По демонстрациите во поддршка на чешкиот претседател Петр Павел, на кои десетици илјади Чеси првпат излегоа во Прага на 1 февруари, а вчера во речиси 400 градови и села, владејачката коалиција се откажа од номинацијата на контроверзниот инфлуенсер Филип Турек за министер за животна средина.

Премиерот Андреј Бабиш го пофали најмалиот коалициски партнер, евроскептичните конзервативци од партијата „Мотористи“, за тоа што попуштија и повеќе не инсистираат министерот за животна средина да биде нивниот почесен претседател Турек, за кого беше измислена функцијата „владин претставник за Зелениот договор на ЕУ“.

– Кога веќе го видов тој притисок во општеството, сфатив дека е време да се повлечам. Направивме отстапка, логично е бидејќи спорот не беше добар за односот меѓу владата и претседателот. Во ред е Игор Червени да биде назначен. Сакам соработката на владата со претседателот и со Брисел да биде добра – рече Турек на прес-конференцијата по владината седница.

Турек утринава им рече на новинарите дека послушен човек ќе биде назначен за министер за животна средина и дека тој, всушност, неформално ќе го води Министерството.

Демонстрациите на почетокот на февруари беа организирани во Прага поради скандалот од крајот на јануари, кога се дозна дека новиот министер за надворешни работи, Петр Мацинка, лидер на „Мотористи“, му испраќал заканувачки СМС-пораки на советникот на претседателот, во кои го уценувал шефот на државата да го назначи контроверзниот Турек за министер бидејќи во спротивно Мацинка ќе „му забрани на шефот на државата“ да ја претставува Чешка во странство и ќе го остави „само да полага венци“.

Претседателот Павел одби да го назначи Турек за министер бидејќи е познат по своите расистички и ксенофобични коментари на социјалните мрежи, со неколку слики на кои ја крева раката во нацистичкиот поздрав „Зиг Хаил!“.

Тој е познат и по тоа што му се заканувал на вработен во амбасадата на Саудиска Арабија кому му оставил куршум на неговиот автомобил во гаражата, а познат е и по тоа што не го почитувал законот – возел побрзо од 250 километри на час, градел нелегално и друго.

Од тие причини Павел верува дека таков човек не заслужува да биде министер, а за тоа има правна анализа и соодветен член од чешкиот Устав.

Од крајот на јануари, повеќе од 770.000 луѓе ја потпишаа петицијата „Застанувајќи со претседателот“ на невладината иницијатива „Милион моменти за демократија“. Тие масовно реагираат на повиците да ја покажат својата поддршка на улиците бидејќи очекуваат Павел да ги заштити независните демократски институции за Чешка.

The post НЕ САКААТ РАСИСТИЧКИ ИНФЛУЕНСЕР ЗА МИНИСТЕР! Чесите со протести му го сменија планот на премиерот Бабиш appeared first on plusinfo.mk.

Всушност шефот на групата Вагнер  своето семејство го чуваше далеку од јавноста се додека не се дозна дека е под санкции, но и откако беше објавено едно видео.

Видеото го објави советникот во украинскиот МУП, Антон Герашченко, наведувајќи дека на видеото се гледаат синот и најмладата ќерка на шефот на Вагнер, Павел и Вероника Пригожин. Во видеото, помладите членови на семејството Пригожин пеат песна во која велат дека се елитата и олигарсите, додека други ги молат за пари и остатоци од подот.

Герашченко во звојот твит напиша дека „ рускиот канал на  Телеграмс објавија видео од децата на Пригожин, Павел (во бејзбол капа) и Вероника, во Карелија“.

Russian Telegram channels published a video of Prigozhin's children, Pavel (in a baseball cap) and Veronika, in Karelia.

They are filmed singing a song where they call themselves elite and oligarchs while others beg for coins and scrub floors.

Prigozhin himself confirmed that… pic.twitter.com/hHsy9ZZCRb

— Anton Gerashchenko (@Gerashchenko_en) May 31, 2023

Пригожин подоцна потврди дека на видеото се неговите деца.

Покрај арогантниот однос, јавноста имаше можност да ја види и Вероника Пригожина, најмладата ќерка на основачот и шеф на групата Вагнер која има 18 години.Таа не е многу позната во јавноста. Нејзиниот брат Павел е далеку попознат, тој дури наводно бил дел од Вагнер во Сирија.

Павел  е под санкции од Западот од 2022 година, а под занкции се и сопругата и една од ќерките на Пригожин.

Инсајдер ги наведе сите членови на семејството на Пригожин и подетално го опиша нивниот статус.

Мајката на Пригожин под санкции

Мајката на Пригожин, Виолета Пригожина, за прв пат беше додадена на листата на санкции на Европската унија во 2022 година. Таа ги обжали санкциите, ја доби жалбата, по што санкциите беа укинати.

Врховниот суд на ЕУ во соопштението објавено во март рече дека врските меѓу Виолета и нејзиниот син се засноваат „само на нивниот семеен однос и затоа не се доволни за да го оправдаат нејзиното вклучување на спорните листи“.

83-годишната мајка на Пригожин отвори уметничка галерија во 2018 година во Санкт Петербург наречена „Боите на животот“. Таа во декември минатата година го промовираше уметничкото шоу „Штеди, не уништувај“ за важноста од зачувување на спомениците на културата.

Сопругата на газдата Вагнер е сопственичка на фабрика за чоколади

Сопругата на Пригожин, Љубов, фармацевт, стана бизнисменка и сопственик на „Агат ДОО“, фирма која е дел од „Конкорд менаџмент и консалтинг ДОО“, фирма основана од Евгениј Пригожин, според швајцарската и француската листа за санкции. Министерството за финансии на САД и ЕУ го додадоа на листата на санкции во 2022 година.

Yevgeny Prigozhin’s wife, Lyubov Valentinovna Prigozhina owns a successful spa in St. Petersburg as well as several other companies. Russian journalists estimated her annual income in 2020 at 2.5 billion rubles. pic.twitter.com/Ch4yCoOaC0

— Runningwaters06 (@runningwaters06) June 24, 2023

Рускиот медиум „Њу Известија“ ја опиша Љубов како бизнисменка која поседува неколку одморалишта, фабрика за чоколади и продавница за малопродажба во Санкт Петербург.

Синот Павел служел во Вагнер

Павел, син на Евгениј Пригожин, наводно се борел заедно со групата на Вагнер во Сирија. За неговата воена служба беше одликуван со Вагнеров црн крст.

I had to recall when he was in prison in Russia. 1981 – 1990 and his spouse is Lyubov Valentinovna Prigozhina, his children Pavel
Evgenyevich Prigozhin, Polina Evgenyevna Prigozhina and only one with no sanctions Veronika Evgenyevna Prigozhina pic.twitter.com/iVzGn2RVCa

— Rivkahle #NiOubliNiPardon (@russianjewess) June 3, 2023

Во 2022 година, Министерството за финансии на САД го санкционираше Павел, наведувајќи дека тој, заедно со неговата мајка и сестра Полина, играле „различни улоги во деловниот потфат на Пригожин“. Не открија повеќе детали за тоа како биле вклучени во неговата деловна империја.

Министерството за финансии напиша дека Павел контролира три компании: Лахта Парк, ООО, Лахта Парк Премиум, ООО и Лахта Плаза. Не е познато што всушност прават овие компании.

Во декември, тој беше во центарот на шпекулациите дека неговите објави на Телеграм ја откриле локацијата на трупите на Вагнер на украинскиот ракетен напад.

Ќерките се мистерија

Заедно со Павел, Пригожин има и две ќерки – Полина (31) и Вероника (18). Тие се натпреваруваа на стотици коњски трки надвор од Русија во исто време кога нивниот татко протестираше на Телеграма против „предавниците меѓу руските елити кои ги испраќаа своите деца во странство“.

Полина е позната по тоа што се жалеше на тешкотијата да добие свадбено цвеќе кога се омажи во палатата Константинов во Санкт Петербург во 2015 година. Полина, исто така, беше наведена од Министерството за финансии на САД дека игра улога во деловната империја на Пригожин.

Засега најмладата Вероника е единствениот член од семејството за кој не се знае дали е санкционирана во САД или ЕУ.

Авионот „Ембраер“ се урна во средата во близина на Москва. Сите патници на летот загинаа. Руската агенција за цивилно воздухопловство Росавијација објави дека шефот на Вагнер, Евгениј Пригожин и неговиот истакнат командант Дмитриј Уткин биле меѓу патниците во авионот

The post ЌЕРКИТЕ СЕ ЗАГАТКА, СИНОТ ТВРДИ ДЕКА СЕ БОРЕЛ ВО СИРИЈА Кои се членовите на семејството на Евгениј Пригожин? appeared first on plusinfo.mk.

Вака митрополитот Павел од манастирот Киевска Печерска Лавра му порача на украинскиот претседател Володимир Зеленски за потегот да ги исфрли свештениците од манастирот стар 970 години, под обвинение дека работат за руските интереси, односно под јурисдикција на Московската патријаршија.

– Денес мислите дека откако ќе ја преземете власта на наш грб, (врз основа) на нашите желби, можете да се однесувате со нас така. Нашиот Господ нема да ја прости оваа постапка, ниту вам, ниту на вашето семејство – предупреди тој.

Околу 220 монаси од манастирот ќе бидат избркани на улица, а рокот за иселување е неделава.

– Ви велам, господине претседателе, и на целата ваша глутница, дека нашите солзи нема да паднат на земја, туку на вашата глава – рече Павел во видео обраќањето во средата.

Митрополитот и епископ Павел ги предводи УПЦ и манастирот. Тој го критикуваше Зеленски затоа што одбил да се сретне со високи свештеници да разговараат за ситуацијата. Ова беше особено лицемерно, забележа тој, имајќи предвид дека, кога бил претседателски кандидат, Зеленски побарал и добил благослов да се кандидира за функција од митрополитот Онуфри, водачот на црквата.

Украинскиот министер за култура, Александар Ткаченко, изјави дека монасите би можеле да останат во Лаврата доколку се согласат од УПЦ, која била под Москва, да пребегнат во ПЦУ, новопризнатата Православна црква на Украина.

УПЦ доби признание како легитимна автокефална црква во 2019 година од Цариградската патријаршија, предизвикувајќи голем раскол меѓу православните верници во светот.

Митрополитот Павел го обвини Константинополскиот патријарх Вартоломеј дека со овој потег дал поттик на задушувањето.

– Тешко и срам да ти е, таканаречениот патријарх (Вартоломеј), бидејќи сè што е направено денес е направено со твојот несреќен и злобен благослов – рече тој.

За одлуката за исфрлање на свештенците Зеленски претходно рече дека „Украина ја јакне својата духовна независност“.

ЈА ЈАКНЕМЕ ДУХОВНАТА НЕЗАВИСНОСТ Зеленски објасни зошто ги брка свештениците од манастирот Печерска Лавра

The post МИТРОПОЛИТОТ ПАВЕЛ РАСПАЛИ ПО ЗЕЛЕНСКИ „Господ нема да ви прости што нè бркате, плашете се“ appeared first on plusinfo.mk.