Кремљ соопшти дека додека леталото се обидело да слета во Грозни, украинските беспилотни летала ја нападнале Русија, а руските сили за воздушна одбрана ги одбиле нападите.

– За тоа време Грозни, (градот) Моздок и Владикавказ беа нападнати од украинско борбено беспилотно летало, а руската противвоздушна одбрана ги одби овие напади – му рекол Путин на Алиев, без да наведе дека руската противвоздушна одбрана го погодила авионот, известува Гардијан.

Во соопштението на Кремљ се вели: „(Претседателот) Владимир Путин се извини за трагичниот инцидент што се случи во рускиот воздушен простор и уште еднаш изрази длабоко и искрено сочувство до семејствата на жртвите и на повредените им посака брзо закрепнување. Во разговорот, беше забележано дека азербејџанскиот патнички авион, кој оперирал според неговиот распоред, постојано се обидувал да слета на аеродромот во Грозни. Во тоа време, украински беспилотни летала го нападнале Грозни, Моздок и Владикавказ, а руските системи за воздушна одбрана ги одбија овие напади“.

Алиев му рекол на Путин дека патничкиот авион бил изложен на надворешно физичко и техничко мешање во рускиот воздушен простор, дека целосно изгубил контрола и бил пренасочен кон Актау, додава Ројтерс.

Да потсетиме, откако беа објавени фотографиите и видеата од урнатиот авион, на кои се гледаат шрапнели, многумина се посомневаа дека руски проектили го собориле авионот. Претходно, Росавија го наведе „јато птици“ како причина за авионската несреќа.

Инаку, најмалку 38 лица загинаа, а 29 преживеаја откако авионот „Ембраер 190“ се урна во средата при принудно слетување во близина на Актау, Казахстан, за време на лет од Баку до градот Грозни во Чеченија.

The post ПУТИН МУ СЕ ИЗВИНИ НА АЛИЕВ Рускиот претседател жали за соборениот азербејџански авион appeared first on plusinfo.mk.

Редици автомобили долги по два километри се создадоа попладнето и вечерва на граничниот премин Табановце кон Србија, објави Алсат.

Автобусите чекаат од три до пет часа за да ја минат границата, а патниците, кои главно се враќаат во Македонија за новогодишните празници, се револтирани, пишува Алсат.

Според дел од патниците, има и автобуси кои поминуваат веднаш, без чекање, додека некои чекаат со часови.

Гужвата почнала да се создава околу пладне и оттогаш само се влошува, велат патниците.

The post СО ЧАСОВИ СЕ ЧЕКА ЗА ВЛЕЗ ВО МАКЕДОНИЈА На Табановце редици долги и по два километри appeared first on plusinfo.mk.

Според податоците од грчката Агенција за цивилно воздухопловство, во периодот јануари – август 2020 година, бројот на патници на грчките аеродроми, достигнал до 13,4 милиони, наспроти 44,9 милиони истиот период лани.

Намалување има и во бројот на летовите, од 368.414 лани, на 161.180 оваа година.

Во месец август годинава, намалувањето на патничкиот сообраќај е 55,7 отсто во споредба со лани.

Регистрирани се 4.539.902 патници, наспроти 10.238.414 во август 2019 година.

Во однос на летовите, минатиот месец имало за 41,4 проценти помалку од лани.

– Статистичките податоци од сите аеродроми во земјата ги одразуваат негативните ефекти од пандемијата на Ковид-19. Карактеристично е што пад на патничкиот сообраќај има шести последователен месеци, соопштуваат од Агенцијата за цивилно воздухопловство.

The post За осум месеци пад од 70 проценти на грчките аеродроми appeared first on plusinfo.mk.

Од Министерството за внатрешни работи соопштија дека од денеска па се до 04.08 (вторник) ќе биде затворен граничниот премин „Ники“ од грчка страна за сите патнички и товарни возила.

Во известувањето до граѓаните од МВР велат до граничната служба на граничниот премин „Меџитлија“ од страна на грчката гранична служба од граничниот премин ,,Ники“ , а во врска со новите протоколи на грчката влада за рестрикитивни мерки за ковид-19, доставено е известување дека грчкиот граничен премин ,,Ники“ ќе биде затворен за патнички и товарен сообраќај во периодот од 22.07 (среда) од 00.00 часот до 04.08.2020 (вторник).

Па така сите патнички и товарни моторни возила што планираат да остварат влез и излез од и во Грција во наведениот период, тоа ќе може да го остварат на грчкиот граничен премин ,,Евзони“.

The post Грција го затвори граничниот премин кај „Меџитлија“ appeared first on plusinfo.mk.

Трагичната сообраќајна незгода кај Ласкарци минатата година, во која загинаа 16 луѓе е повод за темата на емисијата „5 минути факти“, чија втора епизода се емитуваше сношти на Канал 5. Емисијата се емитува секој понеделник од 18 часот во вестите на Канал 5.

Сè уште не е јасно зошто по примерот на превозникот „Дурмо турс“ , истите такви фирми имаат и фирма за превоз со автобуси, но имаат и фирми за технички преглед. Екипата на „5 минути факти“ го отвори прашањето: Што се презема за безбедност на автобускиот превоз? Сè уште не постои закон со којшто се забранува фирма превозник да биде и раководно лице во станица за вршење на технички преглед.

Свое видување на темата даде адвокатката Бисерка Муратидис Андонова. Екипата на „5 минути факти“ објави податоци за контролирани автобуси и други возила кои вршат јавен превоз.

Новинарите на „5 минути факти“ беа на терен, заедно со сообраќајната полиција која вршеше контрола, прегледувајќи ја техничката подготвеност на возилата.

Според МВР, 68 сообраќајни незгоди се настанати поради грешки на возачи на автобуси во 2019 година.

Целата емисија можете да ја погледнете на Фејбсук профилот на Канал 5, на следниот линк:

The post Имаме ли безбеден сообраќај: Втора епизода на „5 минути факти“ appeared first on plusinfo.mk.

За таа цел, специјализиран тим, денеска ги дезинфицираше возовите што моментно се во оптек, поточно четирите гарнитури и четирите вагони кои превезуваат патници на различни релации.

Акцијата започната денес за превентивна дезинфекција против ширењето на овој вирус, ќе се повтори и во иднина, по потреба.

The post Дезинфикација на патничките возови против коронавирусот appeared first on plusinfo.mk.