Кинеските медиуми внимателно ја следат посетата на рускиот претседател Владимир Путин на Пекинг, која се случи само неколку дена по посетата на американскиот претседател Доналд Трамп на Кина.

– Двете посети се и рационални и нормални. Кина и Русија се соседни земји со одлични односи, а со САД тоа е однос меѓу две големи суперсили. Со Америка, во последните години имаше чувство на некаков вид конфронтација и тензија, додека со Русија ситуацијата беше многу полесна – велат аналитичарите.

Затоа, не е изненадување што извештаите и коментарите за посетата на Путин на Пекинг се „максимално позитивни“.

На рускиот претседател му била укажана највисока чест. На аеродромот го пречекал кинескиот министер за надворешни работи, а во негова чест на плоштадот Тјенанмен бил организиран и топовски поздрав.

– Му доделија автомобил со регистарска табличка 888 во Пекинг. Осумката е среќен број во Кина и тоа има силна симболика. Во кинеските медиуми посебно внимание привлече и моментот кога Путин го соблече сакото при влегувањето во автомобилот, иако времето не било топло. Аналитичарите оценуваат дека со тоа сакал да покаже колку е опуштен и сигурен во односите со Кина – наведуваат експерти.

 

View this post on Instagram

 

A post shared by 鳳凰資訊 PhoenixTVNews（凤凰资讯） (@phoenixtv_news)

Дополнително внимание привлекла и средбата со Пенг Паи – момчето на кое Путин му пришол и му дал бакнеж за време на посетата на Кина во 2000 година.

– Тој момент со години се споменува како симбол на блиските односи меѓу Кина и Русија. Кинеските медиуми дури го пронајдоа Пенг Паи, кој денес е возрасен човек, и организираа повторна средба со Путин – посочуваат аналитичари.

Посетата, иако траела само еден ден, била оценета како исклучително значајна. Путин во Пекинг пристигнал со делегација составена од пет вицепремиери и осум министри.

Во пресрет на посетата, рускиот претседател објавил и видео на социјалните мрежи во кое зборува за важноста на односите меѓу Кина и Русија.

– Пораката беше дека партнерството меѓу Москва и Пекинг не е ексклузивно, туку дека двете земји сакаат да вклучат и други држави во модел на соработка што Кинезите често го нарекуваат „win-win“ – велат аналитичарите.

Светските медиуми оценуваат дека посетата на Путин, само неколку дена по посетата на Трамп, дополнително ја покажала геополитичката тежина на Кина и улогата на кинескиот претседател Си Џинпинг.

Лондонскиот весник „The Economist“ објави дека за време на прошетка низ градините на Џонгнанхаи во Пекинг, Трамп го прашал Си дали таму често носи светски лидери.

– Не, многу ретко, но Путин бил тука – му одговорил кинескиот претседател.

The post 📽️ ЗОШТО ПУТИН ГО СОБЛЕЧЕ САКОТО ВО ПЕКИНГ? Откриени тајни сигнали во Кина, рускиот лидер покажува кој е „шеф“ со еден потег appeared first on plusinfo.mk.

Претседателите на Кина и Русија, Си Џипинг и Владимир Путин, испратија силни пораки за зајакнување на соработката меѓу двете земји за време на нивната средба во Пекинг.

На почетокот на разговорите во Домот на народните собранија, кинескиот лидер изјави дека односите меѓу Пекинг и Москва остануваат „непоколебливи“.

– Кинеско-руските односи достигнаа толку високо ниво затоа што постојано ја продлабочувавме меѓусебната политичка доверба и стратешката координација со непоколеблива истрајност – изјави Си Џинпинг.

Рускиот претседател Владимир Путин оцени дека партнерството меѓу двете држави достигнало „невидено ниво“ и претставува пример за глобална стратешка соработка.

Средбата доаѓа во време на засилени геополитички тензии и обиди на Москва и Пекинг да ја продлабочат економската, политичката и безбедносната соработка.

The post СИ И ПУТИН СО СИЛНА ПОРАКА ДО СВЕТОТ Односите меѓу Кина и Русија се „непоколебливи“ appeared first on plusinfo.mk.

Претседателот на Русија Владимир Путин повторно ќе се сретне со Пенг Паи, Кинез кого го запознал во 2000 година за време на државна посета на Кина.

Тогаш Пенг бил мало момче.

Денес е инженер и магистер кој студирал во Москва.

Од момче до дебел маж

Во видео објавено од кинеските државни медиуми, Пенг со насмевка се присети на средбата со Путин.

– Би сакал да му кажам на претседателот Путин дека тој е шармантен како и тогаш, додека јас од момче пораснав во дебел маж на средна возраст – рече Пенг.

Тој додаде дека никогаш не верувал оти повторно ќе има можност да го сретне рускиот лидер.

“President Putin, you’re still as dashing as ever, while I’ve gone from being a little boy to a middle-aged man who’s put on a few pounds.” This is what Peng Pai, a Chinese engineer Putin once encountered as a child during his inaugural state visit to China in 2000, plans to tell… pic.twitter.com/JsCLjgjjxz

— Global Times (@globaltimesnews) May 20, 2026

„Ме бакна во челото“

Пенг се присети дека Путин тогаш го кренал од оградата во паркот Беихај во Пекинг за да направат фотографија.

– Пред да се збогува, нежно ме бакна на челото. Тоа сè уште живо го паметам – раскажал Пенг.

Вирална потрага по момчето

Минатата година рускиот државен медиум РТ започна потрага по момчето од старата фотографија.

Објавата на кинеската социјална мрежа Веибо брзо стана вирална.

Пенг бил пронајден само неколку дена подоцна.

„Студирав во Русија поради Путин“

Пенг денес работи како инженер.

Тој магистрирал на универзитет во Москва и признал дека токму средбата со Путин делумно влијаела врз неговата одлука да студира во Русија.

The post „ЌЕ МУ КАЖАМ НА ПУТИН ДЕКА СТАНАВ ДЕБЕЛ МАЖ“ Рускиот лидер повторно ќе се сретне со момчето од старата фотографија appeared first on plusinfo.mk.

Американскиот претседател, Доналд Трамп, денеска го напушти Пекинг и е на пат кон САД по дводневните серија средби со кинескиот претседател Си Џинпинг, насочени кон решавање на отворените несогласувања меѓу двете најголеми економии во светот.

Авионот „Ер Форс Уан“ на американскиот претседател полета од меѓународниот аеродром во Пекинг, по церемонијата на испраќање на пистата, објави Си-ен-ен.

За време на тридневната посета на Кина, Трамп учествуваше на државен банкет, посети неколку историски места, имаше билатерална чајанка и работен ручек со кинеското раководство.

Американскиот претседател по денешната последна билатерална средба со неговиот домаќин, го пофали кинескиот претседател Си Џинпинг, нарекувајќи ги Кинезите голем народ и најавувајќи ја неговата посета на САД во септември.

Трамп го заврши своето обраќање на состанокот со кинескиот претседател со констатацијата дека зад себе имале „неколку навистина одлични денови“.

Тој изрази надеж дека и кинескиот претседател во септември ќе си замине од САД „многу импресиониран како што е тој многу импресиониран од Кина“.

Денешната последна средба двајцата лидери ја имаа во комплексот Џонгнанхаи, местото каде што работат и живеат лидерите на кинеската централна влада, вклучувајќи го и претседателот Си.

Тој објасни дека комплексот некогаш бил дел од царската градина и дека е проткаен со историја, а за време на прошетката на Трамп му покажа и дрво старо 490 години.

Како подарок, тој вети дека ќе му испрати семки од кинески рози што Трамп ги видел во градината.

The post ТРАМП ОДЛЕТА ОД ПЕКИНГ СО „ЕР ФОРС УАН“ Ја заврши тридневната посета на Кина appeared first on plusinfo.mk.

Претседателот на Кина, Си Џинпинг, на приемот организиран во чест на американскиот претседател Доналд Трамп, изјави дека Кина и САД треба да бидат партнери, а не соперници.

Тој посочи дека двете држави имаат потенцијал за соработка.

– И кинескиот и американскиот народ се големи народи. Остварувањето на големата преродба на кинеската нација и враќањето на величината на Америка можат да одат рака под рака – наведе Си.

Тој додаде дека двете држави можат да работат за општото добро.

– Можеме да си помагаме едни на други да успееме и да придонесеме за благосостојбата на целиот свет. Нашите две земји треба да бидат партнери, а не соперници, истакна Си.

The post КИНА И САД ТРЕБА ДА БИДАТ ПАРТНЕРИ, А НЕ СОПЕРНИЦИ Си Џинпинг со дипломатска изјава на приемот за Трамп appeared first on plusinfo.mk.

Во пресрет на средбата меѓу Доналд Трамп и Си Џинпинг, камерите го уловија државниот секретар на САД Марко Рубио како зачудено гледа кон раскошниот таван на салата за состаноци во Пекинг. Рубио со прст покажа на таванот додека разговараше со Пит Хегсет.

Дел од медиумите се пошегуваа дека Рубио  „технички се наоѓа под кинески санкции“.

Marco Rubio was very impressed with the ceiling and light fixatures inside the Great Hall of the People. pic.twitter.com/0ojbKaJoxD

— Zhao DaShuai 东北进修 Commentary (@zhao_dashuai) May 14, 2026

The post 📽️ РУБИО ГО „СКЕНИРАШЕ“ ТАВАНОТ ВО ПЕКИНГ Реакцијата на државниот секретар на САД стана хит appeared first on plusinfo.mk.

Американскиот претседател Доналд Трамп и кинескиот лидер Си Џинпинг денеска заедно го посетија Небесниот храм во Пекинг, каде позираа пред камерите и два часа и 15 минути разговараа за трговијата, економијата и безбедносните односи меѓу двете сили.

На прашањето на новинарите како поминале разговорите, Трамп кратко одговори:

– Одлични се.

Потоа го пофали и самиот локалитет.

– Одлично место. Неверојатно. Кина е прекрасна.

Но, зад топлите зборови и симболичната прошетка низ еден од најпознатите кинески комплекси остана едно прашање што повторно ги затегна односите меѓу двете суперсили. Си Џинпинг директно го предупредил Трамп дека Тајван е „најважното прашање“ во односите меѓу Кина и САД.

Според кинеската државна агенција „Синхуа“, Си порачал дека правилното справување со ова прашање е клучно за стабилноста меѓу двете земји.

– Ако не се справи правилно, двете земји би можеле да се судрат или дури и да дојдат во конфликт – изјавил Си.

NOW: President Trump and President Xi visit Temple of Heaven after having “great” talks.

“China is beautiful.” pic.twitter.com/xUEiLsm6Un

— Fox News (@FoxNews) May 14, 2026

Владата во Тајпеј внимателно ја следеше средбата во Пекинг, а од Тајван стигна и реакција во која Пекинг беше обвинет дека е „единствениот извор“ на несигурност во регионот, пренесе „Ројтерс“.

Во меѓувреме, прашање на новинар за Тајван остана без одговор, бидејќи и Трамп и Си Џинпинг го игнорираа додека шетаа низ комплексот.

Стапицата на Тукидид

Си Џинпинг за време на разговорите повторно се осврнал и на таканаречената Стапица на Тукидид, термин што се користи за опасното ривалство меѓу светска сила во подем и веќе доминантна сила. Концептот потекнува од античкиот грчки историчар Тукидид, кој пишувал дека подемот на Атина и стравот што го предизвикал во Спарта ја направиле војната меѓу двете градови-држави неизбежна.

Со тоа кинескиот лидер индиректно предупредил дека ривалството меѓу Пекинг и Вашингтон не смее да се претвори во директен судир.

Нова ера во односите

Сепак, Џинпинг исто така најави нова ера во односите со Соединетите Американски Држави, ера која треба да биде дефинирана со конструктивни и стабилни односи. Според соопштението од кинеското Министерство за надворешни работи, двајцата лидери се согласиле да воспостават „конструктивен стратешки и стабилен однос“ како нова насока за билатералните односи во следните три години и понатаму.

Најзначајниот храм за Кина

Комплексот Небесен храм, изграден во 1420 година, е еден од најзначајните симболи на кинеската историја и духовност. Познат е по Салата за молитви за добра жетва, кружна дрвена градба со трослоен покрив од сини ќерамиди. Кинеските цареви речиси 5 века таму изведувале ритуали за хармонија меѓу небото и човештвото.

Трамп е првиот актуелен американски претседател што го посетил овој локалитет по Џералд Форд во 1975 година.

Маск, Тим Кук и ретките метали

Во американската делегација во Пекинг се и дел од најмоќните луѓе во американскиот бизнис, меѓу кои Илон Маск, Тим Кук и Џенсен Хуанг. Присутни се и претставници на „Боинг“, „БлекРок“, „Голдман Сакс“, „Виза“ и „Мастеркард“.

Американските директори ги опишале средбите во Пекинг како позитивни и продуктивни, изразувајќи надеж за натамошна соработка со Кина.

Кина ја крева рампата, но не и за металите?

Во исто време, Пекинг направи и конкретен економски потег. Кина ги обнови извозните лиценци за стотици американски фабрики за преработка на говедско месо, што се толкува како гест на добра волја за време на разговорите, објави „Ројтерс“.

Но, зад економските пораки останува уште еден моќен адут на Кина. Станува збор за ретките земни метали, група од 17 елементи што се користат во сè, од „ајфон“ телефони до борбените авиони Ф-35. Аналитичарите сметаат дека токму контролата врз овие ресурси му дава на Пекинг силна позиција во разговорите со Вашингтон.

Во Вашингтон внимателно се следи и како Пекинг ги користи економските отстапки во момент кога трговските односи меѓу двете земји остануваат кревки. Кина последниве години повеќепати покажа дека ретките метали и синџирите за снабдување може да ги користи како геополитичко оружје.

Токму затоа посетата на Трамп не се гледа само како дипломатска турнеја. За многумина, таа е тест дали Вашингтон и Пекинг можат да ја намалат тензијата без нова трговска или безбедносна ескалација.

Инцидент со новинарите

За време на посетата на Небесниот храм, според Ен-Би-Си Њуз, кинеските безбедносни сили наводно спречиле група американски новинари да го напуштат комплексот. Тензиите накратко се зголемиле откако американски претставници инсистирале новинарите да бидат пуштени.

Инцидентот дополнително потсети дека и покрај насмевките, свечените фотографии и зборовите за „сјајни разговори“, недовербата меѓу Вашингтон и Пекинг и понатаму останува длабока.

Во дипломатските кругови веќе се анализира секој гест од посетата, од говорот на телото на двајцата лидери до симболиката на самиот Небесен храм. Кина очигледно сакаше да испрати порака за цивилизациска стабилност и историска моќ, додека Трамп се обиде да остави впечаток на лидер што може да постигне договори и покрај длабоките разлики.

Според агендата, Си вечерва треба да организира државен банкет во чест на Трамп, чија посета на Кина е предвидено да трае до петок.

The post 📽️ТРАМП ВЕЛИ СЈАЈНО Е, КОЛЕГАТА ПРЕДУПРЕДУВА НА СТАПИЦА Кина и САД влегуваат во нова ера по разговорите во Пекинг appeared first on plusinfo.mk.

Тристотини млади Кинези во сино-бели униформи со кинески знамиња во рацете го пречекаа американскиот претседњател на аеродромот во Пекинг. Кина му приреди пречек со воени почести и оркестар на Доналд Трамп, а делегацијата ја предводеше кинескиот потпретседател Хан Женг.

Трамп ќе се сретне со кинескиот колега Си Џинпинг за да зборуваат на бројни теми. Пред летот Трамп изјави дека ја има контролата врз Иран.

Во придружба на Трамп се и државниот секретар Марко Рубио, министерот за одбрана Пит Хегсет и трговскиот претставник Џејмисон Грир. Средбата ќе биде фокусирана на трговијата, безбедноста и односите меѓу Вашингтон и Пекинг.

Во американската делегација се и дел од најмоќните американски бизнисмени, меѓу кои Илон Маск, Тим Кук и директори на „Боинг“, „БлекРок“, „Голдман Сакс“, „Виза“ и „Мастеркард“.

BREAKING: President Trump has STEPPED OFF Air Force One with Elon Musk in BEIJING, receiving an INCREDIBLY warm welcome from the Chinese

300 Chinese students waved American and Chinese flags, and 47 was presented with gifts

This is the FIRST Presidential visit to China in… pic.twitter.com/uXkpRvZJg4

— Nick Sortor (@nicksortor) May 13, 2026

JUST IN: President Trump departs Air Force One after landing in Beijing for his long-awaited talks with Chinese President Xi Jinping.

It marks his first visit in nearly nine years, with both sides putting diplomacy on full display before negotiations begin. pic.twitter.com/KlsSQJYqw1

— Fox News (@FoxNews) May 13, 2026

The post 📽️ МЛАДИТЕ ГО ПРЕЧЕКАА ТРАМП ВО ПЕКИНГ Воен оркестар пред големата средба со Џинпинг appeared first on plusinfo.mk.

Драматична сцена како од филм се одигра во Пекинг, каде 89-годишна жена буквално висеше од облакодер, обидувајќи се да се спаси откако останала заклучена во својот стан. Вознемирувачкото видео, кое експресно се прошири на социјалните мрежи, ја прикажува како се движи по фасадата на зградата на височина од повеќе десетици метри.

Според информациите од кинеските медиуми, жената случајно се заклучила во просторија од станот и немала телефон за да повика помош. Во обид сама да се извлече, излегла низ прозорец и почнала да се спушта по надворешниот дел од зградата, користејќи метални држачи и конструкции околу клима-уредите.

Сведоци во шок ја забележале како се движи меѓу 27 и 21 кат, држејќи се со рацете за тесни рабови. Веднаш била повикана итна помош, а пожарникарите пристигнале за неколку минути.

 

View this post on Instagram

 

A post shared by MS News (@mustsharenews)

Интервенцијата била исклучително ризична, но спасувачите успеале да ја обезбедат со јаже и да ја внесат назад во зградата. За среќа, и покрај драмата и опасноста, жената не претрпела повреди.

Случајот предизвика бурни реакции на социјалните мрежи во Кина, каде многумина ја опишуваат постапката како „неверојатна храброст“, но и предупредуваат на опасностите од вакви ситуации, особено кај постари лица кои живеат сами.

The post 🎥 ДРАМА ВО ПЕКИНГ, 89-ГОДИШНА ЖЕНА ВИСЕШЕ ОД 20-ТИ КАТ Се симнувала по фасада, спасена во последен момент appeared first on plusinfo.mk.

Камерите го фатија моментот кога германскиот канцелар љубопитно го следи настапот на десетици кинески хуманоидни роботи во Пекинг. Кинеските роботи кои можат беспрекорно во група да вежбаат кунг-фу, да прават салто и да се мечуваат го задржаа вниманието на светската јавност.

Западните медиуми пишуваат дека 2026 ќе биде година кога Кина го презема водството во вештачката интелигенција.

Германскиот канцелар Фридрих Мерц е во посета на Пекинг. Тој во понеделникот изјави дека Кина планира да нарача до 120 авиони од Ербас. По средбата со кинескиот претседател Си Џинпинг Мерц откри дека договорот ќе биде важен чекор во проширувањето на економските односи меѓу двете земји, објави „Шпигел“.

Мерц додаде дека постои и можност за други договори со германски компании, иако не сите се финализирани. Тој предупреди и дека трговскиот дефицит меѓу Германија и Кина изнесува повеќе од 80 милијарди евра.

China shows off its AI robotics edge.
German Chancellor Merz gets a taste of how the roles between China and Germany reverse.
Engineers partly uncomfortable with us filming.
An attempt to shut us in a waiting room during the Chancellor’s visit failed. German press too unruly. pic.twitter.com/ROJjcGvSRM

— Michaela Kuefner (@MKuefner) February 26, 2026

The post 📽️ КАНЦЕЛАРОТ ГЛЕДА КАКО КИНА ПЛАНИРА АИ ДОМИНАЦИЈА Мерц најави трговска соработка со Пекинг appeared first on plusinfo.mk.