Македонците кои работат во Германија како и сите работници во оваа земја ќе изгубат повеќе привилегии, ако германската влада го прифати пакетот  од 30 радикални мерки  на тамошната Пензиска комисија.

Со овие мерки се укинуваат две важни привилегии кои ги користат работниците – мини – работните места  и популарната можност за предвремено пензионирање на 63 години т.н. „мит за Ренте 63“.

Покрај тоа, новиот усвоен план носи драстично продолжување на работниот век, па затоа границата за задолжително пензионирање прво ќе се помести на 69 години, а на крајот луѓето ќе мора да работат до неверојатната 70-годишна возраст.

Според предлогот на комисијата, мини-работните места би го изгубиле својот претходен посебен статус, а повеќето работници што ги извршуваат би морале да почнат да плаќаат придонеси за социјално и пензиско осигурување.

Во моментов, мини-работната работа овозможува заработка до 603 евра месечно со минимални бенефиции, поради што многу работници заработуваат речиси иста нето и бруто плата. Оваа погодност е една од причините за големата популарност на оваа форма на работа која овозможува дополнителен приход за семејствата.

Според новите планови, исклучок би останал само за студентите на кои сè уште би им било дозволено да работат во рамките на системот на мини-работни места без дополнителни придонеси, но доколку нивната плата не надминува 603 евра.

Промените најмногу би влијаеле врз работниците во трговијата, угостителството, приватните домаќинства и голем број жени кои работат со скратено работно време. Многу од нив во моментов заработуваат дополнителен приход без значителни одбитоци, а реформата би им го намалила месечниот приход.

Од друга страна, застапниците на реформата тврдат дека работниците би имале корист на долг рок бидејќи би стекнале поголеми индивидуални пензиски права и би обезбедиле постабилна пензија во иднина.

Германските медиуми предупредуваат дека реформата би можела да има несакани последици. Постои страв дека дел од работните места би можеле да завршат во сивата економија, односно непријавена работа, особено во сектори како што се угостителството и домашните работи.

Мини работата во моментов ја користат повеќе од 5 милиони луѓе во Германија, поради што евентуалното усвојување на реформата би претставувало една од најголемите промени на пазарот на трудот во последните години.

За да го наполнат пензискиот фонд, Германија воведува обврска за плаќање придонеси за групи кои досега беа ослободени, но во оваа категорија не се вклучени и државните службеници (т.н. Беамте).

Промена е и тоа што пензискиот систем делумно се свртува кон пазарот на капитал. Дел од парите за старост ќе бидат преместени на берзата за да дејствуваат како финансиски амортизер. Во почетната фаза, еден процентен поен ќе оди на берзата, а трошоците подеднакво ќе ги делат работодавачот и вработениот. Во подоцнежна фаза, се планира скок на два процентни поени.

Покрај другото од 2031 година во германскиот пензиски систем се враќа „факторот на одржливост“ (Nachhaltigkeitsfaktor).

Овој модел директно ја поврзува стапката на раст на пензиите со вкупниот број на луѓе што уплаќаат придонеси. Во пракса, ова значи дека стапката на придонеси ќе се забави, но за возврат, граѓаните ќе добијат значително помал годишен раст на пензиите.

Засега, предлогот е само препорака на пензиската комисија, а германските власти ќе одлучат за евентуалното воведување нови правила во наредниот период.

Се очекува овие предлози официјално да бидат доставени до федералниот канцелар Фридрих Мерц и министерот за труд Бербел Бас.

The post СЕ НАМАЛУВААТ ПРИВИЛЕГИИТЕ НА МАКЕДОНСКИТЕ ГАСТАРБАЈТЕРИ ВО ГЕРМАНИЈА Предложени реформи кои видно ќе го променат пазарот на труд и пензиите appeared first on plusinfo.mk.

Патеката на јавниот долг на Европската Унија би можела да „експлодира“, што би ѝ нанело штета на економијата на Унијата доколку не се преземат мерки за решавање на фискалните притисоци, им беше речено денеска од Меѓународниот монетарен фонд (ММФ) на министрите за финансии на ЕУ.

„Доколку не се контролира, јавниот долг ќе се најде на неодржлива патека. Со непроменета политика, долгот на просечна европска земја би достигнал 130 проценти од бруто-домашниот производ (БДП) до 2040 година, што е речиси двојно повеќе во споредба со денес“, наведе ММФ во документот претставен пред министрите за финансии за време на неформалниот состанок во Никозија, Кипар.

Фондот истовремено предупреди дека владите на ЕУ ќе се соочат со зголемен притисок врз потрошувачката за одбрана, енергетика и пензии во следните 15 години. Експертите на ММФ предложија комбинација од структурни и фискални реформи, заедничко задолжување и фискална консолидација за да се реши ова прашање, пренесува „Политико“.

„Пристапот на снаоѓање од денес за утре, кој многу земји досега го применуваа, ги достигнува своите граници и се чини дека е неопходен стратешки одговор за да се реагира на растечките притисоци врз потрошувачката“, додадоа од ММФ.

Претставниците на Европскиот суд на ревизори исто така им пренесоа на министрите за финансии дека пасивноста не е опција, истакнувајќи ја потребата од мерки за фискална консолидација.

Во документот на ММФ се повикуваат земјите од ЕУ да ги поттикнат трудот и вработувањето ширум блокот од 27 земји, да го поедностават текот на заштедите на граѓаните во инвестиции, да ги интегрираат енергетските пазари и да спроведат проекти отпорни на климатските промени. Како што се наведува, пензиските реформи и повисоката старосна граница за пензионирање исто така би помогнале.

ЕУ би требало да се согласи дека иновациите, енергетиката и одбраната се јавни добра и дека треба да се финансираат со заедничко задолжување, се додава во документот. ЕУ остана во ќор-сокак по прашањето за идејата за поделба на долгот со цел да се отклучат дополнителни средства, при што некои земји како Шпанија, Италија, Грција или Франција силно ја поддржуваат таа иницијатива, додека други, како Германија, се против.

– Соочени сме со нови и постојани потреби за потрошувачка – изјави комесарот на ЕУ за економија, Валдис Домбровскис, на прес-конференцијата по состанокот на министрите за финансии. Тој додаде дека, во исто време, расположливиот фискален простор е веќе ограничен, нивоата на долг се високи, а стареењето на населението дополнително ги влошува предизвиците.

– Ова не е апстрактен проблем. Тоа е многу конкретен и итен политички предизвик со кој се соочуваме овде. Накратко, решението е поголем раст и подобра потрошувачка – рече Домбровскис.

Тој додаде дека заедничкото задолжување е веќе реалност, бидејќи на тој начин се финансирани проектите за зајакнување на одбранбените капацитети на ЕУ, како и заемот за поддршка на Украина.

The post ПОЛИТИКАТА ОД ДЕНЕС ЗА УТРЕ ГИ ПРЕМИНА ГРАНИЦИТЕ Јавниот долг на ЕУ може да експлодира, ММФ ги искара министрите за финансии appeared first on plusinfo.mk.

The post ДРЖАВАТА ДА ГО СТИМУЛИРА ПЛАЌАЊЕТО ПРИДОНЕСИ ЗА ДА ИМА СТАБИЛЕН ПЕНЗИСКИ ФОНД Мемов убедува дека државата нема да дозволи да не се исплаќаат пензиите appeared first on plusinfo.mk.

Владата не размислува да го прифати предлогот на Фискалниот совет за зголемување на старосната граница за пензионирање и зголемување на стапката на придонесите, бидејќи состојбата во Пензискиот фонд се стабилизира, а во иднина ќе почне и исплатата на пензии од вториот столб, изјави премиерот Христијан Мицкоски денеска по седницата на Економско социјалниот совет.

– Состојбата во Пензискиот фонд е стабилна, а буџетската дупка во Фондот ќе биде таква сѐ додека поробустно не почне да се реализира вториот пензиски фонд. Очекувам тоа да се случи за 6 до 7 години. Она што го предложи Фискалниот совет како алатка го имаме и сега, но не размислуваме за нивна употреба – рече Мицкоски.

Тој рече дека Владата не размислува ниту за реформа на трите пензиски столба иако има различни гледања за решавање на прашањето на дупката во Фондот преку национализација на вториот столб.

– Има различни мислења за вториот столб и во мојата партија. Едното е да се продолжи вака како што е сега, а второто да се национализира вториот пензиски столб. Во овој момент не преземаме ништо во тој однос, бидејќи очекуваме наскоро да почне да се менува состојбата со дупката во Пензискиот фонд бидејќи како што реков ќе почне исплатата од вториот столб – рече Мицкоски.

Тој потсети дека со Буџетот за 2025 година кој е во собраниска процедура, се предвидени пари за зголемување на пензиите и дека има средства за раст на платите во здравството и во образованието.

The post НЕ ГРИЖЕТЕ СЕ, НЕМА ДА СЕ ЗГОЛЕМИ ВОЗРАСТА ЗА ПЕНЗИОНИРАЊЕ Мицкоски очекува вториот пензиски столб да ја покрие дупката во првиот appeared first on plusinfo.mk.

Вторпат Уставниот совет ја одбива опозицијата да го задржи старото законско решение за старосната граница за пензионирање на 62, а не на 64 години.

Дури и да помине новиот предлог на опозицијата, ќе има долг процес за негово спроведување и нема да го одложи стапувањето во сила на реформскиот закон на претседателот Емануел Макрон.

Уставниот советот утврди дека темата на опозицискиот предлог не е неопходна „реформа во однос на социјалната политика и затоа судиите сметаат дека таа ги исполнува условите“ утврдени со Уставот на Франција.

Опозициските пратеници, главно од левицата, сакаа да започнат сложен процес за ревизија на законот со надеж дека тоа ќе доведе до отфрлање на исклучително непопуларната пензиска реформа на Макрон, што беше усвоена минатиот месец и покрај огромните протести во земјата.

Со предлогот се бараше распишување референдум, а работа на Уставниот совет беше да утврди дали се исполнети законските услови за негово одржување. Доколку одговорот беше позитивен, опозицијата ќе имаше девет месеци да собере доволно гласови за распишување референдум, што е 4,8 милиони гласови или 10 отсто од регистрираните гласачи во Франција.

Сличен предлог опозицијата веќе достави до Уставниот совет, со тоа што сега го смени текстот.

The post ФРАНЦУЗИТЕ ЌЕ МОРА ДА ОДАТ ВО ПЕНЗИЈА НА 64 ГОДИНИ Уставниот суд оцени дека нема услови за референдум appeared first on plusinfo.mk.

Демонстрантите удираа во тенџериња и во други делови од земјата каде што патувале владини претставници, јавија локалните медиуми.

Макрон присуствуваше на церемонијата по повод 175-годишнината од укинувањето на ропството во Франција во Форт де Жук, во близина на границата со Швајцарија, замокот каде што беше затворен и умре најистакнатиот водач на револуцијата на робовите на Хаити, Тусен Лувертур во 1803 година.

Додека полицијата ги спречувала демонстрантите да се доближат до замокот, Макрон застанал во блиската населба Дол за да разговара со Французите на уличниот пазар каде што немало удирање во тенџериња и тави.

Меѓутоа, како што јавија локалните медиуми, мештаните успеале да му ја пренесат на францускиот претседател својата загриженост за промената на законот за пензиско осигурување, поскапувањето на храната и енергијата и влошувањето на здравствената заштита во државните болници.

Макрон на критиките одговори „некои реформи мора да се спроведат, дури и да не се популарни, бидејќи ако тоа не се направи, нема да може да се создаде богатство што би се прераспределило“.

Протести вчера организираше и левичарскиот синдикат ЦГТ.

Десетици демонстранти и членови на синдикатот излегоа на терминалите на парискиот аеродром Шарл де Гол барајќи повлекување на пензискиот закон. Демонстрациите не ги нарушија летовите.

Стотици вработени во државната компанија за електрична енергија „Енедис“ ги паркираа своите сини службени возила пред портите на палатата Версај, во близина на Париз.

Зголемувањето на старосната граница за пензионирање од 62 на 64 години предизвика повеќемесечни насилни протести.

Противниците на законот беа дополнително налутени поради тоа што владата на Макрон во март избра да го искористи специјалното уставно право за спроведување на реформата без парламентарно гласање.

Сите главни француски синдикати планираат да одржат протести низ целата земја на 1 мај, Меѓународниот ден на трудот.

The post НЕКОИ РЕФОРМИ МОРА ДА СЕ СПРОВЕДАТ Макрон ги убедуваше Французите и на уличен пазар за потребата од пензиска реформа appeared first on plusinfo.mk.

Полицијата во главниот град употреби солзавец против демонстрантите и уапси десетици лица. Во другите градови, вклучувајќи ги Бордо, Нант и Рен, исто така се одржаа масовни протести.

Уапсени се повеќе од 80 демонстранти, а повредени се 123 жандарми и полицајци, соопшти министерот за внатрешни работи Жералд Дарманен.

Според податоците на МВР, на протести во земјата излегле 1,9 милиони луѓе. Според главниот синдикат, бројот на учесници во протестите бил 3,5 милиони. Околу 12.000 полицајци беа испратени да го одржуваат редот за време на демонстрациите.

Штрајковите и протестите се претежно мирни со недели, но во последните денови има зголемување на насилството.

Protesters in Paris set off flares and fireworks as police attempted to disperse them with tear gas as demonstrations against France’s pension reform raged on https://t.co/86Wf7lw43C pic.twitter.com/BwVcBEU6Vl

— Reuters (@Reuters) March 22, 2023

“Huge tensions here in Paris this evening.”@SkyNewsAdele reports from ongoing protests in Paris over pension reforms and says there have been ‘violent clashes with police’. https://t.co/2QpnWzBUWz

Sky 501, Virgin 602, Freeview 233 and YouTube pic.twitter.com/WqGyqLW1RC

— Sky News (@SkyNews) March 23, 2023

The post (ВИДЕО) ВО ПАРИЗ СОЛЗАВЕЦ И СУДИРИ СО ДЕМОНСТРАНТИТЕ Ескалираа протестите против пензиските реформи appeared first on plusinfo.mk.