Израелскиот премиер Бенјамин Нетанјаху му подари на американскиот претседател Доналд Трамп обичен позлатен „пејџер“ во спомен на операцијата против Хезболах, пишува „Тајмс оф Израел“, повикувајќи се на Канал 12.

– Тоа беше одлична операција – му рече Трамп на Нетанјаху и му возврати со фотоградија од нивната средба во Белата куќа во Вашингтон, на која со посвета пишува „На Биби, големиот лидер“.

Златниот пејџер ја симболизираше акцијата на израелското разузнавање Мосад од 17 септември минатата година кога точно во 15 часот и 30 минути, со една порака на пејџерот, беа предизвикани илјадници експлозии.

„Добивте шифрирана порака“, гласеше пораката која Мосад им ја испрати на пејџерите на борци на групата Хезболах во Либан и во Сирија. Пејџерите беа сетирани да експлодираат по притискање на копчињата за проверување на пораката.

Според либанското Министерство за здравство, во експлозиите на 17 и 18 септември загинаа најмалку 37 лица, меѓу кои и деца, а беа повредени околу три илјади луѓе.

Хезболах ја доби првата понуда за купување пејџери на Аполо во 2023 година. На групата ѝ се обратила жена чиј идентитет и националност не се откриени.

Мосад отрпвин не ја презеде одговорноста за нападот со пејџерите.

Следниот ден, на 18 септември, стотици воки-токи кои Мосад му ги доставуваше на Хезболах од 2015 година експлодираа на ист начин, убивајќи и ранувајќи борци на Хезболах и случајни минувачи.

The post „ТОА БЕШЕ ОДЛИЧНА ОПЕРАЦИЈА“ Што му подари Нетанјаху на Трамп на средбата во Вашингтон? appeared first on plusinfo.mk.

Израелската армија, која води прекугранични борби со Хезболах од почетокот на војната во Појасот Газа во октомври 2023 година, првично одби да одговара на прашања за експлозиите.

На 17 септември илјадници пејџери се активираа истовремено во јужните предградија на Бејрут и други бастиони на Хезболах. Во повеќето случаи, уредите експлодирале по активирање на звучен сигнал за дојдовна порака.

Претставник на либанската групација го нарече инцидентот најголемото безбедносно нарушување за Хезболах од почетокот на конфликтот со Израел.

Меѓу настраданите, кои брзо ги преполнија болниците, имаше многумина со повреди на очите, откинати прсти или големи рани во пределот на стомакот.

Во нападот со пејџери и последователните експлозии на токи-воки уреди наредниот ден, загинаа вкупно 39 лица, а повредени беа над 3.400 лица.

Израелските медиуми објавија дека Нетанјаху ја презел одговорноста за нападот на седница на кабинетот. Според нив, тој им изјавил на министрите дека високопоставени одбранбени службеници и политички фигури се спротивставиле на нападот со пејџери, но тоа не го поколебало во спроведувањето на операцијата.

По нападот со пејџери, Израел изврши воздушен удар во кој го уби лидерот на Хезболах, Хасан Насрала, а подоцна започна и копнени операции во Јужен Либан.

The post НЕТАНЈАХУ ГИ НАРАЧАЛ НАПАДИТЕ СО ПЕЈЏЕРИ ВО ЛИБАН Лице од неговиот кабинет ја потврди информацијата appeared first on plusinfo.mk.

Фирма од Бугарија со седиште во Софија најверојатно е вмешана во случајот со експлодираните пејџери на либанската милитантна група Хезболах, открива унгарскиот медиум Телекс, пренесува Дојче веле-Бугарија.

Според извори на Телекс, софиската компанија ги купила уредите од Тајван и тие никогаш не биле во Унгарија, како што впрочем до вчера се тврдеше дека пејџерите се произведени во Унгарија по лиценца од тајванска компанија.

Телекс тврди дека уредите ги купила фирмата со адреса во Софија, „Норта Глобал ЕООД“, која е во сопственост на норвешки државјанин.

Според бугарските медиуми, кои се повикуваат на разузнавачки податоци, споменатата компанија воопшто не била активна во земјата.

Од друга страна, Бугарската агенција за национална безбедност денеска соопшти дека пратка со пејџери воопшто не влегла, ниту излегла од бугарска територија, но целиот случај е предмет на истрага на повеќе институции.

The post ЕКСПЛОЗИВНИТЕ ПЕЈЏЕРИ НА ХЕЗБОЛАХ ПРИСТИГНАЛЕ ОД БУГАРИЈА? Компанија од Софија е под истрага appeared first on plusinfo.mk.

– Не е потребно многу бидејќи е блиску до телото, па неколку грама експлозив се доволни за да се нанесе повреда – објаснува за „Гардијан“ Алан Вудворд, професор по сајбер безбедност на Универзитетот во Сари.

По координираните напади на повеќе локации во Либан кои вклучуваа пејџери во вторникот, во текот на вчерашниот ден во попладневните часови експлодираа и повеќе воки-токи станици користени од либанската група Хезболах. Овие експлозии беа во јужните предградија на главниот град Бејрут, изјавија безбедносни извори и сведок.

• ЕКСПЛОЗИВНИТЕ ПЕЈЏЕРИ НА ХЕЗБОЛАХ ПРИСТИГНАЛЕ ОД БУГАРИЈА? Компанија од Софија е под истрага
• ПЕЈЏЕРИТЕ ПУКНАА, ПА МОЖЕБИ ЌЕ СЕ ПУКА И ВО ИЗРАЕЛ Илјадници израелски војници се префрлија на север поради страв од одмазда на Хезболах

Прво порака, потоа експлозија

Првиот бран експлозии во вторникот, кај пејџерите, беше предизвикан од специјална порака од раководството на Хезболах, што имплицира, тврди Вудворд, извесна модификација на вградениот софтвер на свиркачот. Ова значи дека уредот ќе експлодира кога ќе се испрати соодветната порака.

Очевидците откриле дека прво се огласил пејџерот, а потоа известувањето било паузирано, што било доволно време сопствениците да ги доближат уредите до лицето, а потоа уредите биле активирани и дошло до експлозија.

Либанските лекари објавија дека лекувале повеќе повреди на рацете и очите по експлозијата.

• ЕКСПЛОЗИИТЕ НА ПЕЈЏЕРИТЕ МОЖЕ ДА РАЗГОРАТ ГОЛЕМА ВОЈНА Кремљ остро ги осуди нападите врз Хезболах
• ПЕЈЏЕРИТЕ БИЛЕ ПРОИЗВЕДЕНИ ОД ФИРМА СО СЕДИШТЕ ВО БУДИМПЕШТА Досега 12 загинати и 200 лица во критична состојба по масовните ескплозии

Олег Брод, директор на Сајбер-лабораториите на Универзитетот Бен-Гурион, истакнува дека саботирањето на комуникациските уреди не е едноставен потфат.

– Можеби дури и била потребна соработка или на производителите или на израелската шпионска агенција Мосад (забележете дека Израел и Мосад не ја презедоа одговорноста за нападите), или кој и да стои зад нападите, самите да ги произведат уредите, иако ова е шпекулативно – вели експертот.

„Такво нешто се планира со месеци“

Емил Хокајем од Меѓународниот институт за стратешки студии вели дека операцијата била планирана со месеци.

Според веб-страницата Аксиос, Јоав Галант, министерот за одбрана на Израел, го повикал Лојд Остин, неговиот американски колега, „неколку минути“ пред да тргнат пејџерите за да му каже дека ќе има операција во Либан.

Не беа објавени детали, а Стејт департментот рече дека САД не биле предупредени за планираниот напад.

• ХЕЗБОЛАХ ТВРДИ ДЕКА МОСАД ГО ПОСТАВИЛА ЕКСПЛОЗИВОТ ВО ПЕЈЏЕРИТЕ Израел засега молчи
• КОМПАНИЈАТА „ГОЛД АПОЛО“ ДЕМАНТИРА ДЕКА ПРАВЕЛА ПЕЈЏЕРИ ЗА ХЕЗБОЛАХ Еве од каде се набавени 5.000 пејџери за либанската организација

Иако Израел не ја презеде одговорноста за нападот, малкумина се сомневаат дека неговите безбедносни сили стојат зад нападот, што е извонредно бидејќи во нападот беа вклучени илјадници уреди, а не само еден телефон за нагазна мина како оној што беше употребен за атентат на лидерот на Хамас Јахја Ајаш ​​во 1996 година.

Израел има долга историја на софистицирани напади во тајни операции.

Будимпешта-Тајван-Израел

Околу 2.800 лица беа повредени, а 12 загина во првиот бран експлозии на пејџери во вторникот, додека во вториот бран што следеше во средата загинаа 14 лица.

Тајванскиот производител на пејџерите соопшти дека тие се направени од компанијата BAC Consulting KFT, со седиште во Будимпешта, која има дозвола да го користи името на тајванската компанија. Фирмата во Унгарија била регистрирана во 2022 година на адреса во Будимпешта каде се регистрирани уште неколку компании.

„Не ги правам јас пејџерите“

„Гардијан“ ја контактирал извршната директорка на компанијата, а таа само прашала како новинарот го добил бројот и потоа ја спуштил слушалката. Сепак, таа потврди за Ен-Би-Си дека нејзината компанија соработувала со тајванскиот прозиводител Gold Apollo.

– Јас не правам пејџери, јас сум само посредник. Мислам дека погрешивте – рече ристиана Барсони-Арцидиаконо, а подоцна и унгарските власти рекоа дека пејџерите не се произведени во нивната земја.

Дилема се појави и со фирмата производител на токи-воките од нападот од средата. Јапонската фирма „Иком“ соопшти дека моделот на токи-воки кој експлодираше во Либан не е во производство веќе 10 години.

The post ПРВО СТИГНАЛА ПОРАКА, ПА ПОТОА „БУМ“ Експерти откриваат како бил изведен нападот со пејџерите во Либан appeared first on plusinfo.mk.

Одлуката за преместување на дивизијата, само еден ден по експлозиите на комуникациските уреди во Либан и Сирија, кои му се припишуваат на Израел, и по заканите за одмазда од Хезболах, вклучува распоредување на големи сили на северната граница.

Шефот на северната команда на ИДФ, генерал-мајор Ури Гордин, рече дека ИДФ е „решена да ја промени безбедносната ситуација што е можно поскоро.

– Командантите и силите се целосно посветени и се на врвот на подготвеноста за секоја задача што ќе треба да ја извршат – рече Гордин.

Се верува дека 98-та дивизија има илјадници војници, вклучително и падобрански пешадиски единици и артилерија и елитни командоси, специјално обучени за операции зад непријателските линии. Нивното распоредување беше потврдено од официјален претставник.

Дивизијата одигра клучна улога во Газа, предводејќи ги армиските операции во јужниот град Кан Јунис, упориште на Хамас. Офанзивата им нанесе големи загуби на борците и тунелите на Хамас, но исто така предизвика и огромни штети и резултираше со бројни цивилни жртви. Израел вели дека Хамас ги загрозува цивилите криејќи се во станбени области.

Војската соопшти и дека оваа недела извршила серија вежби долж границата.

– Мисијата е јасна. Решени сме да ја промениме безбедносната реалност што е можно побргу – изјави генерал-мајор Ори Гордин кој ја предводи северната команда на Израел.

Покрај тоа, ИДФ одлучи за ограничено регрутирање резервен персонал што ќе биде распореден на север во случај на ескалација, вклучително и воздушна одбрана, команда на фронтот и персонал од медицинскиот кор.

Најмалку 20 луѓе загинаа, а повеќе од 450 се повредени во вториот бран експлозии на уреди за безжична комуникација во Либан. Еден ден претходно, најмалку 12 лица загинаа, а 2.750 беа ранети кога експлодираа илјадници пејџери што ги користеа членовите на Хезболах.

The post ПЕЈЏЕРИТЕ ПУКНАА, ПА МОЖЕБИ ЌЕ СЕ ПУКА И ВО ИЗРАЕЛ Илјадници израелски војници се префрлија на север поради страв од одмазда на Хезболах appeared first on plusinfo.mk.

Моделот IC-V82 е рачно радио кое се произведуваше и извезуваше, вклучително и на Блискиот Исток, од 2004 до октомври 2014 година.

„Тој беше прекинат пред околу 10 години и оттогаш не беше испорачан од нашата компанија“, соопшти компанијата во изјава.

Јапонскиот производител на радио опрема вели дека ги истражува извештаите дека во Либан експлодирале комуникациски уреди со неговото лого.

Токи-воки уреди што ги користеше Хезболах детонираа низ јужен Либан, по слични експлозии на пејџери еден ден претходно.

Либанското Министерство за здравство соопшти дека најмалку 20 лица загинале, а повеќе од 450 се ранети во најновите експлозии на воки-токи уреди низ Либан.

Портпаролот на унгарската влада Золтан Ковач рече дека компанијата поврзана со пејџерите, кои експлодираа додека ги користеа членовите на Хезболах во Либан, нема производствена локација во Унгарија.

Генералното собрание на Обединетите нации донесе резолуција со која се бара Израел да го прекине присуството на окупираната палестинска територија во рок од 12 месеци.

Предвидено е израелскиот премиер Бенјамин Нетанјаху да се обрати пред Генералното собрание на ОН на 26 септември, истиот ден кога и палестинскиот претседател Махмуд Абас.

ЕКСПЛОДИРАА И ТОКИ-ВОКИ НА ХЕЗБОЛАХ Најмалку тројца загинаа, стотици се ранети во Либан

The post НОВА ДИЛЕМА СО ЕКСПЛОДИРАЧКИТЕ TОКИ-ВОКИ ВО ЛИБАН Јапонската фирма тврди дека веќе 10 години не го произведува моделот appeared first on plusinfo.mk.

Пејџерите кои експлодираа во Либан убивајќи најмалку девет лица, меѓу кои членови на милитантната група Хезболах и повредија речиси 3.000 лица, се дел од долгата низа на напади кои во минатото вклучувале и експлозии во митралез активирани со далечински управувач, експлозии во тајни ирански нуклеарни постројки, самоубиствени дронови и супер-сложени сајбер-напади.

Во 2021 година нуклеарна постројка во централен Иран беше погодена со експлозии и сајбер-напад кој предизвика затемнување на просториите. Иран го обвини Израел дека го извршил нападот, како и неколку други против иранските нуклеарни постројки користејќи експлозивни беспилотни летала во следните години.

Претходната, 2020 година, еден од најистакнатите воени научници за нуклеарен погон во Иран, Мохсен Фахризадех, беше убиен од митралез на далечински управувач додека патувал во автомобил надвор од Техеран. Иран го обвини Израел.

Во 1997 година агентите на Мосад се обидоа да го убијат тогашниот шеф на Хамас, Калед Машаал, во Аман, Јордан. Двајца агенти влегле во Јордан користејќи лажни канадски пасоши и го отруле Машал ставајќи му уред во близина на увото. Тие беа заробени набргу потоа, а кралот на Јордан се закани дека ќе го поништи тукушто склучениот мировен договор доколку Машаал умре. Израел на крајот испрати противотров, а израелските агенти беа вратени дома. Машаал останува висока личност во Хамас.

Во 2010 година, компјутерскиот вирус „Stuxnet“, откриен во 2010 година, ги прекина и уништи иранските нуклеарни центрифуги. Нашироко се веруваше дека е заедничка американско-израелска креација.

Нападите често се случуваат и координирано на различни места. На пример, во јули оваа година атентатот врз врховниот лидер на Ирана Исмаил Ханије во главниот град на Иран се слуи само неколку часа по смртоносниот напад врз Фуад Шакур, висок командант на Хезболах во Бејрут.

Во април оваа година двајца ирански генерали беа убиени, во како што рече Иран, израелски напад врз иранскиот конзулат во Сирија. Смртта го наведе Иран да изврши напад без преседан врз Израел во кој беа вклучени околу 300 проектили и беспилотни летала, од кои повеќето беа пресретнати.

Во јануари оваа година во напад на израелско беспилотно летало во Бејрут беше убиен Салех Аури, висок функционер на милитантната група Хамас во егзил. Лани во декември со напад на беспилотно летало беше убиен Сејер Рази, долгогодишен советник на иранската паравоена Револуционерна гарда во Сирија, беше убиен во напад со беспилотно летало надвор од Дамаск. Иран го обвини Израел за нападот.

The post ПЕЈЏЕРИ, ДАЛЕЧИНСКИ УПРАВУВАЧИ, УЛТРА ПРЕЦИЗНИ НАПАДИ Израел има долга историја на софистицирани тајни операции appeared first on plusinfo.mk.