Градоначалникот на Скопје Орце Ѓорѓиевски порача дека ќе се реши проблемот со дивиот пешачки премин кај Бит Пазар, нагласувајќи дека безбедноста на граѓаните е врвен приоритет и дека „тука нема компромис“.

Според него, постојат две можни решенија – преминот да се легализира согласно законските прописи и да се отстрани натпатникот за да се добие соодветно сообраќајно решение, или натпатникот да стане функционален, а нелегалниот премин да биде затворен.

Ѓорѓиевски најави средби со министерот за внатрешни работи и со градоначалникот на Чаир, Изет Меџити, со цел да се најде решение за ситуацијата, откако вчера градските власти не успеаја да го затворат преминот поради протест на граѓани и дуќанџии.

– Граѓаните сакаат ред во главниот град. Логично е да има одреден отпор, но Градот постапува според законот. Законите и правилата мора да важат еднакво за сите – изјави Ѓорѓиевски.

Тој посочи дека во изминатиот период до него пристигнале повеќе од сто барања од граѓани загрижени за безбедноста на оваа локација.

– Нема да си дозволам да носам некого на душа. Таму има факултет, минуваат деца, а и јас со семејството се движам таму. Безбедноста на граѓаните е најважна – нагласи градоначалникот.

Според него, долгогодишната пракса граѓаните да го користат дивиот премин е резултат на систем кој со години дозволувал таква состојба.

ГРАЃАНИ СО ПРОТЕСТ „ОДБРАНИЈА“ НЕЛЕГАЛЕН И НЕБЕЗБЕДЕН ПЕШАЧКИ ПРЕМИН КАЈ БИТ ПАЗАР Сообраќајот на кратко беше блокиран, интервенираше полицијата

The post ГРАДОНАЧАЛНИКОТ ЃОРЃИЕВСКИ НЕ СЕ ОТКАЖУВА Ќе го решиме проблемот со дивиот пешачки премин кај Бит Пазар appeared first on plusinfo.mk.

Граѓанин во скопски Аеродром утринава ползејќи помина на пешачки премин. Снимката ги разбуди коментарите на социјалните мрежи.

The post 📽️ ПОЛЗЕШЕ НА ПЕШАЧКИ ПРЕМИН ВО АЕРОДРОМ Необична снимка кружи по социјалните мрежи appeared first on plusinfo.mk.

Јавен обвинител од Основното јавно обвинителство Скопје поднесе Обвинителен акт против 37-годишен скопјанец за – Тешки дела против безбедноста на луѓето и имотот во сообраќајот согласно член 300 став 2 во врска со член 297 став 1 од Кривичниот законик.

На обвинетиот му се става на товар дека на 03.11.2025 година, околу пладне, управувал автомобил „фолксваген пасат“ по булеварот Гоце Делчев во Скопје, но не се придржувал кон прописите и со тоа го загрозил јавниот сообраќај и го довел во опасност животот на луѓето.

Пред крстосницата со улицата Лазар Личеноски, на пешачки премин не ја намалил брзината и возел 53 км/час, односно повеќе од дозволеното во населеното место. Не можел навремено да запре и со предниот дел од возилото удрил во велосипед кој поминувал по пешачкиот премин. Од ударот, велосипедистот Јорго Ќука се здобил со тешки телесни повреди од кои починал на лице место.

За ова кривично дело е запретена затворска казна од најмалку четири години, односно настанот е квалификуван како најтешко кривично дело од областа на сообраќајот.

The post 4 ГОДИНИ ЗАТВОР МУ СЕ ЗАКАНУВААТ НА ВОЗАЧОТ КОЈ ГО УСМРТИ ЈОРГО ЌУКА Возел со 53 км на час на пешачки премин appeared first on plusinfo.mk.

На социјалните мрежи вечерва се појави снимка на која се гледа како маж лежи на пешачкиот премин ка гимназијата „Јосип Броз Тито“. Некои медиуми тврдат дека лицето било удрено од автомобил.

Се очекуваат повеќе детали од МВР.

The post 📽️ ПЕШАК УДРЕН НА ПРЕМИНОТ КАЈ „ЈОСИП БРОЗ ТИТО“? На социјалните мрежи се појави снимка appeared first on plusinfo.mk.

Возачот кој вчеравечер ја прегази 79-годишна жена во центарот на Скопје е уапсен. Несреќата се случила на пешачкиот премин кај гимназијата „Јосип Броз Тито“, кога џип марка „Фолксваген Тигуан“ со голема брзина удрил во постарата жена, а потоа го напуштил местото на настанот.

Полицијата веднаш започнала потрага и по неколку часа, возилото и возачот биле лоцирани на патот кон Средно Водно.

„Лицето е пронајдено и лишено од слобода. По целосното документирање на случајот ќе биде поднесена соодветна пријава“, потврдија од Министерството за внатрешни работи.

Очевидци сведочат дека жената уредно поминувала по пешачкиот премин кога џипот ја удрил, а возачот без двоумење избегал.

„Сцената беше ужасна, луѓето трчаа да ѝ помогнат, а тој едноставно избега“, изјави една скопјанка која го снимила настанот и видеото го објавила на социјалните мрежи.

Повредената жена е пренесена во Комплекс клиники „Мајка Тереза“, каде што лекарите констатирале тешки телесни повреди. Според сведоци, благодарение на брзата реакција на минувачите и Итната помош, животот ѝ бил спасен.

The post 📽️ УАПСЕН НЕСОВЕСНИОТ ВОЗАЧ Прегази 79-годишна жена и избега, МВР го фати на Средно Водно appeared first on plusinfo.mk.

Според пријавата, несреќата се случила на крстосницата меѓу улиците Борис Кидрич и Благоја Тоска во Тетово. Повредената А.З., била транспортирана во Клиничка болница Тетово, каде што се потврдени телесни повреди.

Полицијата ја започна истрагата и презема мерки за откривање на жената возач и расчистување на случајот. Се очекува дополнителни информации од истрагата која сѐ уште е во тек.

The post ЈА УДРИЛА СО КОЛА НА ПЕШАЧКИ И ИЗБЕГАЛА 18-годишна девојка од Тетово заврши во болница appeared first on plusinfo.mk.

Во 06:55 часот на обележан пешачки премин на улицата Благој Ѓорев во Велес, со патничко возило „киа“ со велешки регистарски ознаки, кое го управувала, удрила во 16-годишник од Велес и го напуштила местото.

Во несреќата со телесни повреди се здобил пешакот, констатирани во болницата во Велес.

Увид на местото извршила увидна екипа од СВР Велес.

The post ТИНЕЈЏЕР Е ТЕШКО ПОВРЕДЕН Велешанка со возило го удрила на пешачки и побегнала appeared first on plusinfo.mk.

Според неговото сведоштво, додека возел велосипед и се обидувал да мине помеѓу автомобили кои чекале на семафорот, д-р Пановски изгубил контрола и паднал пред голем џип.

„Се испружив на асфалтот со рацете напред, а велосипедот остана зад мене. Таман почна да ми тече крв од носот и се подготвував да станам, кога возачот на џипот тргна и ме покри“, опишува тој, додавајќи дека само среќата го спасила од трагичен крај.

Д-р Пановски детално ја опиша драматичната ситуација. Возачот на џипот прво го прегазил задното тркало на велосипедот и рамот, што предизвикало доволен отпор за да го запре возилото.

„Да не почувствуваше отпор и да не закочеше, јас ќе бев смачкан. Шокот беше огромен и за мене, и за него, и за сведоците кои врескаа од пешачкиот премин“, вели тој.

Пановски заврши со повреди, вклучувајќи голем оток на десната потколеница, крварење од носот и болки во колкот и рамото. Сепак, тој успеал да се прибере и покрај случката, продолжил со своите обврски, учествувајќи на седница на Советот на Град Скопје.

Во својата објава, д-р Пановски упати емотивен апел до возачите:

„Кога чекате на семафор, особено ако сте сами во автомобил, немојте да гледате во мобилниот телефон! Гледајте пред вас! Вашето невнимание може да чини нечиј живот – дете, човек, велосипедист, секој може да се најде под вашето возило за секунда.“

Несреќата за него е големо предупредување, кое го сподели за да ја подигне свеста кај возачите за важноста на вниманието и одговорното однесување во сообраќајот.

The post „ВОЗАЧИ НЕ ГЛЕДАЈТЕ ВО МОБИЛЕН, ГЛЕДАЈТЕ ПРЕД СЕБЕ“ Д-р Пановски открива како за влакно избегна фатална несреќа appeared first on plusinfo.mk.

Ова го потврди видео од надзорна камера која заврши во руските медиуми, по што голем број граѓани ги повикаа властите да го идентификуваат дивјакот и веднаш да го уапсат.

Возачот го промашил пешакот за само неколку сантиметри, а откако пешакот емотивно реагирал на искуството кое му го загрозило животот, насилникот го напуштил возилото и му удрил две шлаканици на немоќниот човек.

Потоа му удрил уште два тупаници на човекот откако тој отишол да ја провери регистарската табличка на возилото, а четвртиот удар бил толку силен што кутриот паднал наземи.

Насилникот потоа ја подигнал жртвата од земја, ѝ пружил рака за „помирување“ и заминал во непознат правец.

The post 📽 ЕМ ВИНОВЕН, ЕМ НАСИЛЕН Дивјак претепа немоќен пешак откако ќе го згазеше на пешачки appeared first on plusinfo.mk.

„Полициски службеници на СВР Тетово вчера (12.09.2023) од 09.00 до 14.00 часот спровеле акциска контрола на прекршоци што ги прават пешаците, во која биле откриени и санкционирани вкупно 43 прекршоци (ТЕ-26 и ГВ-17). Најголемиот број од прекршоците (40) се однесувале на непрописно преминување на улици, односно на преминување надвор од обележани пешачки премини, а 3 (ТЕ) на непочитување на светлосна сообраќајна сигнализација на крстосници. При контролата, санкционирани се и 11 (ТЕ) други видови сообраќајни прекршоци.

На 12.09.2023 во периодот од 09.00 до 14.00 часот на подрачјето на СВР Охрид, при преземени сообраќајни контроли, полициските службеници затекнале 39 пешаци кои извршиле небезбедно минување на коловоз, односно преминале улица надвор од обележан пешачки премин (Охрид-14, Струга-15, Кичево-07, Дебар-03). Против нив се поднесени соодветни платни налози“ – стои во известувањето од МВР.

The post ПЕШАЦИТЕ ГИ ПРОМАШУВААТ ПЕШАЧКИТЕ ПРЕМИНИ За пет часа изречени 82 казни! appeared first on plusinfo.mk.