Сексуалниот претстапник Џефри Епстин стоел зад мрежа што во документите се појавува како „аранжмани за Украинки“, со патувања, контакти и недвижности поврзани со Киев, Одеса и со Лавов.

Американското Министерство за правда објави повеќе од 3.000.000 документи за покојниот финансиер и осуден педофил, а дел од нив отвораат директни траги кон Украина, објави Киев Индепендент.

Мрежа со агенции, избор на жени и патувања

Електронската преписка наведува контакти со две модни агенции од Киев. Во една порака анонимен испраќач ги оценувал како „најдобри“, со дополнување дека други мали агенции биле „евтини ескорт агенции“, со најава дека ќе се најдат контакти ако е потребно. Во истата нишка се разменувале фотографии, со селекција на жени што му се допаѓале на Епстин.

Посебна порака ги содржи контактите на Јулија Киселева, со тврдење дека располага со околу 400 девојки за модни и брачни агенции во Киев. Управителката на една од агенциите, Маша Манјук, за медиумот изјави дека комуникацијата била стандардна и транспарентна и дека не знаела за врските меѓу познатиот моден агент и осуденик Жан Лук Брунел и Епстин.

Другата агенција, преку ко-сопственикот Стас Јанкелевски, негира каква било вмешаност во придружба или слични активности.

Руски ТАСС, пак, напиша дека името на актуелниот претседател на Украина Володимир Зеленски во документите се споменува над 1.000 пати и во дел од нив поврзано со името на Лук Брунел, кој беше обвинет за трговија на луѓе од Украина.

Наводно, во е-пошта, некој го прашал Зеленски дали планира да ја сопре оваа трговија.

ЌЕ ГО СПРЕЧИТЕ ЛИ ШВЕРЦОТ НА ЛУЃЕ ОД УКРАИНА Зеленски и француски осуденик на пик во досието Епштајн?

Летови, хотели и логистика

Пораките вклучуваат закажувања на десетици повратни летови кон Киев и Одеса. Во април 2011 година се појавуваат опции за лет од Њујорк до Киев преку Москва со „Aeroflot“.Документите наведуваат и престои во петѕвездениот хотел Hyatt Regency Kyiv.

Поранешната асистентка на Епстин, Лесли Гроф, во 2012 година пишувала дека соба била резервирана со посредство на Томас Прицкер, врска што се појавува и во претходни досиеја.

Во 2018 година се појавува нова координација на повратни патувања, со Одеса како дестинација. Во една порака жената била информирана дека е договорен стан за еднонеделен престој.

Во друга, американскиот претприемач Брок Пирс му пишувал дека „брод полн со неверојатни украински убавици“ го чека во Антигва, при што Пирс се наведува како коосновач поврзан со Tether.

Недвижности во Лавов

Досиејата содржат обемна преписка од 2017 година за купување вила во Лавов. Во разговорите учествувале Епстин, украинска трговка со уметност, сметководител и агент за недвижности. Објектот бил купен во 2015 година за 128.500 долари преку компанија регистрирана во САД, а потоа пренесен на ќерка му со план да се регистрира како имот на компанијата.

Во пораки се споменуваат идеи за користење, меѓу кои и студио за пилатес. Во една размена Епстин коментирал дека продавачката била „криминалец“ и се прашувал дали избегала од Украина.

Политика, избори и „огромни пари“

Во 2019 година разговорите се префрлиле на украинската претседателска кампања и на средбите меѓу Петро Порошенко и Володимир Зеленски. Во мај, Епстин побарал од соговорничка да почне да ја следи украинската политика, со аргумент дека тоа ќе ѝ донесе иден успех.

„Да, смешно е, но тоа е софистицирана корупција. Ќе има огромни пари за заработка. Огромни. Би сакал да те видам како жена олигарх“, напишал Епстин.

Во јуни истата година анонимен испраќач навел дека ќе го посети Зеленски, со споменување на Лери Самерс во разговорите.

Постојат и пораки со тогашниот словачки шеф на дипломатијата Мирослав Лајчак за исходот од изборите, со проценка дека Русија го мрази Порошенко и дека победата на Зеленски можеби нуди излез од конфликтот, но и сомнеж во неговиот капацитет.

The post ЕПСТИН ОРГАНИЗИРАЛ „АРАНЖМАНИ ЗА УКРАИНКИ“ ОД МОДНИ СТУДИЈА? Планирал да купува имот, имал фаворит меѓу „олигарсите“ appeared first on plusinfo.mk.

Американскиот Стејт департмент изненади со својата препорака за безбедност при патување во европските земји. Според нова мапа, Источна Европа е побезбедна од Западна Европа, а особено е интересно што во Белгија, седиштето на Северноатлантскиот договор (НАТО) и Европската унија (ЕУ), се препорачува дополнителна претпазливост поради зголемениот ризик од тероризам.

Овие предупредувања, кои редовно се ажурираат врз основа на фактори како што се тероризам, криминал, граѓански војни и конфликти, но и здравствени ризици, користат систем од четири нивоа за да им помогнат на граѓаните да донесуваат одлуки.

Така, нивото 1 (најниско) би значело дека треба да се преземат нормални мерки на претпазливост, додека нивото 4 (најниско) би претставувало препорака дека не е препорачливо да се патува во таа земја, поточно, се дава предупредување за екстремни ризици како што се активни воени конфликти.

Се појавува јасен образец: многу источноевропски земји имаат најниска оценка на ризик, додека неколку истакнати западноевропски дестинации се „алармирани“, првенствено поради постојани терористички закани. Поголемиот дел од Европа спаѓа во ниво 1 или 2, што нагласува дека околината е генерално безбедна за туристите, но разликата помеѓу Истокот и Западот е впечатлива, пишува „EU alive“.

На пример, следните земји добија најдобра оценка:

Полска

Чешка

Унгарија

Бугарија

Хрватска

Романија

Естонија

Латвија

Литванија

Спротивно на тоа, главните западни центри се означени со бројот 2, што значи дека е потребна дополнителна претпазливост при патување во овие земји, имено:

Франција

Германија

Италија

Шпанија

Велика Британија

Белгија

Истото ниво на безбедност беше оценето за Македонија и за Србија, но и за земјите во нашето соседство – Босна и Херцеговина и Албанија.

Оценка на терористичките активности

Оваа разлика произлегува од проценките на терористичките активности. Западна Европа, со своите густо населени урбани центри, добро познати туристички места, транспортни мрежи и меѓународни институции, како што е Белгија, претставува попривлечни цели за екстремистички групи или осамени актери. Нападите можат да се случат со мало предупредување, потенцијално погодувајќи преполни места како што се аеродроми, железнички станици, пазари, хотели, ресторани, места за богослужба и големи настани.

Се забележува дека терористите можат неселективно да нападнат:

туристички места

јавни површини

настани

Сличен јазик се појавува во предупредувањата за Франција (тероризам и граѓански немири), Германија (тероризам), Обединетото Кралство (тероризам) и други.

„EU alive“ забележува дека овие предупредувања не се нови, тие постојат со години и се однесуваат на разузнавачки информации за потенцијални закани, а не само на неодамнешни инциденти.

patuv„Воопшто не патувајте во овие земји!“

За споредба, Источна Европа се соочува со помалку вакви ризици. Земји како Полска и Чешка го задржуваат статусот 1, каде што на патниците им се советува да ги преземат вообичаените мерки на претпазливост, како што е заштита на личните работи од џебни кражби, чест проблем во која било популарна туристичка дестинација.
Бугарија и Хрватска се исто така на ова ниво, при што Хрватска забележува присуство на мини во оддалечените рурални области од минатите конфликти и им советува на патниците да патуваат само по обележани патишта.

Понатаму на исток, сликата нагло се менува – Украина, Русија и Белорусија се на ниво 4 поради:

Руска инвазија на Украина

произволно спроведување на законот

нелегални притворања

ограничена конзуларна помош од Соединетите Американски Држави

На американските граѓани им се советува воопшто да не патуваат во овие земји, а предупредувањата ја нагласуваат потребата од итно заминување за секој што веќе е таму.

The post 📷 ИСТОЧНА ЕВРОПА ПОБЕЗБЕДНА ЗА ПАТУВАЊЕ ОД ЗАПАДНА Нова оценка од американскиот Стејт департмент, еве каде е рангирана Македонија appeared first on plusinfo.mk.

2026 година носи добра вест за сите што сакаат да „побегнат“ од секојдневието – календарот е наклонет кон граѓаните и нуди повеќе можности за продолжени викенди, кратки патувања и заслужен одмор без да се трошат многу денови од годишен одмор.

Кога станува збор за државните празници, годината започнува со првиот ден од новата година, кој се падна во четврток, а само неколку дена подоцна следеше Божиќ. Пролетта носи уште подобар распоред – Рамазан Бајрам паѓа во петок, а вториот ден Велигден е во понеделник, што отвора простор за продолжен велигденски одмор. Мај е еден од најповолните месеци, со Први мај во петок и дополнителен слободен ден поради празникот „Св. Кирил и Методиј“, кој се префрла во понеделник. Летниот период продолжува во ист ритам со Илинден, кој исто така носи продолжен викенд, а и октомври не заостанува – Денот на народното востание обезбедува уште три последователни слободни денови. До крајот на годината, Денот на македонската револуционерна борба и „Св. Климент Охридски“ нудат можност за кратки паузи и мини-одмори.

За сите граѓани:

1 јануари (четврток), Нова Година,

7 јануари (среда), Божиќ, првиот ден на Божиќ според православниот календар,

20 март (петок), Рамазан Бајрам, првиот ден на Рамазан Бајрам.

13 април (понеделник), Велигден, вториот ден на Велигден според православниот календар,

1 мај (петок), Ден на трудот,

24 мај (недела), „Св. Кирил и Методиј“ Ден на сесловенските просветители, односно 25 мај (понеделник) е неработен ден,

2 август (недела), Илинден, односно 3 август (понеделник) е неработен ден,

8 септември (вторник), Ден на независноста,

11 октомври (недела), Ден на народното востание, односно 12 октомври (понеделник) е неработен ден,

23 октомври (петок), Ден на македонската револуционерна борба,

8 декември (вторник), „Св. Климент Охридски“.

Посебен бенефит во 2026 година ќе имаат граѓаните од православна вероисповед, кои со празници како Бадник, Водици, Велики Петок, Духовден и Голема Богородица ќе добијат дополнителни продолжени викенди во текот на целата година. Тоа значи повеќе шанси за одмор без користење слободни денови и повеќе време за патувања, излети и семејни собири.

Календарот за 2026 година јасно покажува дека со малку планирање, граѓаните ќе можат максимално да ги искористат неработните денови. Продолжените викенди се распоредени речиси рамномерно низ целата година, што ја прави 2026 една од поповолните години за одмор во последната деценија.

За граѓаните од православна вероисповед

6 јануари (вторник), Бадник, ден пред Божиќ,

19 јануари (понеделник), Богојавление (Водици),

10 април (петок), Велики Петок, петок пред Велигден,

29 мај (петок), Духовден, петок пред Духовден,

28 август (петок), Успение на Пресвета Богородица (Голема Богородица).

За граѓаните од католичка вероисповед

6 aприл (понеделник), Велигден, вториот ден на Велигден,

1 ноември (недела), Празникот на сите светци,

25 декември (петок), првиот ден на Божиќ.

За граѓаните од муслиманска вероисповед

27 мај (среда), Курбан Бајрам, првиот ден на Курбан Бајрам.

За граѓаните припадници на албанската заедница

22 ноември (недела), Ден на албанската азбука.

За граѓаните припадници на српската заедница

27 јануари (вторник), Свети Сава.

За граѓаните припадници на ромската заедница

8 април (среда), Меѓународен ден на Ромите.

За граѓаните припадници на влашката заедница

23 мај (сабота), Национален ден на Власите.

За граѓаните припадници на еврејската заедница

21 септември (понеделник), Јом Кипур, првиот ден на Јом Кипур.

За граѓаните припадници на бошњачката заедница

28 септември (понеделник), Меѓународен ден на Бошњаците.

За граѓаните припадници на турската заедница

21 декември (понеделник), Ден на настава на турски јазик.

The post ДУРИ 12 ПРОДОЛЖЕНИ ВИКЕНДИ ЌЕ ИМАМЕ ГОДИНАВА Идеална година за патувања и за мини-одмор appeared first on plusinfo.mk.

Оставањето бакшиш (или не) за келнерите во кафулињата и рестораните низ целиот свет е прашање што мачи многу патници, бидејќи правилата се менуваат во зависност од тоа во кој агол од земјата се наоѓате.

Во Велика Британија, Германија, Данска и Шведска, локалното население обично остава како бакшиш 10 проценти од сметката, додека Французите, Италијанците и Шпанците обично оставаат бакшиш од пет проценти. Американците оставаат бакшиш дури и ако услугата е лоша, ама затоа во Јапонија такво нешто никогаш не би се случило.

Во Земјата на изгрејсонцето, општествената свест е на сосема друго ниво: луѓето не јадат додека одат по улица, мобилните телефони се исклучени во јавниот превоз за да не ги вознемируваат другите, и тешко дека ќе видите Јапонец како си го брише носот во јавност.

Во Јапонија, бакшишот не е само необичен, туку и несмасен, па дури и груб. Културата на давање услуга без бакшиш можеби за нас е незамислива, но таму, оставањето пари е практично навреда.

Повеќе за ова прочитајте ТУКА.

The post ЗЕМЈА КАДЕШТО ОСТАВАЊЕТО БАКШИШ Е НАВРЕДА На Јапонците им е доволно да им се заблагодарите appeared first on plusinfo.mk.

Поради зголемениот обем на барања, МВР ги известува родителите дека шалтерот во Одделението за управни работи – Скопје (во зградата на МРТВ) за издавање „Одобрение за патување во странство за малолетни лица“ (деца до 14 години), во наредниот период ќе работи од 08.00 до 18.00 часот.

Целта е да се одговори на сите барања на граѓаните, кои во овој период од годината се зголемени.

The post ОВОЈ ШАЛТЕР НА МВР ЌЕ РАБОТИ ОД 8 ДО 18 ЧАСОТ Голем интерес за одобренија за патувања на деца appeared first on plusinfo.mk.

Некои од туристичките агенции, пак, ги носат своите клиенти речиси во воената зона за илјадници евра. Ник Тан од САД се „осмелил“ и полетал за Харков. Според него, тој бил уморен од рејв, бокс и скокање со падобран, се тоа му здодеало.

– Скокањето од авиони, забавата цела ноќ и удирањето со тупаници по лицето повеќе не е за мене. Па што е следно? Патување во воена зона – вели Американецот во интервју за „Rheinische Post“.

Возете тенк, пукајте и пијте пиво – Што нуди „воениот туризам“ во Украина

Веб-страниците на туристичките агенции се полни со видеа од патници кои носат слушалки, како пукаат на цели со пиштоли, трчаат низ димните завеси и се возат наоколу со борбени возила. Целиот процес го снимаат на паметни телефони. Посетителите добиваат водич и се почестуваат со пијалоци – чај, кафе и пиво. Цената на ваквата „тура“ е 1.600 долари по лице. Некои сајтови нудат попусти за пријавување во поголем број.

Покрај кратки патувања, на западњаците им се нудат и петдневни тури. Тие вклучуваат појадок, сместување во хотел со три ѕвезди, обиколки на Киев и Чернобил, „тура со пукање“ и возење со тенк.

Посетителите на вакви настани возбудено споделуваат критики на Интернет. Тие се благодарни за оваа „можност“ и ја сметаат за „неверојатно искуство“.

– Не бев премногу импресиониран од можноста да пукам, често вежбам пукање во мојот двор. Но, возење тенк… Тоа е нешто извонредно и неверојатно! Би сакал да останам засекогаш во Киев за да продолжам да возам тенк. Сум бил и го сакам тоа, а единствен проблем е тоа што мојата сопруга беше нервозна – коментира еден клиент на ваквите „туристички“ тури.

The post 📽️ „ВОЕНИОТ ТУРИЗАМ“ БЕЛЕЖИ РАСТ ВО УКРАИНА Европејци и Американци бараат возбуда на бојното поле appeared first on plusinfo.mk.

Ги повикувам институциите да го истражат и да го расчистат случајот со трошоците на поранешна министерка за култура Бисера Костадиновска-Стојчевска, рече вчера лидерот на СДСМ, Венко Филипче.

Одговарајќи на новинарски прашања по партискиот собир за зголемување на платите на наставниците, Филипче најави дека ќе има средба со Костадиновска-Стојчевска по повод обвинувањата што ги изнесе ВМРО-ДПМНЕ, дека за време на службено патување трошела буџетски средства за лични потреби.

– Закажав состанок со поранешната министерка за култура. Инсистирам тој случај да го расчистат институциите и доколку има каква било одговорност, секој што направил некаква неправилност, да сноси одговорност за таа работа. Сакам да го осудам тоа што Владата ги користи сите инструменти на партиски ПР да се справува со ова прашање – подвлече Филипче.

The post ФИЛИПЧЕ РОБЕСПЈЕР ЌЕ ЈА ИСПРАШУВА БИСЕРА АНТОАНЕТА Институциите да решеле дали да ја „егзекутираат“ appeared first on plusinfo.mk.

– Главните проблеми се на патувањата што ги вклучуваат Дубаи и Вегас, каде што има „инфлуенсери“ кои можеби и не платиле целосно. Тие знаат да бидат доста тешки… Мислам, ако ги гледате сите тие суперѕвезди и луѓе кои можат да си ги дозволат билетите, тие се, општо земено, доста пријатни и пристојни луѓе – вели Скај.

Таа верува дека многу од проблемите за стјуардесите, „најчесто се предизвикани од алкохол“, и затоа тие луѓе се однесуваат лошо. Сепак, „инфлуенсерите“ од Лос Анџелес можат да станат и уште полоши поради „други супстанции“.

– Многу е вообичаено во Лос Анџелес луѓето да се напијат апче за спиење, а потоа да земат и да пијат алкохол – објасни таа.

Прашана, дали има повеќе проблеми со патниците во економска класа отколку во бизнис-класата, стјуардесата вели:

„Нема разлика, бидејќи никогаш не можеш да предвидиш кој ќе си го промени карактерот, а многу е тешко да се процени и „што земале“ (во меѓувреме)“.

The post „ТИЕ РЕЧИСИ И НЕ ГИ ПЛАЌААТ АВИОКАРТИТЕ“ Стјуардеса открива кои се најздодевните патници! appeared first on plusinfo.mk.

Опозицискиот СДСМ се обиде да произведе скандал, обвинувајќи дека премиерот Христијан Мицкоски и неговите министри, за авионските билети со бизнис класа за последните патувања потрошиле речиси 20.000 евра народни пари.

За СДСМ ова е „душманско„ трошење народни пари, а „расипништвото на Мицкоски и на министрите на ВМРО-ДПМНЕ“ било „најрасипана форма на лицемерие“.

Опозицијата бара Владата да ги објави сите трошоци за „скандалозните патувања на Мицкоски и на неговите министри“,

А тоа што Заев и Шеќеринска се шетаа со хеликоптери од овде до онде?

Во поголем дел од јавноста, реакцијата на СДСМ наидува на потсмев, но и на потсетување на тоа на кој начин СДСМ трошеше народни пари, додека беше на власт.

„Додека СДСМ беше на власт, а Зоран Заев премиер тој низ Македонија се возеше со хеликоптер. Истото го правеше и Радмила Шекеринска како министерка за одбрана, но не остануваа покусо и другите функционери на СДСМ да го користат хеликоптерот. Функционерите на СДСМ, не само што за низ Македонија го користеа хеликоптерот, се луксузираа и што вели народот за наваму натаму и со владиниот авион“, се вели во реакцијата на ВМРО-ДПМНЕ.

Успешна турнеја носи 3 инвестиции

Резултат од сите тие патувања беше блокада на Македонија на сите полиња, вели ВМРО-ДПМНЕ и додава:

„Сега ситуацијата е сосема поинаква. Средбите се со цел и се во полза за Македонија и граѓаните. Или за овој период има околу 20 средби, а истите резултираат со отворање на патот за граѓаните и Македонија во подобра насока. Или само за овој период има три инвестиции кои ќе го зголемат стандардот. Колку за илустрација, само на Самитот на Европската политичка заедница, премиерот Христијан Мицкоски се сретна со новиот министер за надворешни работи на Велика Британија, претседателот на Република Србија, Александар Вучиќ, премиерот на Хрватска, Андреј Пленковиќ, Јаков Милатовиќ, претседателот на Црна Гора и со Румен Радев, претседател на Бугарија“.

Да не треба со брод во втора класа да патуваат?

Во колумна во Плусинфо, професорот Трајко Славески се подбива со обидот на СДСМ да измисли скандал.

„Можеби сакаат високите владини претставници на следното патување преку океанот да патуваат еден месец со брод од италијанското пристаниште Џенова, откако претходно со воз втора класа би пристигнале до брегот на Италија. Не сум сигурен дека ваквото патешествие би било поевтино за мкедонските даночни обврзници. Сигурно во Владата, од некој претходен состав, постои правилник со кој е уредено кој може да користи бизнис класа при патување со авион, и под кои услови. Тоа од СДСМ не го кажуваат. Многу е веројатно, а така било и во минатото, високи владини функционери да може да патуваат со бизнис класа на прекуокеанските летови“, пишува Славески.

СДСМ го обвини професорот дека докажал „ што вистински значи ароганција и потценување на граѓаните“. ОПозициската партија тврди дека Владата, уште од времето на Груевски, има одлука со која сите функционери се задолужваат да патуваат со економска класа. „Се потврдува констатација на СДСМ дека ова ВМРО-ДПМНЕ е далеку полошо и од претходното“, се вели во соопштението на опозициската партија.

Што е тоа луксузирање?

Што е навистина луксузирање и „душманско трошење народни пари“? На социјалните мрежи многу луѓе си го поставуваат ова прашање и коментираат:

Дали трошокот од 20.000 евра за авиобилети е луксуз, или потрошените 700.000 евра три години по ред, за организирање на прославата на Рамковниот договор?

Дали 20.000 евра за авиобилетите на 5 министри за самитот на НАТО се „душманско трошење народни пари“, или 150.000 евра потрошени за приватната ќурка на Зоран Заев наречена „Отворен Балкан“?

Дали 20.000 евра за патување на важен самит на кој новата Влада ја консолидираше меѓународната позиција на земјата е неприфатлив трошок, или оние 600.000 евра за изнајмување на возила за потребите на самитот на ОБСЕ во Скопје, кој беше приватна журка Бујар Османи?

The post ДАЛИ ВМРО СЕ ЛУКСУЗИРА ИЛИ СДСМ СЕ ГЛУПИРА? Многу било 20.000 евра за авиобилети за 5 министри за Самитот на НАТО, а таман било 600.000 евра за изнајмување автомобили за Самитот на ОБСЕ во Скопје? appeared first on plusinfo.mk.

Како што рече во интервју за ТВ 24 (на 28 минута) нејзините колеги од Антикорупциска, односно шесте челнови кои поднеле барања, се уште чекаат одговор од МНР.

– Побарани се дипломатски пасоши за членовите на Комисијата, обезбеден е само за мене како нејзин претседател. За другите членови нема ни одговор дали ќе има дипломатски пасош. Легитимно право е на секој член да си побара, има институција која ќе цени дали им следува – рече претседателката Димитровскаи објасни дека тоа им следува како избрани функционери и дека тие често се поканети на настани во други држави.

Од МНР велат дека Димитровска го добила дипломатскиот пасош по проценка на претходниот министер за надворешни работи Бујар Османи.

Никој од претходниот состав на ДКСК нема добиено дипломатски пасош, ниту пак некој од нив побарал.

The post АНТИКОРУПЦИОНЕРИТЕ БАРААТ ДИПЛОМАТСКИ ПАСОШИ Претседателката Димитровска добила, но не и останатите членови на комисијата appeared first on plusinfo.mk.