До крајот на неделата Македонија ќе биде под силно влијание на топлотен бран кој ќе ја крене живата во термометарот над 40 степени. Според најновите податоци од Управата за хидрометеоролошки работи (УХМР), времето ќе биде сончево и екстремно топло, со мали до умерени облаци во некои делови од земјата.

Според УХМР, температурите ќе бидат значително над просекот за јули, со екстремни вредности на југот и истокот од државата.

Температурен шок: Еве што нè очекува во следните денови

– Во Скопскиот, Вардарскиот и во југоисточниот регион, температурата може да достигне и до 42°C,

– Во Пелагонија се очекуваат 38 до 40°C,

– Во Полошкиот регион температури од 32 до 38°C,

– Во југозападниот, источниот и во североисточниот регион температури меѓу 34 и 38°C

– Времето ќе биде над просекот за овој период, па властите апелираат на внимание, особено кај постарите лица, хронично болните и децата – велат од УХМР.

Надлежните ги повикуваат граѓаните да избегнуваат престој на отворено во најжешкиот дел од денот, да пијат повеќе течности и да се заштитат од директна сончева изложеност.

Во недела се очекува локална нестабилност со појава на пороен дожд и грмежи, како и пад на температурите. Ова би можело да го означи крајот на жешкиот бран, барем привремено.

ЖЕШТИНАТА МОЖЕ ДА УБИЕ Еве што препорачуваат докторите, не ја игнорирајте оваа листа

The post МАКЕДОНИЈА ВРИЕ, ТЕМПЕРАТУРИ ДО 42°C Пеколно време до сабота, а в недела пороен дожд и грмежи appeared first on plusinfo.mk.

Метеопрогнозерот Славчо Попоски вели дека од утре (четврток) полека во попладневните часови ќе започнат да растат условите за разој на локални грмотевични облаци во Македонија, но најпрвин на повисоките места. Тој додава дека од следната недела ни доаѓа голема температурна промена, односно големо освежување кое ќе донесе дури и потпросечни температури за јули

– Најпрвин условите за ваква појава особено ќе започнат да растат во планинските региони, но и во оние населени места кои се во близина на планините. Од овие грмотевични облаци се очекува локална појава на пороен дожд, грмежи и краткотрајно засилен ветер. Не се исклучува можноста и за краткотрајна појава на невреме, проследено со поројни врнежи од дожд, силни грмежи и електрични празнења, краткотрајно силен ветер и со услови за појава на град. И во делови од Скопскиот регион во четврток попладне ќе има услови за краткотраен пороен дожд, грмежи и засилен ветер – вели Попоски.

Тој посочува дека температурите остануваат екстремно високи и речиси насекаде ќе наминуваат 35 степени, додека во најтоплите централни и југоисточни предели, како и во Скопската котлина тие ќе се искачат до 40 степени, но понекаде тие ќе надминуваат и 40 степени.

Од УХМР најавуваат дека во следните два дена ќе се задржи многу топло време со максимални температури кои го дефинираат портокаловото ниво за опасност од високи температури.

Во петок и за време на викендот во попладневните часови ќе има појава на локален пороен дожд, грмежи и засилен ветер.

Веќе од сабота дневната температура ќе опадне за 3 до 4 степени во споредба со денешната.

The post ДВА ДЕНА ПЕКОЛ, ВИКЕНДОВ ДОЖД, А ПОТОА ГОЛЕМО ОСВЕЖУВАЊЕ! Спасот ќе дојде наредната недела appeared first on plusinfo.mk.

Сите знаци укажуваат на фактот дека до крајот на овој век, популарноста на Медитеранот како дестинација за одмор драстично ќе опадне, а тоа е поради неподносливите горештини. Споменатиот дел од Европа во август ќе биде како во Дубаи.

Негативните трендови се веќе видливи. Грција, на пример, го забележа најраниот топлотен бран во последните две недели, во делови од Каталонија има ограничувања за вода за време на Велигден поради рекордна суша и на Сицилија, каде живата во термометарот достигна рекордни 48,8 степени во 2021 година, деновиве некои угостителски објекти мораа да ги одвратат гостите поради недостиг на вода.

Некои тврдат дека Европа отсекогаш имала сезонски топлотни бранови, но тие никогаш не биле толку интензивни и чести. Според Службата за климатски промени Коперник, десетте најтопли години се забележани од 2000 година. Минатата година температурите низ Европа беа еден степен над просекот и два степени над прединдустриските нивоа.

Питер Стот, поранешен шеф на климатскиот мониторинг во Метеоролошката канцеларија, предвидува дека температурите во Европа наскоро ќе го надминат прагот од 50 степени Целзиусови.

– Ова ќе се случи прво во областите најблиску до Медитеранот бидејќи таму е најсилно влијанието на топлиот воздух од Северна Африка – предупреди тој.

Рози Мемет, докторант и метеоролог на Универзитетот во Ридинг, вели дека ова лето може да донесе повеќе рекордни температури. А со нивниот раст најзагрозена ќе биде јужна Европа.

Стапката на смртност поврзана со топлината на Стариот континент е зголемена за 30 отсто, а подолгите, потопли и суви лета предизвикуваат суши, кои пак влијаат на земјоделството и производството на храна, ја оштетуваат инфраструктурата и ги уништуваат живеалиштата. Средоземното Море се загрева побрзо од глобалниот просек и се предвидува дека до 2100 година ќе се зголеми за еден метар.

Имајќи го предвид сето горенаведено, туристичките дестинации во Медитеранот секако имаат причина за грижа. Бидејќи нивните економии во голема мера се потпираат на туризмот, кој во Хрватска сочинува повеќе од 19,6 отсто од БДП, во Грција 18 отсто, во Шпанија 12 отсто и во Италија 10,5 отсто.

Во иднина туризмот се повеќе ќе се врти кон постудениот север. Документот од 2023 година, нарачан од Европската унија, симулирајќи различни нивоа на затоплување и влијание врз туристичките движења, предвидува јасна шема во промените во туристичката побарувачка, при што северните региони ќе имаат корист од климатските промени, а јужните региони се соочуваат со значително намалување на туризмот.

Овој процес е веќе во тек. Извршниот директор на германската компанија Туи, Себастијан Ебел, изјави дека нивната компанија планира да инвестира повеќе во пакет-тури низ полското Балтичко Море и во Холандија и во Белгија.

The post СЕ БЛИЖИ КРАЈОТ НА ЛЕТУВАЊАТА ВО ГРЦИЈА И МЕДИТЕРАНОТ! Јужна Европа станува пекол, температурите ќе бидат над 50 степени, Балтикот следна дестинација за одмор appeared first on plusinfo.mk.

– Од овој викенд следат вистински летни температури и до 35 степени, придружени со локална попладневна нестабилност и можност за ново невреме, периоди на локална попладневна нестабилност, проследени со пороен дожд, грмежи, засилен ветер, како и со услови за локално невреме во Македонија продолжува и во следниот период – вели метеопрогнозерот Славчо Попоски.

Тој истакнува дека од викендот, па до средината на следната недела под влијание на изразено југозападно струење на висина, температурите значително ќе пораснат и ќе бидат натпросечно високи и летни и ќе се искачуваат во интервалот од 27 до 35 степени. Не се исклучува можноста во овој период температурите да надминат и 35 степени во најтоплите централни и југоисточни предели во земјава.

– Токму поради изразеното југозападно струење на висина, од викендот и тоа од Сахара кон Македонија ќе се врши транспорт на прашина и на песок, па така и атмосферата нема да биде во целост чиста и ќе биде заматена. Во Скопје од викендот температурата значително ќе се покачи и над 30 степени – истакнува Попоски.

Според него, најкритично ќе биде во периодот од 31 мај до 3 јуни кога се очекува циклонска активност над северна Италија. Во тој период, во најголем дел од регионот се очекува многу нестабилно време со честа појава на пороен дожд, грмежи и силен ветер.

– На повеќе места ќе се создадат услови за невреме, проследено со обилни врнежи од дожд, силни грмежи, бурен ветер и силен град. Можни се локални поплави, особено во делови од Словенија, Хрватска, Босна и Херцеговина и на северот на соседна Србија. Препорачуваме крајна внимателност! И во Македонија во овој период локално постои можност за локално невреме, што значи и покрај топлиот бран од Африка, стабилизирање на времето нема да има – заклучува Попоски.

The post ДОАЃА ПРВИОТ ТОПЛОТЕН БРАН! Високи температури и сахарска прашина, ама и услови за невреме appeared first on plusinfo.mk.