Во функционирањето на Фондот е утврдено дека е застарена и амортизирана серверска структура и дека има недостиг на ИТ – кадар и стратегија, што пак се потврди деновиве, со хакерскиот напад врз сајтот на ФЗО.

Цел на ревизијата, како што велат од ДЗР, е да се добие разумно уверување дали финансиските извештаи се ослободени од материјално погрешни прикажувања и дали активностите и трансакциите се во согласност со законската регулатива.

Ревизорите утврдиле слабости во спроведувањето на интерните и теренските контроли при потврдувањето на објективноста на фактурираните услуги.

– Ревизорите во извршената ревизија констатираат слабости во контролите при препишување и издавање лекови, непочитување на роковите при вршењето на контролите и изрекувањето на договорните казни, поради невоспоставени контроли исплатувани се надоместоци за боледување и кога осигурениците остварувале плата, како и слабости при утврдување и контрола на реализација на условен надоместок на ЈЗУ – велат од Државниот завод за ревизија.

Како клучни препораки ДЗР ги посочува воспоставувањето систем на планирање, следење и редовно вршење контрола на видот и обемот на извршените здравствени услуги и издадени рецепти.

Дел од препораките се и доуредувањето на постапката и воспоставување контроли при исплатата на надоместоците за боледување и зајакнување на контролите кај условниот надоместок.

– Добиено е Известување на Нацрт извештајот при што е констатирано дека претставува известување/објаснување во однос на утврдените состојби – се наведува во соопштението.

The post РЕВИЗОРИТЕ СО ПОЛНИ РАЦЕ РАБОТА ВО ФЗО Пропусти при издавање на лекови, при исплата на породилно отсуство, кусок на вработени, нефункционален ИТ систем appeared first on plusinfo.mk.

Магистерот по епидемиологија и докторант на медицинскиот универзитет Каролинска во Стокхолм, Шведска, Харис Бабачиќ, смета дека објавувањето на резултатите од ПЦР тестовите на веб страницата на Државниот здравствен и санитарен инспекторат и во службен весник, нема да направи никакво добро и дека претставува штетна пракса која е неетичка.

– Таман мислев дека владата ја напуштила оваа некорисна идеја, кога, оп, еве нова влада со истата идеја. Објавување на резултати од испитувања на граѓани и пациенти јавно на веб сајт, уште па со адреса на живеење, е неприфатливо за било која област па и за оваа. Неетички е и нема да има корист од тоа. Исходот од оваа одлука ќе биде јавно жигосување, огромна стигма и дополнително одвраќање на граѓаните да се тестираат. Доколку Државниот здравствен и санитарен инспекторат имал проблем со доставување на решенијата за изолација во печатена форма, тоа можеле многу лесно да го решат со софтверско решение каде корисникот на безбеден сајт ќе се логира со корисничко име и лозинка за да го добие резултатот и решението автоматски а приватноста притоа да му е заштитена. Се надевам дека оваа влада ќе се вразуми и ќе ја повлече одлуката – вели доктор Бабачиќ.

Со одлука на владата, името презимето и адресата на која ќе се спроведува изолацијата за сите граѓани кои ќе добијат позитивен резултат на ПЦР тестот во која било овластена лабораторија во државата, од денеска ќе се објавуваат на веб страницата на Државниот здравствен и санитарен инспекторат. Новиот начин на доставување на решенијата за изолација минатата вечер помина и на владина седница. Освен тоа, еднаш неделно групно ќе бидат објавувани во Службен весник и името презимето и адресите на позитивните на ковид 19 од таа недела, со што ќе се смета дека решението за изолација им е доставено.

The post НИШТО ДОБРО НЕМА ДА ДОБИЕМЕ ОД ЈАВНОТО ОБЈАВУВАЊЕ НА РЕЗУЛТАТИТЕ ОД ПЦР ТЕСТОВИТЕ Бабачиќ смета дека одлуката е неетичка и ги жигосува заразените appeared first on plusinfo.mk.

Kако што посочуваат од МВР, од страна на полициски службеници ПЦР тестовите биле одземени, а на пријавените не им бил дозволен излез од државата.

По целосно документирање на случајот против нив ќе бидат поднесени кривични пријави согласно член 378 и член 206 од Кривичниот законик.

The post САМИ СИ ГИ НАПРАВИЛЕ ПОТВРДИТЕ ЗА ПЦР-ТЕСТОВИ Две лица со фалсификувани извештаи се обиделе да ја напуштат Македонија appeared first on plusinfo.mk.

– Сепак не треба да се ризикува, за да не дојде до експлозија во болниците и поставување на модуларни болници. Треба да се преземат мерки. На пример Грција од вчера воведе задолжителен ПЦР-тест за сите патници. Јас да сум некој фактор во државата, веднаш после нив би вовел и ПЦР тестови за сите граѓани што влегуваат. Прва мерка да ни биде наменета за границите и аеродромите и таа да важи 15 дена за почеток, а после тоа да се анализира. Нема бегање од сојот, ако велат дека се шири со таа брзина – вели Пановски во Дневникот на ТВ Сител и додава дека Комисијата за заразни болести предложувала „нелогични мерки“.

Според микробиологот Пановски по седум дена коронавирусот го нема во телото на човекот.

– Во градите е може, но во носот го нема. ПЦР тест после седум дена не треба да се прави. Нереални се овие 300 новозаразени на ден. Што се однесува до учениците, доцна е за онлајн настава, но е е доцна за да се пуштат порано дома на распуст, поточно од следниот понеделник, вели д-р Пановски.

Тој исто така додава дека искрено не знае зошто се форсира вакцинација кај деца од 5 до 11 години, кога според досегашните истражувања несаканите ефекти и од вакцината и од коронавирусот кај оваа популација се речиси идентични, па поради тоа апелира да се зголеми бројот на лица од повозрасните групи да бидат имунизирани, затоа што ковид-19 кај нив предизвикува сериозни последици.

The post ОМИКРОН НАЈВЕРОЈАТНО Е ВЛЕЗЕН ВО ЗЕМЈАВА Пановски бара од властите задолжителен ПЦР за сите патници appeared first on plusinfo.mk.

Д-р Квилти ја нарече својата објава „демо за тоа колку брзо можете да станете позитивни“ и додаде вреден совет: „Тестот направете го непосредно пред да се гледате со некого“.

Со други зборови, доколку имате симптоми на коронавирусот, брзиот тест тоа ќе го покаже, порано или подоцна. Само му треба повеќе време. Затоа, најубаво е да се тестирате што подоцна, односно токму пред да се видите со некого, а не претходно.

A demo of how fast you can turn positive:

Yesterday morning, yesterday lunchtime, yesterday evening, this morning.

Do LFTs *just* before meeting up. pic.twitter.com/3zM2rDkoa7

— Billy Quilty (@BQuilty) December 16, 2021

Секако, брзите тестовите не се 100 отсто веродостојни. Експертите секогаш за сигурен резултат препорачуваат да се прави ПЦР-тест, но овој научник ги оправдува брзите тестови како начин луѓето да се заштитат за време на празниците и јавните настани.

Во Велика Британија постои кампања да се користат овие тестови, но во моментот нема доволно возачи кои би можеле да достават доволно брзи тестови до аптеките. Побарувачката за нив е голема.

На слично мнение со Квилти е и Лоренс Јанг, виролог и професор по молекуларна онкологија на Медицинскиот факултет на Универзитетот Ворвик, вели дека секој треба да ги користи придобивките од домашните тестови сè додека короната е распространета.

– Треба да ја поттикнеме одговорната употреба на домашните тестови пред луѓето да излезат да се дружат со другите. Тие се исто така важен показател за тоа дали можете безбедно да уживате во Божиќ со вашето семејство и пријателите – вели професорот.

The post БРЗИОТ ТЕСТ БРЗО МОЖЕ ОД НЕГАТИВЕН ДА СТАНЕ ПОЗИТИВЕН Епидемиолог објаснува кога е најдобро да го користиме appeared first on plusinfo.mk.

Тој ги сподели информациите кои ги имаат од СЗО за новата мутација омикрон која според нив е можеби полесно пренослива, иако одредени експерти велат дека сè уште има недостаток на податоци, и се смета дека според степенот на преносливоста е слична со делта сојот.

– Сметам дека рестрикција во однос на затворање на граници, како и каратини за патници кои пристигнуваат од одредени земји нема да даде ефект. Ние и досега видовме кога нов сој ќе се појави, не може да се спречи и да се ограничи на некоја територија каде било во светот. Очигледно е дека соеви ќе се јавуваат и понатаму, па затоа остануваме со овие мерки кои сметаме дека се добро дизајнирани – изјави министерот.

Тој потенцираше дека лицата кои сакаат да патуваат може тоа да го сторат како и досега за влез да се покаже негативен ПЦР и потврда за вакцинација, а истите важат и за излез со што ги штитиме и околните земји.

Филипче истакна дека на утрешната седница на влада ќе биде разгледува новиот предлог, а тоа е за стимулација на матичните лекари, а како што вели поголем број на матични лекари ја поддржуваат оваа мерка кои сметаат дека е навистина добра и една таква стимулација може добро да им дојде и да ги стимулира на тој начин да регрутираат што поголем број на нивни пациенти за вакцинација – рече министерот за здравство.

Владата на седницата на 25 ноември не донесе одлука за предлогот на Комисијата за заразни болести за задолжителна вакцинација на здравствените работници и препорака за имунизација на јавниот и приватниот сектор и побара од Комисијата дополнителни анализи и компаративни студии за предложените мерки, но и предлози за дополнителни мерки за поттик за масовна вакцинација.

На новинарски прашања за здравствената состојба на седумте преживеани од автобуската несреќа на 23 ноемви во Бугарија, Филипче кажа дека двајца патници кои досега беа на Клиниката за пластична хирургија во Скопје денеска ќе бидат пуштени на домашно лекување, а тројца се очекуваат да пристигнат од Софија до вечерва. Останатите двајца во наредниот период ќе се вратат од Бугарија.

The post СЕ СЛЕДИ СОСТОЈБАТА СО ОМИКРОН Нема затворање на границата и нови мерки appeared first on plusinfo.mk.

Така, според информациите што ги објавија медиумите, работниците што не сакаат да се вакцинираат против ковид-19 ќе мора да прават ПЦР тестови, но трошокот ќе падне на товар на работодавците.

За овој предлог, како и за предлогот за задолжителна вакцинација против ковид-19 за здравствените работници и на вработените во јавната администрација, ќе се одлучува на утрешната седница на Владата.

The post ФИЛИПЧЕ И СИНДИКАТОТ СЕ ДОГОВОРИЈА НА ШТЕТА НА ГАЗДИТЕ ПЦР тестовите ќе ги плаќа работодавецот appeared first on plusinfo.mk.

Поради големиот број на заболени од ковид-19, денеска во Австрија стапи на сила карантинот за невакцинираните, чие прекршување ќе се казнува со 1.450 евра, а владата размислува и за воведување полициски час.

Бројките во Австрија се зголемуваат, повеќе од 11.552 случаи на инфекција се регистрирани во неделата, а седумдневната инциденца на 100.000 луѓе се искачи на речиси 850.

Од денеска, на луѓето кои не биле вакцинирани или прележале ковид во Австрија, им е дозволено да го напуштат станот само во исклучителни случаи, како што се купување намирници, посета на лекар или аптека или одење на работа.

Казни до 1.450 евра

Строго ќе се проверува почитувањето на оваа мерка, а прекршоците ќе се казнуваат со парични казни до 1.450 евра.

Мерките за изолација ќе бидат во сила во почетниот период од десет дена и се усвоени од провинциските и федералните влади, но канцеларот Александар Шаленберг рече дека некои провинции се слободни да постават уште построги правила.

Дополнителни правила во Виена

Главниот град Виена веќе најави дека ќе воведе дополнителни правила со кои се бара ПЦР тест од вакцинирани и оздравени граѓани кои излегуваат ноќе во затворени простории и на сите настани на кои присуствуваат повеќе од 25 луѓе.

Се надеваме дека ова ќе ја поттикне вакцинацијата. Досегашното заострување на мерките веќе доведе до скок на вакцинацијата, рече канцеларот.

Во Австрија моментално се вакцинирани околу 65 отсто од населението.

Размислуваат и за воведување полициски час

Австриската влада размислува и за воведување полициски час во текот на ноќта. Одлуката за овој потег, која ќе се однесува на целата земја, ќе биде донесена во среда, изјави австрискиот министер за здравство Волфганг Муекштајн во неделата вечерта во емисијата „ZiB2“ на „ORF“.

Ограничувањето ќе важи од 22 часот, рече тој.

The post ПОЧНА „ЛОКДАУНОТ“ ЗА НЕВАКЦИНИРАНИТЕ ВО АВСТРИЈА Покрај високите казни, полициски час од среда appeared first on plusinfo.mk.

Кумановските полицајци при извршена контрола на автобус на туристичка агенција кој патувал на релација од Македонија кон С.Р.Германија откри 19 фалсификувани ПЦР тестови од вкупно 50 патници кои се превезувале.

По извршени проверки на тестовите било констатирано дека станува збор за фалсификувани тестови, кои биле набавени од едно лице од Струмица, по цена од 1.000 денари по тест. По комплетно  расчистување и документирање на случајот ќе бидат поднесени соодветни пријави.

Овој криминал го откри Одделението за криминалистичка полиција- отсек за економски криминалитет.

The post ПОЛА АВТОБУС СО ФАЛСИФИКУВАНИ ПЦР ТЕСТОВИ Струмичанец за 1.000 денари стокмил 19 патници за Германија appeared first on plusinfo.mk.

Ваков е одговорот на Министерството за здравство, откако матичниот лекар Ненад Лазаров вчера алармираше дека нема доволно ПЦР тестови за тестирање на државно и оти симптоматски пациенти чекат со денови, па и со недели, за да добијат термин за тестирање.

Инаку, доколку се погледнат извештаите што Министерството за здравство секојдневно ги објавува, повикувајќи се на податоците добиени од Институтот за јавно здравје, може да се забележи дека во просек од 3.000 до 4.000 лица секој ден се тестираат за ковид-19. Па со оглед на тоа што се нудат само 670 слободни термини за тестирање на државно, не би било тешко да се пресмета дека околу 2.500 луѓе со симптоми на ковид-19 се принудени да прават ПЦР тест во приватните лаборатории, каде што услугата чини над 1.000 денари.

Сепак, од Министерството за здравство за Плусинфо тврдат дека има на располагање ПЦР тестови во доволен број, но и дека секојдневно се на располагање дополнителни 230 тестови за брзо антигенско тестирање.

– ПЦР тестови има на располагање во доволен број. Дневно отворени се 670 термини за ПЦР тестирања, а дополнителни 230 за брз антигенски тест. Тестирања се вршат и по епидемиолошка проценка во Центрите за јавно здравје, во Институтот за јавно здравје, како и во ковид-центрите во болниците во државата – велат од Министерството за здравство.

Во однос на тоа дека ковид-пациенти чекаат и по 16 дена за да направат анализа на крвна слика, како што алармираше д-р Лазаров, од Министерството за здравство информираат дека капацитетот на лабораториите е до 210 пациенти дневно.

– За анализа на крвна слика на ковид дијагностицирани пациенти, капацитетот на лабораториите е до 210 пациенти дневно. Испитувањата се вршат во седум поликлиники, во Ѓорче Петров, Чаир, Јане Сандански, Битпазар, Букурешт, Ченто и во Идадија, без закажување на термин со упат од матичен лекар – велат од Министерството за здравство.

Матичниот лекар Ненад Лазаров вели дека на 6 октомври испратил ковид-пациенти со ковид-упат за крвна анализа во поликлиниката „Јане Сандански“ во Скопје, а првиот слободен термин бил на 22 октомври.

„Немањето ни приближно доволно ПЦР тестови на државно е директен атак врз здравјето на народот и флагрантно кршење на човековите права. Ниту може рано да дијагностицираме, ниту пак да изолираме, со тоа свесно и намерно се пушта цел народ низ вода, да го цитирам Филипче: ’да изгори епидемијата‘. Што да правам со симптоматски пациенти во тие неколку дена, па и недела додека чекаат термин за тест? Молкот на фелата е недозволив. На 6 октомври испратив ковид-пациенти со ковид-упат за крвни анализи во поликлиника ’Јане Сандански‘ во Скопје. Им закажале боцкање на 22 октомври“, алармираше д-р Лазаров на Фејсбук.

За да ѝ се помогне на земјава во борбата со пандемијата, канцеларијата на Светската здравствена организација (СЗО) во Македонија денеска до Министерството за здравство и до Институтот за јавно здравје достави пет носачи на вакцини и 1.250 тестови и реагенси за секвенционирање вируси, во рамки на тековниот одговор на ковид-19.

The post ТРЕБА ДА СИ СРЕЌЛИЈА ЗА ДА СЕ ТЕСТИРАШ НА ДРЖАВНО Само 670 термини во денот за ПЦР, а само 210 за крвна слика – тоа е доволно?! appeared first on plusinfo.mk.