„Тоа се убави желби, но кој сум јас да го уништам оптимизмот и да ја намалам амбицијата на некои други. Супер ако е така, но не сум сигурен“, рече Вучиќ.

Тој објасни дека на средбата се разговарало за тоа што може регионот да побара од ЕУ, од различните иницијативи за роаминг до воспоставувањето „зелени линии“ и заеднички пазар.

Во Скопје немало конкретни одлуки.

„Што очекувате Хрватска и Словенија да направат повеќе од она што ќе го кажат Берлин или Париз? Луѓето сакаат да помогнат, благодарам за тоа и – тоа е тоа. Не знам што очекувате како одлука денеска, одамна нема такви конкретни одлуки – рече претседателот на Србија и додаде дека конкретните одлуки за Украина ќе бидат донесени до крајот на годината.

„Тие ќе добијат датум и ќе добијат нешто друго, а претпоставувам дека ќе добие Молдавија. А ние, сираците од Балканот, ќе видиме како ќе биде за нас“, рече претседателот Вучиќ.

„Секогаш некој нешто ќе смисли, ние го сакаме македонскиот народ, ја почитуваме државата Северна Македонија, ништо не бараме и да го чуваме нашето пријателство“, одговори српскиот претседател на новинарско прашање за неговиот став околу бугарската блокада на Северна Македонија на евроинтегративниот пат, јави дописникот на МИА од Белград.

Тој додаде дека има нешто важно што сака да го каже, во Скопје, но и на претставниците во Белград.

„Важно е за нас ние од регионот да бидеме блиски едни со други, да си ги развиваме односите, да си ги скратуваме процедурите меѓу нас, да обезбедиме слободен проток на луѓе, стоки, услуги и капитал, ние да бидеме тие кои со својата стапка на раст ќе биде повисоко од европската во наредните 10 -15 години. И ако ги видите прогнозите на ММФ и СБ, ние драстично ќе ја намалиме разликата од Западна Европа и да се преставиме како единствен блок и покрај разликите и така да настапуваме пред ЕУ“, изјави Вучиќ на прес конференцијата на Процесот Брдо-Бриони во Скопје.

Тој додаде дека „безброј пати на сите форуми секогаш говорел дека Србија го признава и македонскиот јазик и територијата на Северна Македонија и црквата и никогаш никаков проблем сме немале и ќе продолжиме да водиме таква политика“.

Вучиќ претходно одговарајќи на новинарско прашање за бугарското и хрватско барање за воведување санкции кон Русија.

„Како се сетија да зборуваат за тоа дека Србија мора да воведе санкции кон Русија. Од сите теми се најдоа Хрват и Бугарин да зборуваат за тоа што треба Србија да работи. Ајде убаво, имате вие свои проблеми и маки, грижи се ти Бугарину што ќе работиш во својата земја“, рече Вучиќ.

The post НЕМА ЕУ ДО 2030 ГОДИНА, АМА КОЈ СУМ ЈАС ДА ИМ ГО УНИШТУВАМ ОПТИМИЗМОТ? Украина и Молдавија ќе добијат датум, а ние, сирачињата од Балканот… appeared first on plusinfo.mk.

Педесет отсто од Австријците со песимизам ги чекаат наредните 12 месеци, покажа истражувањето на „Lacarsfeld“. Само 26 отсто од граѓаните оптимистички гледаат на наредниот период.

Според „Lacarsfeld“, толку високо ниво на песимизам во земјата немало од 1970-тите и тогашната енергетската криза.

На негативното расположение кај граѓаните, најмногу влијание имаат економската рецесија, војната во Украина и растот на цените.

За својата безбедност за време на војната во Украина, загрижени се 51 процент од Австријците.

Како што објаснува „Lacarsfeld“, се работи за грижи околу економска безбедност, стравот од нуклеарна војна што расте.

Истражувањето го покренало и прашањето околу стабилноста на австриската Влада во сегашни услови.

Така, 44 проценти од Австријците навеле дека Владата е нестабилна и оти нема соработка меѓу коалиционите партнери, а околу 24 отсто имаат поинакво мислење.

The post ПЕСИМИЗМОТ ВО АВСТРИЈА НА РЕКОРДНО НИВО Само 26 отсто од Австријците со оптимизам гледаат на иднината appeared first on plusinfo.mk.

Министерот смета дека треба еден ден да се стави црта, односно да се каже дека е доста.

– Ние не можеме да имаме ваков пристап во којшто владите ќе бидат тематски, ќе се занимаваат само со едно прашање и со една надеж. Ќе мора да се фокусираме внатре, да продолжиме внатре со реформите, со европеизација на државата, меѓутоа нема да може да има енергија понатаму да се продолжи како што беше до сега. И тоа им го кажуваме и на Бугарија дека сега има еден прозорец на можности и можеби последна шанса да се спаси тоа што го изградивме во претходните месеци и да почне едно ново поглавје на позитивни односи меѓу нашите држави, но и до ЕУ дека ќе мора да кажат што понатаму – нагласи Османи.

Тој посочи дека со Република Бугарија комуникацијата продолжува, но и со француското претседателство кое е одговорно во овие 6 месеци да го менаџира, да го координира процесот.

Османи се надева дека наредните недели ќе има можност да има конкретен дијалог и конкретни чекори, бидејќи како што рече, Скопје направи се што можеше да се направи, но и тоа што не можеше да се направи.

– Мислам дека е доста веќе. До јуни, да не се врзам со месеци, до лето мислам дека треба да продолжиме со максимални напори како ова да успее. Семтам дека е важно и опозицијата да го сфати моментот. Да продолжиме конструктивно додека не се исцрпи оваа можност и после тоа да излеземе и отворено пред граѓаните, и отворено пред ЕУ, и отворено пред Република Бугарија дека не можеме граѓаните повеќе да ги малтретираме и да ги изложиме на ваков процес на циклични очекувања и разочарувања притоа исполнувајќи ги сите услови. Треба да знаеме на што сме, не може повеќе вака – потенцира Османи.

Министерот смета дека посебно последните месеци многу ги зближивме позициите, што ќе биде историска штета ако не се успее, зошто никогаш, како што кажа, нема да бидеме во подобра позиција за надминување на овие разлики.

Тој нагласи и дека договорот за добрососедство со Бугарија никој не смее да го стави под знак прашање. Бугарија, вели тој, секогаш ќе биде наш сосед, сојузник во НАТО и секогаш ќе биде важно да имаме добри соседски односи со нив.

Во однос на вклучувањето на САД во односите со Република Бугарија, Османи вели дека САД се навистина силно заинтересирани овој процес да успее и европското консолидирање на регионот да продолжи, но оти нема конкретен процес во кој САД се посредници во односите меѓу двете земји. Тие односи, вели Османи, се одвиваат на билатерална основа.

Османи додаде оти се надева дека на крај на мај ќе се одржи втората меѓувладина конференција со Бугарија.

The post ОВА Е ПОСЛЕДНА ИСТОРИСКА ШАНСА, ПОСЛЕ ЌЕ РЕЧЕМЕ „ДОСТА Е“ Османи како и народот губи надеж дека односите со Бугарија ќе се решат appeared first on plusinfo.mk.