СДСМ ги избрка младите од државата и денес со своите настапи повторно се обидува да шири безнадежност, додека Владата враќа надеж и перспективи, рече денеска на прес-конференција Тодор Конески, член на ИК на УМС.

Тој ја оцени последната прес-конференција на СДСМ како продолжение на, како што наведе, деструктивна политика која кај младите создава апатија и чувство дека нема иднина.

Во својот настап, Конески обвини дека СДСМ заедно со ДУИ во изминатите години создале систем со партизација, корупција и нарушена доверба во институциите, што, според него, придонело голем број млади да ја напуштат државата.

– Последната прес-конференција на СДСМ е уште еден пример на неодговорна и деструктивна политика насочена кон ширење на апатија, безнадежност и чувство на безперспективност кај младите – рече Конески.

Тој додаде дека наместо самокритика, опозицијата продолжува со, како што го нарече, наратив на страв и безизлезност.

– Со своите политики ги избркаа младите од Македонија – нагласи тој, обвинувајќи дека СДСМ денеска продолжува да ја засилува таа состојба преку политичка реторика.

Конески, од друга страна, ја пофали актуелната власт, тврдејќи дека се работи на создавање услови за останување и развој на младите преку образование, економска поддршка и можности за самостојно живеење.

– Ние ги повикуваме младите да останат дома, да ја сакаат и да ја градат сопствената држава – порача тој, додавајќи дека целта е создавање генерација што ќе придонесува за развој и конкурентност на државата.

На крајот Конески оцени дека разликата меѓу политичките пристапи е суштинска, нагласувајќи дека младите заслужуваат држава што ќе им даде причина да останат, а не, како што рече, држава на политички злоупотреби и страв.

The post СДСМ ГИ ИЗБРКА МЛАДИТЕ И ПРОДОЛЖУВА ДА ШИРИ БЕЗНАДЕЖНОСТ Од друга страна, оваа Влада ја враќа перспективата appeared first on plusinfo.mk.

Во последниот период е постигнат значаен напредок во пристапниот процес на Западен Бакан во Европската Унија, а Грција продолжува да ја поддржува европската перспектива на сите земји од регионот. Посебно сум задоволен што европското семејство со соодветна геополитичка важност го третира пристапот на Западен Балкан кон Европа, порача грчкиот премиер Кирјакос Мицотакис од Тирана пред почетокот на Самитот ЕУ-Западен Балкан, јави дописничката на МИА од Атина.

Тој изрази задоволство што Самитот за првпат се одржува во земја кандидат за членство и потсети дека пристапниот процес за регионот започна во Солун во 2003 година.

Се осврна и на средбите што ќе ги има со албанскиот државен врв, посочувајќи дека е прва посета на грчки премиер на Албанија од 2009 година, а паралелно изрази жалење што поради лошите временски услови е одложена планираната за утре, посета на албанските градови во кои живее грчко малцинство.

Одговарајќи на новинарско прашање за дијалгот Белград – Приштина, рече дека ја сфаќаат сложеноста на темата, но додаде дека „исто така разбираат дека ако не се реши прашањето, за чие решение ќе треба и двете страни да отстапат еден чекор, тогаш ќе биде тешко да се постигне неопходиниот напредок за целосна интерација на Западен Балкан во европското семејство”. с

The post НИЕ СТОИМЕ ЗАД ЗАПАДЕН БАЛКАН Мицотакис истакна поддршката на регионот на патот кон ЕУ appeared first on plusinfo.mk.