Американскиот државен секретар Марко Рубио порача дека САД не сакаат договор со Иран по секоја цена, предупредувајќи дека премногу компромиси би можеле да доведат до „тотален хаос“ во чувствителниот регион околу Ормускиот Теснец.

Зборувајќи за време на турнејата низ земјите од Персискиот Залив, Рубио во Бахреин истакна дека Вашингтон останува отворен за договор, но не по цена што би ја загрозила глобалната безбедност и слободата на поморскиот сообраќај.

– Дури и ако сакаме договор, не сакаме договор по секоја цена – рече Рубио.

Тој се осврна на можните економски мерки поврзани со Ормускиот Теснец, каде што Иран, според наводи, разгледува воведување такси или патарини за премин – потег кој САД категорично го отфрлаат.

– Ако прифатиме дека користењето на меѓународен воден пат може да се наплаќа само затоа што е блиску до нечија територија, тоа би можело да се прошири како глобален преседан – предупреди Рубио.

Во меѓувреме, Корпусот на Исламската револуционерна гарда претходно предупреди дека секое неовластено поминување низ Ормускиот Теснец ќе биде санкционирано, што дополнително ја зголемува тензијата во регионот.

Ормускиот Теснец останува клучна точка на несогласување меѓу Техеран и Вашингтон, особено по неодамнешните воени и политички тензии.

Според наводи на француски медиуми, во рамки на договорот за завршување на конфликтот било предвидено комерцијалниот бродски сообраќај низ теснината да биде слободен, но само во ограничен временски период од 60 дена.

The post РУБИО СО ОСТРА ПОРАКА ДО ИРАН Америка нема да прифати договор по секоја цена appeared first on plusinfo.mk.

Во тек е план за евакуација на околу 11.000 морнари и стотици бродови кои се заглавени во Персискиот Залив, со цел тие безбедно да го продолжат својот транзит низ Ормускиот Теснец, по постигнатиот договор за прекин на огнот меѓу Иран и САД, соопшти денеска поморската агенција на Обединетите нации.

Портпаролот на Меѓународната поморска организација (International Maritime Organization) изјави дека е започнат процесот на комуникација со бродовите.

– Почнавме да воспоставуваме контакт со бродовите за да ја започнеме евакуацијата – изјави тој, без да наведе временска рамка.

Од организацијата посочуваат дека се обезбедени безбедносни гаранции и дека се проверени условите за безбедно одвивање на поморскиот сообраќај.

– Оваа обемна операција ќе биде спроведена во тесна соработка со Иран, Оман, сите други крајбрежни држави во регионот, Соединетите Американски Држави и поморската индустрија – изјави генералниот секретар на ИМО, Арсенио Домингез.

Оманското Министерство за одбрана соопшти дека процесот, за кој се разговара со месеци, ќе се одвива во повеќе фази.

„Со оглед на зголемениот ризик од судири во сегашните услови, потребна е постепена и контролирана евакуација на бродскиот сообраќај“, се наведува во соопштението.

Министерството додава дека постојната шема за одвоени пловни правци во моментов не е безбедна, поради што за евакуацијата би можеле да се користат две привремени рути – северна и јужна.

„Со секој брод ќе биде воспоставен поединечен контакт и тој ќе биде известен за денот што му е определен за транзит“, се наведува понатаму.

Шемата, усвоена од ИМО во 1968 година, воспоставува организирани пловни правци низ иранските и оманските води во Ормускиот Теснец.

Пловечките мини и натаму се сметаат за една од најголемите безбедносни закани во овој регион.

The post ГОЛЕМА ПОМОРСКА ОПЕРАЦИЈА ВО ПЕРСИСКИОТ ЗАЛИВ Над 11.000 морнари од стотици бродови чекаат излез од Ормускиот Теснец appeared first on plusinfo.mk.

Иран и Оман треба заеднички да одлучуваат за управувањето со Ормускиот Теснец, еден од најважните поморски коридори во светот, изјави министерот за надворешни работи на Иран, Абас Арагчи.

Според него, двете земји имаат природно право да ги носат клучните одлуки бидејќи единствени граничат со Теснецот низ кој минува голем дел од светската трговија со нафта.

„Конечниот збор е наш“

Арагчи изјави дека Техеран ќе продолжи да разговара со другите земји од Персискиот Залив за прашањата поврзани сот Теснецот.

Сепак, нагласи дека конечните одлуки за неговото управување треба да ги носат Иран и Оман.

– Како држави што граничат со Ормускиот Теснец, имаме природно право да ги координираме и носиме одлуките поврзани со неговото управување – порача Арагчи.

Фокусот е на безбедноста на пловидбата

Шефот на иранската дипломатија рече дека двете земји работат на обезбедување безбедно движење на бродовите низ теснецот.

Тој нагласи дека тоа треба да се прави во согласност со меѓународното право и правилата за поморски сообраќај.

Ормускиот Теснец е клучна поморска рута што ги поврзува Персискиот Залив и Оманскиот Залив. Низ него секојдневно минува значителен дел од глобалниот извоз на нафта и течен природен гас.

Порака и за внатрешната политика

Во истото интервју Арагчи се осврна и на состојбите во Иран.

Тој изјави дека комуникацијата со врховниот лидер Моџтаба Хамнеи се одвива непречено и дека неговите насоки навреме се пренесуваат до државните институции.

Според Арагчи, постои широк национален консензус околу државното раководство и работите се движат во добра насока.

The post ЕМ ИРАН, ЕМ ОМАН ВО ТЕСНЕЦОТ Со Ормуз ќе раководат две држави, вели Арагчи appeared first on plusinfo.mk.

Иранската Револуционерна гарда соопшти дека во изминатите 24 часа дозволила минување на 33 бродови низ Ормускиот Теснец, еден од најважните поморски коридори во светот преку кој се транспортира значаен дел од глобалната нафта.

Според иранските власти, низ теснецот поминале нафтени танкери, контејнерски и други товарни бродови, откако, како што се наведува, добиле одобрение и безбедносна придружба од морнаричките сили на Револуционерната гарда.

Информацијата доаѓа во период на спротивставени тврдења за состојбата во Ормускиот Теснец, откако висок ирански извор за Си-ен-ен изјавил дека клучната поморска рута повторно е отворена, но дека движењето на бродовите сè уште бара координација со Техеран.

Си-ен-ен, повикувајќи се на податоци од системот „МаринТрафик“, наведува дека дел од бродовите навистина се движат низ теснецот, но дека сообраќајот останува значително намален во споредба со периодот пред ескалацијата на конфликтот.

Американскиот претседател Доналд Трамп изјави дека Ормускиот Теснец „ќе биде отворен“ како дел од договор меѓу САД и Иран, без да прецизира кога и во кој обем ќе се нормализира пловидбата.

Во меѓувреме, иранските државни медиуми пренесуваат различни сигнали за идниот режим на движење низ теснецот. Агенцијата Тасним наведува дека ситуацијата „нема да се врати на состојбата пред војната“, додека државната телевизија ИРИБ објави дека околу 240 бродови во моментов чекаат дозвола за влез.

Ормускиот Теснец останува една од најчувствителните геостратешки точки во светот, низ која минува значаен дел од глобалните енергетски текови.

The post 33 БРОДОВИ МИНАЛЕ НИЗ ОРМУЗ ЗА 24 ЧАСА Иранската гарда ја контролира пловидбата низ теснецот appeared first on plusinfo.mk.

Иран постигнал договор со Кина за правилата околу Ормускиот Tеснец и веќе почнал да пушта дел од кинеските танкери низ стратешкиот воден пат, објави полуофицијалната иранска агенција Фарс, повикувајќи се на информирани извори.

Според извештајот, одлуката била донесена по барање на кинескиот министер за надворешни работи и кинескиот амбасадор во Техеран. Иран се согласил да го олесни преминот на одреден број кинески бродови во рамки на стратешкото партнерство меѓу двете држави.

Веста доаѓа во момент кога претседателот на САД Доналд Трамп престојува во Кина, каде со Си Џинпинг разговарал за безбедноста на Ормускиот Теснец и за глобалниот енергетски транспорт.

Тивко попуштање на Техеран?

Иран претходно сигнализираше дека неутрални бродови, особено кинески, би можеле да минуваат доколку има координација со иранските вооружени сили. Но, новиот договор се толкува како прв посериозен знак за можно олеснување на кризата во регионот.

Засега не е јасно колку широко ќе се применува договорот и дали ќе важи и за други држави. Но аналитичарите оценуваат дека потегот покажува колку силно Пекинг влијае врз Техеран во момент кога енергетските рути се под огромен геополитички притисок.

Една петтина од светската нафта

По нападите на САД и Израел на 28 февруари, Иран значително го ограничи поморскиот сообраќај низ Ормускиот Теснец. Дополнителен удар беше и американската блокада на иранските пристаништа по примирјето на почетокот на април.

Низ Теснецот минува околу една петтина од светската нафта и природен гас, поради што секоја промена во режимот на пловидба веднаш влијае врз глобалните пазари и цените на енергенсите.

Податоците за следење бродови покажале дека кинески супертанкер со околу два милиони барели ирачка сурова нафта успеал да помине низ Ормускиот Теснец откако повеќе од два месеци бил блокиран во Персискиот Залив.

The post ТИВОК ДОГОВОР ЗА ОРМУЗ ДОДЕКА ТРАМП Е ВО ПЕКИНГ Кина доби „виза“ за премин низ Теснецот appeared first on plusinfo.mk.

Обединетите Арапски Емирати тајно извршиле воени напади врз Иран и со тоа од мета станале директен учесник во конфликтот, тврди „Волстрит журнал“.

Весникот, повикувајќи се на извори запознаени со ситуацијата, објави дека нападот бил извршен врз рафинерија на иранскиот остров Лаван.

Пожар што горел со месеци

Нападот се случил на почетокот на април, во периодот кога американскиoт претседател Доналд Трамп зборувал за прекин на огнот по петнеделната воздушна кампања.

Според изворите, нападот предизвикал голем пожар.

Дел од капацитетот на рафинеријата со месеци останал надвор од употреба.

2.800 испукувања кон Заливот

Иран подоцна соопштил дека рафинеријата била погодена од „непријателски напад“.

Потоа започнале масовни ракетни и беспилотни напади врз ОАЕ и Кувајт. Според „Волстрит журнал“, Емиратите досега биле цел на повеќе од 2.800 ирански дронови и ракети.

Тоа е повеќе од која било друга држава во регионот, вклучително и Израел.

„Активен играч“

Емиратите досега јавно не признале дека стојат зад нападите.

Но, според весникот, со тој потег монархијата од Заливот практично влегла во војната како активен играч.

The post ТАЈНО ГО НАПАДНАЛЕ ИРАН И СТАНАЛЕ ИГРАЧ ВО ВОЈНАТА? Емиратите гаѓале рафинерија во април appeared first on plusinfo.mk.

Барањата на Иран се „дарежливи и одговорни“, а не претерани, му одговори портпаролот на иранското Министерство за надворешни работи Есмаил Багеи на претседателот на САД Доналд Трамп.

Претхдно  Трамп го отфрли мировниот предлог на Техеран како „целосно неприфатлив“.

Кавгата избувна откако Иран претходно отфрли план на Трамп за крај на војната, тврдејќи дека таквиот договор би значел „покорување“ пред Вашингтон.

„Нашите предлози се дарежливи“

Портпаролот на иранското МНР денеска изјави дека Техеран со предлогот до САД се обидувал да ги обезбеди своите основни права.

„Нашето барање е легитимно. Бараме крај на војната, крај на блокадата и крај на пиратеријата, како и ослободување на иранските средства што банките неправедно ги замрзнаа под притисок на САД“, рече Багеи.

Тој тврдеше дека Иран понудил „дарежливи и одговорни“ решенија за стабилизирање на регионот.

Според иранските медиуми, Техеран бара исплата на штетите од воените операции, укинување на санкциите и прекин на американската поморска блокада.

„Ормускиот Теснец е јадрото“

Иран инсистира и на нов безбедносен поредок во регионот.

Багеи изјави дека обезбедувањето слободен премин низ Ормускиот Теснец и стабилноста во Либан биле клучен дел од понудата на Техеран.

– Сметаме дека ова е дарежлива и одговорна понуда за регионална стабилност – порача портпаролот.

Во Вашингтон, пак, овие барања ги гледаат како обид Иран да диктира услови по судирите во Персискиот Залив.

„На работ на нов конфликт“

Дипломатската војна меѓу Техеран и Вашингтон продолжува додека тензијата околу Ормускиот Теснец дополнително расте.

Американската администрација досега ги отфрлаше иранските услови, а ситуацијата во регионот останува нестабилна по серијата инциденти во Заливот.

Судирот околу санкциите, блокадите и контролата на стратешките поморски рути повторно ја турна кризата во опасна фаза.

The post „НИЕ СМЕ ВСУШНОСТ ВЕЛИКОДУШНИ“ Иран му возврати на Трамп по жестоката порака appeared first on plusinfo.mk.

Данската бродска компанија „Маерск“ соопшти дека еден од нејзините бродови, „Алијанс Ферфакс“ под американско знаме поминал низ Ормускиот Теснец под американска придружба.

„Алијанс Ферфакс“, превозник на автомобили под американско знаме, управуван од „Фарел Лајнс“, подружница на „Маерск“, го напушти Персискиот Залив на 4 мај, соопшти „Маерск“.

Транзитот беше без инциденти и сите членови на екипажот се безбедни, се додава во соопштението.

Американската морнарица вчера ја почна операцијата „Проект Слобода“, чија цел е да ги ослободи бродовите кои над 2 месеци се вкотвени во Перскискиот Залив, откако Иран го блокираше Ормускиот Теснец.

The post БРОД ИСПЛОВИ НИЗ ОРМУСКИОТ ТЕСНЕЦ ПОД АМЕРИКАНСКА ПРИДРУЖБА Транзитот помина без инциденти appeared first on plusinfo.mk.

Персискиот Залив ќе има „светла иднина“ без присуство на САД, изјави врховниот лидер на Иран, ајатолахот Моџтаба Хамнеи, во писмено обраќање пренесено од британските медиуми, повикувајќи се на иранската државна телевизија.

Новото поглавје во историјата почна да се пишува за Заливот и Ормуската Теснина откако САД и Израел ја започнаа својата војна со Иран на 28 февруари оваа година, наведе ајатолахот.

Хамнеи рече дека Техеран ќе ја обезбеди безбедноста на регионот на Персискиот Залив и ќе ги елиминира „злоупотребите на водниот пат од страна на непријателот“.

Врховниот лидер додаде дека новото управување со Ормуската Теснина ќе донесе мир, напредок и економски придобивки за сите земји од Заливот

The post ПЕРСИСКИОТ ЗАЛИВ ЌЕ ИМА СВЕТЛА ИДНИНА БЕЗ ПРИСУСТВОТО НА САД Уште една писмена изјава на ајатолахот Хамнеи appeared first on plusinfo.mk.

Претседателите на Владимир Путин и Доналд Трамп разговарале телефонски околу час и половина, соопшти советникот на Кремљ, Јуриј Ушаков.

Разговорот бил инициран од руската страна, а во фокусот биле безбедносните случувања на Блискиот Исток, како и неодамнешниот обид за атентат врз американскиот претседател.

Според Ушаков, Путин остро го осудил нападот врз Трамп и изразил поддршка за американскиот лидер.

Двајцата лидери разговарале и за ситуацијата во Иран и регионот на Персискиот Залив, при што Москва нагласила дека ги продолжува контактите со сите клучни актери.

– Русија ги продолжува активните контакти со Иран и земјите од Персискиот Залив, Израел и САД – изјави Ушаков, додавајќи дека Путин смета оти продолжувањето на прекинот на огнот е клучно за стабилизирање на состојбите.

The post ПУТИН МУ СЕ ЈАВИ НА ТРАМП ПО ОБИДОТ ЗА АТЕНТАТ Кремљ откри што си кажале, разговорот траел 90 минути appeared first on plusinfo.mk.