За почеток фокусот е на регионот на Западен Балкан. Идејата е да се зголемат и годишните квоти, а ако има потреба и општа согласност, да се таргетираат и трети земји.

– Точно е дека сè уште постои висока стапка на невработеност која изнесува 14 отсто и е со тренд да се намалува во наредниот период, но соочени сме и со сериозен одлив на кадар од државата. Овој тренд е присутен не само кај нас, туку во сите земји од Западен Балкан и се должи на она што се случува и во земјите од Европската Унија, како Германија, Франција, Белгија, кои ги отвораат пазарите на труд, но исто така имаат и миграција на работници во трети земји – вели Битиќи.

Ние, како Западен Балкан, посочува Битиќи, немаме таква миграциска политика за да кажеме кон кого се отвораме.

– Првиот исчекор го направивме пред година и половина со иницијативата „Отворен Балкан“. Дел од овој процес се и законските решенија за единствен идентификациски број на трите земји Србија, Северна Македонија и Албанија, што е поврзано со една од вредностите на Европската Унија, а тоа е мобилноста. Да може работната сила полесно да доаѓа. Извештајот на ОЕЦД покажува дека интрамиграциските движења во Западен Балкан се на ниво на 15 отсто од вкупното миграциско движење. Постоело и претходно, постои и сега, ама ние сакаме да го артикулираме уште повеќе за да ги искористиме сите потенцијали од Западен Балкан, затоа што и културолошки сме поблиски. Луѓето многу полесно ќе се движат и снаоѓаат на пазарот на труд, појаснува Битиќи.

Тој смета дека не би требало да имаме привилегирана земја кон која ќе се насочиме и затоа, како што вели, неделава ќе се разговара детално со стопанските комори, организацијата на работодавачите, за да се види што, каде и колку е потребно.

Во нашата земја, како што истакнува, веќе имаме работници од Индија кои работат во автоиндустрија и во секторот за информатичка технологија. Исто така и во делот во градежништвото имаме работници од источна Турција, а на автопатот Кичево кон Охрид каде се ангажирани работници од Кина

– Пазарот на труд годишно бара 10 до 15 илјади места. Пред кризата стигнавме и до 25 илјади во една година. Но заради кризата се намали, во моментов имаме потреба за 9.000 работни места кои се бараат на пазарот на труд, но најголем дел од оние што ги имаме како активни баратели се со вештини и знаења кои не одговараат на потребите. Но јас лично не се откажувам од активните баратели на работа, тоа се наши сограѓани, евидентирани и се стремам кон нив да се доквалификуваат, преквалификуваат за потребите на пазарот на труд во кој би биле подобро платени. Меѓу нив можеби има и некои со магистерски студии, но тие не одговараат на потребите. Затоа сметам дека овој процес продолжува – нагласува Битиќи.

The post ЌЕ УВЕЗУВАМЕ РАБОТНИЦИ ОД ЗАПАДЕН БАЛКАН Вицепремиерот Битиќи најавува отворање на пазарот на трудот appeared first on plusinfo.mk.

Ова го истакна вицепремиерот за економски прашања Фатмир Битиќи во обраќањето на денешната Национална конференција „Подобрување на системот за СОО во 5 региони – потенцијал и проценка на капацитетите на средните стручни училишта во регионите”.

Битиќи напомена дека средните стручни училишта се можеби столбот за развој на образованието.

– Млади, пазар на труд и миграција – сите се поврзани и меѓусебно зависни и ако не ги гледаме холистички и ако не успееме да ја адресираме нивната комплексност, ќе имаме и следни 30 години во кои ќе се прашуваме што правиме погрешно. Фактите се непријатни и не звучат политички позитивно. Веројатно се очекува од некој што е на позиција како мојата да ги каже на јавен настан само добрите вести. Но, сѐ додека не зборуваме со факти, со вистината или реалноста на ситуацијата, нема да го постигнеме прогресот што ни треба – нагласи Битиќи.

Заменик-министерот за образование и наука Љуљзим Алиу нагласи дека во стручното образование започна суштинска реформа, со цел да се оформат млади луѓе кои се подготвени да ги пресретнат барањата на пазарот на трудот. Во минатата учебна година во сите средни стручни училишта имало 97 дуални паралелки со повеќе од 1.400 ученици. Оваа година имаме повеќе од 200 дуални паралелки и 2.700 ученици. Лани биле вклучени 250 компании во овој процес, а годинава повеќе од 400 компании.

– Дел од промените што се преземаат со воспоставување на регионалните центри за стручно образование на национално ниво се насочени кон иновациска култура на регионално и национално ниво. Во фокусот е да инвестираме во развивање на заедници што учат со здружување на учениците, студентите, наставниците, професорите, родителите и бизнис заедницата. Преку кампањата „Учи паметно, работи стручно”, што во континуитет се спроведува во изминативе две години, се идентификувани локалните потреби за одредени стручни профили кои веќе се дел од уписната политика за средните стручни училишта. Токму во соработка со деловната заедница и Стопанската комора, се потврди вредноста на концептот на дуално образование. Тоа е ефикасен и ефективен пристап за учење директно на работното место во компанијата што овозможува стекнување практично применливи знаења и вештини и создавање на добро подготвена работна сила за настап на пазарот на трудот веднаш по завршување на образованието – нагласи Алиу.

The post ЛОША ВЕСТ СО КОЈА МОРА ДА СЕ СООЧИМЕ Девет од десет невработени се функционално неписмени appeared first on plusinfo.mk.