По повод Светскиот ден на Алцхајмеровата болест – 21 Септември, Здружението на граѓани Институт за Алцхајмерова болест и невронаука во Македонскиот народен театар (МНТ) организираше т.н. „Алцхајмер матине – Патување низ времето“.

Целта на овој настан, според организаторот, е да се влијае на подигнување на јавната свест за болеста, која ја нарекуваат епидемија на 21 век.

– Гледав како од ден на ден станува сè полошо. Понекогаш навечер, иако се чинеше дека е толку изморена што ќе спие до утрото, стануваше по неколку пати. Понекогаш во таквите ноќи бев многу уморна, фрустрирана, лута и тажна истовремено.

Влегував во нејзината соба, ја прегрнував и плачев. Воопшто не мислев на тоа дека така ќе ја вознемирам уште повеќе, не мислев баш ништо, само им се препуштав на тагата и на уморот.

Плачев, рикав како магарица и ја молев: „Мамо, те молам легни си, те молам спиј, уморна сум многу, ајде, легни си мамичке, врати се на спиење“.

Не верувам дека ме разбираше, но ми беше уште потешко кога ќе се расплачеше и самата:

„Извини, ќе бидам подобра, ќе спијам, не плачи“.

Не знам како да го опишам тоа што се случуваше во мене во ваквите ноќи, некакво чувство на безнадежност, на неизмерна тага, на немоќ – пишува авторката на книгата „Кога мама заборави дека ме сака“, посветена на нејзината мајка која боледувала од деменција и за сите предизвици во нивниот заеднички живот.

Се осврнуваме повторно на оваа книга по одбележувањето на Светскиот ден на Алцхајмер во Македонскиот народен театар кадешто д-р Габриела Новотни, проф.д-р Антони Новотни и други претставници од Институтот за Алцхајмерова болест и невронаука, се осврнаа на сите предизвици што ги носи со себе оваа болест.

Повеќе за ова прочитајте ТУКА.

The post 24.000 СЕМЕЈСТВА ВО МАКЕДОНИЈА ЖИВЕАТ СО ДЕМЕНЦИЈА 80 отсто од негувателите кои се препуштени сами на себе, се соочуваат со депресија appeared first on plusinfo.mk.

Во еден од филмовите за Супермен од 1979 година, суперхеројот се враќа во минатото, летајќи околу Земјата во спротивна насока од нејзината ротација побрзо од светлината.

Светлината се движи нешто помалку од 300.000 километри во секунда. Досега луѓето не успеале да се приближат до оваа брзина, впрочем, најбрзиот објект направен од човек, вселенската сонда, мина само 150 километри во секунда.

Со оглед на вистинскиот технолошки напредок, дали теоретски е можно да се патува побрзо од брзината на светлината, па како Супермен, да патуваме низ времето?

– Колку што знаеме ништо не може да оди побргу од светлината, меѓутоа ако патувате со брзина блиска до брзината на светлината, времето веќе не се однесува како што сме навикнати. Значи, теоретски е можно да се патува во иднината, но не е можно да се врати во минатото – вели астрофизичарот д-р Шон Мет од Универзитетот во Екетер.

Исто така, мора да имаме на ум, како што вели професорот Ерик Титли, астроном од Универзитетот во Единбург, кога велиме брзината на светлината, тоа се однесува на брзината на светлината во вакуум. Светлината е побавна кога се движи низ вода или воздух.

– Ако нешто би патувало побргу од брзината на светлината во вакуум, тогаш не е јасно како би се согледал правецот на времето и како ние како надворешни набљудувачи тоа би го виделе во нашето време и простор – вели д-р Титли и додава дека патувањето на Супермен во минатото, како што е прикажано во филмот, од научна гледна точка е чиста глупост.

Дали го доживуваме времето поинаку кога патуваме со поголема брзина?

Теоријата на релативност на Ајнштајн вели дека времето не е универзално, туку релативно. Експериментот на Хафеле и Китинг во 1971 година покажа дека часовникот што летал во авионот не покажувал исто време со часовникот кој останал на Земјата.

Имено, Хафале и Китинг двапати летаа низ светот, прво на исток, а потоа на запад, со атомски часовници со цезиум, по што ги споредија „патувачките“ часовници со оние што останаа во поморската опсерваторија на САД.

Се испостави дека часовникот во авионот што се движи кон исток, во насока на ротација на Земјата, работел побрзо од оној што останал на Земјата. Додека часовникот во авионот кој се движел на запад, спротивно од ротацијата на Земјата, имал помала брзина од оној на Земјата.

Овој феномен се нарекува „временска дилатација“.

Дали е можно да се патува побргу од светлината?

Сите експерти се согласуваат дека не е можно да се патува побрзо од брзината на светлината, што исто така е наведено во теоријата на Ајнштајн.

– Јасно е дека ниту еден предмет или информација не може да патува побрзо од брзината на светлината. Не се работи за тоа дали имаме доволно енергија. Однадвор, секоја енергија додадена на телото за да ја достигне и надмине брзината на светлината само забрзува асимптоматски до брзината на светлината – вели д-р Ерик Титли.

„Асимптоматски“  значи дека нешто поблиску до брзината на светлината никогаш не се постигнува.

Ниту еден објект не може да патува побрзо од брзината на светлината, бидејќи колку побрзо патуваат објектите, толку потешки стануваат. Затоа, само светлината може да патува со брзина на светлината, бидејќи нема маса.

The post МУ УСПЕА САМО НА СУПЕРМЕН Дали можеме да патуваме низ времето? appeared first on plusinfo.mk.