Пазарот на недвижнини во третиот квартал од годинава бележи  пад во однос на вториот квартал, покажуваат податоците на Агенцијата за катастар на недвижнини објавени во последниот Извештај.

Во овој квартал бројот на продадени станови се намалил за 14%, додека бројот на станови што се издаваат под закуп пораснал за дури 45%. Највисока цена од 3.121 евро на становите е постигната во општина Карпош каде што за стан од 41 квадратен метар се платени 128.000 евра. Најскапо продаден стан кај инвеститор е со големина од 63 квадратни метри, а за него сопственикот платил околу 200.000 евра.

Според овие податоци, регистрирани се 7.679 трансакции со недвижности, што претставува намалување од 8,2% во споредба со вториот квартал. Намалувањето е особено изразено кај купопродажбите, чиј број се намалил за 12,1%. Од друга страна, бројот на склучени договори за закуп се зголемил за 2,8%.

Бо овој квартал најголем број на трансакции за купородажба на недвижнини има во општина Центар, вкупно 562 трансакции, што е помалку за 2% во однос на претходниот квартал.

Покрај бројот на транскации во овој квартал намалена е и нивната вредност која во третиот квартал изнесувала 339 милиони евра, што е за 3,6% помала од онаа во вториот квартал.

Најголемиот дел од оваа сума, односно 337,8 милиони евра, се однесува на купопродажби на недвижности, додека регистрираната вредност на закупите изнесува 1,1 милион евра.

Кај купопродажбите финансиската вредност е намалена за 3,6%, додека кај закупите е забележан пад од 10,2%.

Податоците покажуваат дека бројот на продадени станови во третиот квартал е намален за 14%, додека нивната вкупна финансиска вредност паднала за 6% во споредба со вториот квартал.

Во овој квартал највисока цена од 3.121 евро на становите е постигната во општина Карпош каде што за стан од 41 квадратен метар се платени 128.000 евра.

Најскапо продаден стан кај инвеститор, е со големина од 63 квадратни метри, а за него сопственикот платил околу 200.000 евра.

Кај закупите забележан е раст на бројот на закупени станови од 45%, и зголемување на вкупната месечна закупнина за 31% во споредба со претходниот квартал.

Според Катастарот, и покрај силниот раст на закупите на станови, вкупната регистрирана вредност на закупите на сите видови недвижности е намалена за 10,2%.

Од Агенцијата за катастар на недвижности оценуваат дека пазарот покажува различни движења во двата сегмента.

„Нашата оценка е дека пазарот покажува различни движења во двата сегмента – намалена активност кај купопродажбите и умерен раст кај закупите по бројот на договори, но намалување на вкупната месечна закупнина“, се вели во Извештајот.

The post ОКОЛУ 200.000 ЕВРА ПЛАТИЛ ГРАЃАНИН ЗА СТАН ОД 63 КВАДРАТНИ МЕТРИ ВО ЦЕНТАР Највисока цена за стан е постигната во општина Карпош appeared first on plusinfo.mk.