за градоначалник на Струмица од ВМРО-ДПМНЕ и коалицијата, Петар Јанков, вечерва ја прогласи својата победа, означувајќи крај на дваесетгодишното владеење на СДСМ во овој град.

– Според податоците од нашиот аналитички центар, од обработени 82 отсто од гласовите, ВМРО-ДПМНЕ води со 12.223 гласа, наспроти противникот со 7.908 гласа, што е разлика од над 4.000 гласа. Очекуваме трендот да продолжи и во преостанатите избирачки места. Со ова струмичани извојуваа убедлива победа и го соборија бастионот на СДСМ – изјави Јанков пред своите поддржувачи.

Тој им се заблагодари на граѓаните за довербата и најави дека според податоците што ги има, ВМРО-ДПМНЕ ќе има и мнозинство во Советот на Општина Струмица.

– Победи волјата на граѓаните. Струмица заслужува нов почеток и нова енергија – порача Јанков во своето обраќање по изборната ноќ.

Покрај Струмица, ВМРО-ДПМНЕ бележи победи и во неколку други општини.

Во Карбинци, Виктор Паунов повторно ќе биде градоначалник, откако освоил 1.376 гласови, додека кандидатката на СДСМ, Љубица Соколовска, добила 527 гласа. Членовите на партијата веќе ја слават победата во оваа општина.

Во Свети Николе, актуелниот градоначалник Дејан Владев исто така слави победа. Тој на својот фејсбук профил напиша:

„Убедлива победа на ВМРО-ДПМНЕ. Градоначалник во прв круг. Мнозинство во Советот. Благодарам Свети Николе.“

Од ВМРО-ДПМНЕ победа стигна и во Ресен, каде Јован Тозиевски доби нов четиригодишен мандат.

– Благодарам на сите ресенчани затоа што оваа победа е наша заедничка победа. Ќе продолжиме со тековните и нови проекти значајни за Преспа – изјави Тозиевски, додавајќи дека партијата очекува мнозинство и во Советот на општината.

The post ПО 20 ГОДИНИ ПАДНА БАСТИОНОТ НА СДСМ Јанков прогласи победа во Струмица, ВМРО-ДПМНЕ слави и во Карбинци, Свети Николе и во Ресен appeared first on plusinfo.mk.

Визијата за помодерна, урбана и почиста Струмица не е само моја, туку е ваша визија. Наша задача е да ги подджриме младите, да се грижиме за постарите и да ја развиваме и унапредуваме локалната економија, истакна кандидатот за градоначалник на Струмица од ВМРО-ДПМНЕ, Петар Јанков, на денешната прес конференција.

Тој додаде дека во периодот што следува ќе разговара со граѓаните и ќе се видат нивните потреби и размислувања.

– Знам дека нема да биде лесно, но ве уверувам дека заедно ќе успееме. Ветувам работа, работа, многу работа, чесност и посветеност – подвлече Јанков.

Во денешното обраќање тој се заблагодари за изборот на членовите на ИК на ВМРО-ДПМНЕ и на претседателот Христијан Мицкоски, како и на граѓаните за досега укажаната доверба.

The post ПЕТАР ЈАНКОВ ВЕТИ МНОГУ РАБОТА ВО СТРУМИЦА Кандидатот на ВМРО-ДПМНЕ има визија за модерна општина appeared first on plusinfo.mk.