Мостот е дел од проектот „патна врска со јужна Далмација“ и го претставува најважниот геостратешки проект од национален интерес, бидејќи со неговата изградба е воспоставен територијалниот континуитет на хрватската територија.

Вкупната вредност на проектот се проценува на 420,3 милиони евра и опфаќа изградба на мост, пристапни патишта и обиколница кај Стон.

Периодот на изградба беше пет години за сите фази, а Европската Унија учествуваше со 330 милиони евра или 78,5 отсто од вредноста на проектот.

Мостот е интегрална хибридна конструкција со 13 распони, од кои пет главни (централни) распони се долги 285 метри, шест централно поставени армирано-бетонски столбови се високи 33 метри, како и две ленти заедно со лента за застанување која ќе служи за одржување на мостот.

Мостот е долг 2.400 метри, а навигацискиот профил под мостот, договорен со експертската група на БиХ, е 200 на 55 метри.

Мостот го изгради кинеската државна компанија „China Road and Bridge Corporation“, објавија хрватските медиуми.

The post ДУБРОВНИК СЕ ПОВРЗА СО ОСТАТОКОТ ОД ХРВАТСКА Преубавиот Пељешки мост е подготвен за сообраќај appeared first on plusinfo.mk.