Општина Кисела Вода објави два јавни повика за субвенционирање на набавка на пелети и печки на пелети за домаќинствата од општината. Средствата се обезбедени од Буџетот за 2026 година и ќе се доделуваат по принципот „прв дојден, прв услужен“.

За набавка на пелети е обезбеден буџет од 2 милиони денари, а Општината ќе покрие 50 проценти од трошоците, но не повеќе од 10.000 денари по домаќинство, со вклучен персонален данок. Повикот е отворен до исцрпување на средствата, а најдоцна до 31 октомври 2026 година.

За дополнителни информации заинтересираните можат да се обратат на електронската адреса – kirju.nikoloski@kiselavoda.gov.mk.

Вториот јавен повик се однесува на субвенции за набавка на печки на пелети, за што се издвоени 300.000 денари. Општината ќе рефундира 50 проценти од вредноста на печката, но најмногу 20.000 денари, со вклучен данок.

Право на користење на оваа мерка имаат домаќинства кои претходно не добиле субвенции за печка на пелети или инвертер од кој било државен извор. Повикот ќе трае до 30 ноември 2026 година, односно до исцрпување на средствата. Дополнителни информации се достапни на dalibor.stojanovski@kiselavoda.gov.mk.

Од Општина Кисела Вода информираат дека за двата јавни повика можат да аплицираат домаќинства кои не се приклучени на системот за централно греење. Ќе се признаваат трошоци за набавки направени од 1 јануари 2026 година до завршување на јавните повици.

Кон барањето задолжително треба да се приложат фискална сметка или фактура, како и банкарски извод за извршената уплата. Документите се доставуваат во затворен плик преку Архивата на Општина Кисела Вода, а образците може да се преземат од Архивата или од општинската веб-страница.

Од Општината нагласуваат дека нецелосните пријави и оние доставени по истекот на рокот нема да бидат разгледувани.

The post ОПШТИНАТА ЌЕ ДАВА ДО 50% ОД ТРОШОЦИТЕ Кисела Вода доделува субвенции за пелети и печки appeared first on plusinfo.mk.

Општина Кисела Вода предновогодишно започнува со исплата на субвенции за граѓаните кои аплицираа и ги исполнија критериумите од јавните повици кои беа објавени во изминатиот период. Исплатата, која започнува од понеделник, опфаќа средства за поддршка на граѓаните кои поднеле барања за субвенции за пелети, печки на пелети и огревно дрво. Целта е да се помогне на семејствата кои се соочуваат со финансиски предизвици за одржување на животниот стандард.

– И оваа година продолжуваме со континуираната поддршка за нашите граѓани, бидејќи ја препознаваме важноста на социјалната поддршка, особено за ранливите категории граѓани, и продолжуваме да вложуваме во мерки кои ја олеснуваат нивната секојдневна борба со финансиските предизвици. Овие субвенции, кои се во вкупен износ од околу 4 милиони денари, се наш придонес за подобрување на животниот стандард на граѓаните. Сакам да им се заблагодарам на сите кои аплицираа и сакам да ги информирам дека исплатата ќе започне од понеделник. Продолжуваме да бидеме партнер на нашите жители и заедно со нив секојдневно да го унапредуваме квалитетот на живот во локалната заедница – изјави градоначалникот Орце Ѓорѓиевски.

За субвенционирање и поддршка за кофинансирање за набавка на пелети за домаќинствата на територија на општина Кисела Вода, до комисијата за утврдување на исполнување на условите за доделување на финансиски средства, пристигнале вкупно 301 барање, одобрени се 297, додека четири се одбиени поради некомплетна документација. Финансискиот надомест е во висина од 50%, но не повеќе од 10.000 денари.

За субвенционирање и поддршка за кофинансирање за набавка на печки на пелети за домаќинствата на територија на Општина Кисела Вода, пристигнале вкупно 22 барања, 20 се одобрени, а две се одбиени поради некомплетна документација.

За купување на дрва за огрев за 2024 година на жителите на општина Кисела Вода, пристигнале 278 барања, а одобрени се 249 барања со комплетна документација.

Од Општина Кисела Вода нагалсуваат дека ќе продолжат да вложуваат во проекти и мерки кои имаат за цел директно подобрување на секојдневниот живот на граѓаните.

The post ГРАЃАНИТЕ НА КИСЕЛА ВОДА ЌЕ ДОБИЈАТ ДО 10.000 ДЕНАРИ Прочитајте како можете да аплицирате за субвенции appeared first on plusinfo.mk.

Таков е случајот, како што информира тој на прес-конференција, со пелетите кои се продавале како словенечки, а немале врска со Словенија.

– Пронајдени се пелети декларирани како словенечки, а немаат врска со Словенија. Пакувани се во други држави, а не соодветствува и квалитетот. Граѓаните мора да знаат кога купуваат каде се пелетите произведени и како се пакувани, дури тогаш да одлучат да купат зашто во моментов имаме декларирање А1 класа, која може да е А2 или Б, за индустриска употреба – истакна Трајковски.

The post ВНИМАВАЈТЕ КОГА КУПУВАТЕ ПЕЛЕТИ Декларирани како словенечки, а немаат врска со Словенија appeared first on plusinfo.mk.

Цената на огревното дрво со превоз за втора класа се движи од 3.200 до 3.500 денари за кубен метар и од 4.000 до 4.500 денари за прва класа бука. Цените на дабовото дрво се повисоки за 100 денари. Дел од фирмите кои нудат огревно дрво велат дека не можат да кажат по која цена го продаваат, бидејќи дневно се менуваат цените со оглед дека има мал интерес.

Цената на пелетите, зависно од квалитетот и дали е увозна или од домашно производство. се движи од 199 денари за вреќа од 15 килограми до 405 денари.

Фирмите кои нудат огревно дрво велат дека интересот е многу мал или незначителен, а тоа го поврзуваат со фактот дека граѓаните кои се греат на дрво веќе се иселиле од државата или дека се преориентирале на инвертери или друг огрев.

– Во моментов продажбата на огревно дрво е нула и не можам да кажам која е причината за ваквата состојба? Дали се тоа инвертерите кои ги плаќа државата или граѓаните веќе не мислат дека дрвото е најздраво за греење. Но, мислам дека тука големо влијание има и иселувањето – вели раководителот на „Бено комерц“, фирма која снабдува со огревно дрво.

Според него, ако вака продолжи пласманот на огревното дрво веќе следната година нема да има кој да продава огрев, бидејќи трошоците им растат, а цената на работната рака драстично се зголемува.

– Немаме интерес ако нема продажба. Ние набавуваме дрво преку тендери од Национални шуми по утврдена цена. Секоја година, работниците кои ги ангажираме за сечење и подготовка на дрвото за продажба, си ја покачуваат цената. Но, и така скапи ги нема, бидејќи речиси сите заминаа во странство. Резултатот од сето тоа на крајот ќе биде да се откажеме од продажба на огревно дрво – вели тој.

И фирмите, пак, кои пласираат огревно дрво преку синдикати и пензиски друштва велат дека е намален интересот иако цената на дрвото е пониска од лани кога кубен метар се продаваше и по цена од 5.600 или 6.000 денари.

– Нашето дрво е веќе договорено со синдикални организации кои организираат набавка на дрво за членството. Инаку интересот за огревно дрво во овој период е слаб. Цената е пониска од ланската, ам нма кој да купува. Со превоз кај нас за прва класа дрво цената се движи од 4.200 до 4.500 денари, а за втора класа од 3.200 до 3.500 денари. Цената е за 100 денари повисока кај дабовото дрво. – велат од фирмата Огревно дрво од Крушево.

Национални шуми и годинава го продаваат огревното дрво по ценовникот од пред две години.

Најскапото и најквалитетното дрво – она од даб, се продава по цена од 3.564 денари по кубен метар. Буката има цена од 3.444 денари, јаворот е со цена од 3.204 денари за кубен метар.

За разлика од слабиот интерес за огревно дрво, кај прелетите интересот се зголемува. Годинава цените на пелетите се намалени и почнуваат од 199 денари, па се до 405 денари за вреќа од 15 килограми. Цената зависи и од тоа каде ќе ги купите пелетите.

– Имаме голем интерес за пелети годинава. Обезбедени се доволно количини по поволни цени и се надеваме дека до почеток на сезоната овој интерес ќе се задржи – велат од Пелет центарот во Ѓорче Петров.

Експертите велат дека просечно македонско домаќинство годишно користи од 3 до 10 кубни метри огревно дрво за загревање, или најчесто околу 6 кубни метри. Тоа значи дека зимава домаќинствата ќе потрошат од 19.200 до 21.000 денари ако се греат на буково дрво од втора класа и од 24.000 до 27.000 денари со дрво од прва класа.

Пресметките за потрошувачката на пелети покажуваат за 100 квадратни метри површина во една грејна сезона се трошат околу 3 тони пелети или околу 43.890 денари ако се користат најевтините пелети.

Се смета дека повеќе од 120.000 домаќинства во земјава се греат на дрво, а остатокот на друг вид греење. Речиси 9% се греат на пелети или брикети.

Последните години, поради субвенциите, голем дел од граѓаните од дрво или нафта се префрлија на пелети или на инвертери. Околу 60.000 домаќинства и само во Скопје се греат на парно, а остатокот се греат на електрична енергија.

Во Македонија, според последниот попис, има 598.632 домаќинства и 839.174 станови. Колку од нив се иселени, засега никој не знае.

The post НИКОЈ ВЕЌЕ НЕ САКА ДА КУПУВА ДРВА ЗА ОГРЕВ И ЗА ЏАБЕ Цените паднаа, ама нема ни кој да цепи ни кој да гори – сите се иселија! appeared first on plusinfo.mk.

„Согласно наведените критериуми, субвенционирањето за кофинансирање за набавка на пелети за домаќинствата на територија на Општина Кисела Вода, ќе биде во износ од 50 отсто од вредноста, но не повеќе од 10.000 денари со вклучен персонален данок на доход. Притоа, потребно е да се достави доказ дека е извршено купувањето на пелетите во периодот од 1.1.2024 година до завршувањето на јавниот повик, со приложување на фискална сметка или фактура и извод од деловна банка за извршена уплата во оригинална форма. Јавниот повик ќе трае до исцрпување на предвидените средства во буџетот на Општина Кисела Вода, а најдоцна до 31.10.2024 година“, соопшти Општината.

Во врска со поддршката за набавка на огревно дрво, Општина Кисела Вода ќе субвенционира по 500 денари, со вклучен персонален данок, за секој купен метар кубен дрва за огрев, но до максимална вкупна количина до 10 кубни метри дрва или по 350 денари (со вклучен персонален данок) за секој купен метар просторен дрва за огрев, но до максимална вкупна количина до 14 метри просторни дрва за огрев.

Право на учество за користење на субвенциите за дрвата за огрев ќе имаат граѓаните кои ги купиле во периодот од 1 април, до денот на објавување на јавниот повик.

„И за оваа субвенција ќе биде потребен доказ кој ќе биде доставен во форма на потврда, испратница или останат документ (фотокопија) кој го потврдува купувањето/добивањето на дрвата за огрев, при што за веродостоен ќе биде со датум од 1 април 2024 година и тој ќе се поднесува заедно со потребната документација во затворен плик преку архивата на Општина Кисела Вода до Комисијата за спроведување на постапката. Подетални информации околу субвенциите за набавка на дрво за огрев, заинтересираните можат да добијат на телефонскиот број 02/2785-427“, наведе Општината.

И за двата повика селекцијата ќе се врши по принципот на прв дојден-прв услужен. Целата потребна документација за аплицирање и сите дополнителни информации се достапни на веб страната на Општина Кисела Вода.

The post КИСЕЛА ВОДА ЌЕ ДАВА СУБВЕНЦИИ ЗА ОГРЕВ Општината „ќе чести“ половина од платеното за пелети и до 500 денари за секој кубик дрва appeared first on plusinfo.mk.

ENplus® програмата или шемата за сертификација и класификација на пелети од дрво во изминатите две години добивала зачестени пријавни од граѓани за лажно деклариран квалитет.

Во последната деценија, како што пазарот на пелети рапидно расте на сите континенти, така расте и потребатата за висококвалитетен, доверлив систем за сертификација. Така, неколку европски партнери ги здружија силите во 2011 година за развој на ENplus®, концепт првично дизајниран од Deutsches Pelletinstitut (DEPI).

Сертификатот ENplus® е исто така единствен што систематски го потврдува целиот ланец на снабдување, од раните фази на производство до испораката.

Оттука, тимот на ENplus®  се огласи со следното излагање, со кое пред се сака да ги заштите крајните корисници односно потрошувачите на пелети на нашиот пазар.

The post СЕ ПРОДАВААТ ПЕЛЕТИ СО ЛАЖНО ДЕКЛАРИРАН КВАЛИТЕТ! ENplus ги предупредува потрошувачите да внимаваат appeared first on plusinfo.mk.

Ограничувањето на увозот се воведува за период од 90 дена.

Како што објавија српските медиуми ограничувањето на увозот е донесено на барање на производителите на пелети во Србија.

Од 6 големи фабрики за производство на пелети, само една фабрика работела од почетокот на годинава, додека другите фабрики или не работеле или работеле со прекини.

The post ЗАБРАНЕТ Е УВОЗОТ НА ПЕЛЕТИ ВО СРБИЈА Мерката ја побараа производителите кои се во криза appeared first on plusinfo.mk.

Во однос на цените на горивата, дрвото има предност бидејќи цената на огревното дрво е стабилна. Кај другите горива, како што се природниот гас, нафтата и мазутот, цените се берзански и во некои периоди се многу високи. Истото важи и за цената на електричната енергија на отворен пазар. Покрај тоа, цената на огревното дрво во РМ е релативно ниска, па затоа најголем број граѓани го користат токму тоа гориво. Но на цената на огревното дрво треба да се додадат и трошоците за транспорт, сечење и цепење на соодветни (помали) парчиња.

Околу 10% од шумите во РМ се во приватна сопственост и тоа е причина голем дел од сопствениците на шуми да користат огревно дрво.

Во споредба со другите начини на греење, при користењето на дрвото за огрев има и дополнителни работи, а тоа се: секојдневно носење на дрва до печката, ставање внатре во ложиштето, потпалување секое утро, неможноста за прецизна регулација на собната температура, чистење на пепел и др.

Печките на дрва произведени пред 20 и повеќе години се со неефикасно согорување и треба итно да се заменат. Ова особено се однесува за своерачно (нестручно) направените печки и т.н. ќумбиња. Денес на пазарот има печки со многу поголема ефикасност во споредба со старите.

Некои корисници во домовите имаат вградено отворен камин поради специфичниот амбиент што го посакуваат. Отворениот камин е најнеефикасниот начин за да го загреете домот со огревно дрво, и плус се врши големо загадување на воздухот. Затоа, препорачувам каминот да не се користи како основен начин за греење на домот, туку да се користи само во исклучителни случаи, на пример во празници и сл.

Некои локални самоуправи даваат субвенции на населението за купување на огревно дрво. Оваа практика треба да престане, а субвенциите за греење да се пренасочат во еколошки одржливи решенија.

Користењето на дрвени пелети не е опфатено во овој напис. Тоа е подобро решение отколку класичното греење со дрва во форма на цепеници, но е многу помалку применето од граѓаните најмногу заради повисоката цена.

Бидејќи при согорување на дрвото се постигнува температура од 700 до 1000°C (кај дабот и буката околу 1000°C), штета е дрвото да се користи за греење на простории каде што се бара температура од само 20°C. Топлинската енергија од околу 1000°C може да се користи за производство на електрична енергија во термоцентрали. Но уште подобро, дрвото може да се користи во постројка со комбинирано производство на топлина и електрична енергија (те-то). Овие постројки може да бидат со различен капацитет. На пример за некоја јавна установа (50 до 100 кW), и за топлификација на некоја поголема населба (неколку МW). Притоа може да се користи и отпадно дрво, но проблем е собирањето и транспортот на дрвото до постројките. Во стратегијата за енергетика на РМ е предвидено изградба на те-то од 15 МW на биомаса (дрво) до 2040 година. Според мое лично мислење може да се изградат уште неколку, но со помал капацитет.

Дрвата со подебело стебло нормално е првин да се обработат и користат во градежништво, столарија (врати и прозорци), мебел и др. Неупотребливите остатоци и отпадоци во вид на ситни парчиња (во форма на чипс) треба да се употребат за согорување во те-то постројки и за индустриски намени. На таков начин може да се употребат и отпадоците што се создаваат при сечење на дрвата во шумите, а тоа се сите големи и мали гранки.

Во РМ дрвото е обновлив извор на енергија со исклучок во годините кога има чести и огромни шумски пожари. Тоа значи дека користењето на дрво за огрев може да се користи, но не на начин како што тоа се прави денес. Факт е дека во РМ огревното дрво ќе се користи и понатаму на традиционален начин, но тогаш е пожелно дрвото да биде соодветно исушено и печките да бидат со голема енергетска ефикасност.

На крај да одговорам на прашањето од насловот, „Греење со дрва, да или не?“ Одговорот е: „да и не“.

– „Не“ во градовите бидејќи условите се такви што се создава загадување на воздухот.

– „Да“ ако со употребата на огревното дрво не се загадува воздухот (на пример во рурални средини), а притоа се користи соодветно исушено дрво и квалитетни печки со голема енергетска ефикасност.

– Дрвените пелети се подобро решение во споредба со традиционалното огревно дрво во вид на цепеници.

– Но најцелисходно е дрвото да се употребува во те-то постројки (за комбинирано производство на топлина и електрична енергија).

– Се разбира дека ова важи само, ако во земјата има одржливо управување со шумите.

The post Греење со дрва, да или не? (III дел) appeared first on plusinfo.mk.

The post СОЛИДАРНИОТ ДАНОК ЌЕ ОДИ ЗА СУБВЕНЦИОНИРАЊЕ НА СТРУЈАТА Битиќи вели дека данокот за пелети ќе остане 5% appeared first on plusinfo.mk.

– Како Здружение на потрошувачи сме особено загрижени за последните случувања во поглед на зголемување на цената на пелетите. Владата сака да изврши зголемување на ДДВ-то на овој енергенс од 5 на 18 отсто што неколку месеци пред почетокот на грејната сезона дополнително ќе го оптовари џебот на граѓаните. Нашето Здружение бара додека не е доцна парламентарното мнозинство да го прифати амандманот поднесен од една од пратеничките групи со кој се предвидува за овој енергенс стапката на ДДВ да остане 5 отсто. Доколку не се излезе во пресрет и не се прифати нашето барање ќе протестираме пред Министерството за финансии – велат од Здружението.

Со прифаќање на амандманот, додаваат тие, ќе се излезе во пресрет на над 50.000 домаќинства кои ги користат пелетите за затоплување во зимскиот период и би се заштедиле минимум околу 6.000 денари по домаќинство.

Поскапување на цената од 13 отсто значи плус 2.000-2.500 денари по тон, а секое домаќинство во текот на една грејна сезона троши од три до четири тони пелети.

СЕКОЈА СЕЗОНА СТРЕПАТ КАКО ЌЕ СЕ ГРЕАТ На околу 50.000 домаќинства пелетите им се удрија од џебот

The post ПРОТЕСТИ И ПОРАДИ ЦЕНАТА НА ПЕЛЕТИТЕ Со бунт ќе се брани данокот од 5% за овој енергенс appeared first on plusinfo.mk.