Одбраната на Македонија во рамките на НАТО е потребна повеќе од кога било, а мирот и стабилноста се постигнува и со вложување во одбранбените способности, рече денеска пратеникот од ЗНАМ и поранешен генерал мајор Павле Арсоски.

Како претседател на Комисијата за одбрана и безбедност, тој денеска беше домаќин на Асоцијацијата на одбранбени атешеа акредирани во Македонија.

Арсоски рече дека земјава секогаш била сериозна кон обврските од членството во НАТО, вклучително и за насоките од Самитот на Алијансата во Велс од 2014 година за издвојување на најмалку 2 отсто од БДП за одбранбениот буџет.

– Ние таа цел ја постигнавме многу кратко од нашето пристапување во НАТО во 2020 година. Веќе во 2023 и во 2024 година е надминат 2 отсто од БДП. Во НАТО сега се разговара за повеќе проценти, 3, дури и за 5, но, повеќе е важно како се издвојуваат средствата, на кој начин, за системот за одбрана. Ако сакате мир, подготвувајте се за војна, значи ние сме сериозни кон обврските во НАТО. Нашиот министер за одбрана спомна дека може да работиме и да настојуваме да достигнеме и некој позначаен процент од 3 проценти, но, повеќе од тоа верувам дека Македонија во овој момент не е во состојба да издвојува – рече пратеникот Арсоски на новинарско прашање за новата иницијатива на американски претседател Доналд Трамп сојузниците во НАТО на одбраната да трошат 5 отсто годишно од својот БДП.

Хрватскиот воен аташе, бригадир Стјепан Домјанчиќ на истото прашање одговори дека Хрватска континуирано го зголемува издвојувањето за одбраната од БДП.

– Ние го надминавме тоа ниво од 2 отсто, меѓутоа поважно од самата бројка, е всушност содржината на тоа издвојување, квалитетот и промена на општата свест, не кај припадниците на одбранбениот ресор, туку кај граѓаните, дека одбраната и сигурноста се нешто на кои ќе се посветува многу повеќе внимание во иднина. Но, секогаш треба да се внимава тоа да не загрози други сектори од општеството, што на крајот би можело да ги загрози и издвојувањата за одбраната – рече Домјанчиќ.

Тој изрази задоволство што за разлика од досегашните активности на Асоцијацијата кои биле насочени главно на посети на организациските единици на Министерството и на војската на Македонија, ова е првпат да имаат прилика да го погледнат одбранбениот сектор на земјава од аспектна одбранбената политика и парламентарниот надзор над буџетирањето.

Во Асоцијацијата на одбранбени аташеа членуваат држави од ЕУ, од НАТО, но и од трети земји, додаде тој, но, во посетите што ги организираат нема дисонантни тонови, оти безбедносните кризи се глобално присутни и заеднички на сите.

– Секако дека како членки на НАТО и на ЕУ делиме можеби поинаква перспектива, но стравувањата и надежта за подобар свет е нешто што сите нè поврзува и ова е добра прилика да ги сослушаме оние со кои не се согласуваме – вели хрватскиот воен аташе, Стјепан Домјанчиќ.

The post МАКЕДОНИЈА ГИ ЗГОЛЕМУВА ТРОШОЦИТЕ ЗА ОДБРАНАТА, НО НЕ МОЖЕ ДА ИЗДВОЈУВА ПОВЕЌЕ ОД 3% ОД БДП „Ако сакате мир, подготвувајте се за војна“ appeared first on plusinfo.mk.

Тој истакна дека остварување на етнички барања во 21-от век, кога Македонија треба да се подготвува за преговори со Европска унија е апсолутно неприфатливо.

– Неприфатливо е претседателот на државата да се избира како што се бираат обвинители, судии и носители на други јавни функции. Движењето ЗНАМ – За наша Македонија веќе го има искажано ставот по барањата за избор на претседателот на државата во Собранието и сметаме дека уставната позиција на претседателот на Македонија, како институција, така поставена треба да остане и не треба да се менува. Избор на претседател во Собранието на начин како што се избираат јавни обвинители, судии, носители на други јавни функции е апсолутно неприфатливо. Претседателот на Македонија треба да е, по уставните негови надлежности, соодветен коректив на случувањата на политичката сцена, често пати треба да биде коректив и на, би рекол неодговорното работење на Собранието, носење на закони кои се на штета на граѓаните, носење на закони кои немаат никаква врска со Европската унија и евроинтеграциите со европско знаме – рече Арсовски.

Тој нагласи дека претседателот на државата не смее да биде сервилен кон политичките партии на власта, туку треба да биде слуга на интересите на граѓаните.

– И може да разговараме, напротив дали е можно или е потребно неговите уставни ингеренции малку и да се зголемат, за да може да биде татко на нацијата, коректив на сите случувања – изјави Павле Арсоски, потпретседател на ЗНАМ.

The post ОХРИДСКИОТ ДОГОВОР ГИ ИСПОЛНИ СИТЕ ЕТНИЧКИ БАРАЊА ЗНАМ е против избор на претседател во Парламент appeared first on plusinfo.mk.