Премиерот Христијан Мицкоски од Меморијалниот центар АСНОМ во Пелинце порача дека денешна Македонија не е државата за која сонувале илинденците и асномците, но дека токму тоа е историската задача на сегашната генерација – да ја врати таквата татковина. Во обраќањето по повод Денот на Републиката, тој оцени дека оваа генерација ја води „последната битка за иднината на државата“ и дека нема право на неуспех.

„Народ што живее само од својата историја полека почнува да ја губи својата иднина. Но, народ што ја почитува својата историја, а храбро ја создава својата иднина, тој народ никој не може да го запре“, рече Мицкоски.

Тој додаде дека верува оти токму битката на денешната генерација е „последната надеж за иднината на државата“ и нагласи дека не смее и не може да се потфрли.

Секоја генерација има свој Илинден

Премиерот истакна дека секоја генерација има свој Илинден и своја историска мисија. Според него, ако претходните генерации се бореле за слобода и за создавање држава, денешната има задача да ја зачува Македонија силна, праведна и просперитетна, да ја направи земја во која луѓето ќе сакаат да останат, да работат, да создаваат семејства и да ја градат својата иднина.

Осврнувајќи се на политичките состојби, Мицкоски рече дека Владата чекор по чекор ја враќа довербата кај граѓаните и создава примери во кои Македонија победува. Тој потсети дека пред само неколку години државата била под силно влијание на интересите на политичките елити, додека денес тие сили се во опозиција и се соочуваат со сопствени поделби.

Никогаш веќе предавства на националните интереси

Во говорот премиерот упати и остри критики кон политичките противници, обвинувајќи ги дека до власта доаѓале преку отстапки и предавства на националните интереси. Порача дека никогаш нема да прифати нови отстапки во прашањата што го блокираат македонскиот пат кон Европската Унија и дека нема да го разочара народот со политики какви што, според него, се воделе во минатото.

Мицкоски оцени дека наместо натпревар на идеи, во јавноста се создава атмосфера на дефетизам, цинизам и омраза кон секој успех на државата. Тој ги повика граѓаните да не подлегнуваат на таквата атмосфера и нагласи дека обврска на сегашната генерација е да ја врати вербата во институциите, достоинството на чесниот човек и надежта како двигател на општеството.

Поопасен од секоја криза е моментот кога еден народ ќе престане да верува во себе, рече Мицкоски и нагласи дека нивна најголема задача во моментов не е само да управуваат со институциите, туку повторно да изградат доверба, чувство дека оваа држава повторно му припаѓа на народот, дека законите важат еднакво за сите.

– Дека чесниот човек нема да биде последен. Дека трудот ќе биде награден. Дека знаењето ќе биде почитувано. Дека младите нема да бидат принудени да ја бараат својата иднина далеку од домот, туку ќе ја гледаат токму овде, во Македонија. И затоа, кога велиме непокор, не мислиме само на непокорот на револуционерите од 1903 година. Мислиме и на непокорот против ваквите луѓе создавачи на тој талог, непокор против криминалот, против неправдата. Непокор против лидерот на опозицијата, кој мисли дека државата е нивен приватен плен. На непокорот против секој обид да се обесхрабрат чесните луѓе. На непокорот против секој што сака да ја убие вербата дека Македонија може да успее. Затоа што вистинскиот непријател на секоја држава не е само оној што ја напаѓа однадвор – рече Мицкоски во обраќањето во Пелинце.

АСНОМ не е само датум, туку завет и карактер

Осврнувајќи се на историското значење на празникот, премиерот рече дека Илинден не е само датум, туку завет и карактер. Според него, двата Илиндена – Крушевската Република од 1903 година и АСНОМ од 1944 година – претставуваат единствен историски континуитет во борбата за слободна, достоинствена и своја Македонија.

Тој истакна дека Крушево ја родило идејата дека слободата вреди повеќе од животот, а АСНОМ ѝ дал државотворна форма на таа идеја. Во тој контекст ги издвои Никола Карев и Методија Андонов-Ченто како личности што ги предводеле двата клучни процеса во македонската национална историја.

Според Мицкоски, делегатите на Првото заседание на АСНОМ свесно го поврзале својот проект со Илинденското востание од 1903 година, препознавајќи го како темел врз кој ќе се гради современата македонска држава. Тој нагласи дека историскиот континуитет меѓу двата Илиндена бил јасно вграден во основните документи на АСНОМ.

„Слободата не ни ја донесе никој однадвор“

Премиерот посебно се осврна и на Декларацијата за основните права на граѓаните, усвоена на АСНОМ, оценувајќи дека таа, инспирирана од принципите на Француската револуција, гарантирала слобода на говорот, национална припадност, вероисповед, приватна сопственост и избирачко право, вклучително и правото на глас на жените. Потсети дека автор на документот бил докторот по правни науки Владимир Полежиновски.

Во завршницата на говорот, Мицкоски порача дека македонското народноослободително движење и македонските партизани сами, со сопствени сили, ја ослободиле Македонија во Втората светска војна и со тоа го потврдиле автохтониот и самостоен карактер на македонската државност.

„Слободата на Македонија не ја донесе никој однадвор“, рече премиерот, додавајќи дека државноста е резултат на борбата на генерации познати и непознати борци за слобода.

The post МИЦКОСКИ ОД ПЕЛИНЦЕ • НЕМАМЕ ПРАВО НА НЕУСПЕХ, ОВА Е ПОСЛЕДНАТА БИТКА ЗА МАКЕДОНИЈА Сегашната генерација има свој Илинден – да ги врати вербата, достоинството и иднината на државата appeared first on plusinfo.mk.

Реката Пчиња се излеа од своето речно корито на подрачјето на кумановското село Пелинце, во близина на Меморијалниот центар АСНОМ, како и на локацијата кај бања Стрновац

Во моментот, излевањето не зафаќа куќи или викендици, информира Центарот за управувањее со кризи.

Дополнително, кај Коински мост е забележано насобирање на поголема количина дрвја, кое го отежнува нормалниот проток на реката Пчиња.

Управата за хидрометеоролошки работи информираше дека водостојот на река Пчиња кај Пелинце, утрово е 120 сантиметри, вчера бил 18 што е значително повисоко со тенденција за пораст и три пати поввисоко од просекот за ноември кој изнесува 41 сантиметри.

„За состојбата е навремено известено Водостопанство Куманово, кое ќе постапи согласно своите надлежности“ информира Републичкиот Центар за управување со кризи.

The post ПЧИЊА СЕ ИЗЛЕА КАЈ МЕМОРИЈАЛНИОТ ЦЕНТАР ПЕЛИНЦЕ Коритото е натрупано со дрвја и гранки appeared first on plusinfo.mk.

Потпретседателката на Собранието, Весна Бендевска се обрати од пред Меморијалниот центар АСНОМ од Пелинце, на одбележувањето на 81-годишнината од првото заседание на АСНОМ.

– И годинава, гордо и достоинствено им оддаваме почит на борците на слободна и независна Македонија, на хероите на двата Илиндени кои се жртвуваа, за денес да можеме бидеме свои на своето, да им ветиме дека денешните генерации нема да го заборават заветот што го оставија и да ги насочиме нашите погледи, стремежи од заедничкото минато кон заедничката сегашност и иднина, истакна Бендевска.

Потпретседателката на Собранието се осврна на зборовите на Никола Карев во кои тој се задржува на љубовта кон слободата: Да дадеме клетва дека ќе бидеме достојни на хероите кои загинаа, дека нема да ги изневериме идеалите на Републиката, Македонија слободна ќе биде, незаситноста на богатите нѐ натераа на питачки стап сите и Македонци и Власи и Албанци муслимани со кои од дедо и прадедо живееме како браќа на оваа заедничка земја и се прихрануваме со крвава пот. Ние револуционерите под клетва кренавме пушка и на нашето од крв, црвено знаме запишавме смрт или слобода, ние го кренавме тоа свето црвено знаме и назад враќање нема“.

– Овие два Илиндени се завет дека нема само да се поклонуваме и почитуваме пред саможртвата на сите знајни и незнајни јунаци што ги положија своите млади животи за идејата за македонска држава. Тоа е обврска да го почитуваме нивното дело и ќе продолжиме да го сонуваме нивниот сон, заедно, и обединети. Дозволете во оваа прилика да упатам порака до секој граѓанин, доста беше поделби, доста беше омраза, доста беше нетрпеливост, Македонија во вистинска, буквална смисла на зборот мора да ја вратиме врз крушевските принципи и асномските постулати – рече Бендевска.

Зборувајќи за првото заседание на АСНОМ, потпретседателката на Собранието се осврна на обраќањето на Панко Брашнаров дека „Сите граѓани на Македонија без оглед на нација, пол, возраст ќе застанат под исто македонско знаме и дека Македонија ќе биде слободна држава во која ќе се гарантираат правата на граѓаните“.

– Да се обединиме околу националната платформа за македонско, национално единство, што ќе ги дефинира македонските државни, црвени, национални, линии, затоа што нашиот сон за четврти Илинден е Македонија слободна, развиена, рамноправна, европска земја-членка. А, за да го постигнеме тоа, за да влеземе во Европа со дигната глава со заштитен национален идентитет, вековна историја, богата традиција и вонредно значаен македонски јазик, ние мора да се обединиме и да кажеме -да подготвени сме да го организираме четвртиот Илинден во име на сите жртви, во има на Крушево и во име на АСНОМ – рече Бендевска.

The post БЕНДЕВСКА ОД ПЕЛИНЦЕ ПОВИКА НА ОБЕДИНУВАЊЕ „Македонија да ја вратиме врз крушевските и асномските постулати“ appeared first on plusinfo.mk.

Поради зголемениот број патувања за време на летните одмори, забележана е поголема фреквенција на возила на граничните премини Табановце и Пелинце, информира Авто-Мото Сојузот на Македонија (АМСМ). Времето на чекање на овие премини е околу 45 минути. На останатите гранични премини, не се бележат подолги задржувања.

Од АМСМ апелираат до возачите да ја прилагодат брзината на движење, строго да ја почитуваат сообраќајната сигнализација и да возат внимателно, особено на делниците низ котлини, речни долини и клисури каде постои опасност од одрони. Најризични се делниците: Катланово – Велес, Маврово – Дебар – Струга, Виница – Берово и Кочани – Делчево.

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури. И то петок од 17:00 – 22:00 часот, сабота од 09:00 до 18:00 часот и недела од 09:00 до 22:00 часот.

Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.

Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со ЈП за Државни патишта.

The post ПО 45 МИНУТИ СЕ ЧЕКА НА ТАБАНОВЦЕ И НА ПЕЛИНЦЕ Колони возила за влез и излез во Македонија appeared first on plusinfo.mk.

Денеска (21.07.2025) од 10 до 15 часот ќе биде затворен сообраќајот на регионалниот пат Куманово – граничен премин Пелинце, соопшти АМСМ.

Сообраќајот ќе биде во прекин на потегот од раскрсница за селото Драгоманце до Меморијалниот центар АСНОМ во Пелинце.

Прекинот е поради одржување велосипедска трка.

The post ЗАТВОРЕН ПАТОТ ОД КУМАНОВО КОН ГРАНИЧНИОТ ПРЕМИН ПЕЛИНЦЕ Се одржува велосипедска трка appeared first on plusinfo.mk.

Центарот за управување со кризи (ЦУК) информира дека денеска во 14:16 часот на единствениот повикувачки број за итни случаи 112 бил пријавен пожар во село Пелинце, општина Старо Нагоричане, на место викано Мало Миџунци. Според пријавата, била зафатена сува трева и дел од нискостеблеста шума, а пожарот за многу кратко време се проширил и навлегол во селото при што била опожарена една куќа. Дополнително било посочено дека во селото живеат неколку повозрасни лица поради што веднаш била побарана итна интервенција.

Како што наведува ЦУК, по интервенцијата на ТППЕ Старо Нагоричане пожарот за неполн час бил локализиран.

„ЦУК веднаш ги извести надлежните служби: Територијалната противпожарна единица Старо Нагоричане, Дирекцијата за заштита и спасување (ДЗС), Национални шуми – Подружница Куманово. Благодарение на брзата и координирана интервенција, пожарот беше локализиран за неполн час од страна на ТППЕ Старо Нагоричане. Екипите на терен се подготвени за повлекување“, објави ЦУК на Фејсбук.

ЦУК апелира до граѓаните да бидат претпазливи при движење во природа и да не палат оган на отворено со цел спречување на вакви инциденти.

The post ПОЖАРОТ ВО ПЕЛИНЦЕ Е ЛОКАЛИЗИРАН Огнените јазици влегоа и во селото appeared first on plusinfo.mk.

По повод денешниот празник, градоначалникот Тимчо Муцунски на својата фејсбук страна упати честитка до сите граѓани на Република Македонија нагласувајќи дека Илинден е доказ за непопустливиот дух на нашите предци, кои оставајќи зад себе траги на решителност храбро се бореле отворајќи го патот за слобода на Македонија.

„Илинден е повеќе од само историски настан, тој е олицетворение на нашите заеднички вредности и непоколебливата љубов кон нашата татковина. Нека овој ден биде потсетник на нашата колективна сила и генератор на хармонија за нашата нација и напредок на Република Македонија“, истакна Муцунски во својата објава.

The post МУЦУНСКИ ГО ЧЕСТИТАШЕ ПРАЗНИКОТ Илинден е олицетворение на непоколебливата љубов и генератор на напредок во државата appeared first on plusinfo.mk.

Поради сообраќајна незгода од 19:00 часот има привремен прекин на сообраќајот на планинскиот премин Барбадос од Прилеп кон Македонски Брод, информира АМСМ.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post ПО ЕДЕН ЧАС СЕ ЧЕКА НА ТАБАНОВЦЕ, ПЕЛИНЦЕ И НА БОГОРОДИЦА Патот од Прилеп кон Македонски Брод е привремено во прекин appeared first on plusinfo.mk.

Поради појава на магла, намалена видливост има на следниве патни правци: Битола – Прилеп – Плетвар 50 – 100 метри, Кичево – Македонски Брод 50 – 100 метри, Скопје – Куманово 50 – 100 метри, Скопје – Велес 50 – 100 метри, Велес – Катланово 50 – 100 метри, Кочани – Штип 50 – 100 метри и Тетово – Групчин 150 метри.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post НА ТАБАНОВЦЕ СЕ ЧЕКА ОКОЛУ 1 ЧАС ЗА ИЗЛЕЗ ОД ЗЕМЈАВА На Пелинце се чека околу 30 минути appeared first on plusinfo.mk.

Сообраќајот на државните патишта се одвива непречено, по претежно влажни коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево. 

The post НА ТАБАНОВЦЕ И НА ПЕЛИНЦЕ СЕ ЧЕКА ДО 2 ЧАСА Голема гужва за влез и за излез appeared first on plusinfo.mk.