Бугарскиот професор по историја, кој вели дека канонизирањето на Кирил Пејќиновиќ е „крадење на историјата“, со тоа само покажува колку е далеку од верата, а блиску до национализмот, оценува митрополитот европски на МПЦ-ОА, господин Пимен.

Тој ги коментираше изјавите на професорот Пламен Павлов од факултетот за историја на Универзитетот во Велико Трново „Св. Свети Кирил и Методиј“, кој канонизирањето на Кирил Пејчиновиќ го нарече „богохулење“, „кражба на историјата“ и кршење на договорот за добрососедство.

Во интервју за БГНЕС Павлов изјави дека овој чин е дел од „антибугарската реторика во Република Северна Македонија“, а за Пејчиновиќ тврди дека имал „бугарска самосвест“.

Владиката Пимен ова го коментираше на својот профил на Фејсбук.

„Кога се канонизира некој човек за светител на Црквата Божја, тој се прогласува за жител на Небесата, а не на некоја земја земна. И тоа го знае секој човек кој барем грам вера има повеќе отколку национално слепило. А сепак ете за жал, некој професор од Бугарија реагира на тоа дека канонизација било крадење историја и со тоа покажува дека е далеку од верата, а блиску до национализмот. И дека за него нема ништо свето, во случајов дури ни Лешочкиот светител.

А свети Кирил Лешочки е нашиот нов светија и на целата Црква православна. Затоа, поклонувајќи се пред неговите свети мошти, да повикаме: Свети Кириле Лешочки, прости ни што радоста на Небесата ти ја расипуваме со нашите земни и тесногради размислувања и препукувања. И моли се за сите нас, па какви и да сме, та да бидеме подобри! – напиша владиката Пимен.

The post ПЕЈЧИНОВИЌ МУ ПРИПАЃА НА НЕБЕСКИОТ, А НЕ НА БУГАРСКИОТ НАРОД Отец Пимен му одржа лекција на бугарскиот историчар appeared first on plusinfo.mk.

– Јас присуствував на вечерната богослужба по повод канонизацијата на Кирил Пејчиновиќ и тоа беше еден исклучително свечен свет настан на којшто присуствуваа голем број граѓани во Лешочкиот манастир. Таму имаше граѓани од повеќе делови на државата, имаше граѓани од различна политичка провиниенција бидејќи бев и јас, меѓутоа и претставници на политички партии, четири владици… И тоа беше чин со којшто ние го негуваме нашето духовно и културно наследство македонско. Тоа што некој сака да провоцира тоа е негов проблем. Ние точно знаеме што е нашата историја. Ние точно знаеме што е нашата култура. Ние точно знаеме што е нашиот македонски јазик сега веќе признат во целата Европска Унија. Во тоа наскоро ќе се уверат сите граѓани кога ќе го потпишеме договорот Фронтекс со ЕУ и со македонски идентитет веќе преговараме со ЕУ – нагласи Ковачевски.

Тој повтори дека комуникацијата помеѓу државите се одвива на официјално ниво помеѓу претставници на институциите, значи луѓе од политиката, меѓутоа, вели, „секогаш постојат и други интереси, други личности кои сакаат да ги нарушат односите помеѓу две држави и обично со свои изјави предизвикуваат негативни чувства, предизвикуваат нешто што вие го нарекувате и јас го нарекувам провокација”.

– Треба да бидеме смирени, бидејќи имаме многу јасна преговарачка рамка со ЕУ каде што историските прашања за коишто сега ме прашавте се дел од работата на историската комисија во која што има 14 историчари по седум од двете страни и тие историчари заедно со консензус мора да ги донесат сите решенија. Значи, не може без кој било од тие историчари што се во комисијата да се донесе кое било решение и јас на историчарите им препорачувам тие да се занимаваат со историјата, политичарите ќе се занимаваат со политиката и на тој начин ќе имаме и добри добрососедски односи и побрз напредок на државата во полноправно членство во ЕУ -истакна тој.

The post ПРОВОКАЦИИ СЕКОГАШ ЌЕ ПОСТОЈАТ, ДА БИДЕМЕ СМИРЕНИ Ковачевски за бугарските присвојувања на Пејчиновиќ appeared first on plusinfo.mk.

Во интервју за БГНЕС професор Павлов вели дека овој чин е дел од „антибугарската реторика во Република Северна Македонија“.

– Македонската православна црква долго време размислува за канонизација на Пејчиновиќ. Тоа не е невообичаено. Република Северна Македонија на ист начин ги третира Гоце Делчев, Даме Груев, Цар Самуил и цела плејада наши заеднички народни херои. Во случајот со Кирил Пејчиновиќ, а и со Јоаким Крчовски – за кого се подготвуваат да го канонизираат, со овие наши рани преродбеници, се случува токму истото непочитување на историјата, склоно кон чиста рамнодушност. Овие луѓе имаат бугарска самосвест – Кирил Пејчиновиќ вели дека „пишува на својот љубезен и наједноставен бугарски јазик“ – секаде се појавува како Бугарин, а би било смешно да се тврди нешто друго – вели проф. Павлов.

Според него, треба да има реакција и од БПЦ и од бугарската интелигенција.

– Вината на нашата Црква е огромна. БПЦ е повикана од мене и од други луѓе да ги канонизира таквите личности. За жал, браќата Миладинови ќе бидат прогласени за светци од Македонската црква – се надевам дека сум лош пророк, но немојте да се чудите, ако и двајцата браќа – маченици се прогласени за светци во Северна Македонија. Очигледно, нема никакви пречки во овој богохулен, грд однос кон нашата историја – коментира проф. Павлов.

Според него, ова е спротивно на потпишаниот договор меѓу двете земји.

– Ова е и кршење на Договорот за добрососедство и пријателство – без оглед на сите лицемерни уверувања од Скопје и на нивните обврски кон ЕУ. Гледаме како оваа антибугарска реторика по падот на ветото на Бугарија врз РСМ наместо да слабее, почнува да се засилува – коментира историчарот.

Истите тези – дека Пејчиновиќ е Бугарин, се содржани во бугарските учебници, книги, па и на интернет, како на пример во бугарската верзија на енциклопедијата Википедија. Во српската верзија, пак, изнесени се тези дека Пејчиновиќ бил Србин.

The post БОГОХУЛИЕ, НАВРЕДА, КРАЖБА НА БУГАРСКАТА ИСТОРИЈА… Бугарски професор истури канонада навреди за канонизирањето на Кирил Пејчиновиќ appeared first on plusinfo.mk.