Основното јавно обвинителство Скопје предложи притвор за 21-годишникот кој прегази и усмрти пешак во скопско Марино. Осомничениот се гони за тешки дела против безбедноста во сообраќајот.

„Осомничениот 21-годишник, вечерта на 24 март во Марино, управувал автомобил ‘КИА’ без да поседува возачка дозвола и под дејство на алкохол со концентрација од 0,94% во крвта. Брзината на движење на возилото не ја приспособил кон сообраќајните услови и не обрнал внимание на пешакот Оливер Младеновски, кој веќе започнал да го преминува коловозот. Бидејќи не успеал навреме да запре, осомничениот со автомобилот удрил во телото на пешакот и му нанел тешки телесни повреди од кои тој починал“, соопшти Основното јавно обвинителство.

Според напишаното, Јавниот обвинител бара притвор поради неколку основи. Постои опасност од бегство. Постојат и сомнежи дека може да влијае врз сведоци. Дополнително, се проценува ризик од повторување на делото.

Несреќата се случила на улицата „500“ во селото Марино. Пешакот, 52-годишник, починал на самото место.

УАПСЕН 21-ГОДИШНИОТ ВОЗАЧ ШТО УСМРТИ ПЕШАК ВО МАРИНО Ќе се вештачи автомобилот, телото е на обдукција

The post ПОБАРАН ПРИТВОР ЗА ВОЗАЧОТ КОЈ УСМРТИ ПЕШАК ВО МАРИНО Постои ризик дека може да го повтори делото appeared first on plusinfo.mk.

Возачот кој удри и усмрти пешак во скопско Марино е лишен од слобода, информираше Министерството за внатрешни работи. Возилото „киа“ на 21-годишниот   е одземено и ќе биде предмет на вештачење. Вештачењето треба да даде појасна слика за околностите .

Исто така, јавен обвинител наредил обдукција на телото, додека увидната екипа на СВР Скопје извршила детална проверка на местото на несреќата.

Несреќата се случила на улицата „500“ во селото Марино. Патничкото возило управувано од младиот возач удрило во 52-годишен пешак, кој од здобиените повреди починал на самото место.

Лекар од Итната медицинска помош ја констатирал смртта.

The post УАПСЕН 21-ГОДИШНИОТ ВОЗАЧ ШТО УСМРТИ ПЕШАК ВО МАРИНО Ќе се вештачи автомобилот, телото е на обдукција appeared first on plusinfo.mk.

Осумнаесетгодишник без возачка дозвола ја усмртил пешачката Љуба Јаковлеска во тешка сообраќајна несреќа во скопската населба Капиштец, а потоа избегал од местото на трагедијата без да ѝ укаже помош.

Несреќата се случила на 9 јануари на улицата Народен фронт, кога младиот возач управувал „фолксваген пасат“ со неприспособена брзина и извршил опасно престројување во спротивна коловозна лента, без да се увери дека тоа може да го направи безбедно.

Во тој момент, тој ја удрил Јаковлеска, која како пешак го минувала коловозот. Од силниот удар и падот на асфалтот, жената се здобила со тешки повреди и итно била пренесена во Ургентниот центар, каде подоцна починала.

Наместо да застане и да ѝ помогне, возачот го напуштил местото на несреќата. Подоцна, со помош на уште две лица, маж и жена, бил пренесен надвор од државата преку граничниот премин Табановце.

Двете лица кои му помогнале во бегството се уапсени по нивното враќање во земјава, а за нив е побаран притвор. Основното јавно обвинителство Скопје отвори истрага за тешко кривично дело во сообраќајот и за неукажување помош.

За 18-годишниот возач, кој сè уште е во бегство, исто така е побаран притвор, а по негово пронаоѓање ќе следува и меѓународна потерница.

ПОТЕРНИЦА ПО 18-ГОДИШНИОТ ВОЗАЧ И НЕГОВИОТ ТАТКО Ја усмрти жената на Народен фронт и избегал од државата

The post ПО НЕСРЕЌАТА МЛАДИОТ ВОЗАЧ ПРЕНЕСЕН ПРЕКУ ТАБАНОВЦЕ Маж и жена уапсени по бегството на 18-годишникот appeared first on plusinfo.mk.

72-годишен пешак загина на лице место откако во него удри моторцикл на улицата Шар Планина во Скопје, а 22-годишниот мотоциклист е приведен и задржан во полициска станица, информира Министерството за внатрешни работи.

Несреќата се случила на 30 јуни 2025 година, околу 13:45 часот, кога мотоцикл марка „БМВ“ со бугарски регистарски таблички, управуван од М.О. (22) од Скопје, удрил во пешакот К.Г. (72) од Скопје. Според информациите од полицијата, од ударот пешакот починал на лице место, а смртта била констатирана од страна на лекар од Итната медицинска помош.

– На местото на настанот веднаш беше упатена увидна екипа на СВР Скопје и јавен обвинител. По извршениот увид, по наредба на јавен обвинител, возачот на мотоциклот е лишен од слобода и задржан во полициска станица за понатамошна постапка – информираат од МВР.

Од Министерството додаваат дека по целосно расчистување и документирање на случајот, против М.О. ќе биде поднесена соодветна пријава.

The post МОТОЦИКЛИСТ УДРИ ПЕШАК И ГО УБИ НА МЕСТО Уапсен 22-годишник од Скопје кој со лудо возење усмрти пешак appeared first on plusinfo.mk.